وسواس قهري

 

م كنت عارفه أنو دي البدايه بس بقيت أغسل يديني عشره مرات في الدقيقة!!! صدقوني أنا بعمل كده من غير وعي بقيت أخاف من المصافحه!!! بخاف زول يلمس يدي!؟ لدرجه المعقم بكون في يدي اربعه وعشرين ساعة وبلبس كمامه حتى فى البيت!!! أول كنت عادي بس توتر خفيف لمن زول يلمس يدي لكن هسي بكون عايزه أصرخ فيه لأنو لمسني!؟ في يوم وأنا داخله الجامعه مع تسنيم صهيب جا سلم علينا بس أنا م مديت يدي!! قال لي مالك يلخت م بتصافحي!؟ ...قلت ليهو م م م كده عاينو أنا ح أكون في القاعه ومشيت... تسنيم جات مسكتني من كتفي غمضته عيوني شدييييد قلت ليها زحي يدك ...قالت لي مالك ي فايزه!؟ صرخته عليها قلت ليها زحي يدك وتاني م تلمسيني بيدك دي ي تسنيم ... كأنو بعاينو لي باستغراب كده طوالي مشيت مسكته رأسي أنا عملته شنو!؟ هل ده غلط!؟ طيب أنا قلت ليها تزح يدها وما سمعت!! أنا م غلطانه تااني في حاجه بتتكلم في راسي دخلته القاعه كنت بعاين للبنش بقرف كده مع أنو نضيف بس كبيت معقم في منديل ونظفتو تاني حتى قعدته!!! الكانو قاعدين في القاعه بقو بعاينو لي م اشتغلته بيهم بقيت منتظره متييين المحاضرات تخلص وارجع البيت...بعد خلصنا طوالي طلعته صهيب وقفني قال لي عايز أتكلم معاك ..قلت ليهو أنا تعبانه م قادره هسي خليه بكره...قال لي أمشي اركبي ماش أنادي تسنيم....لمن أتحرك م قدرته أركب او المس باب العربيه مسكتها بي منديل وركبته....بعد اتحركنا هم بتونسو وأنا سااااااكته بعاين بالشباك...صهيب قال لي فايزه مالك أنتي عيانه!؟ ...قلت ليهو أبدا....قال لي طيب مالك ماااا طبيعية خاالص....قلت ليهو م تسأل كتير عليك الله بطل تدخل في حاجه م بتخصك وقفني هنا عليك الله ...قال لي م واقف حتعملي شنو!؟ ....العربيه ماشه فتحته الباب ونزلته رجلي حقيقي كنت ح أقع بس صهيب داس فرامل شديد ووقف العربيه ...جا رفع يدو عايز يديني كف تسنيم وقفتو قالت ليهو م كده ي صهيب روق ...قال ليها أنتي م شايفه ليها كم يوم بتتصرف كيف!؟ عاجباك تصرفاتها دي!؟ أنتي جنيتي!؟ عايزه تموتي!؟ ....عاينته ليهو جووووه عيونو قلت ليهو ابعدو مني بس تاني م عايزه شي منكم ومشيت شلتها كدرشي للبيت لمن وصلته العشاء إذن... أبوي جا زهجان قال لي كنتي وين!؟ تسنيم دي جات قبيل أنتي م جيتي معاها لي!؟ قلت ليهو بس كده ...عايزه أمشي قال لي فايزه ولله اديك كف انزل ليك سنونك ديل كلهم لمن أتكلم معاك تردي كويس ...قلت ليهو حاضر دخلته غرفتي مشيت استحميت وطلعته خمسه دقائق م تميت تاني رجعته الحمام بقيت ماشه وجايه واغسل يدي عاينته للغرفه لقيتها جايطه رتبتها ومسحتها وختيت اي شي في مكانو بالظبط.... طلعته لي ناس أمي قالت لي العده راجياك .... المره دي نهائي م جطه ولا شي مع أنو المفروض اكون تعبانه من نظافه غرفتنا!!! بس ولااااا شي دخلته المطبخ غسلته العده ورتبته المطبخ!!! أمي لمن جات داخله هبشت جبهتي قالت لي مالك ي بنت!؟ ...قلت ليها حبيت أنظف بس ولا ما أنظف....قالت لي أمشي ارتاحي طيب ولا تعاالي هنا أنتي من جيتي م أكلتي تعالي ولله عامله ليك قيمه مخصوص ليك أنتي...قلت ليها تسلمي لي أنتي...بعد أكلته مشيت غسلته يدي وقفته في المرايه بعاين لي نفسي أنا مالي!؟ بعمل كده لي!؟ هل أمشي لي دكتور نفسي!؟ لالالا تاني غسلته يدي ورجعته نمته 

""أعرف ليكم الوسواس القهري هو شنو..ده نوع من الاضطرابات النفسية التي تسبب القلق تتميز بأفكار ومخاوف غير منطقية ( وسواسيه) تأدي لي تكرار بعض التصرفات إجباريا ( قهريا) مما يعوق الحياه اليومية(*_*) ""صحيت بصوت تسنيم بتصحي فيني معاها نجود....قلت ليهم خير!؟ ...قالت لي خيرين قومي معانا برا ...قلت ليهم م عايزه أنا كده مرتاحه واقفلي الباب وراك  صهيب جا داخل قال لي فايزه... أنا نطيت وقعدته في نص السرير قال لي للمره المليون مااااالك!؟ قلت ليهم عليكم الله الفتره دي خلوني براحتي ممكن!؟ نجود قالت لي أنتي فيك حاجه م براك كده ي فايزه....قلت ليهم افهموني ياخ وما تضغظو على اكتر من كده ...تسنيم قالت لي براحتك ي فايزه طوالي طلعت....نجود قالت لي بتكون زعلت بس أنا ح أتكلم معاها ويا ستي زي م تحبي حنخليك على رتحتك ووقت م تحبي أنا جنبك  ابتسمته ليها قمته دخلته الحمام استحميت وغسلته يدي وجيت لقيت صهيب قاعد براهو قلت ليهو وين نجود!؟ قال لي عندها محاضره بعد ساعه لازم تلحق وأنتي اتجهزي عشان نمشي سوا ...قلت ليهو لا لا م م ماشه أنا....قال لي لي م ماشه!؟ مسكته راسي بقيت اهز رجولي شديد قلت ليهو م تتكلم كتير ي صهيب ممكن تمشي!؟ ....قال لي أهدي ي فايزه عايز يمسك يدي قلت ليهو م تلمسني بعد .....بعد مني قال لي طيب ممكن تروقي!؟ قلت ليهو أنا رايقه ما فيني شي!! قال لي طيب معرقه كده مالك!؟ ...صرررخخخخخته صرخه كبيره شديد بقيت اصرررررخ وماسكه راسي ...صهيب قال لي فايزه أهدي مالك!؟ أمي جات جاريه قالت لينا في شنو فايزه مالا!؟  .... أبوي جا قال ليها البنت دي مالا!؟ صهيب قال ليهم م عارف ولله كنت بتكلم معاها عادي فجاه بقت تصرخ ...قلت ليهم اطلعو برااا عايزه أقعد براي  عليكم الله خلوني براي ...صهيب قال ليهم اطلعو ي جماعه بعد تهدأ شويه نتكلم معاها ....طلعو أنا م عارفه نفسي عملته كده لي م عندي تفسير للبعملو خالص غير أنو دي رغبه أيوه رغبه بتخليني اصرخ واتصرف تصرفات غريبة وما طبيعية!!!؟؟؟ بقيت اعاين لي يديني بهلع كده جريت غسلتهم وستحميت وقبل م أطلع غسلتهم تاني وطلعته قمته قفلته باب الغرفه جبته شيتاتي قلت اقرأ بعد خلصته قمته تاكدته من باب الغرفه قافل ولا لا مع أني عارفه بس مشيت جيت راجعه فتحته الشيت وراجعتو تقريبا خمسه مرات براجع فيهم واقوم أتأكد من باب الغرفه واغسل يدي وارجع تانيحالتي بقت متازمه شديد الحاجه الفي رأسي دي بقت تتحكم فيني اكتر م بقدر أقاوم طوالي بقوم بعمل الحاجه الجات في بالي دي ....قررته أني أمشي اشوف دكتور نفسي لأنو الحاجه دي م طبيعيه!!! تاني يوم الصباح قمته استحميت ولبسته بنطلون جينز وتونكه طويلة بالبيض وسبورت أبيض شلته الشنطه وتلفوني وطلعته.... أمي قالت لي اشربي الشاي واطلعي وبعدين ماشه الجامعه بي بنطلون!؟ أنا اتوترته شديد قلت ليها م لا أنا ا أنا أيوه عادي.....قالت لي الشاي وم تنسي قروشك أبوك ختاهم ليك في الدولاب....قلت ليها سمح ...من طلعته لقيت صهيب في وشي قال لي صباح الخير يا كسلانه ...قلت ليهو صباح النور معليش بس أنا متأخره عايزه أمشي...قال لي وأنا جاي هنا عشان اتونس مع مرام!؟ أرح اركبي ...قلت ليهو لا م هو أنا بس لا انت أمشي ...قال لي فايزه!؟ داسه مني شنو!؟ عليك الله كن بتعزيني وريني مالك لي كم يوم شايفك م كويسه ومقلق عليك مالك!؟ ...قلت ليهو احم م ما في شي ي صهيب أنت أمشي الجامعه وأنا بلحقك:,-) قال لي من هنا م متحرك قبل م توريني فشنو!؟.... صرخته فيهو قلت ليهو ياخ م قلت ليك مافي شي م بتفهم انت!؟ وبعد مني بعععد م عايزه اشوفك أنا ي صهيب أقولها ليك كم مره عشان تفهم!؟ خليني براحتي لو سمحت يعني ....اتحركته من جنبو وأنا بأكل أظافري وشويه اطقطق أصابعي كنت متوتره شديد  

اليوم داك م مشيت قلت أنا م مريضه بس بكون ده توتر أو اي حاجه لكن م مريضه!!! طيب أنا لي ببعد من أصحابي وإخواني لي ؟؟؟!!! لي بكون بعيده من الناس؟؟!! لي بغسل يدي طوالي كده!؟ لي م بقدر أمسك نفسي لمن اشوف حاجه م منتظمة!!؟؟ اخخخخخخخ عندي أسأله كتيره عايزه ليها جواب بس كيف!؟ من منو!؟ م بقدر أكلم ناس البيت ولا ناس صهيب طيب أعمل شنو!؟... أكلم صهيب عشان يساعدني!؟ لا م لازم يعرف ح يعاملني كأني مريضه نفسيه وأنا م عايزه كده ....الساعه ٥ صباحا وأنا م نمته!!!؟؟؟ صاحيه بفكر بحاجات كتيره أول مره أكون صاحيه للزمن ده!!!؟ وكل دقيقه اطلع اشوف البيت مقفل ولا لا باب المطبخ الحمام الخارجي!؟ غرفه عمر!؟ باب الشارع!؟ لي درجه دخلته المطبخ اشوف الغاز قافل ولا لا  لمن كنت راجعه لقيت مرام صحت وكانت بتبكي جات ضمتني مساااافه حتى نامت تاني!! مشيت استحميت وطلعته الزمن م عايز يمشي حاسه بكتمه نفس م عاديه عايزه اصرخ!!! م قادره أمسك نفسي  صرخته بأعلي صوتي مرام صحت مخلوعه وأنا لسه بصرخ جات قالت لي فايزه مالك!؟ ....دموعي جو نازلين عشان أنا م عايزه أصرخ وحاليا بصرخ ( انتو فاهميييين!؟ ) عمر أول زول جا جاري مخلوع قال لي فايزه!!!! مالك!؟ ختيت يدي في خشمي عشان أكتم الصرخه بس م قادره جريت دخلته الحمام وقفلتو غسلته يدي بسرعه عاينته لي شكلي قلت اكيد اتوسخت!!! سامعه أبوي جايط قال ليهم بنتكم دي جنت شوفو ليها اي مصحه تقعد فيها تقعد تصرخ فينا كده!؟ عمر قال ليهو م كده ي أبوي خليها تطلع وأنا بتفاهم معاها انتوا امشو ...الساعه 6 ونص تطلعته من الحمام عمر قال لي تعالي اقعدي....قلت ليهو لا عايزه أقعد براي ...قال لي فايزه أحكي لي أنتي الحاصل معاك شنو!؟ بالجد عايز اعرف تصرفاتك الغريبه دي بتسوبها ليه!؟ ملاحظ ليك كل دقيقه بتمشي تتأكدي من الأبواب خايفه من حاجه!؟ وريني ي فايزه،،،، قلت ليهو لا أنا بس بسمع كركبه في الباب فبمشي عشان أتأكد بس  ...قال لي أنتي نومك تقيل كن زول مات جنبك م بتفتحي تزعجك كركبه الباب!؟.... قلت ليهو م كفايه ي عمر م تزن في راسي كده عايز مني شنو!؟ قام وقف قال لي سلامتك ي أختي....عمر طلع زعلان أنا قمت اتجهزته وبقيت كاتحه  اليوم كمان م مشيت الجامعه أمي قالت لي أنتي مالك الأيام دي ي فايزه!؟ عيانه!؟ قلت ليها لا مافي شي....قالت لي طيب بتتجنني مالك ولله أبوك حالف عليك....قلت ليها م مشكله وطلعته.... أنا م بقدر أقعد في البيت ده كده بسالو كتير لييه!؟ لمن وصلته العياده كنت عايزه أدخل بس متوتره شديد  تاني دخلته لقيت زي سبه انفار منتظرين....مشيت قعدته جنب وأحد كده بتكلم براه خفته عايزه اقوم.. قال لي م تخافي م بعمل ليك حاجه ....م رديت ليهو فضلنا قاعدين واي زول بدخل بقعد ساعه ونص وبطلع أنا لمن وصلته كان المغرب على وشك....دخلته لقيتو بشرب مويه عملته حركه عشان ينتبه فعلا لتفت عاين لي قال لي اتفضلي اقعدي ....عيني وقعت علي المكتب كان شكلو م مرتب نهائى وعشوائي اي حاجه في مكان...من دون وعي مشيت رتبته ليهو المكتب وهو ولا سألني...بعد خلصته رجعته قعدته قال لي شنو!؟ قلت ليهو م عارفه في حاجه قالت لي اعملي كده فعملتو وبعدين الحاجه الجايطه بتوترني ...قال لي أسمك منو!؟ قلت ليهو احم ف فايزه محمد قال لي اها ي فايزه مشكلتك شنو!؟ قلت ليهو أنا.. أنا م عارفه مشكلتي شنو!!! بعمل حاجات غريبة شديد ما مفروض بني آدم طبيعي يعملها  مثلا بغسل يدي عشره مرات في الدقيقة!!!! بستحمه كتيير في اليوم!!! بتوتر من أقل غبار بقيت أخاف من المرض!!! أنا م طبيعيه ي دكتور نهائي م طبيعيه عايزه أعرف أنا مالي بحصل لي كده لي!؟ ....قال لي روقي ي فايزه هاك اشربي المويه دي  ...شربته قال لي احسن!؟ هزيت رأسي بمعنى أيوه ...قال لي جا معاك زول من ناس بيتكم أمك أخوك أبوك!؟ قلت ليهو لا أنا. أنا جيت براي...قال لي طيب اديني رقم اي زول من ناس بيتكم!!! قلت ليهو لا م بقدر أنا م مريضه بس جيت أعرف أنا لي بعمل كده!؟ ....قال لي فايزه أهدي أنتي مريضه بي الوسواس القهري ...قلت ليهو شنووو!؟ وسواس قهري!؟ قال لي ايوه والحاجات الغريبة القلتيها دي كلها اعراضو ...قلت ليهو لالا أنا م مريضه ...قال لي أول خطوات العلاج أنك تكوني مقتنعه تماما أنو أنتي مريضه وجيتي هنا عشان تتعالجي ي فايزه ...عاينته ليهو مساااافه قلت ليهو طيب أنا عايزه اتعالج أنا بخسر أصحابي كلهم حتى أهلي ...قال لي أحكي لي الحاجات المريتي بيها الفتره الفاتت دي ...بديت أحكي ليهو وفي نص كلامي قلت ليهو عايزه أغسل يدي ...قال لي الحمام اخر الممر على يدك اليمين ...لمن جيت راجعه قال لي طيب ي فايزه شغاله جامعة!؟ قلت ليهو بس م بمشي...قال لي خايفه من التلوث صاح!؟ قلت ليهو أيوه...قال لي كفايه كده بكره تعالي الساعه 4 كده.... قلت ليهو خير...قمته طلعته منو وأنا راجعه لقيت صهيب م عارفه زاتو جا من وين....قال لي بتمشي وين أنتي!؟ ...قلت ليهو م بخصك كتير....قال لي فايزه ...قلت ليهو دي الحقيقه الحاجه دي م بتخصك كتير انت م مسؤول مني عشان تسألني(*_*)....قال لي اركبي....قلت ليهو م راكبه....جا جراني نفضته يدو قلت ليهو مااااا تلمسني ...ولا كأني بتكلم معاه دخلني العربيه وأمن الباب قلت ليهو عايزه اغسل يدي ي صهيب....قال لي تغسلي يدك !!!؟؟؟ أنا بتكلم معاك في شنو وأنتي تقولي لي عايزه أغسل يدي!!؟؟؟ أنتي م كويسه ي فايزه ليك كم يوم م بتجي الجامعه م بتردي على مكالماتي ولمن أسأل أمك بتقول لي طلعت قبل شويه إذا م بتجي الجامعه بتمشي وين!!!؟؟؟؟ بتطلعي تمشي وين ي فايزه!!؟؟؟ ...لمن م رديت ضرب الدركسون شديد قال لي أنا لمن أتكلم معاك تردي ي فايزه ... قلت ليهو أنا مريضه ي صهيب أنا مريضه عايز تعرف شنو تااني!؟ ياخ م تخليني أكرهك م تدخل في حياتي ...قال لي عندك شنو!؟ قلت ليهو مريضه وبس م ضروري تدخل في تفاصيلي ي صهيب ...سكت مسااافه قال لي عمر حكي لي عن تصرفاتك...قلت ليهو اها ويعني!؟ قال لي عندك شنو!؟ م رديت قلت ليهو عايزه اغسل يدي او وديني البيت ي صهيب....دور العربيه وصلني قال لي بكره الصباح بجيك تمام!؟ قلت ليهو م ماشه وما تجي....قال لي م وريتيني عندك شنو!؟ وتاني م بسألك....قلت ليهو وسواس قهري مسك راسو وعاين لي قلت ليهو عشان كده م كنت عايزه أكلمك م تعاين لي كده ...فتح الباب قال لي بكره بجيك نزلته وهو مشي دخلته البيت وبدأ موال أبوي اليومي اتاخرتي مالك ...ومالك أمس بتصرخي شاكلني ودخلته غرفتي استحميت وغيرته ملابسي ورقدته.... أمي جات جابت لي أكل قالت لي ليك كم يوم م بتاكلي كويس كملي الأكل ده قدااااامي بسرعه ...م جادلتها أكلته وشربته مويه دخلته استحميت وغسلته يدي وجيت طالعه أمي قالت لي متخلفه أنتي قبل شويه م استحميتي!؟ قلت ليها ماما عايزه انوم أنا ...قالت لي نسيتي مرام!؟ قلت ليها م وقتو ي أمي....قالت لي براك عشمتيها كلها مواصله وحده وتصلو وديها ياخ ....قلت ليها طيب جهزيها....بعد خلاص طالعين سند بكي قال لي ليييييه!؟ ماااش....قلت لي أمي لبسي ....طلعنا جنب الباب لمحته عربيه صهيب ...مرام فكتني وجرت على العربيه وتصرخ باسمو استغربته لي جاي هنا وعايز شنو لأنو قبل ساعه كان معاي....فتح العربيه ونزل شال مرام سلم عليها لمن وصلتو قال لي اركبي أرح....قلت ليهو أنت عايز شنو ي صهيب!؟ عااايز مني شنو!؟ قال لي أتصلت على أمك قبل شويه وقالت أنكم طالعين جيت اوصلكم ...

