بعد هويدا طلعت الأوضاع بقت اهدا تاني يوم من سفر هويدا هيام قعدت مع رضا
رضا كان قاعد شغال في اللابتوب مع الشركة في فرنسا جات هيام قعدت قدامو و ربعت رجولها و ختت المخدة و مستنية رضا يخلص
هيام اخدت نفس وقالت ليهو
=جاني صوت بقول لي انت ناوي توديني فرنسا معاك
رضا عاين ليها بس المرة دي م انصدم لانو تقريبا بقا حافظ كل تصرفاتها
ربع يدينو وقال
=اقدر اعرف كيف عرفتي
هيام ابتسمت وقالت
=دا حاليا م موضوعنا
اخد نفس وصلح قعدتو قال ليها
=ي ستي انا عايز استفيد من خبراتك في شغلي
هيام ضيقت عيونها وقالت
=خبرات شنو
ابتسم وقال ليها
=انا شايفك ذكية و بتفهمي سرعة يعني لو اديتك من شغلي شوية اكيد ح تجيب لينا أفكار جديدة و مبهرة
هيام قالت
=و اقدر اعرف شغلكم شنو
رضا قال ليها
=شوفي ي ستي نحن بنشتغل في أنظمة الحماية و تطبيقات الحماية و خزنات البنوك و الشركات الكبيرة
هيام سكتت وقالت
=يعني بتعملو خزنات و كدا
رضا قال ليها
=ايوا بالضبط أسى شركتنا من الشركات م بقول ليك الكبيرة لكن عندنا اسم
هيام هزت رأسها وقالت
=وانا تستفيدو مني كيف
رضا قال ليها
=شوفي غير شغل الأمن و الحماية دي نحن بنشتغل و نعمل تصاميم بأشكال البيوت بعدين نتفق مع المهندسين و هم إذا في اي حاجة غلط يعدلوها و بيشترو مننا التصاميم دي
هيام اخدت ليها سكتة كدا..... تاني عاينت وقالت ليهو
=طيب و المدرسة
رضا قال ليها
=عطلتكم كم شهر
هيام قالت
=تلاتة شهور
رضا قال ليها
=طيب و أسى عدا منها كم
هيام
=شهر و تلاتة أسابيع
رضا قال ليها
=طيب نحن ح نسافر الأسبوع الجاي و انا بحاول اخلص شغلي بدري و نرجع
هيام قالت ليهو
=بس
رضا قال ليها
=م في داعي للكلام الكتير... انا جبت جواز السفر حقك من ابوك و اشتريت التذاكر و اتحدد موعد الرحلة الأحد ح نمشي السعودية و الاتنين ان شاء الله ح نكون في فرنسا بعد م نمر بي دبي....
هيام قالت ليهو
=طيب...بس
تاني رضا قاطعة وقال ليها
=م تخافي اي شي محلول
هيام هزت رأسها.. ابتسم وقال ليها
=ارجع أسألك عرفتي كيف
قالت ليهو
=شفت الجواز
قام مسك اضانة و قال ليها
=بتفتشي دولابي
ابتسمت و مسكت اضانو وقال
=م انت راجلي
رضا عاين ليها بضحكة وقال
=صراحة اقنعتيني
قالت ليهو
= طيب قبل م نسافر ح نزور ناس تبوشة و عايزة اقعد مع ابوي كم يوم قبل اسافر
رضا قال ليها
=الحمدلله اخيرا ح استفرد بي ملابسي
هيام قالت ليهو وهي قايمة
=ح اشيل منهم معاي
ابتسم وقال ليها
=فداك الملابس
وهي طالعة ابتسمت وقالت
=عارفة
وطلعت قفلت الباب... رضا بقا يضحك وقال اخخ ي رضا بنوتة صغيرة ح تجننك...
مرا يوم وكان يوم خميس هيام مشت هي وشهد قعدو مع ابوهم الجمعة و السبت رجعو
هيام جهزت الشنط و بالعصر مشو المستشفى و افتقدت أوضاع رضوان كان هادي غير العادة و شكل التعب باين في وشو التخلي عن الادمن أصعب من م تتخيلو
لمن جات هيام م اتكلم معاها و بهاء كلمها انو هو تعبان عشان العلاج صعب هيام اتفهمت الوضع
ودعت بهاء و رحلتهم كانت بدري فطلعو بدري بعد ودعت ناس ابوها و ناس هنوية
رضا كان راضي كل الرضا عن الرحلة دي و خصوصا انو هيام معاهو.....
بعد م هيام مشت شهد حست بالفراغ و حست انو هيام مسخت عليها الدنيا صح كان كلامها بسيط بس برضو بتملي عليها البيت.......
