محمد وسلمو علينا واحد اسمو وصفي وواحد اسمو وجدي شكلو شغالين معاهو شكلهم حلوين شديد وراقيين ل ابعد حد سلمو علينا وطلعنا محمد اتأخر لمن طلع قال لينا صحبي وصفي جاتو الحاله شكلو اتعصب من شي قلت ليهو حاله؟ حاله شنو قال لي عندو صرع أو ممكن نقول كهرباء زايده لمن يتعصب بتجيهو إلا يبلع الحبوب قلت ليهو ي حرام ... امي قالت لا حول الله ربنا يشفيهو
وركبنا العربات وجينا البيت كان يوم ولا في الاحلام رجعت كتبت احلي يوم مع احلي عائلة ونزلتها ف الفيس جاء نفس الولد قال لي كل عام وكل ايامك حلوه قلت ليهو امين ي رب تسلم يداب انتبهت انو اسمو "وصفي"
يلا م ختيت احتمال انو يكون وصفي القابلتو نهاي قلت تشابه أسماء يلا عدت الأيام وانا نفس الروتين وانا مجنونه شديد بحب اكتب بوستات مجنونه ف الفيس مره حب مره زعل مره حزن مره ردحي ع حسب الكديسه المركباها. .. م علينا كان وصفي كل مرة برسل وبسأل مني ظريف م بقصر. .. قلت ي ربي مالو مختفي خير فتحت صفحتو لقيت واحد منزل ف صفحتو ربنا يشفيك وان شاء الله تقوم لينا ب السلامه اتخلعت طوالي رسلت ليهم م جاني رد طوالي اتصلت ل مؤيد" مؤيد صحببببي شديد درسنا الجامعه سوا وشغالين ف نفس الشركه كلب خلاص لكن بريدو " قال شايفني كأني راجل مافيني اي احساس ومشاعر مسميني حسبو حيوان كلب اتصلت قال لي حسبو الخبر وانجزي عايزه شنو قلت ليهو غلطانه انا البتكلم مع كلب زيك قال لي امممممم عارفه بقفلو الخط من وين ولا بكره اعلمك قلت ليهو اتلهي اسي قلت ليهو ميدوو قال لي امممممممممم المصلحه شنو سريع بفهمني قلت ليهو انا مش اختك اعزمني ع شاورما قال لي أولا اخوي مش اختي ثانيا ماف مانع بعزمك لكن ع حسابك كعب كعب شديد قلت ليهو خير اصلا م راجيه منك شي يلا نتلاقي قال لي باي حسبو طبعا لمن أكون زهجاااانه أو متوتره لازم انا ومؤيد نمشي ناكل ف مكان زول ثككككره بقطع مصاريني ب الضحك يعني عسسل مع انو يومي معاي ف الشغل لكن الوحيد البعدل مزاجي المهم ...
قعدت اقرأ بحب أقرأ الكتب شديد كنت بقرا ف كتاب اسمو "شوق الدرويش" اروع كتاب جاني مسج ماسنجر فتحتو لقيت وصفي المهم سلم علي وسألتو خير مالك مختفي قال لي تعبان شويه كنت اسي كيف قال لي بخير واختفي تاني ...
استمرينا نتكلم ونتونس واتعودت عليهو شديد لازم اتونس معاهو يومي ظرييييف شديد هو لكن مرات بكون زي التعبان بتونس من آخر نفس ليهو ...
جاء يوم الطلعة مع ميدو جاء البيت طبعا ماف احترام نهاي دخل سلم علي امي ولقي محمد قال ليهو حسبو وين قال ليهو بتلبس اقعد اشرب الشاي لحد م تجي قال ليهو بررررري انا مويه م عايزها أكل ع حساب حسبو من امبارح انا جعان عشان عزومه الليله كلب سعران بقي يكورك حسسبو حسسبو اطلعي تطلع روحك ي بعيد قالت ليهو قدامي يلا حمودي قال لينا انا طالع اصلا وصلوني عربتي ف التصليح اتخارجنا وصلنا محمد مشي لكن قال بجي راجع اتونسنا اكلنا أكل الجن م خلينا شي قال لي أنا اقسسم بالله م مسميك حسسبو من فراغ فهماااااااني قلت ليهو عندي ليك شمار قال لي احكي حكيت ليهو قصتي مع وصفي من طقطق ل السلام عليكم ... بقي شغال لي اممممممممم امممممممممم زي الزول العندو ازمه قلت ليهو انجز أخلص قال لي م عارفه أقول ليك شنو لكن دا فيس بوك يعني م تضمني اي زول والسلام يعني ختي حساب اي شي تمام وتأني شي احتمال هو صح مريض شوفي هو مالو عندو شنو وتالت شي احتمال تكوني حبتي لكن برضو م تحبي اشغلي نفسك ب أي شي عشان م تحتكي بيهو صحبي الزيت بفهمني وعارفني مع انو غياااااااط لكن هو الوحيد البقدر اتقبل النصيحه منو فهمت وقلت ليهو خير قال لي سمح اتلهي واكل بكلمني ب لغه اني ولد مؤلم ... طبعا هو خاطب وخطيبتو لو قالو ليها اسم زينب ساي زي الكشحو فيها مويه نار حاااااااااااااامضه م بتنبلع لكن اعمل شنو عشان ميدو والله بحبها بياكل ويدو مليانه التلفون ضرب قال لي ردي رديت مروه قالت لي انتي منو وشايله تلفون مؤيد ليهو قلت لي استكيني ي بيبي انا زينب وميدو بعد يخلص برجع ليك البت بقت تكورك قفلت الخط ف وشها مؤيد قال لي والله ماف زول ح يفسخ خطوبتي غيرك قلت ليهو حيوانه هي اعمل ليها شنو هههههههههه اسي ب حنك حنكين براضيها عشان كان عادي ...
خلص أكل والحيوان خلاني ادفع انا شهامه ماف جاء محمد عارفين جاء منو جاء الولد وصفي* م عارفه حسيت انو دا نفس وصفي الفي الفيس ... سلمو علينا وقعدو
محمد قال لي ميدو الأكل سريع حمر ليهو حميره قال ليهو زوبا هي العزمتني ع الأكل محمد قال ليهو عليك الله م تخجل بكل نفس فاتحه تقول زوبا عزمتني قعدت اضحك "بقولو ضحكتي حلوه عندي سنون مردفه فوق بعض احتمال دا السبب المهم عاينت لقيت وصفي سارح فيني قرب ياكلني لمن خجلت قلت احم حتي الولد زح عيونو محمد وميدو بتشاكلو قلت ليهم خلاص خلاص انت عايز شنو ي محمد قال لي امممممممممم قلت ليهو أنجز ي ابوي قال لي بيتزا وبيبسي غمزت ل محمد نوع قول لي صحبك عايز شنو قال ليهو احم اها وصفي عايز شنو عاين ف صحني قال لي انت اكلتي شنو قلت ليهو انا قال لي أي قلت ليهو شاورما فراخ قال ليهو عايز نفسها لكن عايز ليمون اجي ي المحاكاه قلت ليهم زيت ثواني بس مشيت طلبت ليهم طبعا المره دي ميدو الكلب هو الحيدفع ح ادبسها فيهو جيت راجعه قعدو بتونسو وياكلو وصفي قال لي اسمك منو؟! عايزه اجاوب ميدو قال ليهو اسمها حسبو كلب خلاص حمرت ليهو قلت ليهو زينب قال ل عاشت الاسامي قال لي ميدو انت مسميها حسبو لي ؟! قال ليهو زي زيك واحد لا عندها إحساس لا كرامه لا مشاعر عملت روحي زعلت قلت لي محمد انت م شايف الحيوان دا بقول في اختك شنو قال ليهو ميدو اقعد سساي اختي م برضي فيها قعدو يضحكو الولد لسه مركز معاي كل م اضحك يعاين لي شككني ف نفسي واحنا طالعين قلت ليهو ح امشي الحمام اول شلت حاجاتي وطلعت برا ووصفت ل الراجل قلت ليهو شفت الولد الابس قميص كحلي دا التشيل منو القروش كلهم طلعو إلا ميدو وانا ميته من الضحك وصفي محمد لمن لاحظو قالو لي مالك قلت ليهو ثواني وح تعرفو جاء ميدو طالع قال لي ششششكيتك ع الله الله بس البشيل لي حقي دموعي لمن جرت من الضحك قلت ليهو عشان تاني تتكالب معاي وهم زاتهم ماتو من الضحك
ميدو ركب عربتو ومشي محمد جاء ب عربيه وصفي عشان لسه عربيتو ف التصليح ركبت وراء ف حاجات ف الكرسي القدام حتي وصفي ركب معاي وراء ومحمد سايق كلنا ساكتين لاحظت وصفي شايل ورقه وقلم كتب فيها كلام لكن م انتبهت ليهو قلت ليهو حموووودي قال لي اممممممممم انجزي قلت ليهو نضارتي ف المركز مفروض استلمها الليله ممكن توديني قال لي افكر قلت ليهو خليتها شكرا عملت زعلانه ... وصفي قال لي نظرك ضعيف ولا شنو ؟! قربت اقول ليهو لا لا قلت ادب مني ساي عملت نضاره سؤالك غبي قلت ليهو ايون لابسه عدسات اسي لكن بكره آخر يوم ليها لازم اجددها قال لي تمااام هدؤؤؤؤ غريب فيهو مره يعاين لي ومره يعاين ف تلفونو نزلت اجيب النضاره وجيت شكلو خت لي الورقه ف جيب الشنطه البرا ووصلنا وصلوني وصفي ساق عربيتو ومشي واحنا دخلنا امي قاعده تشرب ف الشاي قلنا ليها اششششي ع المزاج قالت لينا بطلو بكشش محمد قعد يتونس معاها انا طلعت اخد دش بعد خلصت الاحظ ليك ف ورقه بيضاء ف الشنطه فتحتها لقيت وصفي كاتب " ضحكتك ششفاء للناس ... عشان كدا عمرك م تبطلي تضحكي خليك دايما سعيده" ي سسسلام كيفني ششديد وبقيت بتبسم زي المجنونة والعجبني اكتر انو م كتب رقمو ولا حاجه زي حركات الاولاد التانين
قمت انا نزلت نفس الكلام ف الفيس ....