خفت زول من البيت يعرف!!! بالذات أبوي ...عشان كده م مشيت العياده تاني...تسنيم ونجود علاقتي بيهم شبه انعدمت وكل يوم أمي تسألني منهم .... وأنا م قادره اسيطر على تصرفاتي وكل يوم حالتي بتزيد سوء ...صهيب م عايز يبعد كل م أقول ليهو يبعد بقرب اكتر في يوم كنت نايمه أمي صحتني قالت لي صهيب ده داخل عليك البسي ليك توب ولا حاجه...لبسته توب أمي دخلته الحمام غسلته يدي وجيت قعدته جا قعد جنبي كان شكلو تعبااان عيونو وااقعه قال لي صباح الخير ..قلت ليهو صباح النور ...قال لي أنا لي كم يوم ببحث عن المرض ده والحمدلله عرفته كتير وعندي صحبي شديد دكتور مختص ح يعالجك ...قلت ليهو صهيب أنا م عايزه زول يعرف انت فاهم!؟ قال لي ايوه فااهم بس قومي اجهزي عشان نمشي.....مشيت استحميت غيرته ملابسي.... أمي قالت لينا ماشين وين انتو!؟ صهيب قال ليها الجامعه ي خالتو نسيتي!؟ قالت ليهو اخخ ياخ ولله الجماعه ديل طيرو لي مخي المهم الله معاكم....طلعنا ونحنا في الشارع قلت ليهو عايزه اغسل يدي ... أدني مويه وصابونه ووقف العربيه على جنب نزلته غسلته يدي ورجعته قال لي من متين بتحسي بالحاجات دي!؟ قلت ليهو شهر ونص كده ....سكت لمن وصلنا قلت ليهو دي نفس العياده الجيت ليها قبل كم يوم....قال لي طيب انزلي عمل تلفون بعد خلص قال لي يلا ندخل....لمن دخلنا قال لي غياث ده دكتور شاطر م شاء الله ح يعالجك ..سلم عليهو سلام معرفه قال لي اووو فايزه مش!؟ قلت ليهو أيوه...صهيب قال ليهو طبعا هي جاتك قبل كده صح!؟ قال ليهو حصل اي...قال ليهو طيب ي غياث ممكن تشرح لي اكتر لأنو أنا الصراحه م فاهم....قال ليهو طيب زي م عارف انت فايزه عندها الوسواس القهري ( OCD) وده اضطرابات نفسية بتكون ناتجه عن تغير في كيمياء المخ او اكتئاب او وراثه أو الضغط والتوتر النفسي أو صدمه نفسيه شديده واثرو على المخ شنو!؟ طيب اثرو على الدماغ أنو بزيد نشاط القشرة الحزميه والوصاديه  (  cingulo-opercular Network) زي ما بنقول عليها نحنا وده الجزو المسؤول في الدماغ عن تنبيه و الشعور باليقظة تجاه الأمور المحيطة في حاله الإصابة بالوسواس القهري فإن النشاط الزائد لهذا الجزء من الدماغ بسبب النتبيه واليقظة الزائدة وبعطل بعض وظائف القشره المخيه...نحنا لازم نعمل تقييم نفسي لي حالت فايزه دي وده بيتم بمناقشه أفكارك ومشاعرك واغراضك وأنماط سلوكك وتحديد لو عندك هواجس او سلوكيات قهريه بتتعارض مع نوعية حياتك....وكمان معايير تشخيص اضطراب الوسواس القهري وفيهو بنستخدم المعايير الواردة في دليل التشخيص وكمان الفحص البدني وده عشان نستبعد المشاكل الأخرى التي تسبب اعرضك والتحقق من عدم وجود أي مضاعفات ذات صله....وممكن علاج اضطراب الوسواس القهري نتخلص من مشكله ويمكن يساعد على السيطرة على الأعراض عشان م تتحكم في حياتك اليومية وده اعتمادا على شده الضطراب الوسواس القهري وقد يحتاج بعض الأشخاص الي علاج طويل الأمد او مستمر او أكثر كثافه والعلاجين الرئيسيان الاضطراب علاج نفسي وعلاج الأدوية وغالبا ما يكون العلاج أكثر فاعلية عند الجمع بين هذين النوعين من العلاج....والعلاج النفسي بكون كيف!؟ أول حاجه في شى أسمو علاج سلوكي معرفي (CBT) وهو أحد أنواع العلاج النفسي_ خيار فعال العديد من الأشخاص المصابين بالوسواس القهري ينطوي التعرض ومنع الاستجابه (ERP) أحد عناصر العلاج السلوكي المعرفي وده بكون لتعرضك تدريجيا لعنصر مخيف او وسواس ما_ مثل الأوساخ_ تعرفك بوسائل مقاومه الرغبة في قيام طقوسك القهريه زي غسل اليدين يتطلب التعرض ومنع الاستجابه جهدا وممارسة لكن بمجرد أن تتعلم كيفية إدارة الوسواس والدوافع القهريه لذالك فسيصبح بإمكانك للإستمتاع بحياه أفضل...ده كفايه اليوم وفي كل جلسه حتعرفي اكتر وتتعافي م تشيلي هم ي فايزه...صهيب كان مركز شديد في كلامو قال ليهو أنا معاها م عليها خوف...كنت بهز رجلي شديد وبعاين لي يدي طلعته غسلته يدي ورجعته قلت لي صهيب صلح القلم الجنبك ده ...عاين جنبو لقاهو مايل صلحو وعاين لي...بعد الجلسه دي رجعته البيت قلت ليهو م تضيع مستقبلك عشاني أمشي الجامعه ي صهيب...قال لي شكيت ليك!؟ ي ستي أنا عايز اضيع مستقبلي....نزلته وهو أتحرك دخلته الحمام على طوول ... استحميت وطلعته مرام جات داخله قالت لي فااايزه ....قلت للهم أجعله خير ... اها خيييير مااالك!؟ ...قالت لي عايزه حلاوه زي حقت سحر ..قلت ليها ودي وين!؟ قالت لي في البقاله جنب الظلط ديك.... لبسته عبايه مشينا اشتريت ليها ولي سند ورجعنا قلت ليها لو دايره حاجه كلمي عمرر فاهمه!؟ قالت لي تيب ....رقدته نممممته تاني يوم صحيت لقيت 9 مكالماتك من صهيب رجعته ليهو قال لي أنا جاي أتكلم مع عمر عن مرضك ي فايزه لأنو أهلك لازم يعرفو....قلت ليهو طيب وقفلته الخط  فعلا صهيب جا قعد مع عمر وفهمو المرض العندي وحكي ليهو كل الكلام القالو دكتور غياث بعد صهيب فات عمر جاني الغرفه دخل وقفل الباب قال لي اقعدي عديل عايز أتكلم معاك...قلت ليهو أنا كويسه ي عمر أنا عارفه أنو صهيب كلمك...قال لي لي م كلمتيني ي أختي!؟ خايفه مني!؟ ولا من رده فعلي!؟ قايلاني م ح اقيف معاك!؟ المرض م بدسو ي فايزه حسيتي بأي شى كلميني نزلته عيوني الأرض حسيت نفسي عايزه أبكي واصرخ!!! ختيت يدي في خشمي منعنا لصوتي أنو يطلع ...نزل لي يدي قال لي صرخي كن ده بريحك بقيت اصرررررخ وأبكي وأقول ليهو ح اموت بالمرض ده ي عمر وهو م معني بالعكس خلاني ناس أمي جو بدقو في الباب بعد حسيت أنو توتري خف جريت الحمام غسلته يدي شديد وبردد في كلمه وحده"ح أموت"لمن طلعته عمر م حاول يقرب مني لأنو عارف أنو م عايزه زول يلمسني...قال لي بعدين ح أمشي معاكم الجلسه...ابتسمته ليهو ودخلته استحميت وغسلته يدي وقعدته جبته ورقه كبيره كتبته الأرقام من واحد لي ميه!!!! وده في كسر من الثانيه!!!! بقيت أعمل كروس في الأرقام وبحسب الجلسه بتاعتي كانت العصر وأمي جاينها نسوان الحي يشربو جبنه وكده أمي جات قالت لي فايزه!!! أنتي بتصرخي كده مالك!؟ قلت أدب جديده ولا شنو!؟ جاااااتط فيني وأنا ولااااا كلمه م سمعتها بعد كده رجعته أعد واعمل كروس في الأرقام لمن م لقت رد طلعت وخبطط الباب أمي بطبعها بتسمع كلام النسوان زي مثلا المره الفاتت بنت فلانه لقوها مع ولد بالشارع الفلاني وسمعتها بقت زي الزفت فهي بتقوم تحجرني في البيت م تتكلمي مع أولاد م تفعلي ده م تسوي ده المهم الظهر كده النسوان جو سامعه أمي بتسلم عليهم  وأنا غرفتي بتفتح في الصاله يعني صوتهم واضح شديد....بقيت بدعي أنو رغبتي في الصراخ م تجي وهم قاعدين

وللأسف م قدرته اكبح نفسي من أني أصرخ بأعلى صوت عندي كل مره رغبتي فلصراخ بتزيد وما بقدر اسيطر على تصرفاتي عيوني بتقلب أحمر عديل وجسمي بعرق وعروقي بتقوم  في مرا كده قالت ليها خير ي أمل دي بتك البتصرخ دي!؟ لي كم يوم بسمع الصواريخ دي!!! أمشي شوفيها الحاصل معاها شنو!؟ أمي جاتني الغرفه مسكت رأسها قالت لي فضحتينا اقفلي خشمك ده يقفلك بلا جات ادتني كف!!! قالت لي اسكتي اسكتي وقطعت لي كف تاني ...جريت الحمام وقفلتو على قعدته في الركن وضميت رجولي على صدري قعدته أبكي!!! قلت م مشكله أمي م عارفه بمرضي ....لمن وقت الجلسه قرب عمر جا دق الباب مالقي اي رد فتحو ودخل سمع صوتي وأنا كاتمه البكيه دقه باب الحمام قال لي فايزه!!!! م قدرته ارد بشهق بس فتحو لمن شافني قال لي فايزه مالك!؟ الحصل شنو!؟ قومي تعالي ...قمته معاه طلعنا بي جاي أمي جات تكورك عااجبك!؟ عاااجبك الحصل ده!؟ حسبي الله ونعم الوكيل فيك حسبي الله ونعم الوكيل فيك ...عمر قال ليها أمي مالك!؟ قالت ليهو أختك عملت فيها مجنونه ليها كم يوم تصرخ براها هسي جو نسوان الحي سمعوها تصرخ عملوك ونسه يلمفضوحه عملوك ونسه ...عمر قال ليها نحنا م لينا شغله بكلام الناس يقولو العايزينو..... أمي قالت ليهو يعني عاجبك تصرخ فينا ليل نهار كده!؟ قال ليها بنتك م بتصرخ ساي ي أمي فايزه مريضه طول حياتها عايشه في توتر وضغط من كل الجهات وكااتمه وده الوصلت ليهو من الضغوطات دي م تتحسبني عليها ساي كن م عارفه السبب جربي اقعدي معاها اسأليها م بحصل حاجه همك كلو كلام الناس طيب وحاله بنتك النفسيه!؟ م بتهمك صاح!؟ قالت ليهو شنوووووووو!؟ كمان مريضه نفسيه!؟ اححححححححييييييي ي فضيحتك ي أمل ااااخخخخخ ...عمر مسك راسو قال لي البسي عبايتك وارح طعنا وأنا لسه ببكي ...عمر قال لي م تبكي ي حبيبتي كل شي بيتصلح وكلام أمي ده م تشيلي نهائي اتجنبيها بس وان شاء الله ح تتعالجي بأسرع وقت ...قلت ليهو بعد صعوبه ي ي يدي ...قال لي قربنا انتظري شويه ...لمن وصلنا العياده لقينا صهيب هناك أنا اتجهته على الحمام غسلته يدي ووشي ودخلته ليهم دكتور غياث قال ليهم اطلعو برا عايز أتكلم معاها برانا ...بعد طلعو عاينته للمكتب لقيتو منظم لا إراديا استرخيت شويه...قال لي وما نسيت المويه والصابون جنبك عشان م تمشي كل المسافه ديك...عاينته ليهو مسااافه لياقه قميصو م كانت منظمه قلت م صاح اصلحها وما قادره اقول ليهو بقيت اهز رجولي شديد وبتلفت!!! قال لي كده مرتاحه!؟ قمته وقفته قربته منو عاين لي جوووه عيوني صلحته ليهو القميص ورجعته قعدته تاني قال لي شكرا ...قلت ليهو العفو(*_*)...قال لي طيب عايز أسألك بتغسلي يدك كم مره في الساعه!؟ قلت ليهو كتير م م متذكره....قال لي بتعدي!؟ قلت ليهو أيوه اليوم من الصباح جاتني العاده دي م كنت بعد بالطريقه دي وبسرعه!!!.... قال لي امممم يعني من اليوم بس!؟ قلت ليهو أيوه....قال لي طيب عندك خلفيه اكتر عن المرض ده!؟ قلت ليهو غير القلتو لينا أمس لا(*_*) ...بقي يسألني أسأله كتيره وأنا بجاوب وهو يكتب...قام نادا ناس عمر جو قعدو قال ليهم ح اديكم خلفيه اكتر عن المرض ده عشان تقدرو تتعاملو معاها عاين لي قال لي طيب ممكن تطلعي برا ي فايزه!؟ هزيت رأسي وطلعته...قال ليهم فايزه كل يوم حالتها بتسوء اكتر أنا ح أكتب ليها أدوية تاخدها مع الإستمرار في أنها تجيني الأدوية دي تستطيع المساعده في السيطرة على الهواجس والافعال القهريه لكن الأكثر شيوعا هو تجربه مضادات الاكتئاب أولا...ح أختار ليها دواء بصفه عامه يكون الهدف منو السيطرة الأفعال والاعراض بأقل جرعه ممكنه ومن غير المعتاد تجربه العديد من الأدوية قبل العثور على دواء فعال وأحد يسيطر على الأفعال القهريه دي ومن الممكن ان تستغرق ملاحظه تحسن الاعراض من اسابيع لي شهور بعد تناول الدواء....وفي آثار جانبية خطيرة جدا زي الانتحار خطر الانتحار معظم مضادات الاكتئاب آمنه بشكل عام لكن اداره الغذاء والدواء الأمريكية تشطرت أن تحمل جميع مضادات الاكتئاب تحذيرات المربع الأسود وهي تحذيرات للوصفات الطبيه في بعض الحالات قد تزداد الأفكار والسلوكيات الانتحاريه لدى المراهقين حتى عمر 25 سنه عند تناول مضادات الاكتئاب خاصه خلال الأسابيع القليلة الأولى بعد بدء تناولها أو لمن نغير الجرعه فهمتو عمر قال ليهو يعني نراقبها في كل لحظة!؟ عشان م نخليها تفكر في الحاجات دي...قال ليهو بالظبط كده ي عمر لازم تخلو بالكم منها بالذات في الفتره دي ما لازم تتوتر ابعدوها عن أي شي بوترها ...عمر قال ليهو ان شاء الله ي دكتور....نادوني غياث قال لي فايزه اي دواء بتاخديهو غير البكتبو ليك م تشربي فاهمه أي وسوسه بتجيك عن الانتحار اتصلي لي على طوالي فاهمه الأدوية دي تاخديها أول بأول قلت ليهو حاضر ...قال لي بتحسي بشنو لمن تطلعي من هنا!؟ قلت ليهو بحس بشويه راحه أنو في زول فاهم أنا بعمل كده لي!! قال لي طيب حلو خلي بالك من نفسك شدييييد....قلت ليهو حاضر ....لمن رجعنا البيت لقينا خالاتي وعماتي قاعدين!!! معاهم أبوي!!! م استغربته من حاجه هم أصلا كده نهائي م بقدرو يكتمو حاجه لازم بنشروها م سلمته عليهم دخلته غرفتي طوالي اصلا م بطيقهم سمعته وحده من عماتي قالت لي عمر صحي أختك مجنونه!؟ عمر نكر قال ليها ابدا كيف يعني مجنونه شايفاها بتقطع شعرها!؟ شايفاها بتجري في الحوش وتصرخ!؟ أبوي نهرو قال ليهو عمر أتكلم عديل ....عمر قال ليهو دايرني أتكلم عديل وهم بقولو على أختي مجنونه!؟ أصلا هم جو عشان شنو!؟ عايزين شنو!؟ م أهو طول حياتنا عايشين معاكم في نفس الحي فكرتو تجو!؟ ولا بس عشان تتشمرو!؟ ولا أنتظر رد دخل غرفتو وقفل الباب.... أنا استحميت وطلعته كنت مرهقه جدا لي كم يوم م بنوم خالص بكون مسااهره نمته م صحيت الا العشاء طلعته عشان أكل سامعه أمي وأبوي بتكلمو في موضوع مرضي ده أمي قالت ليهو هسي بنتي دي البعرسها منو!؟ ناس الحي كلهم عرفو أنها مجنونه!؟ ... أبوي قال ليها اي زول جا يتقدم ليها بعقد وقتي ولا هيصه ولا شي يسوق مرتو وخلاص.... أمي قالت ليهو هسي اقدر ألاقي الناس كيف!؟ أنا عارفه الناس م بتريح ...م أثر فيني كلامهم دخلته المطبخ فتحته التلاجه طلعته أكل أمي جات داخله عاينت لي قالت لي وليك نفس تأكلي!؟ قبل م تتم كلامها قمته طلعته من المطبخ لأنو أنا بقيت بفقد السيطرة على نفسي بالجد ....دخلته الغرفه غسلته يدي رجعته للعد تاااني الليل كلو م نمت بس بعد وبطلع الف في البيت!!! للحظه فكرته اكب سم في الأكل لي أمي وأبوي!!!! اي بالجد فكرته كده قلت أتصل لي دكتور غياث لقيت الساعه 4 صباحا!!! مسكته التلفون ورنيت عليه....م رد جدعتو قعدته في الارض وبتهز كلي!!! وبردد"اقتلهم!؟ م اقتلهم!!!" كنت قاعده برااي في الغرفه مرام أمي قالت ليها م تنوم معاي بتنوم مع عمر ...دخلته الحمام استحميت لي الساعه 6 أنا في الحمام ....عمر جاني الغرفه قال لي اليوم حتمشي الجامعه....قلت ليهو لا ي عمر م ماشه ح امرض أنا!!! م بمشي.....قال لي فايزه ي أختي حاولي تمشي عشان تتعافي بسرعه....قلت ليهو بصرخه كده م ماشه ي عمر م بتفهم .... قال لي راحتك وطلع قفلته الباب من جوا تلفوني دقه لقيتو ده دكتور غياث ...رديت قال معاي منو!؟ قلت ليهو ف فايزه....قال لي اووو فايزه آسف ولله آسف تلفوني كنت ناسيهو في العربيه وما شفتو إلا قبل شويه.....قلت ليهو عادي....قال لي المكالمه كانت 4 صباحا مالك خير حاصل حاجه!؟ قلت ليهو م م ماف شي....قال لي فايزه أنا دكتورك صاح!؟ لازم تصارحيني بي اي شي بحصل معاك عشان أكون عارف مرضك ده في اي مرحله اتأكدي أنا معاك في كل خطوه تخطيها طيب أنا عازمك على قهوه وعصير باااارد ممكن تجي!؟ ....قلت ليهو طيب...قال لي أنا هسي ح أتصل على عمر يوصف لي بيتكم بجي بسوقك اجهزي...قلت ليهو حاضر .... دخلته استحميت تاني ولبسته ملابسي وطلعته لقيت عمر في وشي قال لي غياث كلمني ارح ننتظرو أمي قالت لي ماشين على وين ي جوز الوز ...عمر قال ليها عندها جلسه مع الدكتور بعد شويه.... أمي قالت ليهو م بتمشي اي مكان م عندها اي حاجه قلت أدب بس ....عمر قال ليها أمي الله يخليك ده م وقتو ...قال لي أرح قدامي ي فايزه....طوالي مشيت  عمر تلفونو رن قال أيوه أيوه خليك مكانك بنجيك هسي تسلم ي حبيب.....

لقيناهو واقف جنب الظلط لمن شافنا نزل سلم على عمر وأنا واقفه ورا عمر ومنزله راسي بعد في اصابعيني .... غياث قال لي فايزه كيفك ...قلت ليهو كويسه....قال لي نمشي!؟ عاينته لي عمر قال لي م بخطفك أمشي ...ركبته قدام هو أتكلم مع عمر شويه وتحركنا قال لي أول م نصل حتحكي لي اتصلتي ليه طيب!؟ قلت ليهو اممم كويس دخلنا كافي كده صغير وحلو طلب لينا قهوه وعصير منقه شربته شويه من العصير قال لي م بتشربي قهوه!!!?؟؟ قلت ليهو م م بحبها لكن بحبها... ضحك قال لي كويسس اها أحكي لي سامعك....بقيت اهز رجولي شديد وبدعك يدي قال لي البخليك تتوتري شنو!؟ ... قلت ليهو قالو أنا مجنونه!!! ناس الحي كلهم بألفو من عندهم وبقولو مجنونه بس أنا أنا م كده أنا بس مريضه بوسواس حتى أهلي للأسف معاهم واهم زول أمي  أمي شايله هم الناس وكلامهم م هاميها مشاعري والوضع إللي أنا ماره بيه في الوقت ده أنا محتاجه ليهم جنبي م علي....حالتي النفسية بقت تتدهور شديد حتى أنا فكرته ف في نزلته رأسي ..قال لي اها في شنو!؟ ..قلت ليهو إني اقتلهم!!!!؟؟؟ قال لي بتاخدي الأدوية في المواعيد المحددة!!؟؟ قلت ليهو أيوه...قال لي عايني لمن تكون في وساوس بتجيك اتصلي لي فاهمه!!؟ قلت ليهو بس أنا م بتحسن ي دكتور حالتي بتسوء اكتر لي درجه أقتل أهلي!!؟..قال لي فايزه أهدي الزي حالاتك ديل م بتحسنو من أول أسبوع في ناس اسبوعين او شهور في ناس سنين بس م تستسلمي الوسواس القهري ده م ساهل كده أول حاجه لازم يكون عندك إصرار للتغلب على المرض أنتي قويه ي فايزه بتقدري...ابتسمه قلت ليهو م حنمشي العياده!!؟؟ قال لي لا الجلسه حتكون برا العياده....عاين للساعه قال لي اشربي العصير وشوفي مواعيد الأدوية....لا إراديا لقيت نفسي ببتسم رفعته عيني لقيتو بعاين لي وبسرعه زحه عيونو قلت ليهو ح اشرب مضادات الاكتئاب دي كتير!!!؟؟؟ قال لي أيوه لحدي م تتحسني واوعك توقفيها لأنو ممكن تجيك أعراض منع التعاطي ومرات بقولو عليهو متلازمة الانقطاع م توقفي الأدوية قبل م تتحسني لأنو حالتك ح تنتكس وبترجع ليك أعراض الوسواس القهري ...قلت ليهو منع التعاطي!!!؟؟ قال لي م تخافي ده م بأدي لي إدمان او حاجه بس في حاجه إسمها إعتماد الجسد يعني جسمك بتعود عليها بس لمن تتعافي ممكن تخليها...قلت ليهو ممكن سؤال!؟ قال لي اسألي طوالي ....قلت ليهو التعرض ومنع الاستجابه ده بساعدني!؟ قال لي بساعدك شديد كمان لكن الفتره الأولي دي م ممكن....ح أبقي كويسه متين من الوسواس ده!؟ قال لي فايزه م تشيلي هم ان شاء الله بتتحسني وزي م قلت ليك قبل كده أنو في ناس علاجهم بستمر شهور او سنيين أنتي بس شدي حيلك وح أعمل ليك جدول حاجات لازم تعملها كل يوم...وريني هسي أنا بقدر أعمل شنو يساعدني!؟ قال لي الجدول الح اعملو ليك ...ابتسمته وقبلته على طاوله كده م كانت مرتبه غمضته عيوني عشان م أقوم حسيت بي غياث قام فتحته لقيتو متجه على نفس الطاولة الكنت بعاين ليها رتبها قال لي أها كده كيف!؟ ...قلت ليهو أحسن...جا قعد قال لي طيب أنا عايز أسألك... أنتي اتعرضتي لي صدمه نفسيه او حاجه بشكل ده!؟ ....قلت ليهو أبدا...قال لي طيب في زول من أهلك كان عندو اضطرابات نفسية أو وسواس قهري!؟ قلت ليهو لالا...قال لي لسه بتغسلي يدك كتير وبتعدي كتير و بتتأكدي من الأبواب وكده!؟ قلت ليهو للأسف منعت نفسي كتير بس بلقي نفسي بعمل كده لا إراديا ...قال لي طيب الحاجه الممكن تحسن مزاجك وبتقلل من توترك شنو!؟ ...قلت ليهو إني أبقي معزوله من ناس بيتنا ومن كل الناس ....قال لي تعبتي!؟ قلت ليهو الناس بدت تجي والصراحة أنا م مرتاحه هنا ...قال لي طوااالي نقوم من هنا ...حاسب وطلعنا قال لي رايك شنو نعمل رياضه!؟ ضحكته قلت ليهو أنت جادي!؟ اول مره اضحك من جاني الوسواس ده قال لي م أهو ضحكتك جميله زيك مخبياها لي!؟ ...مشينا شارع النيل قال لي يلا لو سبقتيني ح اديك هديه ظابطه ولو سبقتك ح ننزل البحر تحت ...قلت ليهو نشوف ...فكينا الجري لمن سبقني قلت ليهو أنت رجولك طوااال م زيي قال لي اسكتي قولي حرق معاك يلا ننزل...ونحنا ماشين هو بتكلم وأنا بسمع كنت بعاين للبحر بطريقه غريبه!!!...هو وقف وأنا مواااااصه مشي على البحر جا مسكني قال لي ماشه وين اقيفي هنا ...لزيتو وقمته جاريه دخلته المويه وقبلته عاينته ليهو ورجعته لي ورا عشان أقع ....جا رفعني من نصي بقت اناتل فيهو وببكي قلت ليهو فكنيييي فكنيييي.....قال لي أهدي ي فايزه اهديييي قلت ليك ...نزلني بعيد من البحر قال لي عايزه تموتي!؟ نحنا من الصباح بنرغي فشنو!؟ ...م رديت مسكني قال لي أرح....مشينا العياده قال لي ح اديك الجدول ده تمشي عليهو طيب!؟ قلت ليهو حاااضر قال لي كل يوم الصباح اقري وحده وطبقيها ....طلعته منو لقيت صهيب قاعد في العربيه لمن شافني نزل قال لي وحااات عيونك السمحات ديل مشتاااااقك ...ضحكته قلت ليهو وأنا كمان مشتاقه ليك ولي تسنيم ونجود ....قال لي رايك شنو نطلع كلنا مع بعض!؟ قلت ليهو اعفيني ياخ أنا تعبانه...قال لي قداااام ي زوله ارح اوصلك ...مسكته الباب بمنديل وركبته قال لي كيفك ي أنا...قلت ليهو الحمدلله شويه اتحسنته...قال لي دكتور غياث ده عالج حالت أصعب من حقتك دي عشان كده مشهوور م شاء الله ...قلت ليهو بتشوفو نجود!؟ ...قال لي قبل كم يوم جاتنا في الجامعه....قلت ليهو كويس ولله......لمن وصلنا قال لي سلمي على خالتي وعمي لمن اجيكم ...قلت ليهو طيب مع السلامه ...دخلته البيت لقيت في ضيووف قلت سلام ودخلته غرفتي استحميت وغيرته ملابسي فتحته الورقه كده مرام جات داخله قالت لي ماما قالت ليك تعالي...قلت ليها قولي ليها نامت ...لقيتو كاتب لي قلنا افتحيها الصباح كنت عارفك م حتقدري تنتطري للصباح على العموم عايزك على قدر م تقدري اعملي رياضه الرياضه كويسه شديد بتخليك تقللي من الأفعال القهريه ....قفلته الورقه دخلتها الدولاب رقدته نممممته صحيت الساعه كانت 3 صباحا دخلته استحميت وغسلته يدي وجيت قاشره .... بقيت اعاين في الغرفه عيني وقعت على الورقه البعد فيها شلتها وبديت أعد!!!! كنت متوتره شديد منتظره متيييين الصباح يجي لمن الشمس طلعت لبسته ملابس رياضه ومشيت الحوش الخلفي مرام كانت بتناديني...قلت ليها اناااااا هنااااا جات قالت لي الحقي الحقي جاك عريس ي فايزه ...قلت ليها شنووووو!؟ قالت لي ماما كانت بتقول كده وعمر هسي بتكلم معاها....مشيت وراها لقيتهم بجوطو عمر قال ليها م قادرين تتحملو شويه لحدي م تتعافه ي أمي!؟ طيب أقول ليكم حاجه فايزه دي مافي ليها عرس انتو شايفين حالت فايزه عامله كيف م بتفهمو أنو مرضها ده ممكن تروح مننا بسببو ... أمي قالت ليهو شالو حالها وقالو مجنونه جاها عريس خليها تتزوج وتتستر ي عمر....عمر مسك راسو أمي من النوع اللي لو خته حاجه في راسو بعملها بعملها م كانت مقتنعه أنو أنا عندي وسواس وممكن اتعالج لا بتقول على مجنونه وشايفه لازم تتخلص مني بالعرس هي م عارفه بالحاجات دي بتخلي حالتي بتزيد سوء جيت قلت ليها ماما أنا بنتك ولا لا!؟ لي بتعملي فيني كده!؟ دموعي جات جاريه عشره عشره قالت لي ي فايزه أنا...قلت ليها ماما أنا محتاجه ليكم جنبي 