في فرنسا كانت الشركة قايمة و قاعدة لمن هويدا جات داخلة بقت اسأل في شنو
جاها حمادة وقال ليها
=يعني م عارفة
هويدا قالت ليهو
=لا م عارفة
حمادة قال ليها بفرحة كدا
=المدير راجع وقال عامل لينا مفاجأة
هويدا ابتسمت بفرحة وقالت ليهو
=جد
حمادة قال ليها
=والله
هويدا زحت من حمادة و بدت أفكارها تسرح بعيد و خلاص هيام مافي و الجو ح يخلي ليها
اليوم داك الشركة قضت اليوم بزينو الشركة عشان يستقبلو المدير.... انا هويدا مشت مركز عناية بالبشرة قضت اليوم هناك
رضا وهيام لمن وصلو فرنسا رضا كان ماسك يدها لي هيام و هيام بتقول ليهو
رضا يبتسم ليها ويقول
=ماف ضمان انو م تضيعي مني
هيام طلعت نفس وهزت رأسها لانو شكلو معند قال ليها
=نمشي البيت ولا الشركة اول
هيام قالت ليهو
=البيت اكيد نعسانة انا
ابتسم وقال ليها
=حاضر..
ابتسمت و طلعو من المطار و مشو الشقة هيام قالت ليهو
=الشقة إيجار ولا حقتك
ابتسم وقال ليها
=حقتي
هزت رأسها..... وصلو البيت وكان وسخان.... هيام عاينت لي رضا بضيق كدا وقالت
=البيت مالو عامل كدا
رضا حكا راسو وقال ليهاَ
=والله انا بني آدم عايش براهو ولمن كنت مسافر م حسبت حساب السفر و البيت اغلب الأوقات كدا....
هيام هزت رأسها وقالت ليهو طيب وريني وين حاجات النضافة
ابتسم ليها و سكت هيام قالت ليهو
=بتتبسم مالك في شنو
قال ليها
=المنظفات انتهت قبل م اسافر بتلاتة ايام عشان كدا يعني م في فى البيت أسى
هيام عاينت ليهو بصدمة وقالت ليهو
=طيب و العدة كان بغسلها منو
ابتسم ليها ابتسامة عريضة
هيام ختت يدها في خدها وقالت ببرود
=قولي بالله أسى العدة مكومة في المطبخ
هزا ليها راسو هيام اخدت نفس وقالت
=ي الله انت عايش كيف
قال ليها. =زي الناس. قالت ليهو
=رضا الله يرضى عليك امشي جيب لي منظفات و حاجات انضف بيها البيت دا م بقدر اقعد فيهو
قال ليها
=م تتعبي نفسك ح اشوف شغالة
هيام ابتسمت وقالت
=لي متين استنى يعني... امشي سرعة لغايت ألم شوية
ضحك وقال ليها
=حاضر... بس م تفتحي الباب لأي زول وانا معاي المفاتيح تمام
قالت ليهو
=تمام
مسك وشها وقال ليها
=حبيبتي الفالحة
هيام ابتسمت وقالت ليهو
=امشي الله يرضى عليك
ابتسم وطلع هيام قبلت على البيت كان فيهو غرفتين وحدة نوم و التانية مكتب و المطبخ و الحمامات جوا الغرفة حقت النوم واحد و في واحد برا و الصالون و بلكونة
خشت غرفة النوم كانت وسخانة شديد و الفرش مجدوع و باقي هدوم رضا نصها في الدولاب و التاني في الأرض و ورق و باقي اكل و كبابي القهوة
هيام قالت
=استعنا بالله على الشقاء
طلعت الملابس و الفرش الوسخان و نفضت و لملمت الأوراق و بقاية الاكل رضا جا وجاب المنظفات مسحت اوضة النوم و نضفت الحمام جات نضفت المكتب حقو و رتبتو و مشت المطبخ صح عدتو بسيطة بس وسخان شديد و التلاجة فيها اكل مصوفن هيام عاينت لي رضا وقالت ليهو
=تعال طلع الاكل دا مستحيل امسكو
رضا قال ليها
= م لابسة جونتات
قالت ليهو
=و حتى لو شوف شوف الحاجات دي
رضا ضحك وقال ليها
=طيب جيبي السلة
ادتها ليو لما الاكل كان ماسك آخر اكل بايظ في يدو قال ليها
=اممم رايك شنو امسحو فيك
هيام عاينت ليهو بعيون قدر الفنجان قالت ليهو وهي بتاشر باصبعها
=اي حاجة الا دي ي رضا الا دي
ختا السلة و بقا جاي عليها قايلها ح تجري أو كدا بس قعدت في الأرض و غمضت عيونا