كتبت نفس الكلام قلت ي سلام ف ناس ممكن تكمل لي يومك ب رسالة مجهوله بعديها نزلت ليهم تحت قعدنا اتونسنا م خلينا شمار م قلنا جاء أحمد حبيبي برأي قال لي ي بكاااااشه قلت ليهو انا يخس عليك قلت ليهو ياخ انا بحبك اكتر من محمد محمد حمر لي قالي لييييييك يوم قلت لهم لا لا بحبكم الاتنين الوقت اتاخر طلعت عشان انوم قلت اشوف البوست بتاعي جاب كم لايك لقيت كتتتتير تقريبا كم و40 لقيت وصفي كاتب كدا .... نقاط ودخلت الخاص لقيت مرسل كتير ي بت انتي اخت محمد انتي زينب قلت ليهو ايون انت من م عرفتك بتعرفني يعني بتعرف اخوي قال لي ي بت انا وصفي القبيل كنت معاكم احححححححح قلبي قال شششح قلت ليهو عليك الله اها تمام وخجلت خجل قلت بقول اسي ع خفيف اني نزلت البوست المهم بقي يتونس ونهاي م جاب سيره الورقه قلت ليهو نعست بكره شغاله قال لي تمااام تصبحي ع خير وانت من أهلو ونمت ع كدا
انبسسسطت شديد الولد وشو سسعاده ماشاءالله تحس وشو منور المهم طيب ششديد نمت ع كدا عدا أسبوع ع الحاله دي نفس الموال وصفي ونسه وضحك وشغل ماف جديد وميدو كل يوم بفقع ف مراراتي زياده جاء يوم حمودي قال لي امي انا عازم أصحابي يوم جمعة فطور وغدا قالت لا بالله عرسك ولا سمايه ولدك عشان فطور وغدا كتمت الضحكه قال لي عليك الله ي امي ح اجيب لي أي حاجه عايزاها وزوبا ح تساعدك قال لي مش كدا زوبا قلت ليهو اكيد لكن ب مقابل قال لي حيوانه بتعرفي تستغلي المواضيع صح قلت ليهو طيب م بساعد انت حر قال لي خلاص خلاص نتكلم ف موضوع المقابل بعدين قال لي امي اسي اطلعي معاي عشان نجيب الحاجات العايزاها عشان بكره م تعزبوني قالت ليهو تمام امي مشت خلوني براي أحمد جاء داخل قلت ليهو تأكل حاجه قال لي احشي لي سندوتشات بس قلت ليهو ثمح ... حشيت ليهو ول روحي قال لي تعالي اقعدي نتصارح قلت ليهم اجي ي التصارح قال لي اقعدي قلت ليهم ثمح قعدت وقعدنا نأكل قال لي ي زوبا اسي اسالك انتي نهاي م عندك زول بتحبيهو قلت ليهو انا لا ماف خجلت من السؤال طبعا قال لي ي حمااااااره انا اخوك اعتبريني صحبتك أو اختك احكي ل اي حاجه واعتبريها صندوق ل اسرارك قلت ي بت تقولي وتسالي تجيبي من خبرتو يلا حكيت ليهو قصتي مع وصفي من الألف الي الياء وكمان كلمتو انو هو صاحب محمد وحكيت ليهو اي شي قال لي هو شكلو راجل انو لل اسي م طلب رقمك معانتها بجد بعز محمد شديد عارف انو العرض شنو قال لي احتمال تكوني بتحبيهو لكن انتي لسه متأكده عشان كدا اصبري لمن تتأكدي قلت ليهو م حكايه حب لكن حكايه انا بقدر اتفاهم معاهو كويس يعني زي البنفهم بعض قال لي امممم طيب نشوف البحصل قال لي أوع تكلمي محمد قلت ليهو اصلا محمد م بسألني كدا يعني اكيد م بعرف قلت ليهو هو جاي بكره مع أصحاب محمد احتمال تلاقيهو قال لي تمااااام ومنو اتعرف عليهو واشوف حنكو قال لي خالدة زعلانه مني اعزميها بكره عايز اصالحها قلت ليهو بس كدا عيوني ليك ... ف ساعتها اتصلت بيها وفتحت الاسبيكر قلت ليهو خوختي قالت لي روحي انا أحمد قال لي واااي انا وهي بتقول روحي انا قلت ليهو اتلم ي قليل ادب قلت ليها مشتاقه ليك تعالي لي بكره لانو محمد عازم اصحابو قلت لي أحمد ح يكون قاعد؟ ؟ قلت ليها أحمد ليهو يومين مختفي قالت لي ليه قلت ليها لانو شغال قالت لي تمام بجي قفلت الخط قال تصبر لي بت الكلب بكره إلا اوريها قال لي هاك دي 50 حولي بيها رصيد قلت ليهو اححح انت اخوي الوحيد قال لي يلا برا قلت ليكم اخواني الزييييييت مشيت فتحت الفيس لقيت وصفي مرسل قال لي بكره جاي بيتكم ح تكوني قاعده قلت ليهو لا والله عندي كم شغاله لكن احتمال نتلاقي كذااااااااااااابه قاعده امشي وين عاد وانت جاي
وصفي شكلو زعلان لمن ملامح وشو متغيره حتي هو زاتو م سلم علي كويس طوالي فتحت تلفوني ولقيت تقريبا 30 رساله والمكالمات وجوووطه لقيت وصفي مرسل انتي كويسه ي بت حاصل عليك شنو ... انا تعبان ي زينب طمنيني انتي كويسه وأي لمن قلبي وجعني حرام علي طوالي رسلت ليهو قلت ليهو انا تمام حمدلله سوري كانت حاصلة لي ظروف فتح الرساله وبقي يعاين لي م رد لي نهاي سكت وواصلت اني سرحانه قالو أكل قلت ليهم عصير بس حتي م شربتو كلو محمد قال ليهم والله أختي ترفض الاكل اكيد ف حاجه م طبيعة فيها وشي لمن شاحب طوالي وصفي قال ليهو مالا؟؟ قال ليهم بري ليها 3 يوم ع الحال دا لا أحد يعلم وصفي قال ليهو اااااااها وسكت طبعا هو إنسان هادي لمن عوااااااره قال ليهم ثواني بس طلع رسل لي قال لي تعالي برا قلت ليهو محمد قاعد اكيد م بقدر اطلع قال لي زينب ح أقولها ليك مرة وحده بس تاني برا قلت اصلا انا غلطانه يلا اتصرفي إطلعي قلت ل محمد جايه راجعه طيب اتمشي حبه واجي قال لي اجي معاك قلت ليهو لا لا م ماشه بعيد مشيت رسلت ليهو قلت ليهو وين؟! قال لي أنا ف العربية عشان م تحصل ليك مشكله مع محمد .... ولو عادي انا بجيك قلت ليهو لا احسن العربيه مشيت ركبت فاتح كان موسيقه هااااادئه قال لي كيفك .. قلت بخير .. قال لي خير مالك كنتي مختفيه ؟ الولد بعاين ل ف عيوني م عايز ينزل عيونو وترني قلت ليهو ظروف .. قال لي انتي عارفه انا ممكن اسمعك وانسي الكلام ف محلو!! عادي قول لو عايزه اصلا كان بجد نفسي زول يسمعني أحمد اخوي ف الشغل ليهو يومين وم عارفه ح يجي بتين حسيت روحي ح اطق قلت ليهو طيب بديت احكي ليهو انا لمن أكون متوتره بحرك يديني كتير وبضغط عليهم شديد يعني حاله توتر كامله وانا ف نص م بحكي مسك يدي اححححححححي انا جسسمي كلو برد قال لي انتي متوتره من شنو وليه جسمك حار ؟؟ المكيف شغال قلت ليهو اكيد من الطبيعي انا اتوتر واحنا قاعدين برانا وبنتكلم قعد يضحك ولسه ماسك يدي شديد بقلبي قلت ليهو شيل يدي زاتو م عايزها بس خليها معاك نسيت يدي معاهو ولسه مواصله ف الكلام بعد خلصت قال لي امممممم حكايه غريبه قال لي م بقدر اقول ليك حاجه إلا لمن تشوفي حاجه او تصرف غريب من مؤيد من ناحيتك شكلو الموضوع ضايقو لكن م بين لي كتير عشان كدا اختصر الموضوع قلت ليهو شكرا ليك بجد ارتحت كتير لمن اتكلمت مع زول قال لي العفو عايزه أنزل قلت ليهو وصفي قال لي ي بخت وصفي وأنتي بتقولي اسمو قلت ليهو يدي انا ماشه قعد يضحك قال لي سمح هاك يدك هههههههههه ضحكنا ونزلت وانا فرحاااااااااانه شديد بس شامه ريحتو هو رجعت ليهم محمد قال لي ماشاءالله حبه كدا روقتي قلت ليهو اي جاء وصفي بعديني ب 20 دقيقه عشان ماف زول يلاحظ....
يلا قعدنا بس شويه ... محمد عندو صحبو سغيل سغاله م بحبو اسمو عمر .. عمر جاء قعد جمبي ويتسساغل اها يعني لسه م عايزه تديني رقمك وكدا وطبعا قاعد جمبي وصفي شايفه وشو جاب ألوان ألوان قام اتصل لي يعني نوع ينبهني زحي وكدا ب قلبي انا هو انت مالك ي وصفي ازح ولا اقعد م اشتغلت بيهو طبعا محمد اخوي كان مشي الحمام ... طوالي الكلب مسك قلت ليهو زح يدك دي قال لي لا بقيت الوي ف يدي عشان يفكها أبا .. عاين ل وصفي لقيتو ملامح وشو متغيره قال ليهو عمر عمر بطل سغاله وزح من البيت تقريبا هو عارف وصفي كويس عشان كدا من قال ليهو طوالي زح يدو مشي قام زهجت وحسيت اني مضايقه .. ملاحظة انو وصفي زي الكان برجف لكن شال ليهو حاجه دخلها ف خشمو وسكت تاني بقي تمام محمد اتأخر شكلو مشي يحنك ليهو مع وحده .. خلي مفتاح عربيتو قلت ليهم محمد لو جاء قولو ليهو زينب شالت المفتاح ومشت البيت وطلعت بعديها ب دقيقتين وصفي جاء بقي بعاين لي جوووووه عيوني نوع انا مش اتصلت عليك ليه م زحيت حسيت عيونو كسرتني طوالي قعدت ابكي وصفي م عرف يعمل لي شنو ؟ شكلو لمن يشوف زول ببكي هو بتوتر شديد زي ما قلت ليكم عيان قال لي ت ت تعالي اركبي العربية وبرجف الولد انا لمن خوفي قال لي خلالاص اسكتي لاني م قادر م قادر اشوفك وانتي بتبكي حنني قال لي أنا طالب منك طلب واحد وممكن لو نفذتيهو لي والله تاني م اسالك ولا حتي اتصل علي ح أبعد منك !! قلت ليهو شنو قال لي عليك الله ي زينب بس احضنيني بس دا كل العايزو منك سجمي قلت ليهو اكيد انت جنيت أنزل من عربية طبعا بدون م يتكلم تاني طوالي مسكني حضني شدددددديد كمممممميه من الأمان والحنان م طبيعيه قليله ادب صح عارفه المهم انا زي اللساني اتربط م قدرت اقول ليهو زح مني خلاص بقيت تلجه زح مني وباس لي رأس قال لي يخليك لي فرحه وبسمة ف ايامي الجايه اشششششي ع الكلام قلت ليهو وصفي أنزل من العربيه نوع انا زعلت كذااااااااااااابه ي رابحه ولا زعلت انا متكيفه قال لي زعلتي قال ليهو وصفي لو سمحت أنزل قال لي اسف ونزل ف العربيه اتكششم لحد م وصلت البيت وصلت ل امي قال لي سجمي اخوك وين قلت ليهو بعيد عنك وعن السامعين خليتو بحنك ليهو ف مزه قالت لي ياهو دا الفالح فيهو .... طبعا وصفي اتصل 600 مرة م رديت والرسائل كميه م فتحت ...
يومين ع الحاله دي ... ولا حتي اتكلمت مع ميدؤ لانو م عارفه حسيت انو احتمال يطلع الكلام صح المهم بعد تلاته يوم اسمع ليك امي بتذغردو اجي ي بري مالكم بتذغردو قال لي الليله م يوم الهنا الليله ما يوم المني
قالت لي جاك عريسس
قلت ليها اجشششش عريس لي أنا وقعدت اضحك
قلت ليها ي امي عريس شنو دا منو الما عندو موضوع دا قال لي دا صاحب محمد اسم وصفي قال وأنا مخلوعه قلت ليها شنو شنو محمد قال لي ايون وصفي صحبي انتي عجبتيهو شديد وكلمني انو قاعد يتكلم معاك ف الفيس وهو عايزك ب الحلال واااي م جاديين قلت ليهم ... وخجلت بقيت قدر السمسمه قال لي اها موافقه ولا لا ... قال لي غايتو انا مطمن عليهو وهو صحبي من الجامعه وراجل وسادي مركزو احسن توافقي لانو شكلو بحبك شديد قلت ليهم اسألو أحمد لو أحمد قال ليكم موافق خلاص امي قالت لي أنا قلت ل ابوك وقال م عندو مشكله لو زول موثوق منو قلت ليهم تمام أهم شي أحمد أحمد حبيبي شديد ياخ والله م متخيله نفسي امشي اخليهو عشان كدا قلت ليهم لازم تسألو أحمد ... محمد اتصل ل احمد أحمد قال ليهو موافق عارفين أحمد وافق ليه ؟؟عشان انا اتكلمت معاهو ف قصتو قبل كدا طبعا عارفين أغرب حاجه شنو وصفي نهاي م اتصلي علي نهاااااااي بعد وافقت إلا اتصل ع محمد حددو يوم الخطوبه وخلاص وبعديها برضو م اتصل عليي ولا حتي رساله قلت ليهو خير ي طير وانا م اشتغلت بيهو الاسبوع عدا ويوم الخطوبه صحيت مشيت الكوفير حننت يديني ولبست فستان بني محروقه وسرحت شعري الخطوبه كانت ف البيت جاء أحمد ساقني حبيبي انا قلت ليهو أحمد أنفع اعرسك ماشاءالله هو جميييييييييييل شديد حمر لي قال لي برررررررري والله م ببدل زول عايز خالده قلت ليهو معفففن مشينا دخلنا البيت والحفله شغاله بعديها الناس تبارك .. جاء وصفي داخل ماشاءالله تبااااارك الله قربت أقوم اصفق ليه اتحمست شديد جاء قعد جنبي قال لي مبرووك لينا م رديت ليهو قال لي زعلانه مني انتي برضو م رديت الناس تزغرد وجوطه لبسنا الدبل قال ابوهو قال لي ي بتي ثواني عايزاك مشينا دخلنا جوا قال لي الف الف مبروك ليكم وربنا يتم ليكم ع خير قال لي وصفي دا بحسو مش ولدي بحسو أقرب صديق لي ... وأنا بقول لي عمرو وصفي م حب بت قدر كدا أو اتعلق بيها قدر كدا قال لي وصفي عيان عندو كدا كدا وبتعب دايما إلا يستعمل الحبوب لكن أقسم بالله ي بتي من انتي دخلتي حياتو بقي لو تعب أو ف حاجه غيرت مزاجو طوالي بتصل عليك بحسو انو شال نفسو وختاهو بحس انو مرتاح م عايز اي حبوب المطلوب منك اني تخليهو ينتظم ع حبوب لمه شهرين الحبوب دي متعبة صاح بتخيلوهو دايما تعبان ودايما م عندو نفس لو اتكلم مع الناس لكن لو خلصها انتي عارفه انو م ممكن تاني يجيهو اي شي ولا حتي يتعب ولا تجيهو الحاله قلت ليهو قول الله قعد يضحك قال لي أقسم بالله قلت ليهو طيب تمااااام خيير أن شاء الله قال لي نطلع وح اقول ليهم عقد عشان ح يحتاجك كتير شديد وم ممكن تكونو مخطوبين ودايما مع بعض قعدت ابكي قلت ليه لكن ابوي ماف معقول م يحضر عقدي قال لي ابوك قاعد بررره قلت ليهو والله ي عمر عثمان قال لي أنا بابا عثمان طلعت برا ولقيت ابوي جريت حضنتو لاني كنت مشتاقه ليهو شديد قال لي اها رأيك شنو ف المفاجأة قلت ليه وربي احلي مفأجاه قلت ليهم عملتوها كيف المأزون قال ليهم ي جماعه الوقت أتاخر ... مشو دخلو الصالون وانا طلعت الحفله احححححي وصفي مشي غير ل جلابية واااااااااااي من الجلابيه السمنيه اسسستغفر الله قال لي ابوي قال ليك شنو ؟ م رديت قال لي اصبري بس دخل وتم العقد وجات الناس تذغرد وامي تبكي وانا ابكي أحمد يبكي وأي اكتر زول حنني محمد العواليق يضحك