ماما أنا محتاجه ليكم جنبي  أنا م كويسه ولله بس برضو م مجنونه أنا م مجنونه أنا كنت عارفه حتقولو كده عشان كده كنت داسه الموضوع وما كلمتكم ...عمر قال لي فايزه أهدي عليك الله ...قلت ليها كده كده ح أموت ي ماما استحملي شويه بس ....بقت تبكي جات ضمتني قالت لي عيون وروح ماما أنتي أنا اسفه ي بنتي بعد الشر بعد خرف ان شاء الله قلت ليها أنا م مجنونه ي أمي ...قالت لي أنتي م مجنونه ي فايزه أهدي شويه بس  كنت بتنهد بصوت عالي وعروقي قامت فجاه سخنته وجسمي كسر مويه...عمر قال ليها شفتي كلامك وصلها وين!؟ أنا قلت الكلام الشين م حبابو ي أمي ...قالت ليهو م كنت عارفه أنو بحصل ليها كده أنا.....قال ليها حصل خير ي أمي ساقني قعدنا في الكنبه جاب لي مويه شربته...عمر قام عملت تلفون وجا قعد قال ليها الدكتور بذات نفسو ح يجي يفهمكم الحاصل عليها شنو بعد ربع ساعة كده أبوي جا داخل قال لي عمر فهمني في شنو ي ولد مالكم الحاصل شنو!؟ عمر قال ليهو أقعد ي أبوي عايزكم خمسه دقائق بس... أنا قمته دخلته غرفتي مرام جات شايله كبايه عصير ليمون قالت لي فايزه!!! قلت ليها نعم ي مرام...قالت لي م تمشي تخليني عليك الله أنا م كنت عايزه اخليك تنومي براك بس ماما قالت لي أمشي انوم مع عمر بس تاني م بمشي عشانك ي فايزه بس م تمشي ...قلت ليها م ماشه مكان أنا ي مرامي جات ضمتني قالت لي طيب معليش م تبكي ...بقت قاعده جنبي وماسكه يدي وبتتبسم 

لمن دكتور غياث جا أمي وأبوي سلمو عليهو أمي ضيفتو وقعدت...قال ليها أنا دكتور غياث حسن وعايز أتكلم ليكم عن مرض الوسواس القهري واوعيكم على حسب كلام عمر معاي أنو انتو مسببين ليها توتر شديد في البيت والكلام ده م من صالحها  الوسواس ده م جنون ي عمتي ده مرض مزمن وحيتعالج لكن بسبب ضغط البيت محتقدر تتعالج... أبوي قال ليهو بنتي عندها وسواس قهري!؟ قال لي أيوه ي حاج..بقي يحكي ليهو الكلام القالو لي ناس عمر وصهيب في العياده...قال ليهم العلاج حيبداء منكم انتو انتو بتدوها دافع عشان تتعالج م تخلوها تعصب وتنفعل وتتوتر بنتك دي ممكن تموت بسبب المرض ده انتو عايزين تخسروها!؟ امي نزلت راسها ودموعها في طرف عيونها أبوي قال ليهو لا حول ولا قوه الا بالله هي بتمر بي ده كلو ونحنا م عارفين!؟ ...غياث قال ليهو حصل خير ي حاج بس عايزكم من اليوم تغيرو تعاملكم معاها حسسوها انها طبيعيها م انسانه مختله أو مريضه..عمر قال لي أنكم بتقولو عنها مجنونه الجنون ده او المرض العقلي ده الزول فيهو بكون م واعي بالحاجه البعملها نهائي بس مريض الوسواس بكون عارف وواعي ومدرك بأنو الحاجه البعمل فيها دي غير عقلانية بس م بقدر بتحكم فيهو وهنا دوركم انتو كأسرة مريض وسواس واحد فيكم على الأقل يجي معاها الجلسه م اكزب عليكم فايزه دي بتعاني من إحباط شديد من أنها تتعالج عشان تقللو ليها من الاحباط ده حسسوها أنكم معاها شجعوها ادوها إيجابية وأنا عايزكم تتكلمو معاها كتير ونسوها املو ليها زمنها عشان م تفكر في الوساوس القهرية دي اسمعوها حتقول شنو اتجاوبو معاها مع العلم أنو ممكن كلامها يكون فيهو افكار سيئة جدا جدا وأتذكرو أنو ده نتيجه خلل كيميائي لو صرخت عصبت علت صوتها على زول خلو بالكم طويل م تعصبو معاها لأنو نهايه النقاش ده حيكون مؤساوي وما تستعجلو للعلاج عشان تتخلص من الوسواس بصوره تدريجية والاستعجال بأثر سلبآ على نجاح العلاج ولازم لازم تساعدوعا ترجع لي اي نشاطات وهوايات كانت بتعملها مثل أنها ترجع الجامعه عشان في الفتره دي تركيزها كلو حيكون على الوسواس عشان كده على قدر م تقدرو عاملوها كويس اتمنى يكون كلامي واضح .... أبوي قال ليهو الله يديك العافيه ي ولدي ان شاء الله كلامك ده كلو حيتنفذ بالحرف ... أمي قالت ليهو الله يفتحها عليك محل متقبل ي ولدي بس أنا بدور اشوف بنتي كويسه من المرض ده حمانا الله ...قال ليها ان شاء الله ي أمي ح تتعالج بس ساعدونا عليكم الله ...عمر قال ليهو ان شاء الله ي دكتور...غياث قام وقف قال ليهم استأذن عندي ناس راجياني ولله...عمر قال ليهو تسلم ياخ اخرناك أعفي لينا .... غياث قال ليهو لا ياخ العفو أصلا كان عندي معاكم قعده يلا مع الف سلامه ...عمر قدمو وجا راجع قال ليهم أتمني يكون صدقتو كلامي... على العموم جبته ليكم الدكتور بنفسو بعد كده لو م صدقتو على كيفكم ومشي جاني الغرفه قال لي فايزتي ... مرام قالت ليهو عمرااابي تعال اتونس معانا ...قال ليها أنتي اطلعي خلي فايزه ترتاح بعدين عندي ليك مشوار ظابط ...ابتسمته ليهو دخلته الحمام مرام جات وراي بتعاين لي وأنا بغسل يدي بقرف كده قالت لي مالك!؟ ...قلت ليها جراثيم وساخه ي مرامي ...بعد طلعته فتحته الورقه مكتوب"حاولي أمشي الجامعه " رجعته الدولاب ونمته.. صحيت بصوت ناس بتكلمو وببكو فتحته عيوني كويس نجود جات داخله ووراها تسنيم.....نجود قالت لي لي م كلمتيني ي فايزه ليييه!؟ مش المفروض نحنا اخوات قبل م نكون صحبات!؟ تسنيم جات ضمتني قالت لي اسفه ي فايزه ولله م قصدي ازعلك أنا بس م كنت فاهمه الحاصل معاك وو..قلت ليهم م مشكله م فقدتكم أصلا ...نجود عاينت لي بصدمه كده وعاينت لي عمر وصهيب عمر عمل ليها حركه نظام مشيها مشيها...قالت لي بكره حتمشي معانا الجامعه اوكي أوعدك مافي زول حيلمسك ...قمته دخلته الحمام استحميت وغسلته يدي وجيت طالعه يديني كانو بوجعوني شديد جيت وقفته لي عمر ومديت يدي قال لي مالهم قلت ليهو فيها جروح ي عمر....قال لي البسي عبايتك وارح...مشينا المستشفى دخلنا على الدكتور قال لي ايييك ده شنو ي بتنا يدك دي اتسلخت عديل كده بتغسلي كتير!؟ عمر قال ليهو احم فايزه اطلعي شويه ممكن!؟ عمر شرح ليهو الموضوع كتب لي مرهم ورجعنا قعدنا كلنا حتى أبوي كان معانا هم بتونسو وبضحكو وأنا سااااكته بعاين ليهم فجاه قلت ليهم""ح اقتلهم"" 

كلهم وشوشهم قلبت تاني قلت ليهم"" ح اقتلهم""عمر جا قعد جنبي قال لي فايزه أنتي كويسه!؟ قلت ليهو لا م كويسه معاكم أنا م كويسه وبععععدد مني  أبوي قال لي فايزه ارح ادخلي ي بنتي ...قلت ليهم ماااافي زول يلمسني قلت ليكم م بتفهمو انتو كنت بتكلم وراجعه على المطبخ عمر قال لي فايزه احسن تقيفي مكانك...ابتسمته ليهو ودخلته شلته سكينه قلت ليهم ح أموت واريحكم احسن من اقتلكم انتو ... صهيب قال لي فاايزه كدي اهدي شويه وعايني لي هنا...قلت ليهو قرب عشان تموت معاي!!! قال لي حبابو الموت فتح يدينو قال لي اطعني...عمر قال ليهو صهيب انت متخلف دي مافي وعيها ولله بتضربك...بقي يقرب مني نزلته السكينه إستعداد إذا قرب اغدرو ... بس لمن قرب اتفاده الضربه وكتفني عمر شال مني السكين ودخلني الغرفه... أمي مسكت رأسها قالت ليهو شااايف!؟ شايف اختك بتعمل شنو!؟ بكره تقتل واحد فينا وتقول لي م مجنونه!؟ ... أبوي قال ليها أهدي ي مرا م كده ياخ...نجود قالت ليها معليش ي عمتو حاله مؤاقته بس.....قعدو معاهم لحدي المغرب ومشو....تاني يوم عمر صحاني بدري قال لي قومي الجامعه...قلت ليهو م ماشه أنا...قال لي فااايزه.... قمته زعلانه استحميت وغسلته يدي غيرته ملابسي وطلعته...قال لي بنتي الشاطره ... أمي قعدتني قالت لي اشربي الشاي واطلعي...بعد خلصنا صهيب دقه لي رفعته قال لي اطلعي راجيك أنا....عمر مشى معاي قال لي فايزه على قدر م تقدري حاولي اظبطي نفسك اوكي!؟ قلت ليهو طييييب ... صهيب نزل سلم على عمر قال لي فايزه كيفك!؟ قلت ليهو كويسه(*_*) ...شويه كده تسنيم جات طالعه نفس الشي سلمت على من بعيد وتحركنا كنت متوتره شديد وخايفه لمن وصلنا شفت الناس كيف بسلمو على بعض والبنات بتحاضنو دموعي جات جاريه قلت ليهم رجعوني البيت أنا عايزه أرجع ..صهيب قال لي فايزه م بخلي زول يلمسك تعالي انزلي ...قلت ليهو لالالالالا أنا راجعه رجعني ي صهيب بسرعه أنا راجعه ...بعد مماطله حتى نزلت معاهم تسنيم وراي وصهيب قدامي م اتكلمت مع زول خالص دخلنا القاعه تسنيم نظفت لي مكاني قالت لي اقعدي ...قلت ليها شكرا ... ابتسمت لي وقعدت جنبي بقت تحكي لي عن الحصل في غيابي ورسلت لي المحاضرات وكده يعني....المحاضر لمن دخل جدع الورق ولاقلام وبدأ يشرح تركيزي كان كلو في الورق كان م منظم صهيب كل شويه يعاين لي لمن خلاااااص فاض بي نزلته مشيت صلحته الورق ولاقلام عايزه أرجع قال لي تعااالي هنا على وين ي السمحه!؟ م رديت ليهو قال لي برا عشان دي م زريبه تعملي العايزاهو ...قلت ليهو م م م قاصده بس أنا...صهيب جا قال ليهو لو سمحت يعني ممكن كلمتين على جنب...قال ليهو أنا م عندي ليكم زمن اطلع معاها كن داير ....القاعه كلها مركزه معانا أنا اتوترت زياده طوالي طلعته وصهيب وراي كان بنده لي بس أنا ماشه بسرعه وببكي  ...قال لي فايزه هو م عارف عن مرضك أنا بحل الموضوع ده...قلت ليهو تحلو!؟ تحلو كيف ي صهيب!؟ ده كلو بسببك قلت ليك م تكلم زول أنا بتصرف بس أنت لااااااا لازم تكلم العالم كلو أنو أنا مريضه نفسيه صاح!؟ لا ولله أنا غلطانه م كان أكلمك أصلا اسمعني هنا ي صهيب للمره المليون ماااا أشوفك في وشي انت فاهم"بنهرا كده"م عايزاكم معاي عايزه أكون براااي وعلاج م عايزه اوعك تدخل في حياتي تاني كلمتك أنا ....هو وقف وأنا مشيت طلعته من الجامعه م قادره أركب مواصلات اجرته ترحال ومشيت البيت م اتكلمته مع زول دخلته غرفتي وقفلته الباب دخلته الحمام فتحته الدش بقيت اكرش جسمي شديد لمن قلب أحمر!!! ساعتين وأنا في الحمام ....طلعته بقيت لافه في الغرفه شويه كده رقدته نممممته لمن فتحت عيوني لقيت الساعه عامله 7 صباحا!!! أنا نمته ده كلو!؟ والغريب م طلعته فضلته في السرير لحدي م الباب خبط أمي قالت لي فااايزه ي بنت اطلعي من أمس م طلعتي مالك!؟ عليك الله افتحي الباب...م رديت ليها عمر جا قال ليها م طلعت!؟ بقى يدق الباب قال لي فايزه افتحي عايز أتكلم معاك... قمته فتحته الباب قلت ليهم خيير عايزين مني شنو!؟ عااايزين شنو تاني!؟ حتى مع نفسي م عايزين تخلوني!؟ ...عمر قال لي صهيب أمس كلمني بالموقف الحصل وأنا مشيت للعميد زاااتو واتفهم مرضك وكلم المحاضرين و ...قلت ليهو م كلمك أنو أنا خليت العلاج!؟ ...قال لي شنووووو!؟ خليتي العلاج!؟ أمي بقت تعاين لي وتعاين لي عمر قالت لي كيف يعني ي فايزه م عايزه علاج!؟ م عايزه تبقي كويسه!؟ طيب عشاني أنا أمك دي ...قلت ليهم خلوني في حالي...  دخلته وقفلته الباب شايفه تلفوني بضرب بس م ركزته معاه قعدته وشلته الورقه الكنت بعد فيها 

الوسواس دمر حياتي طموحاتي اي شي علاقتي مع أهم الناس عندي بقيت وحيده  أنا لي م بخف!؟ لي اكتر من شهر بحاول اتعالج لييييييه!!!؟؟؟ اخخخخخخخ قعدته في الارض لي أنا بالذات!؟ اكتر شي يريحني أني أكون وحيده بعيده عن الناس....قمته دخلته الحمام عاينته في المرايه مساااافه وعاينته لي يد الماسوره رفعته رجلي فتحتها بيها غسلته يدي وقفلته برجلي برضو وطلعته .... الباب خبط م فتحته ولا رديت سمعته صوت تسنيم قالت لي فايزه أنا عارفه أنك سامعه افتحي الباب....كان صوتها شبه باكي كده...فتحتو طوالي دخلته وقفلتو وزي كل مره رقدت في سرير مرام وبقت تبكي ...قلت ليها مالك!؟ قالت لي حاااازم ي فايزه ...قلت ليها اديك حل بدل كل مره تجي تتبكي فيني سوقي عربيه عمر وأنا بخليه يقيف في مكان معين وأنتي تجي تضربي بالعربيه ....قلعت عيونها قالت لي بقيت أخاف منك ي فايزه...ابتسمته ليها وقلت م براك كلهم بخافو مني حتى أهلي  جات ختت يدها في كتفي قالت لي فايزه نحنا معاك لمن تتعافي م تشيلي هم..قلت ليها يدك...طوالي زحتها قالت لي طيب أنا ماشه باي...بعد مشت أنا غيرته ملابسي طالعه لقيت أمي قالت لي ماشه وين!؟ قلت ليها مخنوووقه مخنووووقه م قادره أقعد ياخ ...قالت لي ارجعي زريبه هي!؟ قلت ليها ماما م قادره أقعد اناااااا...قالت لي لمن تفكري تكلمي الطوب القدامك ده أبقي اطلعي وهسي ارجعي....قلت ليها بس...قالت لي م بس ولا شي ارجعي...طوالي دخلته غرفتي دموعي جات جاريه شلته الكبايه دخلته الحمام وجدعته في المرايه أمي جات جاريه قالت لي ده شنو ي بنت!؟ شلته قزازه وعاينته ليها.... أمي قالت لي فايزه لا أرمي القزازه دي بتجرحك قلت ليها ويعني!؟ يعني شنو كن جرحتني!؟ انتو م حاسين بالأنا حاسه بيهو م عارفين حجم المعاناة البعانيها ...قالت لي طيب اجدعي القزازه دي...قلت ليها م بجدعها عايزه أرتاح من المعاناة دي وابتسمته

بقت تكورك وتبكي عمر جا داخل مخلوع مع ضربه الباب زحيت القزازه...عمر قال لينا في شنو!؟ مالكم فايزه!!.... أمي قالت ليهو امسكها عايزه تموت...جا على ومسكني قشطني كف لمن راسي لفهه...جراني وراهو وأمي تبكي قالت ليهو م تضربها ي عمر اوعك....قال لي أنتي عايزه شنو!؟ عاااايزه شنو!؟...قلت ليهو عايزه اموت ي عمر م مرتاحه عايزه أرتاح واريحكم م مطرين تتحملو مجنونه معاكم ...مسك راسو قلت ليهو عمر أنا م قادره ولله م قادره أنا تعبته....ضماني قال لي فايزه أنا آسف ولله م قصدي ارفع يدي عليك ....كنت ببكي بس قال لي أرح...قلت ليهو وين!؟ ...قال لي اطلعي شلته شنطتي ومشيت معاه قال لي حتكملي علاج ي فايزه أنتي م بديتي عشان تقيفي في نص المشوار الوسواس ده خطير شديد ممكن يقتلك بالبطئ م باقي كتير اثبتي ي أختي عشاني أنا طيب الله يخليك م تقيفي ...نزلته رأسي لمن وصلنا قال لي انزلي...دخلنه ليهو سلم على عمر قال لي فايزه كيفك ..قلت ليهو تمام...قال لي عمر يلا انت بعد كده تتخارج ...عمر قال لي بعدين بجيك صهيب اوعك تطلعي براك كويس!؟ ...قلت ليهو حاضر... غياث قال لي قالو لي كنتي عايزه تخلي العلاج...قلت ليهو ايوه...قال لي ممكن أعرف لي!؟ ..قلت ليهو أنا لي شهرين ونص عديل بتعالج مافي اي تقدم غير تصرفاتي بتزيد سوء وغرابه بقيت خطر على الحولي في جو بتاع خوف كده ي دكتور بقيت أخاف من نفسي بخاف ....قال لي واليوم نحنا عندنا جلسه محتاجه تقوي قلبك ي فايزه لأنو م ساهله العلاج ده اسمو العلاج بتعرض...قلت ليهو كيف يعني!؟ ...قال لي يعني اي حاجه أنتي بتخافي منها حتعمليها لمن تبقي ليك حاجه عاديه وما بتخوف....قلت ليهو لالالا م بقدر ي دكتور...قال لي أول حاجة م تقولي لي دكتور خلينا نشيل الرسميات دي قولي لي غياث لحاااف كده ...قلت ليهو م بقدر أنا....قال لي لازم تحاولي ضغظ علي لدرجه اني قربته أبكي...شويه كده قال لي أرح مشيت معاه دخلنا الحمام قال لي اقيفي هنا قدام الماسوره جات وحده داخله فتحتها غسلت يدها وطلعت وتاني جا ولد كبير برضو نفس الشي تاني جا شافع يدو ملانه طين!!! وزززط خته يدو في الماسوره وقام جاري... غياث قال لي يلا دورك ..انفعلته فيهو قلت ليهو انت مجنون ما شايف الطين ده!؟ ولا ماشايف الناس المسكت الماسوره!؟ مستحيل أمسك البتاعه دي ....قال لي فايزه نحنا قلنا شنوووووووو!؟ غمضته عيوني شدييييد قلت ليهو طااااايب طيب ... أنا من جوه قلبي كان حيقيف من الخوف وقفته قدام الماسوره عاينته للصابونه قلت ليهو حتى الصابونه وسخانه ياخ ..قال لي ي بنت اهااا....جا وقف جنبي أنا مديت يدي برااااحه تاني جريتها قلت ليهو ما قادره ياخ....م رد تاني مديت يدي طوالي مسكها وختاها في الماسوره ياخ صرخته جنس صواريخ لزيتو بكل قوتي وبقيت اعاين لي يديني بهلع وخوف وقلبي بدق شديد....قال لي فايزه أهدي واخدي نفس...فتحته الماسوره بقيت أغسل يديني وأبكي ربع ساعة أنا بغسل يدي غياث مسكني قال لي كفايه كده..قلت ليهو لا م كفايه يدي لسه وسخانه بقيت اقطع فلكلام قال لي طيب نطلع برا ونتكلم