طوالي وصفي غير الدبله من اليمين للشمال وغير حقتي كمان م مصدقه بقي حلالي
بعد خلصنا الحفله مشينا اتصورنا قال لي ناس البيت انا عازمها عشاء قال ليهو مرتك وانت حر فيها وأي من الخججججل. طبعا دا كلو و ميدو م عارف
طبعا ف الأول اتردد امشي معاهو لكن كان م مشيت اقول ليهم م ماشه ليه... المهم ركبنا العربيه ونهااااي م اتكلمنا ساكتين مشينا عارفين وين شارع النيل اي والله لكن قبليها مشينا جبنا بيتزا وعصير قال لي أنا م عايز جوطه المطاعم والنقه حلو الجو اسي وماف جوطه لو م عجبك ممكن اديك اي مكان قلت ليه لا عادي مش في مكان ف شارع النيل في موقف عربات بس وقفنا فتح الشبابيك وقعدين اكلنا قال لي م مصدق انك حلالي وطبعا هو بياكل وبعاين لي م زح عيونو ولا ثانية عقدني م خلاني أكل قلت ليهو ب خجل والله ولا انا زاتي متخيله قال لي انا بتنفسسك انتي البت الكنت طوال عمري بحلم بيها والاخت الماحصلت حسيت ب شعورها وآلام الاتحرمت منها وأي م شفتو حنني كيف قربت ابكي قال لي عارفه انا اتقدمت لي ل اخوك ليه ؟! قلت ليهو ليه؟؟ قال لي عشان لو خسرتك كنت ح اموت ... وتأني شي عارف انو لو خليتك ل صحبك مؤيد كان اكيد ح يخليك تحبيهو وانتي روحي عارفه يعني شنو روحي اححححححححي ع. الكلام استغفر الله قلت ليهو بجد قلت ليهو هي نسيت انا أكلم مؤيد قلت ليهو ثواني بس طلعت تلفوني رسلت ليهو كلمتو نسيت وربي ... وصفي بحمر لي قال لي اممممممممم قلت ليهو خلاص خلاص قعدت اضحك قال لي ااااااه انا ماف شي بخليني انسي اي شي إلا ضحكتك دي قعدت اتبسم قال لي م حأسمعها منك قلت ليها هي شنو ؟؟ قال لي كلمه بحبك قلت ليهو انا م سمعتها منك لكن قعد يضحك قلبك انا بعشششقك مش بحبك بقيت اتبسم ههههههه غايتو اليوم داك خشمي وجعني من الابتسامات قال لي اها منزله راسي قلت ليهو انا ... قال لي دقيقه رفع لي راسي ب يدو قال لي عايني لي ف عيوني وقوليها ااااااخ انا م بقدر والله م بقدر قربت اغني ليهو قال لي يلا قلت ليهو ممكن اقول ليك شي اول قال لي قولي قلت ليهو عيونك النعسانه حلوه شديد قعد يضحك هههههه قال لي من زوقك ويلا انجزي قلت ليهو انا بحححببك مسكني طوالي باسسني ي سسسلام احاسيس كلها مع بعض ملخبطه م عارفه اعبر كانت ب الظبط دقيقه وم قدرت اقاومو بحبو وحلالي زح مني قال لي احم سكت م رديت جسمي بقي تتتتتتتلج قال لي ي روحي انا خجلانه انتي قلت ليه ممكن امشي البيت قال لي م تخافي اسي ماشين طوالي دور العربيه ومشينا لالالالالازم تجربو إحساس الحلال ماف زويو طبعا واحنا ماشين حكي ل عن مرضو والبحصل ليهو والحبوب البستعملها طبعا نهاي م قلت ليهو اني عارفه ... عملت روحي زي اول مره اعرف المهم قلت ليهو خير ولا يهمك وربنا الشافي ... وصلنا البيت نزل معاي قال لي دقيقة وقفت بأس لي راسي قال لي أن شاء الله اقدر اسعدك واكون ليك احسن زوج قلت ليهو وانا كمان أن شاء الله ي رب اقدر اسعدك واكون الزوجه البتتمناها طبعا دق الباب قال لي أحمد هاك امانتكم قعد يضحك أحمد قال ليهو تسلم ي رب أحمد كان صاحي بخلط
لقيت ليك خالده قاعده قالها اهااااا عرفت حنك انو أحمد يفتح لي الباب قال لي احم قلت ليها احمين يختي أحمد قعد يضحك قال لي دقيقه طلع فوق جري جاب لي سلسل مكتوب فيهو زوبتي حبيبي انا بأس ل راسي قال لي أن شاء الله يقدر يسعدك الشالك مننا وان شاء الله دايما تديم المحبه بيناتنا وأي لمن بكيت حضنتو بكيت قدرتي خالده قال لي احم انا بغير قلت ليهو أقسم بالله انت جايب ل وحده عاها ومتخلفه ف كميه الحزن الاحنا فيهو دا تقول لي أنا بغير قال لي هوي انا م برضي فيها قلت ليهو انتو الاتنين عواليق وغلطانه انا قعدو يضحكو طلعت فوق صليت العشاء وصليت معاها ركعتين حمدت ربي ع النعمه الانا فيها وع كل شي حسيت ب راحه وطمأنينة فجأه تلفوني اتصل رديت لقيتو دا مؤيد زززززززعلان وجايط ليه م بتكمليني وانا م صحبك وم قلتي انا اخوك لو اصلا متعبراني اخو ب النسبه ليك وهايج قلت ليهو ميدوو اصبر اسمعني قال لي م بسمع ولاشي قعدت ابكي ف التلفون اول مره ميدو يكون كدا هايج وزعلان اول مرة ف حياتي اسمع صوت هايج كدا من سمعني ببكي طوالي بقي يتكلم براحه قال لي خلاص خلاص م تبكي قلت ليهو انت م عايز تتفاهم ... قلت ليهو والله كل شي حصل فوق بعض والله م كنت فاضيه وجوطه شديد لكن اصلا حكيت ليك قبل كدا صح بيهو قلت ليهو انا زاتي وربي اتفأجات ب حكايه الخطوبه دي قال لي خير الف مبروك وربنا يتمم ليك ع خير ... وقفل الخط وأي ميدو لا ياخ م تزعل رسلت ليهو كتير قال لي أنا م زعلان لكن بس مضايق وسكت بعديها ب 10 دقائق وصفي اتصل قال لي روحي انا قلت ليه هلا قال لي دقيقه دقيقه انتي كنتي بتبكي وحات الله الولد م طبيعي كيف عرفني ببكي كلمة ب حرفين قلت ليهو لا لا انا كويسه بس تعبانه مصدعه قال لي سلامتك حبيبتي لكن انا متأكد كنتي بتبكي قلت ليهو لا حبيبي والله م عندي شي بس اليوم كان متعب قال لي دقيقه دقيقه انتي قلتي شنو؟؟ ههههه قعد اضحك قلت ليهو ولا شي قال لي خيير قال لي طيب ركبي سماعاتك وغمضي عيونك قلت ليهو قال لي بس اعملي القلت ليك عليهو واااي من جماااااال الصوت وهو بقرا ف القران ي سسبحان من خلقك ي سبحان ربي رااااااحه وطمأنينة طبعا نمت شكلي ع الصوت ... صحيت الصباح لقيت رجل خالده ف وشي م بعرف جات نامت جنبي بتين الم الم البت دي .... خليتها نايمه دخلت اتوضيت جيت صليت نزلت ليهم تحت ماشاءالله لقيتهم متلمين قلت ليهم ي صباح الفل ابوي قال لي صباح الهنا وعروسه المنا ضحكني عثثثثليه ياخ الوالد
قلت لي امي يلا الشاي لو سمحتي قالت لي حاااضر قعدو يتونسو وينقو أحمد قال لي عملتي لي ف,خالده شنو اوعك تكوني اكلتيها قلت ليهو اي جعت بليل ولقيتها ف وشي لكن خليت ليك يد ممكن تمشي تفكر بيها قال لي متخلفه يلا لقيت تلفون من وصفي م رديت قلت بعد اطلع فوق اتصل ع ميدؤ رديت طبعا قلت ليهو وين ي فرده قلت لي حسبو خبرك قلت ليهو فل الفل وانت قال لي زيت الزيت قال لي طبعا انا ومروه رجعنا ل بعض طبعا من هنا انا اتأكدت انو كلام مروه صح قلت ليهو عليك الله تمام شديد قال لي عازمنك انت وصفي الليله ف مطعم ... قلت ليهو دقيقه دقيقه انصدم انت عازمني قال لي حسسبو اتلم أو اسي ماف عزومه قلت ليهو هي انا بقيت مره متزوجه أوع تقول لي حسبو شكلو الكلام وجعو شديد قال لي احم قلت ليهو هههههه تمام الساعه كم قال لي الساعه 5 قلت ليهو ح اديك رقم وصفي تعزمو لانو م ظريفه انا اعزمو قال لي طيب خير... رسلت ليهو الرقم اتصل عليهو و وصفي اتصل علي قبل م ارد ... كلمت ناس بيتنا قال لي تمام طلعت فوق قلت ليهو صباح الفل قال لي ي صباح الورد أصبحت كيف قلت ليهو تمام وانت؟ قال لي اكيد صباحي معاك كل خييير حبيبي ي ناش قلت ليهو ميدو كلمك قال لي أي كلمني وقلت ليهو خير قلت ليهو تمام كويت شعري عملت استرت وعملت مكياج خفيف لبست فستان شاي لبن وجزمه حمرا من بعيدو بعرفو هددديك زينب جايه المهم وطبعا شنطة حمرا صغيرا جاي حبيب القلب ونزلنا طبعا حمر لي عشان بدون طرحه م اشتغلت بيهو سلم ع ناس البيت وطلعنا طبعا لازم يديني البوسه الفي راسي قال لي ماشاءالله ربنا يحفظك قلت ليهو ويحفظك حبيبي شال مني بوسه سريعه لمن اتخلعت قال لي احي من خشمك البقول حبيبي دي قال لي دقيقه دقيقه ناخد سيلفي طبعا لابس اسود ف اسود ... عليكم الله تاني ماف زول يلبس اسود إلا وصفي لو سمحتو هههههه نرجع قام نزلها ف الفيس وكاتب دي خير الدنيا لي اشي ع الكلام ....
قلت ليهو يلا يلا اتأخرنا مشينا لقينا مروه وميدو سلمنا عليهم وقعدنا طبعا مروه بتحمر لي قربت تاكلني... قالت لي مبروك قلت ليها الله يبارك فييييييييك عقبالك طبعا انا وميدو ونسه تقيله وحتي وصفي يتونس ويضحك طبعا شكلها غارت مننا شديد لانو كل مره لمن تعاين لي بتلقي وصفي منتبه معاي عادي باكل وبتكون ف حاجه جنب خشمي ... وصفي بشيلها ل ب منديل يعني حلووووين ششديد ربنا يخليهو لي ... م عارفه غيرانه من شنو هي مش عايزه ميدو أو معاها .... قال لي ميدو اتعلم اتعلم عاين ليها وضحك طبعا شكلو ضحكتو غازتها شديد م اشتغلنا بيها كتير كانت اليوم كلو منفسنه بري منها قلت لي وصفي قلت ليهو يلا حبيبي نمشي .. وأنا خاته يدي ف الطربيزه قام ميدو مسكها قال لي ماشين ليه اقعدو شويه كلنا اتخلعنا اي نعم أنا ميدو زي الاخوان لكن م بمسك يدي كدا سلام وخلاص طوالي جريت يدي قلت ليهو لازم امشي ماف طريقه ويدي التانيه كان وصفي اصلا ماسكها قام ضغط يدي ششديد... حسيتها قربت وتتكسر سكت ساي وعاينت ليهو لقيت عيونو دي زي الشرار هو قال يلا احنا نمشي قمت ع حيلي قام معاي ولسه ضاغط يدي بنفس الوجع طبعا ماسك اليمين م خلاني حتي أسلم عليهم يلا باي باي قلنا ليهم تسلمو ع العزومه وطلعنا والله يدي كان م اتكسرت بتكون اتفصلت فتح باب العربيه قال لي ادخلي ركبت ومشي ركب هو دق الدركسون ب يدو حسيت لمن عروقو ظهرت وأي انا مع حصل شفتو كدا ولا قابلت زول كدا قعدت ابكي طبعا بدون صوت مدنقره راسي وطبعا شعري مغطي وشي يعني م ظاهر انا ببكي ولسه ماسكه يدي لمن حمرت شديد م قادره احركها تقريبا سايق ب 180 وقفنا ف حته كدا غريبه قال لي زينب زينب م رديت ... قلت لي زينب انا اسف هنا بكيت اكتر لمن بقيت اتنهد لمن زح شعري لقي دموعي عشره عشرة لمن ظاهره ف فساتني نزل بهناك فتحت الباب بقي قاعد ع رجلو قال لي أنا اسفه حبيبي وربي اسف والله م كان قصدي ي زوبا انا بغير عليك انتي روحي وانتي دواءي ياخ وربي اسف وانا ببكي قال لي والله م قارد اتحمل دموعك عشان خاطري خلاص قش لي دموعي وحضني عليهو قلت ليهو تمام فكني. .. فكاني قال لي نمشي ؟! قلت ليهو وصفي م قادره احرك يدي شكلو نصي انو كان ضاغط يدي الولد لمن وشو اتغير قال لي عارف نفسي ح اءذيك عارف روحي م بقدر احافظ عليك ... شايفه شايفه من تاني يوم عملت ليك شنو المتك صح صح ..؟؟ طبعا حسيت انو الحاله. ح تجيهو قلت ليهو وصفي انت بتحبني صح ؟! قال لي بعششششششقك قلت ليهو ممكن طلب قال لي شنو قلت ليهو تبلع حبتك اسي طبعا استغرب لكن لمن شاف عيون مليانه دموع طلعها بلعها قال لي طيب ...