....قلت ليهو أنا ا أنا عايزه أمشي البيت...قال لي طيب اشربي مويه...شربته شويه قال لي اليوم جلستنا حتكون طويله شويه...قلت ليهو أها تاني حتعمل شنو!؟ أنا خلاص م بقدر...قال لي حتقعدي ساعتين من غير م تغسلي يدك....بقيت قااااعده وهو يسأل وأنا بجاوب وبسكت والتوتر خلاااااص م قادره أمسك نفسي باقي نص ساعه وأنا ببكي قلت ليهو عايزه أغسل يدي عليك الله ....قال لي فايزه قربتي استني شويه....انفعلته فيهو تاني قلت ليهو ياخ انت م بتفهم م بقدر دي!؟ أنا أنا...جا مسكني من يدي وعاين لي جوووه عيوني قال لي فايزه""بطريقه أقرب للهمس كده "" أنتي قويه ح تقدري تعملي كده مش عايزه ترجعي طبيعية وترجعي لي دراستك واهلك واصحابك!؟ هزيت رأسي بمعنى أيوه  قال لي وده الأنا بحاول أساعدك فيهو  قال لي ولله أنتي أصعب حاله مرت على أنا عالجته قبلك كتيير بس م هنا على العموم اقعدي ...عاينته لي يدو الماسكني بيها طوالي زحه قال لي آسف م قصدي ...رجعته قعدته بعد مسااافه قال لي بعد كده قومي أمشي....قمته سرعه سرعه غسلته يدي ورجعته قال لي كفايه لليوم كده بتمارسي الرياضه أنتي صاح!؟ قلت ليهو لا قال لي كده م بجي ي فايزه الورقه وين!؟ عاينته فوق مساااافه قلت ليهو شرطها ...قال لي م مشكله ح أرسلها ليك واتس...قلت ليهو طيب شلته شنطتي ومشيت طلعته برا م لقيت صهيب...قلت الحمد لله زاتو م جا بقيت أن تمشى وعاين يمين وشمال طلعته السماعه بقيت أسمع في أغنية monster (  اغنيه فرقهEXO الكوريه ) مشيت توتي غايتو السودان كلو خالط هناك ...بقيت اعاين للناس في ولد جا قعد جنبي عاينته ليهو وتاني ركزته في البحر بقى يعاين لي قبلته عليهو قلت ليهو في حاجه!؟ قال لي لا بس لفتي نظري قلت أتعرف عليك ...قلت ليهو أنا جيت هنا عشان اكون مع نفسي م عشان أتعرف على الغاشي والماشي ..ضحك قال لي آسف ياخ لكن كان تحرجي بطريقه الطف من دي...قلت ليهو أنا م لطيفه وما بحب الطافه ويلا قوم من هنا ولا أقول ليك بقوم أنا خليك قاعد ....مشيت اتجاه البحر الزمن أتأخر م كان نفسي أرجع البيت نهائي تلفوني اشتغل إتصالات عملتو وضع طيران وشغلته الأغاني طلبته ترحار ورجعته البيت لقيتهم كلهم واقفين جنب الباب تسنيم قالت ليهم فايزه جااات...عمر جاني قال لي فايزه كنتي وين!؟ قلت ليهو حبيت اتمشى ي عمر مالك!؟ قال لي وتلفونك ده وين نحنا بنتصل عليك م بتردي مالك!؟ قلت ليهو عشان أنا م عايزه أرد.... أمي قالت لي أنتي كويسه ي بنت!! قلت ليها زي م شايفه...نجود كانت واقفه بعيد معاها صهيب وتسنيم....الصراحه زعلته شديد اتخنقته زياده طوالي دخلته غرفتي وقفلته الباب بقيت أبكي كيف حياتي اتقلبت كده!؟ نحنا الأربعة كنا م بنتفارق هسي أنا ختيت حواجز م ليها نهاية فنهايه المرض مافي يدنا 

كل يوم بطلع بجري وبعمل رياضه مع عمر ومرام ...ومرات مع غياث.... لمن تجيني النوبه بتاعت الصراخ مرام وسند بجو بصرخو معاي حتى مرات سند ببكي عديل عبيط خلاص ...ناس بيتنا اتغيرو شديد تعاملهم بقي احلى من أول أمي مرات لمن تشوفني متضايقه أو متوتره بتجي تضمني وتقرا لي قرآن ...مرات كتيره بجوط فيهم وبكورك وبعصب شديد بس ماف زول بزعل مني  أربعه شهور أنا بتعالج وما خليت طقوسي البسويها كل م أفقد الأمل بلقي ناس بيتنا مساندني ...كل م أكون مع دكتور غياث بحس بشعور كده أول مرة أحس بيهو شعور مميز جدا ودي الحاجه الوحيده المابقدر احكيها ليهو في يوم كانت السماء ملانه غيوم الجو البارد ورهيب شديد صحيت الصباح استحميت وغسلته يدي وغيرته ملابسي وطلعته لقيت مرام قالت لي عمر راجينا برا... كالعاده طلعنا شارع النيل مرام قالت لي عندي ليك حاجه حلوه ...قلت ليها شنو!؟ قالت لي بعد نرجع...عمر قال لي دكتور غياث قالت تجيهو هسي أرح اوصلك... أول مره الجلسه تكون بدري كده رجعنا العربيه مرام قالت لي غمضي ...غمضته قالت لي يلااا فتحي فتحته عيوني لقيت جايبه لي شكولاته معاها لعبه صغيره كده قالت لي اشتريتها من قروش المدرسه عشانك ...ختيتها في رجولي ضمتني قالت لي تاني كل يوم بخلي قروشي عشان اجيب ليك بيهم شكولاته ..عمر قال ليها امممم خيانه يعني وأنا أنا حقي وين!؟ قالت ليهو أنت ماف ليك...قال ليها تاني تعالي قولي لي ي عمر أنا زهجانه ارح اشتري لي بقى يحاكي فيها ...قالت ليهو أنا م بتكلم كده ياخ....فتحته الشكولاته اديتها ومسكت الباقي عشان قالت لي م ادي عمر ...لمن وصلنا قالت لي أنزل معاك!؟ قلت ليها والمدرسة ي بنت...قالت لي م عندي اليوم...عمر قال ليها احسن زاتو عشان أنا وسند حناكل اندومي برااانا طوالي رجعت وقفلت الباب قالت لي باي باي...ضحكته فيها ودعتهم ونزلته كنت حاسه نفسي كيف كيف غريبه كده لابسه ترينك وتيشيرت رياضي....عايزه أدخل وقفتني بتاعت الإستقبال قالت لي معاه ضيفه جوا...قلت ليها هو طلبني كيف في ضيفه وضيفه منو كمان!؟ قالت لي م عارفه ولله من فضلك أمشي اقعدي هناك...قلت ليها م بنتظر ولا حاجه أقول ليك هو قبل شويه طلبني...قالت لي معليش أمشي اقعدي... غياث جا طالع قال ليها آمال مالك!؟ لمن عاين لي قال لي اووو فايزه اتفضلي ياخ ...قلت ليهو ابت تخليني أدخل ..قال لي معليش اتفضلي... دخلته لقيت بنت قاعده معاه لمن دخلنا وقفت ومدت يدها...لمن م مديت يدي قالت لي م بتصافحي ولا شنو!؟... قلت ليها أيوه.... غياث قال ليها نسيتي ولا شنو دي فايزه الحكيت ليك عنها المريضة الماسك حالتها...قالت ليهو اااايوااااا نسيت معليش ياخ اهلن أسمي مياده...قلت ليها اهلن ... غياث قال لينا اقعدو مالكم واقفين....قعدته وأنا عايزه أعرف هو بعرفها من وين!؟ بقيت أتكلم بصوت شبه مسموع وبأشر بيدي غياث قال لي احم أعرفك دي مياده كانت زيك مريضة وسواس قهري و دي وحده من الأنا عالجتهم ...ابتسمته ليها قلت ليهو أنا عايزه أمشي ممكن!؟ قال لي الجلسه لسه م بدت...قلت ليهو احم بس أنا م هناي هو أنا ختيت يدي في جبهتي قلت ليهو عايزه أمشي أنا...قال لي راحتك...راااااااحتك!؟ تقول لي اناااااا رااااحتك!؟ لا وهي كمان لسه قاعده المفروض يكون عندها دم وتمشي لكن كويييييييس امممممممممممممم ( صرخه داخليه ) طيب امنعني قول اي شي اي حاجه ( ده كلو مع نفسي ي جماعه ) طوالي قمته وقفته عاينته ليهو بغيييظ كده ومشيت رزعته الباب شديد الناس دي كلها بقت تعاين لي .... رجعته البيت عمر قال لي رجعتي بدري...قلت ليهو أيوه ودخلته غرفتي أنا أصلا أزعل لي!؟ م بعرفو أساسا مجرد دكتور بعالج مريضه أزعل لي!؟ ان شاء الله يتحرقو هم الاتنين تاني قلت أنتي أصلا تفكري فيهو كده لي!؟ م هو أصلا طريقه تعاملو مع الكل كده م معاك أنتي براك يعني هو كان بتريض مع بنات!!! وبعزم بنات!!! ااااخخخخخ وأنا مااااااالي مال أهلي أنا لازم امحي الشعور ده لأنو م لطيف خااالص أنا ح أركز في علاجي بس م عايزه أي حاجه تاني...بعد صراع مع نفسي دخلته الحمام استحميت وجييت طالعه رقدته نممممته لمن صحيت مسكته التلفون لقيت رساله منو كاتب"" فايزه مش نحنا اتفقنا اي إحساس اي شعور جواك تحكي لي!!م فات شي أحكي لي هسي""...قلت م أرد رسل لي اها منتظر أنا...قلت ليهو مافي شي بس كنت متوتره وكده...قال لي من شنو!؟ ضربته رأسي قلت ده شنو البتقولي فيهو ده قفلته الشبكه ودخلته الحمام... استحميت وجيت طالعه لقيت سند بياكل تلفوني ...جريت قلت ليهو التلفووووون ي عفن ...قام ضحك قلت ليهو بتضحك!؟ بتضحك ي سمين تلفوني غرقتو بي قرفك ده مدا لي يدو عشان اشيلو طلعته بيهو برأ قلت لي أمي تعالي شوفي وادك أكل تلفوني قالت لي م بتجيهو حاجه امسحي بس ....قلت ليها كده ي ماما!؟ كويس...قالت لي عندي حاجات عن ناس بسام أمشي جيبيها لي...قلت ليها أنا مرتو دي م بطيقا وقسما بالله لو اتكلمت معاي بديها كف...قالت لي فايزه م عندك معاها شغله م تشتغلي بيها خليك هاديه شيلي حاجتك واطلعي....جات مرام قالت لي ماشه معاك ...قلت ليها أرح ونسوق سند زاتو ماهي حفله ... أمي م صدقت طوالي لزتو لي... طبعا بسام ده زمان كان بحبني وامو عندها مشاكل مع أمي لمن قال ليها عايزني جاطت فيهو وجات كوركت فيني م عارفه أنا ذنبي شنو المهم سقتهم ومشينا فتح لينا هو قال لي فايزه!! بصدمه كده قلت ليهو وعليكم السلام أمي رسلتني اظن قالت في حاجات عندكم...قال لي اي اي اتفضلي...قلت ليهو طوالي بس ناولني الحاجه م كنت طايقه اعاين في وشو أصلا...اتعابط معاي مساافه حتى دخلته لقيتها في وشي الكريها الما بتتسمى ...عايزه تسلم على سلام بوسه بجاي وبوسه بجاي دي زحيت قلت ليها اهلين ...عايزه تسلم على مرام طبعا مرام سليطه ولسانها متبري منها...قالت لي بوشك الملان كريم ده م تبوسيني ...قالت لينا بسسس عليكم كريهات قلت ليها قلتي حاجه!؟ قالت لي لالا اتفضلي 

قعدنا وأنا دي خلاااااص بيتها معفن وما مرتب طبعا بسام دخل جاب لينا عصير  وجا قال لي اخباركم شنو!؟ قلت ليهو الحمدلله تمااام...هي تعاين لينا قربت تقوم تديني كف عايزه أقول ليهو الحاجات قامت دخلت الطبخ وكسرت حاجه بسام قال لي دقيقه بس دخل مسااافه مرام قالت لي بتهرشو جوا ...قلت ليها اسكتي ضاقت العصير قالت لي اشربي ظابط...قلت ليها م تشربي اوعك...بسام قال لي لي م تشربو!؟ قلت ليهو عشان المدام م راضية خايفه تجيها حاجه ...مرام عاينت لي وضحكت سند بقى يصارع فيني عايز العصير... بسام شالو مني بقى يشربو مرتو جات طالعه من جوه تحدر لي قلت ليهو طيب اديني الحاجات عشان نمشي...قال لي حلفتك اشربي العصير ده وامشي...مرتو قالت ليهو خليها أن شاء الله م شربت ...قال ليها قومي جيبي الكيس الجوا ده...قامت انتفضت فينا ودخلت مرام قالت ليهو يعني م لقيت غير دي تعرسها!؟ قلت ليها مراااام!!!... بسام ضحك قال ليها تقولي شنو بس قسمه لو م كده هسي كان عرسته اختك ....عاينته ليهو طوالي قمته وقفته مرتو جات ادتني الكيس مسكته مرام وطالعه حصلته باب الشارع اتذكرته سند رجعته شلتو ومشيت جا طالع وراي قال لي معليش ياخ الزوله دي فاكه منها الأيام دي...قلت ليهو حصل خير...دخلنا البيت اديت أمي الكيس قالت لي م يكون عملتي مشاكل!؟ مرام قالت ليها لالا م عملنا لكن المره الجايه أنا بعمل مرا كريهه خلاس ...ضحكته قلت ليها عسل ولله  أمي قالت لي الدكتور ده أتصل قبل شويه قال ترجعي ليهو...دخلته الغرفه رفعته التلفون لقيتو مرسل لي" طيب ردي" ختيتو ودخلته الحمام استحميت وطلعته المره دي م غسلته يدي!!! قعدته في السرير وبهز رجلي شديد بقيت أعمل شهيق وزفير عشان التوتر يخف  طلعته لي ناس أمي برا قلت ليها الأكل شنو!؟ قالت لي كبسه ... مشيت وجيت تاني قلت ليها الأكل شنو!؟ قالت لي كااااااابببببسسسسههههه مالك!؟ ولا أقول ليك اقعدي هنا ده...قعدته جنبها قلت ليها ماما لو م اتعافيت م ..قالت لي ح تتعافي  أنا عارفه أنو بنتي بتقدر تحارب المرض ده ...ابتسمته ليها شويه كده أبوي وعمر جو داخلين غيرو وجو طالعين قالت لي أرح غسلي يدك عشان نأكل مع بعض ....غسلته يدي وجيت قعدته معاهم عمر قال لي الكبسه دي م حلوه أكيد عملتيها أنتي  ... أمي قالت ليهو شكرا ... قال ليها استني أكمل ي أمي دي م حلوه بس لا دي رهيبه ...قلت ليهو أنا عملته سلطه البطاطس دي .... أبوي قال لي أحلى من كبسه امك دي ... أمي قالت ليهو أنت وولد تاني شوفو زول يطبخ ليكم ...بقيت اتونس شويه وشويه أسكت واعاين ليهم لحدي م قمته لميت معاها الصحون غسلتهم ونظفته المطبخ وطلعته أمي قالت لي سويت ليك زلابيه وشاي لبن تعبتي ي بنتي ...قلت ليها احلى ام وربي ....تاني اتلمينا وشربنا شاي البن ختيت راسي في رجولاها بقت تمشي يدها في رأسي وتتونس معاهم  صحيت تاني يوم لقيت نفسي في الغرفه وجنبي مرام مع حركتي صحت قالت لي م تقومي ياخخخ....قلت ليها عندي جلسه لكن ...نزلته استحميت وغسلته يدي وجيت قاشره  كنت قاصده اطلع بدري عشان اكون مع نفسي شويه وبعد كده أمشي العياده  فعلا اتمشيت لحدي الساعه بقت 8 صباحا غياث أتصل لي رديت الووو قال لي وينك!؟ قلت ليهو اهو داخله على العياده...قال لي تمام...دخلته لقيتو وااقف وببتسم لي من بعيد.. ااااخخخخخ نفس الشعور ده شنو ي فايزه غمضته عيوني شدييييد فتحته عاينته ليهو جووه عيونو للحظه م قدرت ازح عيني حتى هو زح عينو قال لي اهلييين اتفضلي ابتسمته ودخلته قعد قدامي وهو لسه مبتسم قال لي تشربي شنو لااااازم تشربي ...قلت ليهو طيب شاي بلبن ...قال لي جدآ قام طلع شويه كده وجا راجع...قال لي أمس م رديتي...قلت ليهو م كنت في البيت عشان كده....قال لي ورديتي واتس كيف!؟ قلت ليهو ده قبل م أطلع طوالي قبلته على الجهه التانيه..قال لي م مشكله طيب اليوم حنعمل زي جلسه المره الفاتت...قلت ليهو ألمس الطين!!!؟؟؟ ....قال لي لا أنتي بتخافي من الحشرات!؟ والغبار صاح!؟ م اتكلمته لأنو أنا فعلا بخاف وبخاف شديد كمان بقيت اطقطق أصابعي وبهز رجلي...قال لي قومي...قلت ليهو م ماشه اي مكان أنا ...قال لي فايزه ارح...قمته وأنا ميته من الخوف وقفنا قدام غرفه قلت ليهو ده شنو!؟ قال لي مخزن بشمل الحشرات.وغبار يعني جراثيم وكده...رجعته خطوتين لي ورا عايزه أمشي شالني دخلني المخزن وقفل الباب ...بقيت اصرررررخ أضرب الباب بقوة قلت ليهو غياث أفتح الباب عليك الله أنا خايفه قال لي فايزه أنتي لازم تتغلبي على خوفك ده...قلت ليهو م دايره م دايره طلعني ياخ أنا أنا مخنوقه شديد عاينته وراي م شايفه شي المخزن ضلام وملان كراسي مكسره حسيت بي حاجه ماشه في يدي جسمي كسر مويه م قدرته أصرخ نفضته يدي حسيت راسي تقييييل ورجلي م شايلاني مسكته وشي بقيت أبكي واصرخ تاني م شفته شي

فتحته لقيت غياث قدامي قال لي الخوافه ..قلت ليهو لي بتعمل كده!؟ ...قال لي ده عشانك ي فايزه انتي لو م عملتي كده م حتخفي ده أسرع علاج ...قلت ليهو تاني م بجي ...قال لي أنا ح اجيك ...قمته قعدته قلت ليهو غير طريقه العلاج دي...ابتسم لي قال لي ح أكتب ليك ادويه تانيه حتساعد برضو .... قمته عايزه اطلع قال لي فايزه...التفته عاينته ليهو سكت مسااافه تاني قال لي خلاص أمشي ...قلت ليهو سخيف...لمن رجعته البيت لقيت ناس تسنيم قاعدين تلقائيا ابتسمته نجود لمن شافتني جات جاريه حضنتني قالت لي مشتاقه ليك وربي ...قلت ليها وأنا كمان مشتاقه ليك بالجد ... عاينت لي تاني رجعت حضنتني تسنيم قالت لينا ونا!؟  نجود قالت ليها خشي بس ي زوله .... حسيت بي إني عايزه أبعدها عني بس بقول قاومي ي فايزه حتقدري ....صهيب جا عايز يسلم على رجع يدو قال لي فايزه كييييف مديت يدي عاين لي وتاني عاين لي يدي طوالي سرعه مسك يدي قال لي أخيرا مشتاقين كتيرات كتيرات ...قلت ليهو وأنا كمان مشتاقه ليكم  عمر قال لي أختي السمحه  تحسن ملحوظ قلت ليهو طول م انتو فظهري م بتجيني عوجه دخلته استحميت وغيرته ملابسي وطلعته ليهم بتونس شويه وبسكت شويه لحدي م قالو طالعين صهيب قال لي أها ماشه كيف في العلاج!؟ قلت ليهو احسن حاسه بتحسن كبير م زي أول قال لي كويس شديد أها والجامعة!؟ قلت ليهو جمدته السنه ...قال لي أحسن الانو فاتك كتير طيب أمشي أنا عشان اوصل المرض ده  نجود قالت ليهو سااامعااااك ي معفن...قال ليها أنا قلتو من وراك!؟قلت ليهم ياخ م تبدو (*_*)...عمر ضحك قال لينا شفع خلاص بعد طلعو دخلته غرفتي ناديت مرام قالت لي خيير قلت ليها خير يختي أمشي يجيبي شويه طين او تراب اي حاجه سويهو في الماسوره  قالت لي يسسسس أخيرا وقامت جاريه  أنا نهائي م بخليها تدخل الحمام لو دخلت بتوسخ الأرض كلها وتجي مارقه جات شايله الطين ودخلت الحمام سند جا جاري وراها م بفوتو الفرص نهائي ...دخلته لقيتها م شاء الله م مقصره قلت ليها الماسوره بس وسخت الحمام كلللووو قالت لي اها كده كيف بالله ...قلت ليها مشكوره اتخارجي....وقفته قدام الماسوره شلته نفس سخخخن مديت يدي ختيها ودموعي طرف عيني طوالي جريتها غسلته يدي ونظفته الحمام وطلعته رتبته غرفتي قعدته شويه بعاين لي يدي قلت أنا لي م بتحسن!؟ كان المفروض أبقى كويسه خالص  تاني اتذكرته كلام غياث لمن قال لي انو التحسن م طوالي كده لازم اكون صبوره  قلت ي رب يكون ده كلو كابوس بس م حقيقه في يوم جيت راجعه من الجلسه لقيت بسام قاعد مع أمي وأبوي وعمر لمن دخلته سكتو...قلت ليهم سلام عايزه أدخل أمي قالت لي دقيقه وجات معاي قلت ليها في شنو ده مالو قاعد هنا!؟ طردو من البيت؟!!....قالت لي المشكله المره دي كبيره شديد وصلو لي طلاق عديل كده ...سكته مساااافه قلت ليها طيب ونحنا مالنا ومالهم يطلقو يتحرقو جاي هنا لي!؟ ...قالت لي كيف يعني جاي هنا لي عشان معتبرنا اهلو وما كده بس كمان جاي عشان حاجه تانيه...قلت ليها ماما أنا تعبانه عايزه أرتاح(*_*)...قالت لي م مشكله ح أمشي هسي لكن عندي معاك كلام بعدين  استحميت وجيت رقدته نمممته صحيت بي صوت مرام وسند بلعبو جنبي قلت ليهم طلعو العبو برا ي مرام...قالت لي ماما عايزاك برا شكلو موضوع خطير شديد ...قبلته الجهه التانيه أمي جات داخله قالت لي قومي ي فايزه تعالي وراي....قلت ليها حاااااضر(*_*)....قمته استحميت تاني وغسلته يدي وجيت قاشره  لقيتها عامله لي أكل وعصير وقاعده جيت قعدته بديت أكل قالت لي فايزه!!! قلت ليها نعم..قالت لي أنا مش أمك!؟ عاينته ليها قلت ليها شاربه شنو ي أمي لو عندك كلام قوليهو طوالي م تلفي كده(_)...قالت لي أكلي طيب بقيت أكل واعاين ليها قالت لي بسام جا قال عايزك ونحنا كلنا عارفين أنو كان بحبك ولسه بحبك وشاريك ي بنتي....وقفته أكل قلت ليها واها المطلوب مني شنو يعني!؟ قالت لي كيف يعني المطلوب منك شنو!؟ قلت ليك الولد جا لي أبوك دغري قال عايزك...قلت ليها وانتو قلتو شنو!؟ (*_*)...قالت لي أبوك قال ليهو ح نسألك طبعا...غمضته عيوني قلت ليها أمي لا اله الا الله انتو م جادين ولا شنو!؟ كيف يعني عايزني أوافق!؟ العرس ده لعب عندكم!؟ لو مضايقاك قولي عادي بطلع بخلي البيت م تحسسوني إني تقيله عليكم انتو واهلو وكلنا عارفين أنو نحنا كنا مرتبطين صاح!؟ وهو عمل شنو!؟ خلاني وما حاول يعترط على قرار اهلو حتى  طوااالي مشى عرس المعفنه ديك كسرني ي أمي عايزاني اعرسو!؟ هو كمان ليهو عين يجي يطلبني!؟ أقسم بالله م قاعده معاكم ... أبوي جا من جوا قال لينا في شنو!؟ قلت ليهو تعال شوف أمي دي بتقول شنو عايزاني أوافق على زفت بسام ده أنا م طايقه سيرتو تقولو لي اعرسو!؟ قال لي المشكله شنو يعني!؟ الولد جا طلبك مني...ضحكته قلت ليهو يعني متفقين على!؟ باين عليكم م طايقني طيب كويس دخلته غرفتي لبسته عبايه وطلعته قلت ليهم اعقدو بباقي اليوم ده  أمي قالت لي ماشه وين ي مجنونه امسكها ي محمد م تخليها تمشي...لقيت عمر في الباب قال لي ماشه وين وبتبكي مالك!؟ قلت ليهو مش عايزين تعرسوني لي زفت بسام ده!؟ خلاص أنا موافقه اعقدو هسي ده...مسكني رجعني جوا قلت ليهو فكني ي عمر خليني أمشي ياخ...قال لي أنا عارف أنو ده حيكون رد فعلك عشان كده قلت ليهو نشوف رايك أنتي أول عشان م يتأمل ساي قلت ليهو أنا م عايزه اعرسو ي عمر عليك الله فهم أمي دي عمر قال لي ادخلي أنتي أنا بتكلم معاهم....دخلته قعدته في السرير غطيت وشي بيدي بقيت أبكي قلت أنا تاني أرجع ليهو!؟ بعد العملو فيني!؟ العفن جاي يطلبني بكل قوة عين ولله القاهو في الشارع م اخليه  بقيت أعمل التمارين حقت الاسترخاء دي لحدي م هديت شويه اخدته دش وجيت طالعه...لقيت سند ومرام عايزين يدخلو الدولاب قلت ليهم عايزين شنو جوا كمان!! مرام قالت لي ده سند قال نخش هنا سند عمل لي لالالالا بيدو وضرب مرام قلت ليهم عليكم الله أنا عايزه انوم م تعملو جوطه فاهمين!؟ سند قال لي تيب عسل السمين ده  مشيت رقدته نمممته  جاني اتصال من نجود قلت ليها الووو قالت لي نايمه!؟ قومي صهيب قال عازمنا عشاء قلت ليها نعسانه أنا مره تانيه وطق قفلته الخط كملته نومي صحيت تاني يوم لقيت كبايه عصير وعليها ورقه مكتوب فيها"صباحو ي قمر" دخلته استحميت وجيت شربتو اتجهزته عشان أمشي الجلسه طلعته طوالي مشيت على باب الشارع عمر قال لي ماالك يلخت م بتصبحي علينا قلت ليهو صباح الخير فتحته الباب قال لي فايزه!!! قلت ليهو نعععممم مالك عايز شنو!؟ قال لي أنا قلت ليك حاجه أنتي م عايزاها م حتحصل تاني في شنو!؟ قلت ليهو ماف شي مع السلامه(*_*) ...

ماسكه شنطه ظهري وبشلت  كرستاله في الأرض ومركزه شديد حسيت بي يد في كتفي لتفته بسرعه لقيت ده بسام ...ابتسمته بهدوء كده قلت ليهو اووو الباطل جا ...قال لي فايزه أنا عارف أنتي حاسه بشنو...قلت ليهو من القال ليك أنو أنا حاسه؟! أنا م حاسه بي اي حاجه عليك الله أنت من كل عقلك جاي تتقدم لي ومتامل أني أوفق!؟ أنت عيان!؟ وقسما بالله أمس لو لقيتك كان قتلتك ي حيوان عايزه أمشي مسكني قال لي رده فعلك دي أنا متقبلها عشان أنا فعلا استاهل اكتر من كده بس اسمعيني أنا لسه بحبك ي فايزه قلت ليهو كن عايزني امسح بي كرامتك الأرض قول لي بحبك تاني ...قال لي فايزه أنا جادي أنا لسه بحب قبل م يتم كلامو اديتو كف خلا ناس الشارع كلهم يعاينو لينا قلت ليهو أنا كلمتك ي باطل...قام هاج فيني قال لي كترتيها بعد كده ي فايزه رفع يدو عايز يضربني قلت ليهو المسني عشان أرجعها ليك مكسوره ...في راجل كبير كده قال لينا ي أولادي م كده استهدو بالله حلو مشاكلكم بالهداوه وأنت ي ولدي سوق مرتك البيت اتفاهمو براحه م كده قلت ليهو أنا اكون مرت واحد باطل زي ده!؟ الراجل قال لي ي بنتي..انفصمته فيهو قلت ليهو م مرتو ياخ م مرتو أنا ديل شنو ديل طوالي مشيت لمن وصلته العياده كنت شويه متوتره وخايفه لأنو متاكده غياث ح يعرف وح يسألني...اخدته نفس ودخلته لقيتو كالعاده مبتسم واخر شياكه ...قال لي فايزتي كيفك ...قلت ليهو كويسه بس فايزتي!؟!؟!! أكيد ياء الملكية دي جات غلط ...قال لي خلينا من دا أنتي كيفك...قلت ليهو أنا قلت ليك من شويه إنو أنا كويسه ...ضحك قال لي أنا خلاااااص عجزته وما أنجزته ...قلت ليهو وبعد ده كلو م أنجزته!؟!؟...قال لي ولله شبه أنجزته وابتسم... سكته على طول معقوله يكون خلاص حيرتبط!؟ طيب وأنا مالي!؟ قال لي مالك في شنو!؟ قلت ليهو لالالا مافي حاجه...قال لي قااالو لي إنك بتحبي شاي البن مع لقيمات ...قلت ليهو القال ليك منو!؟ قال لي أنتي مالك تأكلي وأنتي ساكته وبعدين أصلا ملاحظ ليك كل م أقول ليك عايزه شنو تقولي لي شاي لبن...جات داخله بنت الإستقبال ختت الحاجات وطلعت قال لي يلا أبدي ...قلت يعني هو بتعامل معاي أنا كده ولا مع اي مريض!؟ ولا هو أصلا كده معاملتو عفويه ولطيفه..طيب لي بحس بيها خصوصا لي أنا!؟ تاني قلت اكيد م لي أنا هو بتعامل معاي كمريضه بس م اكتر وبتعامل معاي كده عشان يساعد في علاجي اكتر وبس قال لي ي بنت مالك!؟ قلت ليهو لالا مافي حاجه شلته الكبايه بقيت أشرب ي جماعه أنا لمن أمسك كبايه الشاي بلبن دي بنسى إني قاعده مع ناس بركز مع الكبايه لمن أنتهي ....بقى يعاين لي وأنا بأكل بعد خلصنا رفع الحاجات وأنا طلعته غسلته يدي وجيت راجعه قال لي أها أحكي سامعك ...قلت ليهو أحكي شنو بالظبط!؟ ...قال لي سبب الهالات السوداء تحت عيونك دي....قلت ليهو لا...قال لي أنا دكتورك لازم تحكي لي اي شي اي ضغط بحصل معاك أنا هنا عشانك أنتي كنت مركزه مع كل حرف بقولو زحيت عيوني منو بقيت اهز رجولي قال لي حاولي سبتي رجولك في الأرض واخدي نفس واتكلمي ...عملته زي م قال قلت ليهو تخيل قالو اعرسو!!!؟؟؟ حب تلاته سنه ونص عمري م غلطه معاه في حاجه م قصرته معاه في حاجه أنا أنا م عملته ليهو حاجه ياخ ده أنا كنت مكتفيه بي عقد وخلاص عشان ظروفو كنت بقيف معاه لمن الدنيا تجي عليه  بكل بساطة ولا فكر في مشاعري ولا حالتي حتكون كيف  فجاه ألقاه حددو يوم عرسو لي منو لي اكتر انسانه بكرهها في حياتي بقيت أتكلم واشهق فنهايه قلت ليهو أنا كده لو كرهته زول عمري م حتعامل معاه عادي ...نزل راسو قال لي طيب أنتي لي شايله ده كلو جواك!؟ لي م فكرتي تحكي لي زول!؟ أنتي عارفه بسبب الحاجه دي أنتي هسي مريضه!!؟؟ الكتمان والخزلان الحاجات دي كلها بتأثر على نفسيه الإنسان وتوصلو لي أمراض م بتتفسر ي فايزه ياخ لو م لقيتي زول يسمعك اتكلمي مع نفسك أيوه اتكلمي مع نفسك....قلت ليهو حاولته أقسم بالله حاولته بكل قوة فيني بس م قدرته اتجاوز بقيت انسانه تانيه انسانه قاسيه م بتفكر غير في نفسها وبس أنا تعبته ولله تعبته  اداني حبه قال لي ابلعيها شلتها منو بعد شربتها حسيت أعصابي رخت شديد بقيت مرتاااحه قال لي أها كده كويس!؟ قلت ليهو أحسن قال لي فايزه مافي زول يستاهل أنك تمرضي عشانو العايزك بتمسك بيك لي آخر نفس الحب م حاجه هينه أبدا قلت ليهو بس أنا هنت عليهو..قال لي م كان بحبك مسحته وشي بيدي قال لي لي بعدين ح أتصل ليك عشان أشوف الجلسه دي خففت عنك أو لا طيب!؟ قلت ليهو حاضر...شلته الشنطه وقفته في الباب قلت ليهو عندي سؤال...قال لي قولي...قلت ليهو أنت بتتعامل مع كل المرضى بالطريقه دي!؟ سكت مساااافه قال لي الصراحه لا أيوه صح بتعامل معاهم حلو لكن م زيك ...ابتسمته وقبلته مشيت....طول الطريق بتبسم براي كانو أعترف لي لكن أنا م مفروض أفسر الموضوع حب ....طيب افسرو شنو إذا هو قال م بعامل المرضى زي معاملتي!؟!!!!  أنا لي م قادره اشيل الموضوع ده من بالي لأنو م حينجح... حتى لو أعترف أنا تاني أرجع أثق فيه ويخذلني!؟ فايزه أنتي م عبيطه للدرجه دي كلهم واحد م عشان عاملك كويس كم يوم معناها خلاص حباك!!! م أهو تلاته سنه بسام بعاملني كويس وفنهايه خلاني!!!؟؟ أنا لازم أعمل حدود في تعاملي معاه ااااخخخخ لمن وصلته البيت لقيت ناس أمي بتونسو مع خالي معتز في كندا بي لاب توب حق عمر أمي قالت ليهو أهي هي زاتها جات ... ابتسمته ومشيت سلمته عليه قال لي أها ماشه كيف في العلاج!؟ قلت ليهو ولله الحمد الله أحسن من الأول بكتيييير قال لي م نفسك تجيني!؟ قلت ليهو نفسي ولله زهجته من قعدته البلد دي...قال لي جدآ ح أرسل ليك تجي ... أمي قالت ليهو كيف تخلي العلاج والجامعة!؟ قال ليها عمر قال انو جمدت السنه!!!! قالت ليهو أيوه بس قال ليها أنا خاطفها ان شاء الله تجي شهر واحد هو أنتي دافعه حاجه من جيبك عمر ضحك قال ليهو م كده ي معتز ... أمي قالت ليهو أحترم نفسك ي معفن... طبعا هو أصغر واحد في ناس أمي عمرو 25 سنه مهندس مدني...قال ليها المهم بعد تتعالجي تعالي لي منتظرك أنا ...قلت ليهو طيب  قمته منهم دخلته غرفتي استحميت وغيرته ملابسي ومشيت المطبخ نظفتو ورتبته العده 

عدت الأيام وأنا كل يوم بحس نفسي اتحسنته ...بقيت متمسكه بالصلاة  حتى نوبات الصراخ البتجيني وقفت وخوفي وتوتري كلو خف لكن غسل يدي م خليتو  كنت بعمل حسابي في كل حاجه بعملها عشان م أرجع انتكس من تاني  أنا الفتره الفاتت دي اكتر فتره تعبت فيها بالجد كل م أفكر أخلي العلاج بلقى أهلي معاي في يوم كنت قاعده بحضر التلفزيون البيت كلو نايم والساعه ماشه لي 1 صباحا وأنا م جاني نوم فجاه بقيت اكح بطرقه غريبه وشديده نفسي كتم عايزه اكورك لي أمي م قدرته صوتي م قادره اطلعو حسيت اني خلاص ح أموت لمن غمضته عيوني وجسمي كلو بتنفض عيوني بقت حمراااا شويه شويه الحاله خفت جاني وسواس بقول لي عشان ترتاحي من ده كلو اتعاطي!!!!؟؟؟  بقيت ماسكه رأسي وببكي وبمنع نفسي من الحاجه دي كنت بعرف لي وحده بتتعاطى كانت بينا معرفه زمان للأسف م قدرته أمسك نفسي اتصلته عليها بعد مسااافه ردت بصوت متهالك قالت لي الوووو قلت ليها رماز أنا عايزه منك طلب قالت لي منو أنتي!؟ قلت ليها أنا ا أنا فايزه ي رماز....قالت لي اوووو كيفك!؟ قلت ليها الحمدلله بلقي عندك اي نوع مخدر اي حاجه أنا محتاجه قالت لي أيوه عندي بس متين!؟ قلت ليها حالا...قالت لي طيب أنا الشريط الأول ده بديك ليهو ساي لكن بعد كده ح تتفعي وتروجي معاي ...قلت ليها حاضر...قالت لي طيب خليك وافقه جنب الباب بجيك واحد يديك...قلت ليها شكرا قفلته منها وأنا ببكي م عارفه لي بعمل كده ولسسه الصوت م عايز يمشي...لحدي م جاتني رساله أنو اطلع..طلعته لقيت ولد ضخم كده وافق قال لي فايزه!!؟؟ قلت ليهو ا أيوه..مدا لي الشريط ومشى...طوالي دخلته غرفتي وقفلته الباب وأنا م مصدقه العملتو عاينته للشرط جبته كبايه مويه شلته حبه بلعتها....م عارفه الحصل لي شنو فجاه لقيت نفسي مرتااااحه كأني مشيت عالم تاني رقدته وغمضته عيوني ومشيت عالم تاني ...صحيت بصوت عمر بخبط الباب قمته مخلوعه رفعته الشريط دخلتو تحت المخده ومشيت فتحته ليهو قال لي أنتي لسه م جهزتي!؟ اجهزي بسرعه عشان اوصلك...قلت ليهو م م..محتااااج ب بمشي براي....قال لي مالك!؟ في شنو!؟ عيونك دي واقعه كده لي!؟ أنتي أمس كنتي مساهره صاح!؟ قلت ليهو ا أيوه...قال لي طيب اجهزي عشان ماشي معاك وطلع للحظه كنت عايزه اكلمو بس م بقدر جاتني تاني رغبه في أنو ابلع وحده....مشيت شلته الشريط وبلعته وحده حسيت نفس إحساس أمس شلته رجولي بالعافية ودخلته استحميت وغيرته  لميت حاجاتي بسرعه وشلته الشريط وطلعته لقيتو في وشي قال لي اتاخرتي ياخ ...قلت ليهو ا اسففه...قال لي أسفهه في عينك اطلعي قدامي....طوالي مشيت ركبته قال لي فايزه!! مالك ي بنت في شنو!؟ ...قلت ليهو ي عمر أنا كويسه م م مافي حاجه....عاين لي وسكت لمن وصلنا أنا كنت كويسه نوعا ما دخلنا سلمنا وقعدنا بقي بتكلم مع عمر عن أنو أنا ماشه كويس في العلاج ولازم يعملو شنو وما يعملو شنو.... أنا بتلفت وبحك يدي وبتراجف غياث لاحظ لي قال لي عمر طيب تطلع أنتظر برا...عمر قال ليهو جدآ وقام طلع عاين لي قال لي مالك!؟ مطبيعيه...في نفسي قلت أقول ليهو!!؟؟ تاني قلت لالا م أقول كيف أقدر أقول ليهو أنو أنا ببلع مخدرات!!!؟؟ قال لي دقيقه جاي هسي...وقام طلع كان في كرستاله مويه جنبي فتحتها وطلعته الشريط شلته منو حبه بلعتها  فجاه الباب فتح غياث جا داخل عاين لي باستغراب كده قال لي بتبلعي شنو!؟ أنا هنا م قدرته أرد بقيت مقلعه عيوني بعاين ليهو قال لي بسألك أنا!!!! سرعه دخلته الشريط الشنطه جا قلعها مني قمته وقفته قلت ليهو جيب الشنطه  جسمي بقي م شايلني هبطه شديد قعدته في الكرسي ومسكته راسي كان بوجعني شديد... غياث بقى مخلوع وبعاين لي قال لي م يكون الفي بالي صاح ي فايزه "بنهرا كده" وقف جنب الباب بقي يكورك ي صااالح صااالح شويه كده جا ولد داخل قال ليهو أيوه ي دكتور غياث...قال ليهو الحبوب دي شنو!؟ ...الولد اتكهرب بقى يعاين لي ويعاين لي غياث قال ليهو الصراحه دي خرشه نوع من أنواع المخدرات غياث مسك راسو بقى معصب زياده لمن عروق راسو ظهرت بقى يكورك فيني قال لي فايزه ده شنو!؟ جبتي من وين!؟ اداك ليهو منو!؟ ضرب يدو في المكتب قال لي انطقي أنا بتكلم معاك م مع الحيطه ...عمر جا داخل قال ليهو في شنو!؟ مالكم!؟ غياث قال لي فايزه!!! أحسن تتكلمي.... دموعي جاريه عشره عشره لو اتكلمته عمر ممكن يضربني وغياث أكيد حيقيف معاه لأنو أنا فعلا غلطانه ...قال لي اخر مره بسألك جبتي الحبوب دي من وين!؟ ...قلت ليهو م عارفه أنا م عارفه م تكورك فيني كده ...قال لي كيف م عارفه دي مخدرات تقولي لي م عارفه!!!؟؟ عمر الصدمه كانت واضحه في وشو قال ليهو ش شنو !؟ م م مخدراات!!!؟؟ غياث قال ليهو أيوه بتبلع خرشه انتو وين!؟ ويين الحاله أنا بوصيكم عليها ي عمر....عمر قال ليهو ولله أنا كل يوم بتفقدها صباح ومساء حتى نص الليل بمشي أشوفها ...قال لي فايزه!!!؟؟ رفعته راسي قلت ليهو مااالك!؟ ااااا أيوه دي مخدرات أنا ببلع مخدرات وقبل م أكمل كلامي حسيت بكف في وشي لمن شفتي جاب دم عمر مسكني من كتفي بقى يهز فيني ويكورك بتبلعي مخدرات ي فايزه!!!؟؟ نحنا قصرنا معاك في شنو!؟ اااا بتكلم معاك أنا قصرنا في شنو عشان تلجئي للمخدرات!!!؟؟ وأنا ببكي بس وما واعيه لحدي م وقعته على عمر  

فتحته عيوني لقيت نفسي في المستشفى كان جنبي ممرضه بتركب لي درب قلت ليها أمي وين!؟ قالت لي برا...وطلعت بعد مسافه جو داخلين عمر وغياث وأبوي  أنا من شفته أبوي حيلي برد قلت خلاص موضوعي منتهي...عاين لي وطلع خلاني عمر م أتكلم معاي حتى غياث للحظه حسيت اني ح أبكي ودموعي طرف عيني طلعوني بالليل طلع عملو لي غسيل معدة لمن رجعنا البيت قال لي خشي غرفتك...قلت ليهو عمر!!! م أتكلم معاي ومشى.. دخلته الغرفه وقفلته من جوا ورقدته في السرير بقيت أبكي أنا لييي عملته كده م كان أعمل كده أنا غلطانه غلطانه 

المخدرات كعبه شديد لو دخلته الطريق ده م بتطلع منو بالساهل  ونحنا عارفين ضرر المخدرات... تاني يوم عمر جاني قال لي انعدلي عايز أتكلم معاك...قعدته كويس قلت ليهو عمر انت اسمعني أول ولله أنا م كنت عايزه أعمل كده اقسم بالله العظيم لقيت نفسي تلقائيا بتصل عليها وبطلب الشريط ده ...قال لي هي منو!؟ قلت ليهو م م بقدر أقول أنا قال لي فايزه أنتي عايزه تتعالجي ولا لا!؟!! م عايزه تبقي كويسه وتتعافي!؟ قلت ليهو ايوه أنا عايزه اتعالج ي عمر بس لسسه في وساوس بتجيني أمس أمس بالليل جاتني وطلبته البتاع ده سكت مسااافه قال لي حصل خير وقام مشى.....بقيت أقعد براي معظم الوقت بكون براي ناس تسنيم لمن يجو م بفتح ليهم اسبوع م مشيت العياده هو بتصل وعمر يجي يتكلم ويمشي حتى أكل م بأكل م عارفه أنا اتحملته كيف لكن مواصله في الأدوية لحدي م فيوم الباب خبط برااحه كده م عارفه قلبي دقه شديد مع دقه الباب دي م رديت سمعته صوتو بقول لي فايزه .....غياث!!!!؟؟ قال لي أيوه افتحي...قمته بتثاقل كده فتحتو عاين لي مساااافه قال لي لي عامله في نفسك كده!!؟؟ قلت ليهو عشان الزول الكنت مستنده عليه فلت يدي ...رجعته قعدته في السرير دخل قعد قصادي قال لي اهو أنتي قلتي مستنده عليه كيف حيقدر يفلت يدك!؟  عاينته ليهو وسكته بقى ينادي ي خاااالتي تعالي.... أمي جات داخله شايله أكل قالت لي راسك ده م بجي الا كده ي حيوانه اصبري لي بس ...ضحك قال ليها براحه عليها ياااخ قالت ليهو دي م بنفع معاها الا العين الحمراء ...بعد طلعت قال لي يلا أكلي ومن غير اي كلمه ...بديت أكل وهو بعاين لي قلت ليهو لو جعان تعال أكل م تعاين لي كده(*_*)....قال لي لا ولله هسي شربته شاي لبن بي لقيمات  ...قلت ليهو إسمها زلابيه...قال لي كلو واحد بس أنا بحب اقول لقيمات(_)....نزلته رأسي وبتسمته وكملته أكل التوب نزل شويه من راسي اشر لي قال لي ارفعي...رفعتو بعد خلصته شلتها طلعتها غسلته يدي وجيت راجعه لقيتو ماسك الدفتر البعد فيهو قال لي ده كلو عملتي!!!؟؟ قلت ليهو أيوه وفي تلاته دفاتر خلصو(*_*)...قال لي شيييت ياخ المهم ح ترجعي العياده من بكرا لأنو الباقي ليك م كتير....قلت ليهو خمسه شهور أنا بتعالج وشوف أنا وصلته وين ...قال لي في ناس بتقعد سنيين حتى تبدأ تتحسن أحمدي ربك انك قطعتي شوط في الشهور دي ....م رديت ليهو قال لي المهم لازم بكره تجي فاهمه!؟ ...قلت ليهو طيب... طوالي قام طلع....بالجد هو لي بتعامل معاي كده!!؟؟ هل هو كمان حاسي بالأنا حاسه بيهو!؟ لالالا أكيد لا غمضته عيوني وابتسمته رجعته نمته تاني صحيت زي العصر كده مرام جات داخله قالت لي قومي الأكل...قلت ليها م دايره أنا...قالت لي لكن ماما قالت لي اجيبك معاي ...قلت ليها مراااام ياخ أمشي أنا م عايزه ...قالت لي راحتك وطلعت مشيت مسكته الدفتر البعد فيهو ده بقيت اعد ومندمجه شديد.......