قلت ليهو نمشي اي صيدلية .. يلفو لي يدي واكيد ح يدوني ليها مرهم قال لي اسف وربي م قاصد قلت ليهو خير ... وصلنا فعلا قالو احتمال ردخ بسيط ووصلني البيت نهاي م اتكلمنا لمن جيت أنزل اديتو بوسه ف خدو قلت ليهو م تخاف ح اقول ليهم وقعت وانا ماشه وتأني شي انا بحبك وعمرك انت م حتأذيني قال لي ربنا يخليك لي وخلي بالك من نفسك....
كلهم لمن دخلت ي بت بسم الله بسم الله مالك حصل ليك شنو ابوي قرب يجن اطلع ارح الدكتور مالك ي بت قلت ليهم انا كويسه بس عشان لبست جزمه عاليه وقعت ع يدي وأسي احنا طالعين لكن وصفي وداني قالو ردخ بسيط وادوني مرهم ولفوها لي كلهم لا لا وورينا دا حصل كيف وجايطين بست رأس امي وابوي قلت ليهم اطمنو والله ماف شي بس امشي ارتاح طلعت كنت بس محتاجه أحمد ف اللحظه دي .. قلت ليهم أحمد وين؟ قالو لي طلع يوصل خالده قلت ليهم تمام حلو طلعت فوق غيرت ملابس وجيت مسكت تلفوني لقيت 5 مكالمات من وصفي قلت لازم احسسو ب الزنب شويه وانو لازم يستمر ف علاجو .. وانو ممكن ف أي لحظه يخسرني رديت ليهو قلت ليهو الو .. طبعا كنت بقول ليهو حبيبي نهاي م قلت ... قال لي حبيبتي كيف قلت ليهو تمام وانت؟ قال طالما انتي تمام انا تمام قلت ليهو كويس ... قبل م يقول اي شي .. قلت ليهو وصفي معليش انا تعبانه عايزه انوم .. مع انو يداب كانت الساعه 9 استغرب طبعا ... قال لي متأكده انك كويسه قلت ليهو اي .. قال لي انتي زعلانه مني؟ قلت ليهو وصفي معليش ت ع خ قال لي طيب خليني اقرأ ليك قرآن ونومي ... طبعا برتاح لمن بقرا لي طبعا رفضت قلت ليهو خليها بكره بجد م قادره ح انوم بس حسيتو بقي مللللللللخبط شديد قلت ليهو يلا باي قال لي باي قاعده قربت اني انوم جاء أحمد دق الباب قلت ادخل أحمد دخل طبعا أحمد عضة النملة م برضاها فيني جاء مخلوعه زينب زينب انتي كويسه كدي قومي اتفاهمي معاي هبش راسي لقاني محمومه ... م عارفه جاتني حمه ليه قلت ليهو أحمد أحمد اصبر والله انا كويسه م عندي اي شي قال لي يدك قربت تتكسر وتقولي كويسه ... قال لي وين وصفي من دا كلو قلت ليهو وصفي م كان معاي كنت راجعه من الحمام قال لي متأكده كويسه قلت ليهو والله كويسه قال لي ثواني مش جاب حبوب شكلها مسكنه طبعا هو الدكتور اطفال ... قلت ليهو دا حق شفع قال لي وانتي عيانه برضو لسانك طويل طبعا تلفوني ضرب وصفي أظن قايلني ح ارد أو م نمت قلت لي أحمد رد قول ليهو محمومه اسي وم قادره تتكلم استغرب طبعا ..رد الو وصفي كيف الحال .. قال ليهو أحمد ااهلين كيفك .. قال ليهو استغربت طبعا صوتي م زي حق زينب قعدت اضحك قال ليهو لا لا العفو. .. قال ليهو زينب تعبانه ولا شنو ... قال ليهو اسي جيت لقيتها محمومه ونايمه اديتها مسكن قال ليها اها ممكن اتكلم معاها ... قال ليهو والله نامت اسي لكن انا قاعد معاها لو صحت بخليها ترجع ليك شكلو وصفي بقي يغلي بهناك من القلق والخوف أحمد قال لي انتو متشاكلين؟ قلت ليهو لا لا بس والله م قادره اتكلم قلت ليهو يلا من غير مطرود قال لي هههههه تمام قال لي بعدين كدا بجي بقيس درجه حراراتك قلت ليهو تمام تسلم ي رب المسكن شكلو فيهو منوم نمت ... صحيت الصباح والله ب الظبط لقيت 30 مكالمه من وصفي ورسائل كميه ... وآخر مكالمه كانت قبل 10 دقائق كر علي شكلو م نام من امبارح ... قبل م اعمل اي حاجه اتصلت ليهو... الو ... قال لي زينب انتي كويسه طمنيني. .. قلت احم اي حمدلله أصبحت احسن. .. قال لي اكيد بعد سمعت صوتك انا بخير قلت ليهو تمام ... برضو اختصرتو. .. قلت ليهو انت من امبارح م نمت صح قال لي لا قلت ليهو ليه حرام عليك... قال لي خفت تحصل ليك حاجه ودا كلو من سببي... قلت ليهو تمام ... طبعا أعتقد اني ح اقول ليهو لا لا وكدا...برضو اختصار قلت ليهو طيب انت نوم اسي وانا. كمان ح انوم عشان لسة نعسان قال ل طيب احتمال بعدين نجي انا وابوي البيت قلت ليهو تنورو وبأي شكلو عايز يقول لي بحبك لكن قطعتها ليهو ... قال باي
رجعت نمت صحيت زي الساعه 12 قلت لي امي شكلو وصفي و ابوهو جايين قالت لي ي مرحب وهي كلمت الباقين جاء زي الساعه 3 رسل لي قال لي انت كيف اسي قلت ليهو تمام وانت قال لي بخير .. وبعدين احنا جايين قلت لييييييهو تمام ....
جو المساء وشربو الشاي انا زلت سلمت عليهم وطلعت تاني ... نزلت قالو إلا اجي اشرب معاهم الشاي نزلت وقعدت جنب ابوي وطبعا م بقدر اشرب ب اليمين إلا الشمال... بشرب ف الشاي وبعاين ل وصفي يعني نوع شنو شوف انت عملت لي شنو عملت ليهو عذاب ضمير خليت الولد الشاي م شربو .. أظن م قدر يبلعو اتونسنا ومشيت المطبخ اجيب مويه ل ابوي ... طوالي هو جاء ب وراي .... قال لي زينب قلت ليهو نعم .. قال لي انتي بخير قلت ليهو ايون طبعا لمن يكون واقف قدامي م بقدر اقاومو واو ازح منو قال لي أنا اسف وربي م كان قصدي اكيد م قصدي اسبب ليك الم.. قلت ليهو ولا يهمك
قلت ليهو الحل ب يدك لكن انت م عايز تشتغلي بيهو قال لي ابوي قال ليك صح قلت ليهو اي قال لي أي شي لكن طالما انت كدا ح تفضل دايما تألمني وم بعيد تخسرني لمن قلت كلمه خساره الولد حضني قال لي لا لا لا إلا أني اخسرك. . قلت ليهو وصفي زح دا بيتنا انت جنيت قال لي طيب اسف وزح قلت ليهو انا ممكن اساعدك بس انت توافق... وانا ح أكون معاك ف أي لحظه تحتاجني فيها سكت طبعا قال لي خير... قلت ليهو اشتقت ليك قعد يضحك قال لي مجنونه وانا كمان اشتقت ليك طبعا نسينا المويه الوقت اتأخر طلعو مشو ... عمو عثمان ظريف شديد ونسه وضحك
من وصل اتصل علي قال لي أنا وصلت قلت ليهو حمدلله ع السلامه قال لي علي فكره ابوي حباك ششديد وقال لمن نعرس لازم نجي نقعد معاهو قلت ليهو والله انا كمان حبيتو شديد وانا م عندي أي مشكله بقعد معاهو نسكن طوالي الفي شنو والمافي شنو قال لي ربنا يخليك لي س رب قلت ليهو اميييين ويخليك قال لي يدك كيف ... سكت قال لي زوبا يديك كيف ؟! قلت ليهو بتوجعني عندك حل قال لي ليه انتي بتحمليني المسؤليه قلت ليهو لأنك انت عملت لي كدا م زول غيرك بندمو اليوم السألني فيهو قال لي خير ... ت ع خ قلت ليهو اسي كنت عايزه اقول ليك كدا وانت من أهلو ونمت أظن برضو الليل كلو م نام. .. اليوم التاني الاتنين كنت ناازله شغل .. رسلت ليهو قلت ليهو صباح الخير وانا الليله شغاله ... م رد لي شكلو نايم لبست وطلع لقيت محمد طالع قلت ليهو اووو اخوي زمان مشتاقين طبعا م شايف يدي برضو اتخلع م بعرفو كان صايع وين قلت ليهو لو كنت بتسال كان عرفت قال والله اسف معليش كنت جاري وأسي انتي كيف قلت ليهو تمام وصلني معاك لو سمحت قال لي طيب وصلني الشغل لقيت ميدو سلم علي وي بت مالك سلامتك قلت ليهو والله وقعه خفيفه قال لي الف سلامه ليك طبعا شكلو ميدو نسي الموضوع بعد انا عقدو علي لكن الثعبانه خطيبتو م نستو... جاتنا الشغل برضو نفس الشي مالك وحاصل شنو ... ذكية بت اللذينه قال لي دي مش يدك الكان ماسكها وصفي قلت سبحان الله ليه هي مركزه كدا قلت لي أي .. قلت لي أوع يكون وهو العمل ليك كدا اتخلعت قلت ليها انتي عويره ولا حاجه قلت ليها وصفي م بيرضي فيني اي شي وقعت انا بس سغيله ... وصفي رسل لي بدون حتي م يسلم قال لي شغاله انتي وين ب الظبط وريتو جاء الشركه ... من جاء داخل البنات رقدو سسسلطه زعلت كيف قربت اقول ليهم دا رااااااجلي ابعدو عيونكم وماشاءالله حالق جديد يعمل كدا سأل مني والحرس جابو المكتب ... قلت ليهو حبيبي خير مالك؟؟ قال لي ولا شي جاي ارجعك البيت ... وشيلي الورقه دي ادخلي للمدير شيلي اجازه وسريع الورقه حقت دكتور شكلو عشان يدي قلت ليهو وصفي حمر لي سكت مشيت للمدير. .. قال لي انتي اسي م جايه من اجازه قلت ليهو عندي تقرير طبي وكل أسبوع م اكتر قال لي خير ي زوله مؤيد ح يغطي ليك قلت ليهو لي قال لي تمام طلعت شلت حاجاتي قلت لي ميدو يلا انا ماشه وطلعت ليهو لساني قال لي يلا ي حسسبو من هنا وصفي قال ليهو هوي انا م برضي ف مرتي طبعا مروه عايزه تموت ههههههه قالت ليهو انا لو كسرت رقبتي م بتجيب لي خبر طبعا غاظتني قلت ليها القي زي وصفي واكيد بجيب ليك خبر ميدو قال لي اصبري ي عواليق وطلعنا مشينا طبعا مسكني من يدي الشمال وطلعنا الحب ياخ طبعا زعلت مروه شكلها ل ابعد حد وصفي طوال الطريق بحمر لي قلت ليهو لا ب لله تعال اكلني قال لي بطلي لماااااضه قلت ليهو ابييييييييييت عاين ل وسكت قلت ليهو زوجي حبيبي طبعا وقف العربيه قال لي قلتي شنو قلت ليهو من دي ولا شي م قلت قال لي اححححي انا قال والله انا لو اكلتك يكون م عندي أي ذنب ضرب ... قرصني ف خدي قلت ليهو ي متحيون اقعد ساي قال هههههههههه شنو اول مره اسمع الكلمه دي عندك قلت ليهو اشتري لي اسكريم قال لي بس كدا حااااضر ....
وقفنا ف محل اسكريم وقاعدين نتونس ونأكل قال لي نفسك تسافري وين قلت ليهو الصين قال لي اكيد م جاده قلت ليهو والله وانت قال لي ماليزيا قلت ليهو اي حلوه شديد المهم خلصنا وراجعين ع البيت قال لي ياخ انا مشتاق ليك نفسي احضنك حمرت ليهو قلت ليهو هوووووووي هوووووووي شغله هو ماف قال لي اسي بوقف العربيه وبنزل بحضنك قلت ليهو مشششم غلطانه انا اني وافقت ع العقد قعد يضحك قال وطلاق م بطلق قلت ليهو وأي متخلف ونسه وضحك لحد م وصلنا البيت قلت ليهو يلا باي قال لي باي وين تعالي هنا بأس لي راسي قال لي ممكن بعد دا تمشي قلت ليهو احم طبعا بتجمد لمن يلمنسي قلت ليهو انت م عندك شغل قال لي اسي ماشي ل محمد ف موقع عندنا عماره لازم نخلصها قلت ليهو تمام باي ...
ومشي ...