اليوم التاني صحيت بدري استحميت وغسلته يدي وعقمتها  غيرته ملابسي طلعته ليهم برا عمر قال لي تعاااالي تعااالي اتزرعي هنا....قلت ليهو مالك فشنو!؟ ..قال لي اقعدي بس...صبحته عليهم وقعدته كبه لي شاي بلبن ومعاه بسكويت قال لي أكلي عشان اوصلك ... أمي قالت لي أمس غير الفطور م أكلتي دايره تموتي أنتي!؟ ...قلت ليها لا بس أنا م جعانه... أبوي قال لي حق أمس خليهو اشربي ده...مسكته الكبايه بقيت أشرب واتونس معاهم الساعه 8 جات عمر قال لي أرح اوصلك...ودعتهم وطلعنا قلت ليهو عمرررر افتح غنيه مونستر عايزه أسمعها ..قال لي ظاأاابط فتحها بقيت اغني مقطع واسكت لأني م بعرف أغني كوري المهم لمن وصلنا قال لي يلا قلت ليهو م داخل!؟ قال لي لا ولله وراي شغل ومحاضرات جووووطه...قلت ليهو طيب باي .... نزلته دخلته جوه عايزه أدخل المكتب سمعته صوت بنت بتضحك....وقفته مسااافه ولسه سامعه اصواتهم م عارفه حسيت بي ضيق كده م قدرته اخش رجعته قعدته في كراسي الانتظار وأنا عقلي شغال تفكير دي منو!؟ وبتضحك كده لي!؟ ده أصلا وقت جلستي المفروض م يدخل زول غيري!!!؟؟ جا طالع كان بضحك سأل بنت الإستقبال واشرت على طوالي عملته فيها رايحه جا على قال لي المقعدك هنا شنو!؟ رديت ليهو بعد مسافه قلت ليهو م حبيت اقطع ليكم ونستكم....قال لي أنتي جنيتي دي مياده ارح خشي....قلت ليهو لا م داخله(*_*)...عاين لي باستغراب كده قال لي فايزه مالك!؟ حاسه بشنو!؟ ... قلت ليهو ولا شي بعد هي تمشي أنا بدخل....ابتسم قال لي طيب دقيقه هو دخل أنا قمته مشيت الحمام م كنت عايزه أشوفها ولا طايقه أسمع صوتها مع أنها م عملت حاجه ولا حصل لي معاها موقف وأصلا ديك أول مره أشوفها فيهو بس برضو كرهتها  أنا كل يوم بتعمق في شعوري ده وأنا عارفه أنو هو مستحيل يفكر فيني كده بس برضو بستهلك مشاعري في زول م حاسي بي أصلا بعاملني معامله أقل م يقال عنها عاديه غسلته يدي ووشي طلعته قال لي كنتي وين بفتش فيك قلت إحتمال رجعتي...قلت ليهو لا كنت في الحمام ...قال لي طيب خشي دخلنا كالعاده بسالني وأنا بجاوبو ونفسيتي ماشه أحسن طول الجلسه م جاتني رغبه أني أغسل يدي  ولا احاول اصلح حاجه...قال لي فايزه على حسب الجدول الماشه فيهو أنتي و أجوبتك ممكن نقول أنك تعافيتي لكن م تمااااما أنتي فاهمه يعني تواصلي في أخد الأدوية والتمارين الرياضية والأكل الصحي كويس لكن دي م آخر جلسه ان شاء الله بكره آخر وحده لكن ح اتابع معاك من فتره لي فتره عشان حالتك م تنتكس وتتراجع اوكيه واهم حاجه اهم حاجه ابعدي من الضغوطات النفسية يعني انتي حاسه نفسك م كويسه قولي م حابه الحاجه ع قولي م تكتمي طيب ....ابتسمه ليهو قلت ليهو بالجد أنا اتعافيت!!!!!؟؟؟؟؟ قول ولله أنا بقيت كويسه  أنا بتكلم معاك بالجد!!؟؟؟؟ قال لي أهدي أهدي شويه شويه ....ياخ شده م بكيت لمن صدعته هو مصدوم من البتبكي دي...قال لي عارف أنتي حاسه بشنو عشان كده م بحاول اوقفك أبكي أبكي لأنو لحظه التعافي دي مافي منها الدموع دي بتحكي عن قدر شنو أنتي عانتيتي واتحملتي وقدرتي تتجاوزي ده كلو أنتي شجاعه مسحته دموعه ياخ من الفرحه قربته احضنو قلت ليهو شكرا ليك بالجد شكرا ..قال لي طيب دقيفه أتصل على صهيب يجي يشاركك الحظه دي  فعلا بعد ربع ساعة لقيت صهيب وتسنيم ونجود وعمر وافقين ياخ تسنيم دي من جات داخله بتبكي جات ضمتني شدييييد قالت لي م مصدقه ي فااايزه ولله م مصدقه بالجد!!!؟؟ أنتي بقيتي كويسه!!!؟؟؟ قلت ليها بقيت كويسه ي تسنيم بقيت كويسه نجود قالت ليها زحي كده ي بقرا خليني اخش ياخ بالجد أنا فرحته شديد لكن من جوه فرحتي م كامله زعلانه!!؟؟ أيون زعلانه شديد يعني م ح أشوف غياث كل يوم!!!؟؟ ح أكون بعيده منو!!؟؟ هو أساسا م شايفني غير مريضة وبعمل في واجبو عشان كده ح أكتم جواي 

بعد اسبوعين من الكلام ده ناس صهيب نظمو رحله سموها ""رحله التعافي"" وكمان توديع عشان ح أسافر كندا لي معتز.... صحيت من الصباح لقيت ناس نجود في المطبخ تسنيم جابت معاها بنات خالتها وكذالك نجود أما صهيب عزم اصحابو ونصهم معانا في الجامعه دخلته جهزته معاهم لحدي الساعه 1 نحنا شغالين بعد خلصنا اي وحده مشت تتجهز صلينا الظهر وطلعنا ونحنا طالعين الحافله مرام جات وقفت قدام الباب بقت تبكي وتناديني نجود قالت لي بننتظر أمشي لبسيها سريع حرام عاينيها بتبكي كيف ...نزلته من شافتني جات مسكتني قالت لي ماشه معااااكم اناااااا قلت ليها م تبكي ي مرامي أرح البسي تمشي معاي  دخلنا لبستها فستان وردي منفوش وجزمه بيضاء سرحته ليها تسريحه سريعه كده وطلعما طبعا مرام حجمها صغير كده ماسكاني من رقبتي وراقده في كتفي خايفه أمشي اخليها المهم الطريق كلو بتونسو ويغنو ومرام شويه تتونس مع ده وتمشي ورا وتاني ترجع لي لمن وصلنا نحنا فرشنا

 الفرشااات والأولاد نزلو الأكل والمويه والبارد وأنا بتونس مع فاطمه لمحت غياث بس لمن دققته م شفتو قلت اللدرجه دي بحبو لمن بتخيل شكلو في كل مكان!!؟؟ لمن اترتبنا وقعدنا شفتو اااايي اهو زاااتو غياااث قلبي حسيتو ح يطلع من مكانو  ونحنا بنرص في الأكل رفعته رأسي لقيتو بعاين لي طوالي كسر عينو وبقي يتونس مع الجنبو...بعد اكلنا طلعنا الشاي مع الكيك والحلويات اللمه كانت حلوه شديد زادت فرحتي شديد قمته عايزه اتمشى شويه بقيت ماااشه وبعاين للناس القاعده فجاه حسيت بزول ماشي ورأي قبلته لقيتو ده غياث تااااني تااااني قلبي دقه شديد وبطني وجعتني ...قال لي احم معليش لو خوفتك....قلت ليهو لا م خفته....قال لي أها كويسه!؟ ...قلت ليهو الحمد لله كويييسه ...نزل راسو ودخل يدينو في جيوبو قال لي يعني سمعته أنك مسافره....قلت ليهو أيوه ماشه لي معتز ... رفع راسو بسرعه قال لي لمنو!؟ قلت ليهو لي معتز...قال لي ايووهه كويس ولله....قلت ليهو انت كمان زهجته من القعده!؟ قال لي احم لا شفتك قمتي ولقيت نفسي تلقائيا ماشي وراك ....ابتسمته وسكته بقينا ماشين واي واحد راجي التاني يتكلم فجأة سمعت صوت مياده!!!؟؟ أيوه هي زاااتها.... كانت جايه علينا سلمت على غياث وأنا طوالي مشيت غياث قال لي اقيفي دقيقه قالت لي هي فيوزه كيفك قالو لي اتعافيتي حمد الله على سلامتك ي حبيبتي ...قلت ليها الله يسلمك....قالت ليهو جيتو هنا براكم!!؟؟ قال ليها لا جايين رحله بمناسبه تعافيها وعزموني....قالت ليهو ايووهه كويس ولله أنا جيت مع كمال...قال ليها جد سلمي عليهو تمام...قالت ليهو تمام يلا أنا أمشي...بعد مشت قال لي مالك فجأة!!؟؟ قلت ليها لا مافي حاجه....قال لي بالمناسبة مياده دي مخطوبه وعلى وشك الزواج .... الصراحه اتخلعته عاينته ليهو بسرعه قام ضحك قال لي زي م قلت ليك ...سكته بس م قدرته أتكلم قال لي فايزه!!! المره دي م قال لي فايزه زي كل مره كأنو في كلام كتيييير عايز يقولو وقفته قلت ليهو نعمين ... عاين لي جوووه عيوني قال لي الصراحه يعني....سمعته صوت مرام جااريه قالت لي فاااايزه تعاااالي بنادووك....قلته ليهو طيب نتكلم بعدين شلته مرام ورجعنا ليهم المهم زي الساعه 8ونص كده لمينا الحاجات وطلعنا المره دي غياث ركب معانا وصلنا اي زول محطتو ورجعنا البيت مرام نامت من ركبنه رقدتها دخلته الحمام استحميت وعلى السرير ورقدته نمممممته....صحيت تاني يوم العصر مشيت دقشته المطبخ طوالي طلعته أكل وقعدته أكل أمي جات قالت لي أها الرحله كيف وكيف ...قلت ليها ولله ظاااااابطه بي اكلك السمح ده ... بقينا نتونس تاني قالت لي م غيرتي رأيك في موضوع السفر ده ...قلت ليها السنه لسه م انتهت وأنا أصلا مجمده امشي اقعد معاه هناك مسافه تفتح م بتقدري على فراقي صاااححح ...ضحكت قالت لي لا مستعجله عشان تمشي من خلقتي دي ...قلت ليها هو قال متين!؟ قالت لي مش عندك رقمو دقي ليهو ...رسلته مرام تجيب لي التلفون طوالي اتصلته ليهو قال لي فيوووزتي حمد الله على سلامتك قلت ليهو الله يسلمك...قال لي أها ارسل ليك!!!؟؟ قلت ليهو أنا أصلا متصله ليك عشان ترسل لي ي السمح قال لي جدآ رحله بعد بكره كيف وكيف!؟ قلت ليهو ظابط ي زول...قال لي طيب اقفل أنا عشان عندي شغل ....بعد قفلته منو قلت ليها بعد بكره قالت لي بعد بكره شنو!؟ قلت ليها أسافر ي حجه ....قالت لي قومي جهزي طيب قلت ليها م هسي بكره عشان أنا نعساااانه ...قالت لي بسم الله هسي أنتي م صحيتي!!!؟؟؟ قلت ليها نعسانه ي أمي خليتها تنقنق ورجعته نمته.... صحيت المغرب لقيت شنطي جاهزه!!!!؟؟؟ طلعته لي أمي برا قلت ليها للدرجه دي عايزاني اتخارج منكم عمر قال لي ااايييي عملتي لينا وجع وش اتخارجي عليك الله ...مرام قالت لي أنا ماشه معاك لي معتز قلت ليها أنا لمن أمشي بخليهو يرسل ليك عشان تجي قالت لي شايفاني غبيه قدامك!؟ أنا لو م مشيت أنتي كمان م بتمشي قلت ليها سدي بوزك ده عايزه تخربي على ي زفته!؟؟!! قالت لي ااااييييي بخخخخخررررب م بتمشي يعني م بتمشي  المهم بعد هباله مرام دي اتونسنه شويه وختو العشا أكلنا ولميت العده ورتبته المطبخ وطلعته مشيت غرفتي مسكته التلفون جبته رقمو قلت أتصل!!!؟؟؟ أكيد بكون شغال!!! لكن الساعه 11 يادوب اتصلته لحدي آخر جرس م رد طوالي قفلته التلفون وغطيت وشي بالمخده......

تاني يوم من الصباح لقيت تسنيم ونجود يجعرو....قلت ليهم بسم الله مالكم!!؟؟ نجود قالت لي حتمشي تخليني لمنوووووو!!!؟؟؟؟ وعمر ده فطس ضحك تسنيم قالت لي ماااا بتمشي ي زوله ...قلت ليهم أقسم بالله م تطلعو من هنا بجركم من شعركم وبرميكم فشارع عايزين تخربوها على!!؟؟؟ ولله انتو ومرام ديل اصبرو لي بس زحو مني اصلكم فقر ....تسنيم قالت لي ي نسافر معاك ي تقعدي معانا أصلا م لينا غير بعض ي فايزه ..قلت ليها لالا يختي أنا لي من غيركم بلا قرف نجود بقت تضحك عمر قال لينا غااااايتو جنس شي ...قمته دخلته الحمام غسلته وشي وطلعنا قعدنا في البرندا نجود قالت لي ح أكتب ليك لسته تجيبيها لي معاك فاهمه ولا لا!!؟؟؟ تسنيم قالت لي وأنا كمان ح أكتب وحده قلت ليهم جدا اكتبو ...عمر قال ليهم اقنعو ...المهم قعدو معاي لحدي الساعه 10 بالليل نجود قالت لي م بقدر أمشي معاك المطار أعفي لي ياخ ...قلت ليها أنتي متخلفه!!!؟؟ عادي ي بنت تسنيم قالت لي عمر تجوني لمن تكونو طالعين مفهوووووووممممم!!!؟؟ عمر قال ليها مفهوم ياخ اتخارجي.... عمر قال لي أنا استلمته أوراقك أمشي اجهزي عشان الرحله الساعه 2 صباحا...قلت ليهو طيب مشيت اتجهزته وتعقمته لمن طلعته الساعه كانت 12 لقيت تسنيم قاعده معام أمي جات مسكتني وتبكي قلت ليها محسسني م راجعه تاني ي جماعه كلها كم شهر وجايه ...مسحت دموعها قالت لي لا أنا ببكي عشان ح أنظف البيت ده كلو برااي ...قلت ليها واااععيي م عشان أنا ماشه!!؟؟ كويس ي ماما ولا بجيب ليك مكنسه الكهرباء القلتيها لي ...قالت لي لو م جبتيها م تجي ...بابا ضماني قال لي م أوصيك على نفسك ي بتي اعملي حسابك فاهمه!!؟؟ قات ليهو م محتاجه توصيه ي أبوي  مشيت ودعته سند ومرام كانو نايمين...طول الطريق كنا بنتونسو مع نجود بالتلفون....قلت لي تسنيم صهيب وين!!!؟؟؟ قالت لي عندو شغل م بقدر يجي...قلت ليها حتى بالتلفون!!!؟؟؟؟ المهم م حنك ي صحبتي عادي.... وأنا من جوا عايزه انفجر لمن وصلنا عمر نزل لي الشنطه قال لي يلا طيارتك قربت قلت ليهو عمرااابي أنت بتبكي!!!!!؟؟؟ ضحك قال لي دي دموع فرح عشان ح نرتاح من جنونك لي فتره ...قلت ليهو صدقته أنت قايلني عويره تعال هنا ضميتو قال لي الناس ح يفهمونا غلط قلت ليهو أصلك عواليق جريت الشنطه وأنا ماشه لي ورا وبعمل ليهم باي باي  قبلته منهم سمعته صوتو!!!!؟؟؟ لا صوتين صوت نفرين!!!؟؟ التفته لقيت غياث وصهيب جايين سوا  صهيب جا سلم علي في راسي قال لي معليش ولله كان عندي موضوع مهم شدييييد والحمدلله لحقتك ..قلت ليهو أنت م عارف أنا زعلانه منك قدر شنو ي صهيب وماااا تتكلم معاي ...قال لي كنت متوقع حركتك دي عشان كده جبته ليك معاي  تيشيرت في صور عيالك الصنيين وصور ليهم وكبايه كمان فيها الصور اهااااا  بقيت انطط واصرخ قلت ليهو وااااااااااعي ي صهيب أنت جاااااااادي وااااااااااعي أنا ح اكون فرحانه بيهم خمسه شهور قدام ....غياث كان بعاين لي نظراتو نظره زول عايز يقول حاجه بس متردد ...قات ليهو اووووو دكتوري كيفك!!!؟؟ قال لي أنا كويس م دام أنتي كويسه  كلنا عاينا ليهو مصدومين..عمر قال ليهو شنووو يااا ... غياث بقى يصلح كلامو قال لي احم أنا أنا كويس الحمدلله وخته يدو ورا راسو....ابتسمته ليهو عمر قال لي الطياااره ح تفوتك ي رمه....قلت ليهو هي نسيت ولله مع السلامه  ودعتهم ومشيت نزلته رأسي كنت زعلانه عشان حواري معاه كان بارد!!!!؟؟؟؟ ولا عشان م رده على اتصالي ولا رجع لي!!!!!؟؟؟ طيب أنا زعلانه أصلا لشنو!!!؟؟؟ موضوع صغير أنا براي مكبره الشغله طيب أنا لي حاسه انو هو كمان بحبني بس م عايز يتكلم!!!! عيوني اتملو دموع طوالي غطيتهم أنا ببكي لي!!؟؟ وهو م عارف أنو في واحده بتحبو وبتغير عليه كمان  أنا لازم اتناسى الشعور ده ركبته الطياره وشويه كده وتحركت

صحيت على صوت المضيفة بتقول لي وصلنا لمن نزلته بقيت أفتش بي عيوني على معتز...فتشته المطار كلو تقريبا بس م لقيتو قعدته في أقرب كرسي لي بديت اجعععررر.... فجأة حسيت بي يد في كتفي رفعته رأسي بسرعه لقيتو ده هو وميت ضحك...قال لي فايزه معليش ياخ بس حبيت اخوفك وأشوف رده فعلك ... ابيت أرد ليهو وبقيت أبكي زياده قال لي ولله معليش م تبكي م قاصد انااا...قلت ليهو زح مني ي زول رجعني م عايزه أقعد معاك زاتو لو حصل لي حاجه!!!؟؟؟ لو خطفوني!!!؟؟ قال لي دقيقه ي السمحه امسحي دموع ومخاخيتك وقرفك ده وارح وبعدين ده منو الدخل ليك موضوع الخطف ده في راسك ...قلت ليهو ماااااااااااااااااااااا تتكلم معاي قال لي لا عليك الله أنا جادي اكيد دي أمك مافي غيرها

قال لي ياخ أنا جعان أرح البيت بسرعه عشان ناكل ...طوالي ابتسمته قلت ليهو وأنا كمان جعانه  قال لي م كنا زعلانين قلت ليهو أنا لسه محافظة على زعلي بس برضو في بطني م بهظر ...لمن وصلنا الشقه القاعد فيها كانت رهيبه شديد أول م تدخلي في حديقه صغيره كده فيها أنواع ورود كتييره وأشجار معلقه كم درجه كده وتدخلي البيت جوا عباره عن صاله كبيره وتلاته غرف وحمام واحد ومطبخ....قلت ليهو وااااااااااعي البيت رهييييب ي معتز لكن لقيت زوقك ظابط .... فجاه طلع لينا واحد طويييل ومعضل لافي البشكير في خصرو والتاني بنشف بيهو راسو وبغني .... أنا لمن شفتو صرخته هو اتخلع زحه البشكير من وشو بقى يتلفت....معتز بقى يضحك قال ليهو أخجل معاك نسوان هو بعاين لي بي خلعه لسه قال لي معتز وصلت بيك الدنائه تجيب نسوااان!!!؟؟؟ اطلعي برااا وجاي على معتز قال ليهو دي بتي ياخ هو اتخلع زياده قال ليهو وعندك بنت قدر دي!!!؟؟؟ لا بنتك كيف يعني!!؟؟ ....معتز قال ليهو أمشي ألبس وتعال....الولد دخل الغرفه قلت ليهو ده شنو!!؟؟ ولا ده منو!!؟؟؟ يعني أنت م قاعد برااك!!؟؟ قال لي ده مهاب صحبي جينا هنا سوا ...قلت ليهو اااايوااااا.... جانا طالع تاني قال ليهو فهمني الشخصية دي منو!!؟؟ معتز قال ليهو ياخ أنا أمس م قلت ليك بنت أختي جايه!!!؟؟؟ الولد مسك راسو وقعد يضحك قال ليهو شيييت ي مان نسيت ولله جا سلم على قال لي حمد الله على سلامتك ....قلت ليهو الله يسلمك  بقيت اهز رجولي شديد قال لي مالك!!؟؟؟ قلت ليهو جعانه...معتز قال لي الأكل جاهز أمشي غيري وتعالي....جريت الشنطه ودخلته الغرفه غرفتي كانت في النص باليمين معتز وباشمال مهاب... استحميت وغيرته ملابسي لبسته بنطلون و التيشيرت الجابو لي صهيب لفيت الطرحه وطلعته لقيتهم رصو الأكل ومنتظرين قعدنا ناكل وأنا باكل حته حته لو معتز كان براهو ولله أكف يدين التيشيرت واقع في الأكل  بس عشان الولد معاه م عايزه يقول على اكااله معتز لاحظ لي قال لي ي هنايه عادي أكلي م تعملي لي فيها راقيه عارف بتفكري فشنو ضحكته قلت ليهو احم م عايزه اخلعو  مهاب قال لي ي زوله اخدي راحتك متعود على الخلعه أنا وعاين لي معتز  ....بعد خلصنا دخلته غرفتي اتجدعته في السرير نمته  

أمشي شوف بنت اختك دي بكون ماتت ونحنا م جايبين خبر...م تخاف هسي بتصحي...الزوله دي نايمه من أمس وهسي الساعه 8 م صحت قوم ي معتز أمشي شوفها ياخ.... أنت بتخاف عليها اكتر مني دي بتنوم يومين تلاته ورا بعض ...فتحته عيوني لقيت نفسي في الأرض وملفوفه بالملايه وشعري منكوووش وما واعيه أنا وييين!!!؟؟؟ عاينته للباب مشيت فتحتو وطلعته بالملايه معتز من شافني فكاها ضحكه ....ي جماعه أنا لمن اصحى من النوم قريب عشره دقائق بكون فاقده الذاكرة  قلت ليهم انتو ومنو وأنا منو!!؟؟ مهاب مشى جاب مويه رشاها فيني  المويه كانت باااارده صرخخخته قلت ليهو أنت متخلف!!!؟؟؟ قال لي احم أنا مهاب  تاني استوعبته أنا وين وعامله كيف ختيت الملايه في راسي وجريت جوا  دخلته الحمام استحميت وجييت قاشره  ليهم معتز قال لي أنا منووو!!!؟؟ . حمرته ليهو قلت ليهو م تتظارف معاي أنا زهجانه ...مهاب قال ليهو ده اسلوب وحده بتكلم خالها!!!؟؟؟ .....قلت ليهو أيوه اتكلم معاه بالطريقة البتعجبني أنت مالك!!!!!؟؟؟؟؟ خشيت المطبخ عملته شاي بلبن وقعدته أشرب معتز جا قال لي أرح نطلع قلت ليهو نمشي وين!!؟؟ قال لي أنتي بس أرح  ....مشيت اتجهزته وطلعنا سوا قال لي حناكل اكتر حاجه بتحبيها ي سمينه ...قلت ليهو م تقول لي سمينه أحسن ليك ي معتز ...قال لي م بقول ليك سمينه خلاص دخلنا محل اسكريم بتذكر زمااااان جيت معاه نفس المكان ده ...قلت ليهو ده نفسو صاح!!؟؟ قال لي أيوه هو زاتو بس بقى احلى وبسببك بقيت كل م اجي بأكل مجان ضحكته قلت ليهو الإعلان!!!؟ ...قال لي أيوه الإعلان زمان هو كان محل م معروف وصغير كده لمن جبتك هنا وجربتي الاسكريم لمن طلنعا بقيتي توقفي اي زول في الطريق وتوريم مكان المحل ده وبطلع الامريكان بحبو الاستكشاف عشان كده بمشو وهسي المحل بقى مشهور بسببك قلت ليهو فعلا كان حلو ياخ من دخلنا الشغالين بقو يسلمو على معتز ( ح اكتبو بالعربي طوالي ) في واحد جا طالع من غرفه كده سلم على معتز قال ليهو ليك زمن مننا ياخ....معتز قال ليهو اي ولله الشغل ضاغظ بس بالمناسبة جبتك ليكم اليوم صاحبه الإعلان بذات نفسها ...عاين لي وتاني عاين لي معتز قال ليهو دي هي!!!؟؟ معتز ضحك قال ليهو اااااايوه دي هي فايزه ....سلم على بحراره كده قال لي أنتي م عارفه بسببك حصل لينا شنو ياخ نحنا بقينا مشاهير بقو يجونا زوار من كل أمريكا  شكرا ليك بالجد   قلت ليهو العفو قال لي كبرتي آخر مره جيتي هنا كنتي كتكوتة قلت ليهو طيب انتو عرفتو كيف أنو أنا الروجته لي محلكم!!؟؟ قال لي في واحد من الموظفين كان طالع شكلو كان ماشي وراكم وعرفكم وكلمني و فجاه في واحد ناده عليهو قال لينا اتفضلو مشينا قعدنا معتز قال لي أها اطلبي ولا نفسو قلت ليهو ااايوه نفسو...اسكريم الشكولاته بالأوريو طلبنا بقينا ناكل فجاه اتذكرته غياث هسي بعمل فشنو!!؟؟ قاعد مع منو!!؟؟ هل بفكر فيني زي م بفكر فيهو!!؟؟ أنا لي بفكر فيهو المفروض انساهو ده كان تعاطف معاي م حب لازم افهم النقطه دي أنا معتز مسك يدي قال لي مالك!!؟؟ قلت ليهو لا بس تعبانه ارح نرجع...قال لي لالالا أنا جادي مالك فجأة!!؟ قلت ليهو مافي حاجه ي معتز ارح نرجع .....نايمه فجاه صحيت عطشانه كنت لابسه بجامه وشعري منكوووش مشيت المطبخ شلته قزازه مويه كنت راجعه لقيت مهاب في وشي القزازه قربت تقع مني قال لي أنا آسف م كنت قاصد اخوفك...قلت ليهو لا لا ولايهمك مشيت دخلته الغرفه وقفلته الباب غمضته عيوني اخدته نفس شربته مويه ورجعته نمته مرت الايام وحفظته أماكن كده بمشيها لمن ناس معتز يكونو في الشغل ناس صهيب كل يوم بتصلو لي بتونسو معاي مره كنت بتونس معاهم سمعته صوت غياث ...تسنيم قالت ليهو اتاخرته كده ماالك!؟ قال ليها ولله زحمه العياده بس....صهيب قال ليهو تعال أقعد اسلم على السجم دي ....من قال كده اترددته قلت أقفل!!؟؟ أنا لازم اقفل طوالي قفلته الخط رجعو دقو لي تاني بس م رديت الغريب مشيت طلعته الدفتر البعد فيهو م عارفه الخلاني اجيبو معاي شنو  رميتو من يدي قلت لاااا أنا م لازم أرجع تاني م لازم أتصرف كده....قمته وقفته وأنا ماسكه راسي مهاب دقه الباب قال لي فايزه!!!!؟؟؟ بتعملي شنو ي بنت!!! فتحته الباب وجيرت الحمام غسلته وشي وقعدته تحت مهاب جا قال لي فايزه أنتي كويسه!!؟؟ قلت ليهو لا في ادويه طرف الدولاب جيبهم لي جرا جابهم لي سرعه فتحتهم وبلعتهم....بعد هديت شويه قال لي ده شنو!؟ أنتي مريضه!!!؟؟ قلت ليهو أيوه لميت حاجاتي بسرعه قال لي عندك شنو!!؟؟ قلت ليهو أنت عايز مني شنو!!؟؟؟ م تتكلم معاي ياخ وقمته مشيت شفته معتز جا داخل شايل أكل دخلته الغرفه وقفلته الباب.....فايزه مالها!!؟؟ ...ولله م عارف كنت قاعد هنا سمعته كركبه دقيت ليها باب الغرفه م فتحت شويه كده فتحتو وقامت جاريه الحمام وبقت تبلع حبوب وما عارف هي عيانه!!؟؟.... للأسف اي....عندها شنو!! ....فايزه عندها وسواس قهري  لكن اتعافت الحمدلله شكلها م بتاخد الأدوية في وقتها عشان كده بتجيها نوبات ......اتصلته على ماما م عارفه لي حسيت نفسي عايزه أسمع صوتها بس حقيقي ماما صوتها بشفي اي ألم فيني بخليني مرتاحه نفسيا ....قالت لي بنتي السمحه قلت ليها أمي كيفك !!؟ قالت لي ولله فاقدنك بس...قلت ليها قربته خلاص لأني زهجته من هنا ...قالت لي المكنسه م تنسيها قلت ليها ماما ياخ الزول يتصل عشان يسمع صوتك السمح ده تقولي لي مكنسه!!؟؟ قالت لي هاك مرام عايزه تتكلم معاك....قلت ليها مرامي ...قالت لي بلا معاك مرامي م سقتيني معاك لي!!؟؟ فايزه أنا عايزه اجيك ... حرفيا مرام دي اكتر انسان بأثر فيهو غيابي دائما بتكون وراي كل محل ماشه ليهو بتمشي معاي  حتى مره كده لمن كانت صغيره كنت داخله الحمام قالت إلا تدخل معاي اجي!!؟ أمي مسكتها لمن طلعته حتى سكتت ....قلت ليها مرام أنا خلاص قربته اجيكم م عايزه العاب أنتي!!؟؟ قالت لي اااي دايره..قلت ليها طيب خليك شاطره وأنا بجيب ليك معاي حاضر!!؟؟  ....قالت لي حااضر بعدها ودعتهم وقفلته....فجاه جاتني مكالمه من رقم غريب رديت جاني صوت غياث  أنا بطني وجعتني قمته وتاني قعدته قال لي فايزه أنتي سامعاني!!!؟؟ قلت ليهو اهليين أيوا سامعه...قال لي معليش لو ازعجتك بس حقيقي مشتاق ليك .....دقييييييييييييييييييقه قال لي مشتاق ليك!!!!!!!!؟؟؟؟؟؟؟؟؟ قلت ليهو أنت شارب حاجه!؟ ....ضحك قال لي لا أنا بكامل قواي العقلية  قال لي فايزه!! قلت ليهو أيوه قال لي بحبك طوالي قفلته الخط في وشو...معقول!!!!!؟؟؟؟؟ لالالالالا أكيد شارب حاجه ....رسل لي رسالة قال لي"" فايزه  أنا عارف إني فاجئتك بي اعترافي ده بس ولله أنا بحبك وللأسف اكتشفته ده بعد سافرتي ممكن ترجعي!!؟ عشاني بوعدك أول م تجي ح اتقدم ليك واتوج حبي ليك بي زواج م عايزك تتسرعي في قرارك مع أني كنت حاسي أنك بتحبيني وظاهر من تصرفاتك مع مياده المهم ردي وقت متكوني جاهزه"" قريت الرساله سبعه مرات ياخ من الفرحه ضميت الحيطه طلعته بنطط لي ناس معتز مهاب بقى يقول اللهم إن كان سحرا فابطله أستغفر الله العظيم بسم الله الرحمن الرحيم اخرررررج اخخخخررررررج معتز سبتني قال لي فايزه اهدي دقيقه مالك!؟ نمشي المستشفى!!؟؟ أنتي كويسه!!؟ قلت ليهو طلع بحبني 

معتز قال لي قلتي شنو ي روح أمك!!!؟؟ ...استكنته شويه بقيت اتمتم قلت ليهو أنا قصدي هناي احم البتاع ده ياخ أمي بتسلم عليك ....قال لي دي م أجابه على سؤالي ..قلت ليهو لا سمعته غلط ي معتز...مهاب قال لي لالا م سمع غلط ...حمرته ليهو قلت ليهو انت م عندك فينا شغله ي زول ..معتز قال لي تعالي وراي دخل غرفتي ياخ أول مره أخاف منو عاينته لي مهاب قال لي م تعايني لي كده كاااان ح أساعدك لكن م قلت ادبك دي خلي يكسر رايك المربع ده ....دخلته قال لي ده منو وعرفتي كيف!؟ قلت ليهو ياخ ده الدكتور الكان بعالجني ي معتز م تخوفني كده ...عاين لي قال لي اهلك عارفين!؟ قلت ليهو لا دقيقه احكي ليك طيب قال لي سامعك ...حكيت ليهو كل القصه قال لي كويس خليه يتكلم معاي طيب مش قال جاي بالباب أهلا وسهلا خلي يجي ...قلت ليهو طيب لمن يتصل قال لي لا اديني رقمو هسي ده ...قلت ليهو معتز م تحكها معاه كده ياخ مالك ..قال لي فايزه!!! قلت ليهو سجل ...اخد الرقم وقام فتح الباب لقي مهاب وافق بسمع فينا....معتز قال ليهو ان شاء الله تكون فهمته الحاصل ولا أحكي ليك تاني ...مهاب ضحك قال ليهو أحكي لي الجزو الأخير ده ...ضربو في ضهرو ومشى أنا رجعته بقيت أفكر معتز ح يعمل شنو!!؟؟ حيقول ليهو شنو!!؟؟ رقدته وغمضته من غير أحس نمته .....

عدو تلاته شهور من جيت كندا قلت لي معتز هوي رجعني أهلي...قال لي مافي ليك أهل تقعدي هنا بس العيال ديل بربيهم منو!!؟؟ ....قلت ليهو معتز م عايزه نقاش رجعععنننييي اهلللييي كلام واضح وبعدين ديل م عيالي براي....مهاب استعدل بقى يعاين لي ولي معتز ...معتز قال لي مش راجعه!!؟؟ تسوقي عيالك معاك ومصروف م بديك...قلت ليهو طييييب عيالي في طرفي أنا ماشه اهلي ورقتي تصلني هسي....قال لي جدا...قلت ليهو أرمي الطلاق يمعفن ي حيواان ....قال لي فايزه أنتي طالق طالق طالق ....طوالي فكيت الضحكه ومهاب زي الاهبل م فاهم حاجه معتز قال ليهو افقل خشمك ده ي مهاب بنهظر ...مهاب قال لينا اكيد متفقين صاح!؟ ...قلت ليهو ولله م متفقين ولا حاجه بس جات كده هو بدأ وأنا كملتها معاه .....معتز قال لي ظابط الاسبوع الجاي طيب....قلت ليهو لالالالالا ياخ أنا مشتاقه لي أمي ...قال لي أمك باااااااسسسس ....مهاب قال لي اها أمك باااااااسسسس ...قلت ليهم بطلو قلت أدب أنا راجعه أهلي ....قال لي بعد تلاته أيام ي فايزه كده ظابط!؟ قلت ليهو لا شرطي ها ها ها ها ها ظريفين ....تاني يوم نزلنا السوق اشتريت لي أمي المكنسه  وهدايا لي نجود و تسنيم وصهيب المتخلفين ديل....ولي سند ومرامي...ولي غياث بنطلون رمادي داكن وقميص بيجي وسبورت أبيض وعطر وساعه وغلفتهم ...مهاب قال لي ده لي حبيب القلب اااااااا ...قلت ليهو وانت مال اهلك يشيخ لمن رجعنا ختيت الحاجات ونمته اليوم التاني لمن قمته لقيت معتز ومهاب في راسي قلت ليهم انتو عايشين براكم هنا!!؟؟ الغرفه دي فيها حيطه نايمه احترمو الخصوصيه ياخ ....مهاب قال لي اجي!!؟؟ م كلنا رجال فشنو ...معتز ضحك لمن وقع قلت ليهو يعني شايفني راااااجل!!!؟؟؟؟ ي معفن ...قال لي اعصابك يلخت نحنا عايزين عصيييييده ....قلت ليهو ماااااااااااااااااااااا بعرف اي عصيده وتخارجو من هنا و ي معتز لم سنونك دي ويلا من هنا ....معتز قال لي اطلبي العايزه بس سوي لينا عصيده ياخ ولله نفسنا فيها ...قلت ليهم ابكو أول ...مهاب قال لي انعل جلحاتك زاتو م دايرين اي عصيده وقام طلع معتز قال لي زهجتيهو يهنايه قومي اعملي الأكل ....قلت ليهو عامل زي الجداده المرشوشه بمويه سخنه قوم من هنا وأنا جايه وراكم  استحميت وغيرته ملابسي ودخلته المطبخ اتصلته لي أمي قالت ليها ااااوووووممممييي العصيده بسووها كيييففف ....قالت لي معتز قال دايرها ولا شنو!؟ قلت ليها اااععيي شويه كده هم الاتنين جو داخلين أمي قالت لي سجمي ده منو المعاكم ده ومالو لابس كده هووي ي بنت اديني سجم معتز ده....قلت ليهو هااك معتز قال ليها اوووووو اوووخخخختتتي السمحه كيفك ...قالت ليهو ده منو المعاكم ده!!؟؟؟ وكيف تخليه يقعد مع بنتي كده!!؟؟ طبعا هو ساااامع يضحك سااي قال ليها ياخ ده صحبي وبعدين البنت دي بتك براك!؟ بتي أنا زاتي ....عايزه تتكلم قال ليها ياخ بنتك زاااتها جاياكم بكره....قالت ليهو صححححييييي!!!!؟ قلت ليهو ياخ ي معتز مالك زح خليها توريني البتاع ده بسوهو كيف...بقت توصف لي ومعتز يسعادني لحدي م خلصنا الملاح قالت لي باقي ليك العصيده بس قلت ليها اي بعرف أسويها كيف يلا مع السلامه  قالت لي هوي المكنسه قلت ليها م نسيتها ي اووومي جبتها ....بعد قفلته الخط قلت ليهو مهااب قوم سوي العصيده دي ...قال لي م بعرف قلت ليهو بلا م بعرف أنا بوريك .....بعد خلصنا البهدله دي ختينا الفطور وقعدنا ناكل  معتز قال لي ملاح تقليه حقي كااااااارب مهاب قال ليهو والعجب العصيده حقتي كاااااربه.....م عرفته أقول ليهم شنو سكته خليتهم يشكرو في أكلي ....لميت العده قلت ليهم خشو غسلوها بسرعه ....معتز قال لي كفايه سويت والملاح....مهاب قال لي م تعاااايني لي العصيده هدت حيلي خشي غسليها ....ياخ دموعي دي وقفت طرف عيني لو قالو لي مالك ببكي  خشيت غسلتها ودخلته غرفتي بقين ألم حاجاتي معتز قال لي ولله م عايزنك تمشي ياخ.... قلت ليهو حبشيه شغاله اربعه وعشرين ساعة ومجان تخلوها تمشي!!!؟؟؟!!! أمشي الدراما بتاعتك دي أعملها لي مهاب م لي ...مهاب جا داخل بصفق قال لي هيييييي وتاني هيييييي مهاب ماااااللووووو ....خلاني افضل طوالي قلت ليهم ولله انتو زباله خلاص بس بريدكم .... معتز قال لي ولله أنتي الأزبل ي قمر مهاب عمل فيها بمسح دموعو قال لينا لحظات مؤثره بس انجزي ياخ عشان تتخارجي بسرعه ونجيب نسواان ....معتز ضحك قال ليهو تتذكر أول م فايزه جات قلت شنو!؟ شبكتني دنيئ وبتاع ... مهاب قال ليهو ده كان قبل كم شهر ي معتز!! النفوس بتتغير ...قلت ليهم اي عشان كده أنا ماشه وافضي ليكم الجو لكن ح افتنك مع أمي ي معتز .....

بعاين بشباك الطياره وأنا مركبه السماعه فجاه الغنيه سخنت م قدرته أمسك نفسي بقيت أرقص جنبي كان في ولد بقى يعاين لي لمن استوعبته أنا بعمل فشنو استكنته شويه ....المهم بعد نزلته كنت متلهفه اشوفهم وبالذات غياث  ...بس هو م حيكون معاهم أكيد .... دخلته الصاله عيني وقعت على مرام ....لمن شافتني بقت تكورك وتصرخ جات جاريه حضنتني قلت ليهو مرااااامي كلهم جو على أبوي قال لي بركه الجيتي سالمه ي بنتي  أمي قالت لي حمد الله على سلامتك  قلت ليهم الله يسلمكم ياخ مشتاقيين شديد شديد ولله ....عمر قال لي احم احم...قلت ليهو عمرااابي خش ياخ سلمته عليهو قلت ليهم الرمم ديل وين!!؟؟ عمر قال لي عاااان بقيتي سمحه كيف قلت ليهو هييييي أنا من يومي سمحه ركبنه العربيه بقيت احكي ليهم عن كندا أمي قالت لي المكننننننسسسسهههه ويييين م يكون نسيتيها ....قلت ليها معقوووووله ي حجه جبتها  لمن وصلنا البيت قلت ليهم ااااخخخخ ولله اشتقته لي غرفتنا ....هم دخلو وأنا داخله م شفتهم بقيت اكورك لي أمي مافي رد وبيتنا كبير وضلام....عايزه أرجع اطلع الشارع فجاه الأنوار فتحت وهم بقو يكوركو موووووووفاااااجئاااااااااااههههه  بقيت مخلوعه وبعاين ليهم والغريبه كان معاهم ناس أول مره اشوفهم صهيب جا قال لي مشتااااااااقييييييين ي رمه ...قلت ليهو بالاكتر بس ده شنو وديل منو!؟ تسنيم جات قالت لي سلمي أول ...المرا الكانت واقفه معاهم جات قالت لي م شاء الله ي بنتي سمحه كلمه مافي الله يحفظكم ويتمم ليكم على خييير وتملو لي البيت أحفاد ...خلعتي زادت بقيت زي الأطرش فلزفه م فاهمه اي حاجه قلت ليها احم إحتمال غلطانه ي خالتو أنا ا هناي غياث قال لي دي أمي يعني نسيبتك ي غبيه التفته عاينته ليهو بقى طويل شويه وعمل ليهو لحيه خفيفة كده ....طلع علبه من جيبو وفتحها طلع الخاتم مسك يدي وعيونو م نزلت من عيني لبسني الخاتم قال لي مبروك لينا يالسمحه ....عاينته لي أبوي وعمر بقو كلهم يضحكو على شكلي تسنيم قالت لي مبروووك ي قلبي  أبوي وعمر وصهيب سلمو على في رأسي أبوي قال لي مبرووك كبرتي وبقيتي عروس ربي يتم ليكم على خيررر وما تشوفو شر ... أمي جات ضمتني قالت لي متيييين كبرتي ي بنتي مبروووك ....ولله من الصدمه بقيت أبكي غطيت وشي بيدي غياث جا مسك يدي قال لي فايزه  ي بنت أنتي عبيطه بتبكي مالك!؟ عمر قال ليهو م مصدقه أنها ح تطلع من البايرات ديل نجود مشت لبعتو قالت ليهو تبور أنت مالك علينا تسنيم قالت ليهو ي باااير .... أمي جات قالت لي ي بنت بطلي اجي ولل م دايراهو!؟ غياث قال ليها تفي من خشمك اجي كيف م دايراني  بقيت اضحك قلت ليهو م تقول اجي تاني ... قال لي عشان خاطر عيونك السمحات ديل ...عمر قال ليهو ياااااازول دي خطوبه بس وبعدين أخجل تقولها قدام الكبار كده ... أبوي قال لينا اتفضلو اقعدو مالكم واقفين ..قعدو المرا قالت لي أنا عمتك بثينه ودي أخت غياب الكبيرة عبير  ابتسمته ليها رفعته رأسي لقيتو بعاين لي شويه كده قام طلع جاتني رساله قال لي اطلعي راجيك أنا ....قلت ليهو م طالعه ي زول ....الساعه كانت 9 هم طلعو مننا تسنيم قالت لي غااايتو أول مره خطوبه بالليل م قادر يصبر لحدي الصباح!؟ ...قلت ليها تستيم أنا تعبااااانه جايه من سفااااااار خليني انوووم بكره شغليها زي م عايزه ....قالت لي ظابط بكره من الصباح حتلقيني في خلقتك ......ولله دخلته الغرفه جدعته اي شي ونمته بي ملابسي  .... صحيت بي زول بهز فيني وأنا عين فاتحه وعين مغمده قالت لي الحقي جابو قوله خير الناس ديل جادين شديد ي فايزه قومي شوفي حنكهم شنو ...قمته مخلوعه قلت ليها قوله شنو!!!؟؟؟؟؟ أمي دي وين ناديها لي ي تسنيم بسرررهه...دخلته الحمام غسلته وشي وجيت كاتحه  لقيت أمي وتسنيم ونجود واقفين قلت ليها ده شنو ي أمي!؟ قوله خير منو كمان!!؟؟؟ قالت لي الولد كان مكلمنا قبل فتره ونحنا جهزنا اي حاجه م دام أنتي م عندك مانع ناحل لي وبعدين دي بس قوله خير ابردي ....قلت ليها ماااااماااا العايز يعرس منو فينا!؟ انتو بتعملو من راسكم!؟ م بتسألو العمود ده عايزه شنو!؟ ولا رأيها شنو!؟ إحتمال أنا م موافقه او غيرته رائي!؟ ....قالت لي جدآ هسي بكلم الجماعه يرجعو حاحاتهم عشان أنتي م موافقه .عايزه تطلع كده قلت ليها م تقولي ليهم حاجه ي أمي مشيت قعدته في السرير أمي طلعت قلت ليها برأ في منو!! قالت لي عماتك واهلو بس....شلته التلفون اتصلته ليهو..قال لي فايزتي ....قلت ليهو غياث!!! كيف يعني جايبين قوله خير كده طوالي كده!؟ حتى م سألتو أنا عايزه شنو!؟ قال لي عايز أسألك أنتي بتحبيني!؟ سكته وغمضته عيوني..قال لي طيب خير رسلي الدبله مع أمي وطق قفل الخط نجود قالت لي أنتي متخلفه!؟ كده ارتحتي يعني!!؟؟ بتسمعي لي كلام تسنيم دي!!!؟؟ يعني شنو كن جابو قوله خير هم أول جو اتقدمو وابوك اداهو كلمه عشان هو ونحنا عارفين انكم بتحبو بعض جا لبسك الدبله واليوم جابو قوله خير ي فايزه مالك بتعقدي المواضيع ولا أنتي م عايزه!!!؟؟؟ ولله لو م عايزه ده كلام تاني والتصرف العملتي هسي ده غبببببييييي غبببببببيييي اتصلي اعتزري ليهو ....اتصلته ليهو اكتر من عشره مكالماتك م رد قلت ليهم الساعه كم!؟ قالت لي 5 عصر ماشه وين!!؟؟ .....قلت ليها م ماشه مكان ياخ ملخبطه شديد وما فاهمه حاجه وبعدين انتو م صحيتوني ابدر من كده ليي!!!؟؟.... تسنيم قالت لي م تجوطي يلخت ابيتي تصحي لي ساعه بصحي فيك وأنتي زي الجثه تاني خليتك ...دخلته الحمام استحميت وطلعته ليهم قلت ليهم تلفوني اتصل!!؟؟ ....قالت لي لا...قلت لي نجود دقيقه تلفونك دقيت ليهو في اخر جرس رده قال الو بضيق كده ...قلت ليهو غياث ...قال لي عايزه شنو ي فايزه مش غيرتي رأيك!؟ اوكي تمام تاني شنو!؟ قلت ليهو عايزه اشوفك وهسي ده....قال لي م فاضي أنا...قلت ليهو م مشكله فضي لي ساعه وحده بس وأنا بجيك...قال لي م تجيني ولا حاجه لمن اصل بتصل ليك تطلعي فاهمه ولا لا!؟ قلت ليهو طيب ...قفلته منو نجود قالت لي غااايتو الله يصبرني من غبائكم ده ... بعد نص ساعه قال لي اطلعي راجيك أنا....طلعته بالباب الخلفي لقيتو وافق من ركبته طوالي أتحرك قلت ليهو ماشي وين رجني أنا م كلمته أمي ...م رده لي قلت ليهو عارفك زعلان مني ي غياث فجاه وأي شيء حصل بسرعه وأنا اصلا م عندي علم و ...قال لي سؤالي قائم...قلت ليهو شنو!؟. قال لي بتحبيني!!؟؟ وقف العربيه وعاين لي نزلته رأسي قال لي يعني م بتحبيني... طوالي قلت ليهو لالالا ي غياث م تقول كده ....قال لي اهاااا ياااا فايزه أفهم شنو أنا!؟ قلت ليهو أفهم إني بحبك ي غياث وبحبك شديد .... أبتسم قال لي طيب في داعي الدراما دي!؟ قلت ليهو طيب رجعني ...قال لي مالك بقيتي سمحه كده ...ضحكته قلت ليهو غيااااث ياخ رجعني .....قال لي عيوني ليك  المهم ي زوله بعد كم يوم حتنزلي السوق تجيبي شيلتك وأنا زاتي ح أمشي معاكم ....قلت ليهو مالك مستعجل كده ي غياث أنا طايره!؟ قال لي خير البر عاجله وأنا كن على هسي ده عايز اسوقك معاي وتكوني لي برااااي .....قبلته على الشباك وخشمي شويه ويتشرط رجعته البيت دخلته سرعه الغرفه وقفلته الباب تسنيم قالت لي ده كلو بتتكلمو فشنو يختي نجود قالت ليها شوفي شافيفها ي تسنيم بس م يكون الفي بالي .....قلت ليهم بطلو قلت أدب ي معفنات تسنيم قالت لي م صحي قلنا حاجه غلط من طلعي على أساس كم كلمه كده وتجي قعدتي ساااعه هناك بتعملو شنو يعني غير ألفي بالنا ...مشيت لبعتهم قلت ليها اقسم بالله العظيم م تسكتو اطلعكم من هنا ...نجود قالت لي أنتي جربي عشان أمشي اشر غسيلك هناك ...قلت ليهم بقى فيها شر غسيل!!!؟؟؟؟ تسنيم قالت لي المهم يختي قولي ليناااااا قللللتتتتوووو شننننوووو ...قلت ليهو مووووووووتتتتتييييي م بكلمك ....المهم شويه كده عبير جات تتونس معانا بعد المغرب مشو أمي قالت لي قالو العرس بعد اسبوعين ....تسنيم فكت الزغروته قالت لي ان شاء الله حااااللللناااا ي يمه وابقي مرا اتكلمي معاه وقولي ليهو م عارفه وما بتاع عشان اقعد فيك اقتلك واعرسو أنا .....قلت ليها خير ي أمي ....                   