امي ي بت مالك جيتي حكيت ليها الحصل قالت لي ماشاءالله صبرتي ونلتي ربنا يحفظكم قلت ليها أمين ويحفظك
طلعت غيرت ملابسي وعايزه انوم... مروه رسلت لي قالت لي تعالي نكون صحبات ياخ وماف داعي للعداوه البينا دي قلت بسسسسم الله دي مالا دي قلت ليها اصلا من ناحيتي ماف شي ... ومالو نكون صحبات... قلت لي بكره بجيك بفطر معاك قلت ليها تنوري بري قلت اكيد دي عندها حاجه عايزه تصل ليها
ونمت ع كدا
امي صحتني ل الغدا قمت صليت العصر وجيت اتغدينا طبعا إلا سندوتشات مع يدي المابقدر أكل بيها دي وصفي المتحيون المتحول ... في سري كنت قاعده اقول كدا فجأه اتصل علي م رديت بعد خلصنا أكل قلت لي امي الأيام دي الله ريحني من غسيل العدا قالت لي مششم سجم ي ولاده الندم طلعت اتصلت علي وصفي قلت ليهو الو قال لي اهلين مالك م بتردي قلت ليهو كنت باكل قال لي كان تكتبي رساله انك بتاكلي قلت ليهو يدي واحده اكتب بيها ولا أكل ولقد انتهت الجبهه قال لي اممممم قلت ليهو امممممم2 قال لي مششتاق ليك قلت ليهو شديد قال لي اسي كيف قلت ليهو تمااام. .. قلت ليهو هي نسيت اكلمك قال لي شنو ... قلت ليهو مروه اتصلت علي وقالت لي كدا هو زاتو اتخلع قال لي أن شاء الله خير قلت ليهو أن شاء الله ي رب قام قال لي يوم الخميس عندي ليك مفاجأة قلت ليهو خير ... قال لي اصبري صبر ماف قلت ليهو تمام أن شاء الله المهم بنتونس قلت ليهو عارف نفسي ف شنو قال لي شنو قلت ليهو بيتزا ومعاها ببسي بااااارد قال اححححم انا بديت أشك الصباح اسكريم وأسي بيتزا وبيبسي هههههه قلت ليهو قليل ادب قال لي تصدقي وانا كمان نفسي قلت ليهو هههههه تمام قلت ليهو يلا انا عندي كم حاجة ح اعملها وبعدين نتكلم رتبت غرفتي وكمان باقي الغرف وطلعت كل الحاجات الوسخانه عامله شعري شعرتين خليت امي تضفرهم لي زي الشافعه
زي الساعه 8 كدا اسمع تلفوني قلت لي امي منو؟ ؟ قال لي راجلك احساس سمح خلاص لمن زول يقول ليك راجلك مشيت رديت ليهو قال لي اطلعي انا برا قلت ليهو برا وين قال لي شوفي ب الشباك فعلا لقيتو برا لبست لي عبايه وجري نزلت قلت لي امي وصفي تحت قالت لي خير مالو قلت ليها م عارفه قلت لي سمح انا ماشه اصلي .... جريت فتحت الباب وطبعا ب شعراتي اول حاجه اتفقع ب الضحك احححححححح انا من الضحكه قربت اقول ليهو والله ح ادفع ليك بس عيد الضحكه دي قلت ليهو أولا بتضحك ليه ثانيا جايي لي بيتنا الساعه 8 ليه ثالثا ليه ضحكتك حلوة حلا قعد يضحك قال لي عشان الشعرتين انا بضحك ثاني عشان جبت ليك البيتزا والبيبسي ثالثا عشان انتي كل شي فيك حلو ف اكيد بتشوفي اي حاجه حلوه قلت ليهو كذاااااب جبت لي بيتزا هو طبعا طويل ك النخله وانا بدون حاجه عايزه زي 1 و 0 قال لي ايون قلت ليهو طيب يلا ناكل قال لي لا انتي شيليها وامشي اكليها فوق قلت ليهو طلاق تلاته ح تأكل معاي قال لي ملاحظة أنك قاعده تحلفي طلاق قلت ليهو يلا وأي جاب اتنين حجم عائلي وبيبسي كميه وشوكلاته ولبانه وحاجات تانيه هههههه قلت ليهو ليه دا كلو قلت ليهو م قايله روحي اكاله قدر كدا قال لي عايزه مرتي تسمن عندك مانع حمرت ليهو قال لي خلاص خلاص راح سلم ع امي وقلت ليها وصفي جاب لينا عشاء تعالي اكلي معانا قالت لينا مصايبكم دي م بتنفع معاي اكلو انتو ب الهنا هي قاعده ف العريشه عندي عريشه فاتحه ع الحوش واحنا ف الحوش عندنا زي كراسي بتاعت حديد وطربيزه كبيره قعدنا اكلنا ب مزاج طبعا بقي ياكلني قال لي مش انا عملت ف يدك كدا ف انتي ح تاكلي من يدي ي قلبي انا ... اكلنا وشربنا البارد جات زي 9:30 قلت ليهو حبيبي قال لي ي روح وعمر نفس حبيبك انتي قلت ليهو بعد دا اكيد م ح أقدر اقول حرف لكن ... لو سمحت بلا مطرود بيتكم وشكرا جزيلا علي حسن زيارتك عايز يكلم لي امي لقاها نامت قال لي ماف زول ف بيتكم وامك نايمه يعني لو خطفتك ماف زول ح يجيب ل خبر قلت ليهو وتخطفني ليه براي بجي معاك قعد يضحك قال لي خفيفه ولفيفه قلت ليهو شكرا يلا طلع انا وصلتو لحد الحب وأي حبيتو شديد ياخ كل مره بظهر لي انو احسن اختيار انا اخترتو ف حياتي قال لي يلا ادخلي باي ... وهو ماشي قلت ليهو وصفي قال لي نعم اتلفت لي جريت حضنتو حبيبي ي ناش قلت ليهو شكرا ع كل شي وربنا يخليك لي وأنا زي الطفلة ف حضنو قال لي احم شكلي الليلة انا م حأمشي جري جريت خليتو بضحك قليله ادب وعيني قويه وقدام باب بيتنا ويييي عارفه
يلا نكمل رقدت جنب امي قلت لحد اخواني وابوي يجو شكلهم جو وخلونا نايمين ف مكانا داك صحينا صلينا شربنا الشاي قلت ليها امي زي م كلمتك صحبتي جايه تفطر معاي قلت لي تمام مرحب بيها جهزنا كل شي وجات الكريهه ي جماعه حاااااااااااااامضه م قادره ابلعها لكن ماف حل .. جات تتظارف وتتخافف جربت ليها مويه وعصير شربت حبه وخلتو فطرنا قلت ليها يلا عرفتي فوق يلا قعدنا نتونس عادي قالت لي عليك الله ممكن تجيبي ل مويه قلت ليها حاضر نزلت .... وأنا اصلا تلفوني بدون رمز... شالت الكلبه تلفوني رسلت ل روحها ف الواتس كتبت "" انت مفتكر ي ميدو انا بحب وصفي لا انا م بحبو دا واحد مجنون ليس الا عندو نفسيات ومريض ح اقضي بيهو زمن انا بحبك انت بس ي ميدو "بس وكلام كتير وعملت اسكرين شوت ورسلتها رقمها ورسلت رقم وصفي ومسحت المحادثة فتحت الباب وانا قلبي حسيت بيهو وجعني شديد م عارفه ليه حسيت بيها زي الاتخلعت المهم قعدت تتعاور كدا وقالت لي ماشه ... قدمتها وبس اليوم معاها انتهي. ...
كنت مشتاقه لي وصفي اتصلت اتونسنا وحكيت ليهو اي حاجه حصلت ف اليوم
قلت ليهو الخميس قرب ياخ عايزه اعرف المفاجأة قال لي اصبري بس
طبعا عادي اليومين عدو نفس الروتين ماف جديد وانا منتظره يوم الخميس ب فارغ الصبر وصفي اتصل علي قال لي امشي انتظريني ف المطعم كدا... وأنا عندي مشوار صغير اخلصو واجيك قلت ليهو تمام حتي اليوم داك م ربطت يدي حسيت أنها احسن كتير ... قشرت قشره جااامده لبست بنطلون كحلي معا طونك ابيض وشبط كحلي وشنطه سوداء مشيت انتظرت حتي طلبت لي عصير قلت مسافة يجي وانتظرت زي ساعه ونص م جاء اتصلت عليهو م برد علي تاني اتصلت م برد برضو تمت زي 3 ساعات وم جاء زعلت شديد واتضايقت طوالي رجعت البيت قعدت ابكي بطول حسي قلت لي امي ليه يعمل فيني كدا الماشي والجاي يشاغل فيني ع الاقل كان يرسل يقول م جاي أو اسي احتمال ي امي تكون حصل ليهو حاجه صدعت ششديد زي البقيت م قادره اشوف نمت وامي قاعده جنبي صحيت المساء برضو لا رساله لا تلفون قلت اصلو م مشكله انا كمان م بسألك... قلت اصلي الاوقات الفاتتني ونزلت شربت معاهم شاي قلت ليهم م قادره أكل وطلعت تاني فوق نمت وأي م قادره اخت حاجه ف خشمي م فاهمه الحاصل شنو ... اتصلت ل احمد م رد ... اتصل ع ميدو وانا ببكي حكيت بيهو اي حاجه حصلت قال لي انتي زعلتيهو ف شي قلت ليهو ياخ قلت ليك كان عامل ل مفاجاه... قال لي حاجه غريبه قال لي كمان مروه م عارفه م بترد علي قالت ليهو ب مناسبه مروه جاتني وحكيت ليهو اي شي قال لي كذابه قلت ليهو والله العظيم قال لي نهاي م جابت ل سيرة وهي قالت كانت عند خالتها قلت ليهو أغرب حاجه لكن م اهتمينا كتير وقلت ليهو يلا انا صدعت ح انوم...
نمت ل اليوم التاني برضو صحيت ماف أي حاجه لا تلفون لا رساله صحبت برضو قعدت ابكي قلت ي ربي انا عملت شنو ف دنيتي عشان بحصل لي العذاب دا كلو .... قلت ي بت دا شنو البتقولي فيهو دا استغفري ... قلت استغفر الله قمت صليت مسكت المصحف قريت شويه ارتحت نزلت تحت ساعدت امي بقي الروتين بتاعي نفس الشي ماف اكل شراب بس ونوم م بتفاهم معاي زول اصعب حاجه انت تكون متعود ع انسان وفجأة تخسسرو اصعععععب شي تميت أسبوع الحال دا عارفين يعني شنو أسبوع بدون وصفي عارفين شنو أسبوع نوم وشراب بس ..عارفين شنو انو انا بتخيل ف أي لحظه ح يجو يقولو لي وصفي ماااااااات اااااه ي ربي صبرني. .. طبعا حكيت ل احمد الحصل وكلهم بقو عارفين قام ابوي اتصل ع عمو عثمان سلم عليهو وكدا وسألو قال ليهو والله انا وصفي دا زاتو من يوم الخميس الفات م عارف وين م خليت مكان م مشينا ليهو المستشفيات والسجون والشوارع وبلغنا الشرطه مختفي م معروف قال لينا انا متأسف مفروض اتصل عليكم لمن م قدرت انشغلت شديد انا من سمعت الكلام قلت خلاص مات لانو م معقول لي الدرجه دي محمد كان طبيعي حتي انا استغربت من دره فعلو. ... المهم دا حالي كان حال سواد ورماد بقيت زي الزول العيان سنين مشيت الشغل لقيت ميدو قلت ليهو انا ح استغيل لانو م قادره حاسه روحي دي طلعت مني ميدو قعد يحنس فيني ويقنع انو هو عندو ظرف اكيد خلاهو يعنى كدا .... جات زفت الطين مروه داخله مبسسوطه وتضحك قالت لي وأي زينب م عرفتك مالك كدا قلت ليها تعبانه شويه ... قال لي اهااا عشان راجلك طفش منك مش وضحكت ب أعلي صوتها قلت ليها ربنا يسسامحك وخليتك ل الله وطلعت ببكي طبعا استغلت وأي حاجه ... وأنا ببكي وجاريه ضربتي عربيه عملت حادث حسبي الله ونعم الوكيل. .. والحمدلله ع كل شي ... م صحيت إلا ف المستشفي قال ليهو كسر ف الرجل وجروح بسيطه وان شاء الله تبقي تمام لكن لازم هي تساعدنا ب أنها تاكل لانو مناعتها ضعيفه شديد امي تبكي وأحمد بكي والله شفتو بكي قلت ليهو الحمدلله أنها جات ع كدا يلا ابتسسمو وانا قلبي ب جوووه بتقطع الم وعذاب ووجع كدا من يوم فراق وصفي قربت اتم 50 يوم يعني شهر و20 يوم ... حجزوني ف المستشفي كتتتير. ولسه قالو لازم أكون معاهم لانو محتاجه مراقبة
مسكت التلفون كتبت ف الفيس...
"عادي ممكن يدخل حياتك انسان يخليها أجمل شي ... لكن كان مفروض يخت حساب انو ح يطلع من حياتك وروحك ح تطلع وراهو ممكن تخسر أعز انسان لي لا تعرفو حي لا ميت ... ويحصل ليك حادث وانت برضو بين حي وميت " الحمدلله
بقي نفس الروتين ونفس اي شي
ف يوم من الايام ب الليل ف المستشفي ناس امي طبعا راقده معاي نامت انا صحيت بين صاحيه ونايمه حاسه انو ف زول جنبي لكن ماخده مسكن منومني. . ف ما ركزت شديد حسيت زول بأس ل راس ... ولسه الجمله ألقاها جنب اضاني متذكرها قال لي اعففففففي لي حاولت اركز م قدرت ...
--------------------------------------
---------------------
*يتبــــــــــــــــــــــــــــــــــــــــــــع*
*بــــــــــــــيــــــــــــــــــــجــــــــــــــة**#أحببت_مجنون《12》*
*#بقلم_تهجد_محمد*
صحيت الصباح قلت لي امي انتي منو الكان هنا امبارح بليل قلت لي بري م كان ف زول قلت ليهو والله كان ف زول ويا امي انا متأكده دا وصفي والله كان وصفي قال لي قولي بسم الله شكلو بتتخيلي قلت ليها والله ي امي كان هو قعدت ابكي تميت أسبوع ف المستشفي وكل يومين بظهر لي نفس الزول ببوس راسي وبمشي تميت شهر ف المستشفي طلعوني... وعملو لي كرامه ف البيت وجوطه ونقه يوم الكرامة ... كان وصفي من اختفي تم شهرين و اسبوع انا بس اقعد أعاين ل صورو وابكي. .. رجلي خفت شديد احسن من اول والحمدلله حياتي ماشه لكن بدون روح بس جسد عايش يوم قاعده ف غرفتي رقم غريب رسل لي قال لي ... انتي كيف .. قلت ليهو انت منو قال لي اعتبريني زول كنتي بتعرفيهو زمان ... قلت ليهو انا بخير وعملت بلوك للرقم.... امي قالت لي بعدين جايين ضيوف ل ابوك كلمتك بس عشان تكوني عارفه ... محمد بقي سغيل م بسأل مني وكل م يشوفني يغير الشارع م عارفه مالو احمد اكتر زول مهتم بي وهو وخالده ربنا يخليهم ...