انشغلته بي موضوع الشيله والحبسه والكلام الكتير ده ياخ عيني طلعت وقت انوم فيهو ماف يوم الحنه البيت ملان اهلي تسنيم قالت لي قومي البسي ي حيوانه قاعده ليها شنو!؟...قلت ليها مااااا قادره تعبااااانه عايزه انووووووم ي تسنيم...قالت لي ولله لو نجود جات لقتك كده بتطلع عينك قومي قومي دخلته الحمام لبسته فشتان عنابي مع هاي هيلز بنفس اللون نجود جات كوت لي سعري عملت لي ميكب خفيف كده قالت لي قرضه ي صحبتي تسنيم قالت لي نتصور بسسس بقينا نتصور عبير قالت لينا يلا ارح ....كلهم طلعو معاي أمي قالت لي اتحصني ي بنت من عيون عماتك ديل بذااات ...ضحكته قلت ليها ي ااااوووووممممييي ياخ....قالت لي انعدلي عشان احصنك ي حيوانه أنتي صحنتني ومشينا ياخ الحفله كانت ظاأاابطه تسنيم جات قالت لي قومي تقوم غيامتك قاعده ليها شنو أرح نحتو في النص ... بالله قمته معاهم هججته لمن رجولي بقيت م حاسه بيهم الساعه 1 الحفله انتهت والناس شويه بقو يمشو أنا رجعته الغرفه عبير قالت لينا أنا أرجع بعد كده...قلت ليها لالا بيتي معاي النبي فيك....قالت لي بكره حنت أخوي ي بنت م بقدر ...قلت ليها دقيقه اتصلته لي عمر قالت ليهو وين انت!؟ قال لي جنب الباب قلت ليهو تعال بالباب الخلفي...قالت لي كان اطلب ترحال ي فايزه....قلت ليها لالا ولله هو عمر زاتو م عندو شغله خليه يوصلك ...بعد مشت طلعته الفستان ونجدعته في السرير معاي نجود ومرام....تسنيم معفنه م بتخلي زول ينوم معاها ...تاني يوم بالمساء كده ناس تسنيم كانو ماشين حنه غياث لي باب الشارع بحنس فيهم عشان يصورو لي الحفله تسنيم قالت لي زحي بتوسخي لي فستاني ي حيوانه وبعدين غياث ده كلها بكره ويبقى في خلقتك اربعه وعشرين ساعة ....نجود قالت لي م تزعلي ي قلبي بصورو ليك ...قلت ليها بالجددد!!!؟؟؟ قالت لي أكيد لا وطلعو مشو مع صهيب وعمر..... رزعته الباب ودخلته غرفتي بدق ليهو م برد .... أمي قالت لي بكره الساعه 7 تمشي الكوفير حجزو ليك هناك...قلت ليها ظابط.....كان نفسي في اندومي مرام فتشته عليها م لقيتها لبسته توبي و غطيت وشي وطلعته بالباب التاني الدكان م بعيد مننا دخلته قلت ليهو اووو عمو عثمان كيفك...قال لي فايزه!!!؟؟ قلت ليهو أعي م عرفتني ولا شنو!!...قال لي الف الف مبروك ي بنتي بيت مال وعيال ربي يهنيكم ....قلت ليهو الله يبارك فيك أها أخبار آفاق شنو!؟ قالو لي سافرت...قال لي أي ولله كويسه الحمدلله أمس ده كنت بتكلم معاها وكلمتها بي عرسك قالت لي أبارك ليك....قلت ليهو الله يبارك فيها ي رب وعقبالها كمان قال لي اميييييين ي رب....قلت ليهو أها أنا دايره اتنين اندومي واستيم واحد...قال لي ولله أنتي دي من عرفتك م بتجي هنا غير للمرض ده....قلت ليهو أنت متفق مع أمي على أنو مرض صاح ....قال لي شيليهم وامشي ي بنت الزمن أتأخر...طلعته ليهو القروش قال لي لالا المره دي م بشيل منك عروس وكده ...قلت ليهو الله يخليك لينا ي عمو طلعته رجعته البيت ظبطهم وقعدته أكل واسمع في أغنية life goes on  ....بعد اكلته رجعته نمته .....صحيت تاني يوم لقيت ناس نجود نايمين دخلته استحميت ومليت كبايه مويه بارده طلعته رشيتها فيهم قامو يكوركو قلت ليهم نايمين ليها شنو كريهات قومو .... نجود قالت لي اقسسسسسم بالله م اويك الحفله مش كده!!!؟؟ كويييسس....قلت ليها وااااااااااعي يعني هي جات فيكم!!!؟؟م كنت قاصده....قالت لي ماااااااااااااااااااااا بعرف ي زوله زحي من قدامي تسنيم قالت لي وكمان اتصوره معاه سيلفي ظاااااااااابط لالا العجب الحنه في يدينو ...قلت ليها عليك الله وريني قالت لي مافي بتاعت نجود دي م سمعتيها!!؟؟ وقامت دخلت بعد جهزنا وخلاص طالعين اتصلته ليهو برضو م برد قربته أبكي..نجود قالت لي عامل فيها تقيل صاح!؟  قلت ليها م تتكلمي معاي ي زوله ....تسنيم قالت لي بسم الله الرحمن الرحيم مالك ي بنت عشان م رده بس!!!؟؟؟ لقينا صهيب منتظر لمن شافني ببكي قال لي مالك ي بنت!!؟؟ م رديت ليهو ركبته العربيه ورزعته الباب قال لي الباببب العربيه ي حيوانه كن دايره تزعلي ازعلي بعيد من عربيتي ....لمن وصلنا الكوفير البنت لمن شافتني ببكي قالت لي مالك حبيبه!!!؟؟ في زول يوم عرسو ببكي!؟ نجود قالت ليها دي فاكه منها ساي عشان العريس م رد على التلفون بقت تبكي البنت ضحكت قالت لي معليش بكون مشغول مشيت غسلته وشي وجيت قعدته .................................

واقفه بالفستان الابيض  لحظه اي بنت بتتمناها مع اللي بتحبو م كنت متوقعه أنو يجي يوم وأحب تاني كنت مفتكره أنو كلهم زي بعض كلهم بكسرو وما بهمهم لكن غياث طلع غييير غياث حنيين بخاف على ... عمري م اتوقعته راجل في نفس الصفات اللي أنا عايزاها حسيت بي خطواتو وهو داخل قلبي كان حيقيف من الخوف والتوتر ي جماعه .....قال لي حلالي .....نزلته رأسي وبتسمته جا وقف قدامي رفع لي راسي بيدو قال لي الله يقدرني اسعدك ي فايزتي  قال لي عادي ضميني بيقتي حقتي ي بنت ...طوالي دخلته حضن ... تسنيم جات داخله قالت لينا عاينو ده م وقت رومنسيات بعد الهجيج ينتهي العمر كلوووو ح تقعدو في وش بعض ....قلت ليها م بسألك هسي لكن اصبري لي بس ...قال لي دقيقه احصنك من العين .... بدأ يحصن فيني وتسنيم تصور بعد خلص مسك يدي قال لي أرح ....طلعنا كده اصحابو بقو بصفرو ويباركو ليهو ....ركبنا العربيه قلت ليهو أنا جعاااانه ي غياث ...قال لي عااااارف طلع سندوتشات شاورما ومويه قال لي طقي بسرعه عشان قربنا ....بقيت أكل قال لي م تخربي مكياجك براحه ....م رديت ليهو بعد أكلته شربته المويه قلت ليهو البارد وين!؟ قال لي قاصد م جبتو ليك ...قلت ليهو غياث ياخ أنا جاده م جبتو!؟ قال لي لا قلت ليهو غياث أنا راجعه أهلي ....ضحك قال لي م تفضحينا مع عاصم ده ي هنايه اهلك شنو أنتي جنيتي أنا لقيتك بالساهل عشان اخليك تمشي كده!؟ مسك يدي قال لي طول م فيني نفس ح أكون جنبك وفضهرك ....قلت ليهو ربي يخليك لي وما يحرمني منك ....عاصم قال لينا براحه على مشاعري ي جمااااعه في زول سنقل قاعد معاكم ....ياخ ضحكنا ضحك لمن وصلنا الصاله قال لي في مفاجأة منتظراك جوا ي حبي .....قلت ليهو الناس دي مالها كتيره كده!!!؟؟؟ قال لي أنتي بس امسكي يدي وما عليك بالناس ....بعد ناس تسنيم وصهيب نزلو وقفو صف بنات وصف أولاد قال لي يلا نزل فتح لي الباب مسكتو ونزلته بقينا ماشين شغلو غنيه كده م بعرفها أصلا ( أنا الاغاني السودانيه دي م عندي معاها شغله كلها كوري )  وصلنا نص الصاله قال لي نرقص سلو على الغنيه بتاعتك .  شويه كده فتحو غنيه life goes on   رفعته راسي بخلعه كده قلت ليهو واااااي ي غياث انت جادي!!!؟؟؟....بقينا نرقص فيها قال لي وفي تاني كمان استني بس نحنا بنعرس كم مره!؟ قصدي أنتي لكن أنا باقي لي تلاته .....قلت ليهو م تخرب لي فرحتي هسي بعد نطلع من هنا ان شاء الله تعرس خمسه م بتفرق ....قال لي م بتفرق!!!!؟؟؟ مياده كانت بتضحك معاي ساي كنتي عايزه تموتي .....قلت ليهو غياث اسكت الناس ياخ ....مشينا قعدنا في الكوشه الحفله شويه شويه بدت تسخن  وطبعا ناس نجود م عرفتهم فنص برقصو وتسنيم دي حتتو حت الجن والعجب صهيب وعمر جاتني مرام قالت لي فااااااييييزه ....كنتي وين من الصباح بفتش فيك م لقيتك ...قلت ليها أنا هنا ي مرامي ...قالت لي ماشه وين حلوه كده أنا عايزه البس زيك كده قلت ليها لمن تكبري حتلقي واحد زي غياث ده كويس،!!؟؟ قالت لي اااي عايزه واحد زيو مشت سلمت عليهو بقت تلعب بي بدلتو....قلت ليهو مراااام م تهبشي ده حقي ي زوله .....ضحكت لي ضحكه خبث كده ومشت لي تسنيم كنت عارفه مرام دي لو قعدت مع تسنيم دي ساعه وحده بتتخرب تربيتي ....بعد موال الحفله ده كلو طلعنا رجعوني البيت غيرته الفستان لبسوني توب ودهب وم عارفه أمي جات حمتني بالريحه قالت لي الله يحفظكم ويغطيكم ي بنتي ....قلت ليها اااميييين ي رب قمته حضنتها بقت تبكي قلت ليها م تبكي ي أمي ياخ ....قالت لي كيفن م ابكي وأنا ربيتك وكبرتك وتعبته فيك يجي واحد بين يوم وليلة ياخدك مني!!!؟؟.....مسكتني ونحنا ماشين لقيت أبوي ومعاه عمر واقفين برا أبوي جا ضماني شدييييد قال لي خلي بالك من نفسك شدييييد ي بنتي استودعك الله ..... أنا دي كملته دموعي مع عمر وأبوي قال لي أختي السمحه م تبكي ياخ نحنا متطمين عليك لأنو اديناك لي رااااجل وح يسعدك يلسمحه .....ودعتهم ومشيت غياث قال لي امسحي دموعك ي فايزتي بتوجعني هنااا واشر على قلبو.....ابتسمته ليهو ورقدته في كتفو قال لي أها عايزه تاكلي شنو عشان اطلبو ومسافه نصل بكون هو زاتو وصل ....قلت ليهو اي حاجه المهم أكل ....المهم لمن وصلنا قال لي حنقعد هنا تلاته أيام وبعدها نسافر....قلت ليهو ظابط ي مان.....قال لي ظابط!!!!؟؟؟؟ ومان كمااان!!!؟؟؟ لالا أنا ماشي مع ولد!!؟؟ خشي خشي ي فايزه برجلك اليميين .....قلت ليهو عايزه امسح البتاع ده ياخ الحمام وين!!؟؟ قال لي جوا الغرفه دخلته وقفلته الباب مشيت استحميت غيرته ملابسي ومشيت رقدته وغمضته عيوني الباب خبط غياث قال لي فايزه افتحي الباب مالك قفلتي !!!!؟؟ نطيت من السرير جريت فتحتو ليهو قلت ليهو ولله معليش نسيت قال لي وكمان رقدتي!!!؟؟ عاينته لي ملابسي جريت دخلته تحت الملايه قلت ليهو اطلع برااا أنا اليوم ح انوم برااي ...قال لي هبله دي .دخل استحمه وجا رقد جنبي وأنا حاسه بيهو بس م قادره افتح عيوني من التعب باسني في خدي قال لي تصبحي على خيييير .......

تاني يوم صحيت الساعه 5 عصر خشيت غسلته وشي بقيت أنادي مرام ي مراااااااااااام مراااااام اجي مشت وين طلعته برا لقيت غياث جاي فكين ليك صرخه قلت ليهو أنت منو وأنا وين....قال لي فايزه!!!؟؟؟ جنيتي!!!؟؟ تعالي مسكني وقفني قدام الماسوره رشه المويه في وشي قال لي صحصحي ي بنت ....قلت ليهو أنا جعانه ي غياث ولي م صحيتني!!؟؟ قال لي حسيت بيك تعبااانه من هجيج أمس ده عشان كده م حبيت اقطع نومتك .....قلت ليهو ااااخخخخخ أنت الزيك منو عاااد راجل الهنا والسرور  م زي ناس بيتنا ....ضحك قال لي مستنيك تصحي عشان ناكل سوا ....طلعنا برا قلت ليهو أنا م كشفته للبيت أمس لفيت الشقه كلها ركن ركن غياث قال لي تعالي الأكل ي بنت....لقيتو جايب بيتزا وبيبسي ....فتح لينا فيلم ظابط بقينا ناكل ونحضر فجاه كده قال لي بحبك ....عاينته ليهو باستغراب كده ضحك قال لي الناس بقولو وأنا كمان بحبك ....قربته منو شدييييد وعيوني في عيونو قلت ليهو وأنا كمان بحبك ...عايزه ازح مسكني قال لي الوضع كده عاجبني .... قلت ليهو غيااااث ....ضحك قال لي أنتي بديتي م تقولي لي غيااث ....قلت ليهو طيب أنا ماشه انوم....قال لي لا خليك ....رجعته قعدته وأنا عيوني تغمض وتفتح قال لي تعالي رقدتي على صدرو قال لي م تتخيلي منتظر لحظه أضمك بين يديني دي قدرك كيف .... رفعته راسي عاينته ليهو قرب مني شدييييد طبع لي بوسه خفيفه كده قال لي ودي كمان ...غطيت وشي بيدي قلت ليهو ياخ م تعمل كده تاني ....قال لي هي كلها بوسه بس وخفييييفه عشان كده اسكتي مش مرتي!!!!!؟؟؟؟؟......غمضته عيوني نمممممته ......فتحته عيوني لقيتو نايم جنبي شفته الساعه ماشه لي 6 صباحا دخلته الحمام استحميت وجييت قاشره  دخلته المطبخ عملته شاي وكيكه ....دخلته ليهو الغرفه قلت ليهو غيااااااث غيااااااااااث اصححححححههههه الشااااااايييي......قال لي أنا أصلا صاحي وتعالي هنا جراني قال لي خليك كده شويه ي فايزه ....قلت ليهو طيب والشاي!!!؟؟ قال لي م تخربي اللحظة بالشاي ي بنت ارفعي راسك ده عايني لي رفعته رأسي بسرعه طبع لي بوسه المره دي استمرت لي دقائق قال لي بعد كده نقوم للشاي ....غطيت وشي بالملايه قال لي عبيطه دي قومي قدااااامي  الحاله دي بوسه بس ....نطيت وقعدته في نص السرير قلت ليهو ناوي تعمل شنو ي غيااااااااااث!!!؟؟؟؟؟!!!!؟؟؟؟؟ ي زول رجعني بيتنا ....ضحك وطلع أنا جريت ورا ونحنا بنشرب فلشاي قال لي بالمناسبة ......عاينته ليهو قال لي في حلقه كده بعملوها كل سنه للناس المتعافيه مثلا من السرطان او الوسواس القهري أو الصرع كده يعني وبجي اهم الأطباء السودان عشان يحضروه وكده يعني فاااا اقترح عليك تمشي وتتكلمي عن تجربتك مع الوسواس القهري رايك!!!؟؟ .....قلت ليهو غياث أنا....قال لي لو م عايزه م بجبرك على حاجه ي فايزه ....سكته بقيت أفكر الموضوع ده قلت ليهو بعد كم!!!؟؟؟ قال لي تلاته أيام كده.....قلت ليهو طيب موافقة .....ضماني شدييييد قال لي دي مرتي البحبها  كنت متوتره شديد من الحلقه دي بس غياث بقول لي أنا مشيت وين!! حتلقيني قدامك ي فايزه ....يوم ورا يوم لحدي م اللحظه المنتظره قربت!!! غياث قال لي فايزه ركزي م تجوطي الكلام اوكي بس لمن تتوتري عايني لي أنا فاهمه!!؟؟ تعايني وين!!!؟؟؟ قلت ليهو اعاين ليك!!قال لي شاطره يلا دورك جا باسني في راسي مساااافه قال لي موفقه حبيبتي  ورجع قعد مكانو لمن طلعتا كلهم صفقو لي!!! شلته المايك وبديت أتكلم...م عارفه أبدا من وين!! حقيقي م كنت عارفه حاجه عن مرض الوسواس القهري ده!! ولا عندي فكره عنو لحدي م اصابني!! كنت رافضه العلاج ورافضه حقيقه أنو أنا مريضه  الفترة الأخيرة دي كنت مضغوطة شديد سواء من ناس بيتنا او الجامعه وغيرها عمري م مشيت افضفض لي زول م ببكي قدام زول مع نفسي بس... وده السبب الرئيسي لي الوسواس القهري ""الكتمان"" كنت بعاني كل يوم كل ساعه كل دقيقه وكل ثانيه دموعي جات جاريه م قدرت أمسك نفسي... أنا كنت عبئ على ناس بيتنا واصحابي م كنت بنوم نهائي ي ببكي ي بعد ي بخت قطعه في خشمي واصرخ غياث قام عايز يجيني قلت ليهو أنا كويسه اقعد  أهلي فلبدايه م كانو مقتنعين بقصه مرضي ده وده برجع لعدم معرفتهم بالمرض حالتي كانت بتسوء اكتر واكتر فكرت فالانتحار!!! ايوه فكرت انتحر وارتاح او أقتل أهلي!!!؟؟ ولله زي م بقول ليكم بتجيني أفكار اعوذ بالله بس الله يحفظكم منو  الوسواس صعب جدا أنا روحي اتسلت معاه كل يوم بحس انو أنا في اليوم ده ح أموت لحدي م ظهر غيااث غير حياتي كلها غير اي حاجه فيني ""دكتوري""وهسي بقى""زوجي"" بحمد الله دائما على وجود غياث جنبي كم مره فكرت أخلي العلاج بس بلقى واقف في راسي لحدي أرجع تاني  وأنا فخوره جدا أني متعافيه وسواس قهري  الاضواء كلها انطفت وتوجهت علي  سمعت التصفيق لقيت غياث واقف جنبي ويمسح دموعي قال لي وأنا فخور أنك مرتي وحبيبتي ..... 

 

*ان شاء الله أكون قدرت اوضح ليكم الفكره وتكونو استفدتو منهاا ويلا نتلاقي في روايه تانيه ان شاء الله *

*النهــــــــــــــــــــــــاية*