جاء المساء لبست لي اسكريت عادي وبلوزه حمراء ونزلت قعدت معاهم تحت دق الباب ابوي مشي فتح ... اتخيلو جاء منو
وصفي و ابوهو ومعاهم محمد ... وصفي وابوهو ومحححمد... محمد اخوي طبعا انا مصدومه وم عارفه ف شنو والدنيا ضلمت في وشي ... اغمي علي صحيت لقيتهم كلهم ف وشي وكل زول يسأل انتي كيف وصفي ماسك يدي اول شي جريت يدي منو وقلت ليهو اطلع من وشي م عايزه اشوفك يقول لي اصبري ح تفهمي انا اختفيت ليه ... قلت ليهو ولا حتي صوتك م عايزه اسمعو م قادره أعاين ليهو وببكي زي المجنونه قلت ليهو وصفي زح من وشي وانت كمان ي محمد محمد عايزه اشوفك ... صرخت قلت ليهو ززززززححححو من وشششششي ابوي قال ليهم اطلعو قلت لي ابوي معليش بس عليكم الله م عايزه زول معاي كلهم طلعو قفلت الباب جيت ابكي ب طول حسي ... زعلانه انا م قادره أعاين ليهو ... انا افتكرتو ماااااااات اسي يجي ب كل سهولة يقول لي افهميني م عايزاهو انا بككككككرهو قعدت ف غرفتي نهاي م طلعت ... واليوم التاني نفس الشي قفلت تلفوني م بأكل م بشرب ومفروض اخد العلاجات ولسه انا متخيله انو انا كنت بحلم متأكده انو وصفي مات دة م وصفي ...
يوم نزلت تحت بقيت ضعيفه شديد قربت اصل المطبخ اغمي علي ... م صحيت إلا ف المستشفي دربات و جوطه كلهم قاعدين. .. قال ليهم الدكتور البت دي دمها ضعيف ششديد ومناعتها اضعف ممكن كان جاها اللتهاب ساي تموت كلهم قعدو يبكو وصفي واقف قبلت وشي منو ... قلت ليهو خلوهو يمشي من هنا ... اسي كان ما هو كنت عايشه حياتي ابوي قال لي اصبري انتي افهمي قلت ليهم م ضروري أفهم بس م عايزه اشوفو حسيتو لمن قاعد يبكي ... طبعا أحمد مسافر دبي كان عندو عمليات مهم... مره اسبوع ع الحال دا ... أحمد جاء راجع طبعا عرف كل الحصل ... قعد يتكلم معاي قلت ليهو أحمد لو صح بتحبني م تجيب لي السيرة دي ... قلت ليهو قول ليهو طلقني طبعا الكلمه دي كانت زي النار لكن اعمل شنو بقيت م قادره اتفاهم معاهو. ...
قال لي خير وطلع
جاء ميدو وزفت مروه .. حمدلله ع سلامتك ومبسوطه عشان شايفاني بموت عشان كدا مبسوطه حسبي الله عليها قلت لي وين وصفي لسه طافش قلت ليها لو مشيتي الصالون ح تلقيهو طبعا اتخلعت قالت لي جاء راجع يعني؟؟؟ استغربت طبعا قلت ليهم من وين ؟ سكتت حسيت أن هي مخبيه حاجة. ..
واصريت اعرف ... طلعو مشو ...
طبعا حتي الدربااات معاي ف البيت اح والله مشتاقه ليهو لكن م بيدي ... خان ثقتي فيهو ... م عارفه أتصرف كيف ...
امي جات قالت لي وصفي عايزك قلت ليها امي والله يجي داخل انا انط ب الشباك اموت وترتاحو كذابه انا مشي م قادره امشي قالت لي خير...
صحيت الصباح قلت لي امي انتي منو الكان هنا امبارح بليل قلت لي بري م كان ف زول قلت ليهو والله كان ف زول ويا امي انا متأكده دا وصفي والله كان وصفي قال لي قولي بسم الله شكلو بتتخيلي قلت ليها والله ي امي كان هو قعدت ابكي تميت أسبوع ف المستشفي وكل يومين بظهر لي نفس الزول ببوس راسي وبمشي تميت شهر ف المستشفي طلعوني... وعملو لي كرامه ف البيت وجوطه ونقه يوم الكرامة ... كان وصفي من اختفي تم شهرين و اسبوع انا بس اقعد أعاين ل صورو وابكي. .. رجلي خفت شديد احسن من اول والحمدلله حياتي ماشه لكن بدون روح بس جسد عايش يوم قاعده ف غرفتي رقم غريب رسل لي قال لي ... انتي كيف .. قلت ليهو انت منو قال لي اعتبريني زول كنتي بتعرفيهو زمان ... قلت ليهو انا بخير وعملت بلوك للرقم.... امي قالت لي بعدين جايين ضيوف ل ابوك كلمتك بس عشان تكوني عارفه ... محمد بقي سغيل م بسأل مني وكل م يشوفني يغير الشارع م عارفه مالو احمد اكتر زول مهتم بي وهو وخالده ربنا يخليهم ...
جاء المساء لبست لي اسكريت عادي وبلوزه حمراء ونزلت قعدت معاهم تحت دق الباب ابوي مشي فتح ... اتخيلو جاء منو
وصفي و ابوهو ومعاهم محمد ... وصفي وابوهو ومحححمد... محمد اخوي طبعا انا مصدومه وم عارفه ف شنو والدنيا ضلمت في وشي ... اغمي علي صحيت لقيتهم كلهم ف وشي وكل زول يسأل انتي كيف وصفي ماسك يدي اول شي جريت يدي منو وقلت ليهو اطلع من وشي م عايزه اشوفك يقول لي اصبري ح تفهمي انا اختفيت ليه ... قلت ليهو ولا حتي صوتك م عايزه اسمعو م قادره أعاين ليهو وببكي زي المجنونه قلت ليهو وصفي زح من وشي وانت كمان ي محمد محمد عايزه اشوفك ... صرخت قلت ليهو ززززززححححو من وشششششي ابوي قال ليهم اطلعو قلت لي ابوي معليش بس عليكم الله م عايزه زول معاي كلهم طلعو قفلت الباب جيت ابكي ب طول حسي ... زعلانه انا م قادره أعاين ليهو ... انا افتكرتو ماااااااات اسي يجي ب كل سهولة يقول لي افهميني م عايزاهو انا بككككككرهو قعدت ف غرفتي نهاي م طلعت ... واليوم التاني نفس الشي قفلت تلفوني م بأكل م بشرب ومفروض اخد العلاجات ولسه انا متخيله انو انا كنت بحلم متأكده انو وصفي مات دة م وصفي ...
يوم نزلت تحت بقيت ضعيفه شديد قربت اصل المطبخ اغمي علي ... م صحيت إلا ف المستشفي دربات و جوطه كلهم قاعدين. .. قال ليهم الدكتور البت دي دمها ضعيف ششديد ومناعتها اضعف ممكن كان جاها اللتهاب ساي تموت كلهم قعدو يبكو وصفي واقف قبلت وشي منو ... قلت ليهو خلوهو يمشي من هنا ... اسي كان ما هو كنت عايشه حياتي ابوي قال لي اصبري انتي افهمي قلت ليهم م ضروري أفهم بس م عايزه اشوفو حسيتو لمن قاعد يبكي ... طبعا أحمد مسافر دبي كان عندو عمليات مهم... مره اسبوع ع الحال دا ... أحمد جاء راجع طبعا عرف كل الحصل ... قعد يتكلم معاي قلت ليهو أحمد لو صح بتحبني م تجيب لي السيرة دي ... قلت ليهو قول ليهو طلقني طبعا الكلمه دي كانت زي النار لكن اعمل شنو بقيت م قادره اتفاهم معاهو. ...
قال لي خير وطلع
جاء ميدو وزفت مروه .. حمدلله ع سلامتك ومبسوطه عشان شايفاني بموت عشان كدا مبسوطه حسبي الله عليها قلت لي وين وصفي لسه طافش قلت ليها لو مشيتي الصالون ح تلقيهو طبعا اتخلعت قالت لي جاء راجع يعني؟؟؟ استغربت طبعا قلت ليهم من وين ؟ سكتت حسيت أن هي مخبيه حاجة. ..
واصريت اعرف ... طلعو مشو ...
طبعا حتي الدربااات معاي ف البيت اح والله مشتاقه ليهو لكن م بيدي ... خان ثقتي فيهو ... م عارفه أتصرف كيف ...
امي جات قالت لي وصفي عايزك قلت ليها امي والله يجي داخل انا انط ب الشباك اموت وترتاحو كذابه انا مشي م قادره امشي قالت لي خير...
طبعا م اشتغل ب كلامي طوالي جاء داخل الغرفه كرامه ماف قلت ليهو وصفي اطلع من وشي ع كيفك هو عايز أقوم مسك ل يديني ورقدني ف السرير راجعه ... قال لي ح تقعد وح تسمعي كلامي تاني لو عايزاني امشي بمشي طبعا استسلمت ورقدت لكن وديت وشي ب الاتجاه التاني عشان م أعاين ف وشو قال لي عايني ل ف وشي قلت ليهو م بتستاهل اني أعاين ليك ف وشك شال ليهو نفس طووويل قال لي خير ...
المهم انا م اختفيت عشان عايز كدا .. اختفيت ي زينب ل اسباب كتيره ... قلت ليهو الأسباب دي م أكبر من انو انا افتكر انك مت خت دي ف بالك ... قال لي مروه جاتني طبعا اتخلعت وعاينت ليهو قلت ليهو شنو شنو ... قال لي ب الظبط مروه جاتني اتصلت علي قالت لي لازم اقابلك. .. قلت خير مشيت تتذكري يوم الخميس لمن قلت ليك عندي ليك مفاجأة. .. قلت ليهو اي قال لي بس جات وجابت معاها كم صوره و محادثات بينك وبينها انك م بتحبيني انا وانا عشان مجنون بس عشان كدا وافقتي بي وانتي بتحبي ميدو ونقه كتيره قلت ليهو دقيقه دقيقه وانت صدقت عشان كدا م جيت خليتني قاعده الماشي والجاي يشاغل فيني قال لا لا لا انا واثق فيك كل الثقة لكن عارفه الخلاني اختفي شهرين شنو ... قلت ليهو شنو ؟ قال مشيت اتعالج استعملت الحبوب الانا من عمر 13 سنه رافض اخدها. .. عشانك انتي عشان انا م وجعني الكلام دا كلو... الوجعني انو ف زول أو الناس مفتكره اني مجنون وانا قبل م امشي كلمت محمد اخوك ب كل شي طبعا انا مخلوعه قلت ليهو وصفي كذاب انت اتعالجت قال لي أي اتعالجت يعني اي نعم ممكن الحاله تجيني لكن دا افتراض 20% ... ومش قالو أنها بتخلي الزول وي المريض وقاعد براهو قال لي زينب انا كل م اتعب وأحس نفسي الحبوب دي ب الجد ح تخليني مجنون كنت بجي المستشفي وبقعد أعاين ليك واتكلم معاك وانتي نايمه وأقول اي شي هو طبعا قاعد جنبي.ف السرير طوالي حضنتو علي قعدت ابكككككككككي م مصدقه الانا بسمع فيهو دا حاسه ف خيال ف الموضوع ... ببكي لاني فرحانه وببكي لاني جواي الم كبيييير وببكي عشان عايزاهو هو مسح لي دموعي ووقال لي خلاص انا عارف كان قعدت اعتذر ميه سنه ل قدام ح أحس انو لسه مفروض اعتذر اكتر ... قال لي أنا ضحيت ب الشهور الفاتو ديل عشان سنينا الجايه عشان م ألمك تاني عشان تكوني انتي روحي وسندي ف الدنيا عشانك وعشان اولادنا وعشان كل شي قلت ليهو م حسامحك عمري م بسامحك قال لي عااارف لكن بس اعفي لي قلت ليهو عفو ربنا احسن من عفوي ...
قال لي طيب طيب انتي لازم تاكلي وترجعي صحتك زي زمان واكتر. .. بأس لي خدي قال لي عشان ألقي لي حاجه هنا البوسه بتجي ف العضم قلت ليهو ه ه هه ظريف. .. قال لي ح أنزل اجيب لي أكل قلت تمام....
طبعا م شفتو شكلو بقي عامل كيف ماشاءالله ماشاءالله ماشاءالله اتغير 772727 درجه بقي جسمو مليان وشو زاد نور يعني بقي حلاتووو شكلو بجد الحبوب نفعت معاهو وحمدلله ربنا ع كدا انو جاء ع كدا
يلا طبعا حلفت اني م اخلي مروه وارد ليها الصاع صاعين ح اخلي أمه لا اله الا الله دي تتفرج فيها ...
ح اوريكم بعدين ح اعمل فيها شنو...
وصفي جاب لي أكل م بعرف شوربه ومكرونه وكفته. .. قعد يأكل فيني وانا اموت واعاين ليهو ف عيونو عايزه اشبع منوو لمن يعاين لي بسرق لي نظره نظرتين عشان اشوفو اااااخ من عيونو النعسانه.... هوي حبو ليكم واحد عيونو نعسانه سمح عشق عشق ...
دخل لي اللقمه فجأه بطني فارت عليهو عضيتو ... اتخلع قال لي مالك جنيتي الأكل لسه في م تاكليني طلعت ليهو لساني تستاهل ... قالي لي قاصداها يعني قلت ليهو طبعا قال لي طيب خير اصبري ...
بعد خلصنا واداني عصير بأس لي راسي قال لي ايوا كدا كدا نقول انتي شاطره رقدت ع المخده وبعاين ليهو ... م عارفه كانت عين شنو .. اعجاب... حزن. .. عتب... ألم هو بقي يعاين لي م قدرت اكسر عيني نهاي حسيت لسه عايزه اعاين ليهو اكتر اشيل كل الطاقه من عيونو كل التعب الانا تعبتو قال لي لو واصلتي تعايني لي احم م ح يحصل طيب ... عرفت تفكيرو شمال طوالي زحيت عيني قعد يضحك قلت ليهو يلا اطلع عايزه انوم قال لي لا انا بايت هنا قلت ليهو تبيت ف السجن انت مجنون... أنزل امشي بيتكم قال لي غرفت محمد مش جبنك قلت ليهو اي قال لي أنا كلمتهم وح ابيت فيهو. ...
قلت ليهو شكلك بتتخيل وانا نعسانه يلا برا... كانت زي الساعه 6 ... طبعا م صدقتو ونمت ع كدا
جات امي صحتني زي الساعه 8 يعني نمت ساعتين قالت لي أبو وصفي تحت عزمناهو عشاء تعالي انزلي.. قلت ليها ي امي م قادره ح أقوم اخد دش واصلي وارجع محلي قالت لي خير طيب ... صليت العشاء وفتحت الاب توب قعدت اضحك ف اليوتيوب رفعت شعري فوق اكتر حركه بحبها ولبست بجامتي الباب دق قلت اتفضل ... دخل وصفي ومعاهو صينيه أكل ... قلت ليهو اقيف مكانك دقيقه دقيقه خليني اتخيل انك ل اسي قاعد قال لي أي قاعد ف بيتكم انا قلت ليهو وصفي قال لي ي روحو ههههه خلاني اتبسم قال لي اشتقت ل ضحكتك قلت ليهو امممممممم قال لي يلا يلا الاكل قلت ليهو م عايز قال لي والله دا م علي كيفك قعدنا اكلنا ... قلت ليهو انا لازم انتقم من مروه قال لي ياخ المسامح كريم... قلت ليهو والله العظيم م بخليها قلت ليهو انا حياتي انتهت ب سببها 3 شهور كانو ك انهم 3 سنين ح انتقم من كل دمعه نزلت مني ب سببها قلت ليهو وصفي انت معاي ولا لا... قلت ليهو لو معاي انا ممكن اسامحك قال لي احلفي قلت ليهو ايووون قال لي خير عايزه تعملي شنو... قلت ليهو تعالي اسمع ......... حكيت ليهو قال ل تمااام اتفقنا...
قعدنا نتونس وحكى لي كل الحصل معاهو الفتره الفاتت ... طبعا لمن يكون ف غرفتي بخلي باب الغرفه فاتح احبوووو ياااااخ قلت عارف نفسي ف شنو قال لي ف شنو قلت ليهو زي الساعه 12 كدا تعال السطوح ... وأنا بعمل شاي ونشربو فوق الجو ح يكون حلو ... قال لي احلي فكره والله مجنونه انتي ... جاء أحمد قلت ليهو أحمد مشششتاقين قال لي حبيبتي انتي كتتتتير واللهسلم ع وصفي قلت ليهو الأخبار والجديد ... قال لي عايز اخطب خالده ... عشان انا ووصفي اتفقنا نتزوج سوا ... حمرت ليهم قلت ليهم كذابون قال لي والله جد قلت ليهو مع المجنونه ديك م بعرس م بعرس قال لي اتلمي انا بشوف احسن قلت ليهو عندنا حفله شاي بعدين تعال اطلع معانا قال لي تمااااام. .. طبعا انا لسه زعلانه من محمد ... جاء داخل لقانا كلنا سلم علينا م رديت مسكت تلفوني جاء من هناك باس لي راسي قال لي ياخ اعفي لي وربي انا سكت دا كلو عشان مصلحتك م اكتر لمن دمع م قدرت استحمل طوالي حضنتو قلت ليهو انا م بزعل من اخوي لكن حركتك جبانه قال لي ب المناسبه دي جبت لي اكتر كيكه بتحبها قلت ليهو زييييييت انت ياخ قلت ليهم يلا اكتملت بعدين ف حفله شاي ف السطوح انت كمان ح تجي قال لي خييير قربت اعزم الحله كلها حبايبي ربنا يخليهم لي...
طبعا نزلت اعمل الشاي وقطعت الكيكه ... بعد رتبت المكان ف السطوح .. امي وابوي نااامو ناديت وصفي يشيل الحاجات وطلعنا. .. منتظرين العواليق الاتنين م جاو لحد 12:30 م جو بتصل عليهم تلفوناتهم مشغوله شكلهم اتفقو م يجو خلونا ع راحتنا
كبينا الشاي بقينا نتونس ونحكي ف نكت اساسا م بتضحك زي السكرانين قال لي حبيبي انتي كبيتي ف الشاي دا شنو قلت ليهو الشاي مضمون لكن انا م ضامنه الكيكه دي شكلها منها ....
قرب مني وبقي يمسح لي ع شعري قال لي أن شاء الله دايما قريبه مني ودايما انتي سبب سعادتي وفرحتي وضحكتي قام باسني قلللللبي قال ششششح شششح طوالي زحيت ونزلت راسي قال لي حبيبتي الخجلانه قال لي وربي اشتقت ليك قلت ليهو اتلم احسن وختيت يدي ف وشي قلت ليهو يلا ننزل عشان بكره عندنا يوم طويل قال لي تمام
نزلت وهو مشي نام مع محمد وانا ف غرفتي ... قال لي م مصدق انك ع بعد مترين مني وم قادر المسك قالت ليهو هوي ها شايفاك اتعودت شددددديد قال لي مرتي حلالي قلت ليهو يلا نوم ... قالت ليهو ت ع خ ... قال لي وانتي من اهلي اشششششششي علي انا
صحينا الصباح صليت الصبح نزلت ماشاءالله كلنا كنا قاعدين شربنا الشاي وصفي قال لي اامي. .. والله ي خاله عيشتيني جو ووضع عمري كنت م قايل نفسي ح اعيشو ربنا يخليك لينا وم يحرمنا منك.... قلت ليهو انا م خاله انا أمك وح تقول لي ي امي بعد دا لانك زي اولادي واحد
قلت ليهم اقعدو حبو لي ف بعض كدة انا طالعه فوق وبجي امي قالت لي ب حقنا
طلعت اتصلت لي ميدو عرفت زفت مروه ح تكون معاهو قعدت مثلت قلت ليهو مشتاقين وحنك وبتاع... أظن قالت ليهو افتح السماعه انا سمعتها ...طوالي قلت ليهو ميدو وصفي طلقني ... وكل البينا انتهي. .. قال لي ليه وم ليه قلت ليهو قسمه. ...
يلا قلت ليهو بكره خطوبه أحمد عليك الله تعالي ... قلت ليهو ولو سمحت م تجيب معاك مروه طيب ...
شكلها عايزه تردح لي قفلت الخط عرفتها سامعاني. ...
رسلت لي وصفي قلت ليهو الخطه الاولي انتهت قال لي زييييت
يلا أحمد قال لي اطلعي عشان نمشي السوق عندي حاجات عايز اخلصها قلت ليهو تمام وصفي ودع ناس البيت وقال لي نتلاقي بكره قلت ليهو تمام. ... مشينا السوق وماشاءالله م خليني شي اي حاجه محتاجين ليها اشتريناها جينا راجعين ظبطنا الحاجات كككلها كل شي فل الفل وصفي اتصل قال لي اشتقت ليك قلت ليهو وانا كمان ي روحي ششديد قال لي ع فكره لقيت رساله من مروه كيفك وكدا بتسأل مني قعدت اضحك قلت ليهو عشان عرفت اني خليتك قلت ليهو ورد ليها عادي نهاي م تقول ليها شي ... قال لي تمااااام. ..
اصبحنا الصباح رتبنا كل شي واتصلت ع ميدو اكدت ليهو انك لازم تجي وضروري كمان ... قال لي حااااضر انا مشيت الكوفير الهبله خالده البت عايزه تموت من الفرحه قلت ليها والله اول مره اشوف وحده خفيفه ولفيفه زيك قالت لي وااااي م مصدقه ماشاءالله طلعت عسل لبست فستان كوبي وتسريحه ظريفه عندها اختها كانت بتدرس ف دبي ماشاءالله بتقول للقمر قوم وانا اقعد مكانك اسمها ميادة انا لبست فستان أحمر كنت هايجه م بعرف مالي ... مطقم ب اسود طلعت حلوه أحمد جاء ساقنا وم مصدق خالده عجبتو شديد ماشاءالله حلوين ياخ ربنا يتمم ليهم ع خير مشينا ودخلنا شويه كدا وحبيب قسساي جاء لابس قميص بني محروق واااااااااااي دمااااار ماف زول تاني يلبس بني لو سمحتو لمن جاء داخل كل البنات بقو شاهقين فيهو ... البتقول وأي وحلاتو واحي انا منو قربت مشيت اكتب ورقه واختها ف ضهرو انو هو عاااقد وهو حقي براي ولا كذبت الناس كلها معاهو مشيت وقفت جنبو وقلت ليهو اسمع نزل راسك قريت ليهو المعوذتين قلت ليهو وربنا يحفظك لي ومن عيون الناس طبعا كيفتو الحركه شديد ههههه قال لي يحفظك لي انتي مسك لي يدي ب قلبي قلت ليهم كييييييه يلا اي وحده تلم عيونها عاد جنس وصفي دا كان م عملت ليهو كدا بشلبو مني ...
المهم جاء ميدو داخل طالع ظريف قال لي حسسبو الليله بسحروك قلت ليهو وانت كمان قاااشر ي صحبي ... جات ميادة ماره من جنبنا ميدو سرح قال لي ي سسسبحان من خلقها قلت ليهو عحبتك قال لي عليك دينك اسي دي بت ومروه بت قلت ليهو لو عجبتك طوالي بخطبها ليك بت خالتي قال لي اسي م عندي مانع قلت ليهو احلف قال والله العظيم. .. قلت ليهو اتفقنا طبعا عيلتي كلها بتعرف ميدو دا شنو ...
طوالي كلمت ليهو مياده خليتها تتبسم شكلو زاتو عجبها قلت أكلم خالتي بعدين ...
الانتقام جاي
الحيوانه رسلت ل وصفي قالت ليهو مشتاقين ... قلت ليهو رد ليها ب الاكتر ... معفنه فكرت فيهو تمت الخطوبه وزغاريد وحفله ربه زي الربه
امي قالت لي نبيت مع ناس خالتك هنا احسن قلت ليها تمام ...
وصفي عايزني وبجي راجعه ... طلعنا عارفين مشينا وين مشينا محل طعميه اكلنا كلنا جعانين شربنا بارد استمعنا. .... فجأه رفعت راسي لقيتو بعاين لي قلت ليهو حراااااااام انت تكون عندك عيون زي دي بموت انا بموت قال لي هوي انا بخجل قلت ليهم مشم صح حبيبي العسل ....
رجعني بيت ناس خالتي وقعدنا نتونس طبعا انتو عارفين ونسه م بعد الحفلات قطيعة صح ههههه كلمت خالتي ووفقت مبدايا قالت لي خليهو يجي والفيهو الخير ربنا يسويهو
رسلت ل وصفي قلت ليهو الخطه التانيه خلصت
تم أسبوع ع الحال دا وطبعا مروه مع وصفي ونسه تقيله قامت قالت لي ميدو انا وانت م بنفع ل بعض وأحسن نبعد وشنو حنك البنات لمن يجيهم عريس ظابط داك ميدو اصلا كان عايز يتخارج منها .... جو هو وابوهو ل ناس خالتي ووافقو قالو الخطوبه بعد اسبوع ماشاءالله خطوبات ساي...
وبهناك وصفي اوهم مروه انو بحبها وح يجي يخطبها برضو بعد اسبوع اللي هو نفس خطوبه ميدو ومياده
يوم الجمعه جاء وظبطنا اي شي الخطوبه وانا لبست اليوم داك توب وقلت ل حبيب القلب البس جلابيه م بعرف البسو إلا امي ساعدتني لبست توب شاي لبن مع طقم احمر وطبعا الشعر فاكي بجد كنت ماشاءالله مياده الحلو لبست فستان اسود وهي بيضاء ماشاءالله طلعت جميله. ..
وطبعا بهناك مروه مشت الكوفير ولبست واتجهزت م عارفه الراجيها طبعا وصفي م جاء ساقها ع حسب فهمها .. جاء اخوها ساقها من الكوفير وطبعا كانو الناس ملموين عنهم .... وب جاي الخطوبه تمت واخدنا سيلفي انا و وصفي وتاني ميدو ومياده رافعين يدهم ومظهرين الدبل كيييييه للحاسدين وهي تشيل وتتصل طبعا طوالي رسلت ليها الصور. .. استغربت انو انا برسل ليها ف زمن زي دا ليه فتحت الصور جاتها صدمه حضاريه اغمي عليها قالو وتاني م عارفه الحصل ليها شنو
حقي قلت باخدو باخدو وراجلي م بخلي ليها
تميت حفلتي ديك ب مزاااااج رقصنا رقيص لمن فترنا وصفي قال لي حبيبي منك خوف قلت ليهو البغلط معاي دي نتيجو قال لي التوب يخلووووو ليك تعالي نعرس اسي قلت ليهو انا م دايره اعرسك خلاص مهمتك خلصت ح أطلق منك قال لي بتححححححلمي قال لي اقتلك واقتل نفس لكن م بخليك قلت ليهو بري منك متوحش قال ل ب الظبط .... قال لي م تجيبي بوسه ضربتو ف كتفو قلت ليهو اتلم ميدو قال لي حسسبو انتو قاعدين تقطعو ف منو قربت اقول ليهو هو مفكر يقطع لي خشمي قلت ليهو بنقطع فيك انت ي صحبي العزيز ههههه قال ليهم واااي م بتخجل بتقول لي ف وشي قلت ليهو ايووون...
تمت الحفله وكل زول رجع ع بيتو وكانت حلوه شديد رجعت صليت العشاء ولبست بجامتي ورفعت شعري فوووق فجأه وصفي رسل لي قال لي أنا تحت قلت ليهو أقسم بالله زهجتني ياخ عايز شنو قال لي بطلي طوله لسانه وانزلي اسي قبل انا اطلع ليك قلت ليهو ياخ م جايه اسي انا م كنت معاك ... قال لي ف حاجه نسيتيها عندي قلت ليهو شنو قال لي تعالي شوفيها لبست لي توب وجري نص ف الارض ونصو فيني الحمدلله كلهم نايمين مشيت زي الحرامي وأي وصفي انا يوم ح يششلني بس من فتحت الباب وجيت ليهو مسكني حضني بدون أي مقدمات قال لي اشتقت ليك ششششديد دفء كدا حنان الدنيا كككككلها فيهو أمان وانتي معاهو الله يديكم وييييييي م عندكم زي وصفي
بهظر بهظر ... يلا نرجع
قلت ليهو وصفي ب دلع كدا قال لي النبي قوليها مره تانيه قلت ليهو زح مني ... قال لي ابيت انتي الزحي مني م قدرت اقاومو قلت ليهو ابييييييييييت حضن راجلي وانا حره فيهو قعد يضحك ... زحيت عشان أعاين ل ضحكتو قلت ليهو وصفي قال روح وصفي قلت ليهو انا اسبوعيا ح يكون عندك مرتب عشان تضحك لي نفس الضحكه دي تاني قعد يضحك قلت ليهو عذااااااب قال لي ي بت اتلمي ... قلت ليهو انت قاعد تغري فيني عشان ابوسك صح م عارفه زاتي قلتها كيف ع قولو انا خفيفة ولفيفه قال لي اممممم ب الظبط كدا ولا كذبت طوووالي بوستو احلي بوسه واحلي عالم واحلي دنيا زحيت منو ليهو خلاص ونزلت راسي قال لي بعد شايف انك انحرفتي لكن لسه بتخجلي قلت ليهو حيوان م تتكلم معاي قعد يضحك قال لي صح انا عندي ليك حاجه قلت ليهو شنو قال لي دقيقه .... جاب علبه فتحها فيها سلسل مكتوب عليهو #احببت_مجنون ب طريقه جميله خلاص قلت ليهو وأي م بصدق حلوووو شديد شكرا قال لي اكيد ح يجي فيك حلو عشان انتي حبيتي واحد مجنون زي وم فكرتي ف أي شي تاني قلت ليهو حبيبي انت ربنا يخليك لي وما يحرمني منك قال لي يلا اطلعي والوقت اتأخر بجد ...
قال لي وكلمي ناس بيتكم احنا بكره جايين. ... قلت ليهو وصفي اقول ليك الحقيقه قال لي اها قلت ليهو ياخ م تجي بكره بقيت كتير شديد خلينا نرتاح منك حبه دايره أجري ادخل مسك يدي وجراني عليهو قال لي والله انا لسانك الطويل دا إلا اقطعو ليك قلت ليهو اقطعو بعدين اسي خليني امشي قال لي يلا باي
طلعت وانا بتبسم زي المجنونة هههههه نمت وبرضو بتبسم ...
بعد يومين وصفي اتصل ل ناس البيت قال ليهم ح نجي نحدد مواعيد العرس سجمي جدا .... وكمان أحمد اتصل ع ناس خالتي وقال ليهم نفس الكلام خالده برضو بتكون بتقول سجمي جدا
--------------------------------------
---------------------
جاء وصفي ومعاهو عم عثمان وأخوهو اتغدو معانا وحددو العرس بعد شهر ب الظبط وأي قلت ليهم م بلحق والله ونفس الشي ل خالده ... أمي قالت لي ح تمشي تقعدي مع ناس خالتك ح تتحبسي انتي وخالده سوا قلت ليها أهون عليك امشي قالت لي أي بتهوني عشان تبقي عروس زيك وزي باقي الناس وصفي قال لي بكره ح نطلع من الصباح نشتري الحاجات الناقصة ف البيت وغرفة النوم لانو باقي الفرش جددناهو اسي ... قلت ليهو تمااام عمو عثمان عايز يموت من الفرح و خالده ح تجي تسكن مع أمي براها اختارت كدا قلت لي امي ح يجيك شلل رعاش من خالده ... أحمد حمر لي قال لي أهم شي انتي م حتكوني في ...
أصبح الصباح مشينا محل العده واخترت غرفه النوم ماشاءالله م خلاني اتحرم من حاجه اي حاجه قلت عاجباني قال لي شيليها.... طبعا معانا امي من هناك قال لينا ارحكم البيت عشان تشوفو وتشوفو الناقص شنو ....
ماشاءالله تبارك الله بيتهم مرتب اكتر من حياتي قلت ليهو اكيد م عايز اي حاجه ماشاءالله قال لي وح يكمل لمن انتي تكوني فيهو ...
امي قالت ليهو انا بجي يوم عشان ارتب ليها حاجتها هنا قال ليها تنوري ف أي وقت
رجعنا البيت ومشي طبعا م لاقي فيني اي طريقه مبسوطه شديد انا قلت ليهو يلا تاني م بنتلاقي إلا يوم العرس قال لي والله لو حكمت لي اشوف بجيك جوه بيت خالتك عويره انتي ولا شنو قلت ليهو كرامه مااااااااف اتصل ع ميدو قال لي مبروك وربنا يتمم ليكم ع خير قال لي م تعرسو لي معاكم قلت ليهو لا لا عشان عايز اتفشي ف عرسك ارقص ليك اسي م بقدر ارقص ...
شلت شنطتي وكل احتياجاتي ومشيت ناس خالتي ماشاءالله لقيتهم مجهزين لينا اي شي انا وخالده حتي غرفتنا سوا يعني مشروع حبسه جامد ونسه وضحك ولمه... بعد أسبوع امي جات قالت لي يلا نمشي نجيب الشيله جات مرت اخو وصفي معانا ظريفه وحلووووه شديد ماشاءالله انا وخالده اشترينا كل شي ح نحتاجو طبعا انا اشتريت 3 تياب بس م بعرف البسهم الباقي فساتين وبناطلين ماشاءالله طلعت لينا شيله حلوه شديد
بعد رجعت قلت لي وصفي ربنا يخليك لي وم يحرمني منك وان شاء الله دايما زايد وربنا يرزقك كمان وكمان حبيبي ي ناس .... قال لي اشتقت ليك عايز اشوفك قلت ليهو ششديد قلت ليهو ماف طريقه نهاي متأسفين
وفي نفس الوقت بهناك أحمد متعذب وعايز يشوف خالده بقينا ع الحال دا كدا لحد م باقي للعرس أسبوع بقينا كلنا م مصدقين وماشاءالله خالتي حبستنا حبسه زي الفل ماشاءالله بقينا نعمل كدي وانا لمن سمنت
طبعا امي عشان م تحسس وصفي انو وحيد وم عندو زول قالت ليهو الحنن كلها ح تكون عندنا مع احمد من أول حنه ل اخر وحده طبعا وصفي م عندو خالات طبعا وافق لانو لقي ليهو أم تانيه ربنا عوضو زي م قال
طبعا وأي انا وخالده نفسنا نشوفهم ب الحنه عاملين كيف والجلابيه آخر حنه ليهم كانت يوم الخميس والجمعة العرس احنا يوم الخميس الصباح جابو لينا الحنانه واتحننا ماشاءالله عروسات عروسات قلت لي خالده والله الحفله ح تكون رابه ب ننوسه لازم نمشي نحضرها قالت لي والله انا نفس امشي قلت ليها خلاص اتفقنا قلت لي خالتي ماشين بيت الجيران لانو هنا البيت جايط .. قالت لينا طيب ...
لبسنا عباياتنا وطبعا منقبات وققنا لينا أمجاد وجري ع بيتنا لقينا ليك الحفله رابه ربه طبعا انا مستقربين انصار السنه ديل الجابهم شنو محمد شكلو شك فينا احنا قعدنا وراء ونصفق نفسنا فاتحه محمد جاء قال لي والله ي زينب لو م سقتي خالده دي ومشيتو من هنا اسي إلا افضحك واقول ليهم عاينو العروسات جو... قلت ليهو الله يذاك عرفتنا كيف وأي م بصدق قال لي قدامكم 10 دقائق بس
والله طلعنا جارين جري قلت ليهو كلب كان يخلينا نكمل الحفله وجري ع البيت وصلنا بيت خالتي اتخلعت قالت لينا مالكم قلنا ليها اشتقنا ليك وجري ع الغرفه بقينا نضحك زي المجانين...
غايتو إحساس حلو اوع تخلوهو قلت لي خالده دقيقه اعذب ليك وصفي رسلت ليهو صوت الحنه والجسم ماشاءالله بقي رهيييب م رد لي إلا بعد الساعه 11:30 قال واااااي انا مالك علي بليل دا قلت ليهو قلت ليهو يلا اتغاظ قال لي بكره إلا تطيري مني
خالده قالت لي يخس عليك عشان راجلك مش قلت ليها ب الظبط
اصبحنا الصباح طبعا مشينا لبسنا عند ايه بابكر ماشاءالله زوق واحترام ... طلعتنا نجفات والله ... جاء المساء جو يستلموونا وأي لمن جو داخلين وااي من السماحه واي من الروقه وأي من الحنه الفي يدينهم وأي من البدل وأي وأي ناااار منقد ماشاءالله ماشاءالله احححح قلت ليهم جريت ع اخوي حضنتو قلت الف مبروك وبسسحروك حصنتو قال لي مبروك ليك انتي لاني وعدت نفسي انا ح اسلمك ل راجلك ب نفسي ساقني من يدي وقال لي وصفي اتفضل امانتك العندنا بأس ل راسي وقال لي الف مبرووووووووك وي رب اقدر اسعدك انا ي جماعه م قدرت اعاين ليهو مرتين ماشاءالله تبارك الله ربنا يحفظو قال لي حبيبي تعالي احصنك وأي من الصوت هو بقرا
أحمد وخالده بأس ليها رأس وقال ليها بقيت قدر وعدي واتزوجتك قالت ليهو ربنا يحفظك لي وان شاء الله اقدر اسعدك عصافير الحب حلووووووين
وصفي واحمد ب صوت واحد قالو والله ماشاءالله خالتك طلعت لينا منتجات سمحه شديد قلت ليهم قليلن ادب
وصلنا الحفله كانت ب قرقوري ف صالة برستيج ماشاءالله كل الناس في رقصنا رقيص م خلينا شي التقول م عرسنا
انتهت الحفله والجرتق من الصاله للمطار ...
انا ووصفي مشينا ماليزيا
وأحمد وخالده مشو تركيا احنا م كنا عارفين فجأونا ب السفر...
وصلنا وارتحنا وكانت احلي ايام وطبعا م حصل بينا شي إلا بعد أسبوع كنت متوتره ساي ابييييييييييت م بقول ليكم حصل شنو
رجعنا السودان ... انا رحلت بيتي وخالده جات بيتنا
ماشاءالله بعد 3 شهور خالده حملت انا حملت بعد 4 شهور ح نجيب بيبيهات
انا ولدت وجبت ولد زي الثثثثثكر سميتو #مؤمن
وخالده جابت بنوته زي القمرر سمتها #معين
ولدي منكوش دايما وصفي قال لي سرحي ليهو قلت ليهو ولدي وانا حر فيهو جراني قال لي اشتقت ليك مؤمن جاء جاري من هناك قال ليهو بابا ماما امممممممح قلت ليهو شايف من كتره انحرافك الولد بقي عارف
حياتنا حلوه شديد وكل شي متفاهمين فيهو ميدو عرس بعدينا ب 7 شهور وأسي مياده حامل
عمركم م تقنعو من رحمه ربنا ربنا كريم وعسى ان تكرهو شي وهو خير لكم"
وانت لو عايز تغير ف الزول البتحبو حاجه ح تقدر تغير بس انت كون واثق من نفسك ومن البتحبو
الله يديكم ي بنات زي وصفي ويبعدكم منن جنس مروه .... وم تثقو ف أي زول
*وشششكرا ككككل الحببببب*
*النهــــــــــــــــــــــــاية*
*كـــــــــــــــــــــــــــــل الـــــــــــــــــــــــــــــود*
ارائكم مهمة وانتظروني في رواية قادمةيتبــــــــــــــــــــــــــــــــــــــــــــع*
**_ـــــــــــــــــــــ ـــــــــــــــــــــ ـــــــــــــــــــــ ـــــــــــــــــــــ
*استغفر الله واتوب إليه*
*_ـــــــــــــــــــــ ـــــــــــــــــــــ ـــــــــــــــــــــ ـــــــــــــــــــــ*
*قرووب واتس للمهتم بالرؤياات*
*#مـــــــــــــــــتـــــابـــــــــــعــة_ليـــصــــلك جـــديـــد*
*#جـــــــــــــــــــــــــــــــــــــــــــــوكـــــــــــــــر*
*#جوكر**