وقف محلو بقا يعاين ليها وقال
=هههههه م قايلك جبانة
فتحت عين وقالت ليهو
=انا م جبانة بس يييي شكلها يلعلع
ضحك وقال ليها
=طيب قومي ماشي ارميهم
قالت ليهو
=لا م ترميهم شايفة اصايص في البلكونة نزرع شجر فيهم
قال ليها. =اهااا طيب... بس دا الشي الوحيد اللى م اتوقعت انك تخافي منو
قالت ليهو
=انا م بعرف بس جسمي بكش من الحاجات الملعلعة دي
ضحك وقال ليها
=بس فهميني معنى ملعلعة دي
ابتسمت وقالت
=يعني كدا
ابتسم وقال ليها
=نضفي ي ستي نضفي
نضفو البيت وبقا نضيف هيام قالت ليهو
=انا ماشة اصلي و انوم م تصحيني الا وقت الاكل كويس
ابتسم وقال ليها
=طيب
مشت اتحممت و صلت و نامت رضا جا فتح الباب لقاها غرقانة في النوم ا قعد جنبها في السرير يعاين لي ملامحها البريئة و القاسية في نفس الوقت مسك يدها الصغيرة الناعمة لقاها مجروحة في كف يدها شكلها وهي بتنضف م انتبهت جاب العلبة عمل ليها معقم و لاصق
وهي بين نايمة و صاحية قالت
=م تعمل لي معقم...... و جرت يدها
ضحك لانو دايما بتكره العلاجات قام على حيلو خشا اتحمم و جا رقد نام هو التاني......
تاني يوم من الصباح رضا و هيام اتجهزو رضا كان لابس بدلة بلأسود و قميص ابيض مع قرافة كحلية.....
و الصدفة هيام كانت لابسة عباية سودا مع طرحة سودا موردة من الطرف بالكحلي و الأبيض و سبورت اسود و شنطة بيضا
بعد خلصت لفت الطرحة و ختت الدبوس سمعت صوت الباب قالت بابتسامة
=ادخل ي رضا الله يرضى عليك
فتح الباب بابتسامة وقال ليها
=يلا جاهزة
عاينت ليهو وقالت
=هوي انت قعد تقلد فيني ولا شنو
ضحك وقال ليها
= والله شفت ملابسك ولبست زيهم
ضحكت وقالت ليهو
=يلا م علينا كدا كدا طالعين حلوين
ضحك وقال
=ارح طيب
طلعو حصلو الباب قالت ليهو
=انت لي م متعطر
قال ليها
=نسيت
هزت رأسها وقالت ليهو دقيقة مشت جابتو (BOSS) اسمو و رشت ليهو ابتسم وقال ليها
=اتحصنتي
قالت ليهو
=من زمااان الحمدلله و انت
قال ليها
=الحمدلله
قل ليها بعد م رجعت العطر
=يدك بقت كيف
رفعت كفها و بقت تعاين وقالت ليهو
=احسن بس أمس المعقم كان حار
ابتسم وقال ليها
=يعني انتي صاحية
هزت رأسها بمعنى لا وقالت
=لا حسيت بيهو
هزا راسو وقال ليها
=نطلع
ابتسمت وقالت ليهو
=يلا
طلعو وصلو الشركة الكانت جايطة والناس مستنية بفارق الصبر يوصلو متين
حمادة جا من برا و قال ليهم
= وصلو وصلو
هويدا ابتسمت بانوثة كدا كانت لابسة بنطلون جينز ابيض مع قميص احمر و عاملة شعرها ضنب حصان و اسبورت ابيض و متحمسة لجية رضا
رضا وهيام لمن نزلو من العربية مسك يدها وقال ليها ندخل
ابتسمت وقالت ليهو
=ندخل
دخل هو وهيام يد بيد اول م دخلو الشركة كلها جات تسلم عليهم و تبارك ليهم
هويدا جات و م كانت متوقعة جية هيام جات بين الناس و رسمت ابتسامة عريييضة في وشها وكانت ح تتكلم بس الابتسامة اختفت و الكلام زاتو اختفى وقالت بصدمة
=هيااام
هويدا لمن شافت هيام قدامها قربت تبكي على حظها الما حلو دا ضربت برجولة الأرض بي قهر كدا هيام عاينت ليها وقالت
=هويدا مشتاقين م اتوقعت اشوفك بعد أيام بس... يلا م مشكلة القدر عايز كدا
=حظي و بعرفو... م مشكلة
هيام رفعت اكتافها و مشت وقفت جنب رضا بتعاين في الشركة رضا عاين ليها قال ليها
=ارح اوريك الشركة
هيام ابتسمت ليهو و مشو يوريها الشركة هويدا كانت مغيوظة مشت الكفتيريا حقت الشركة وقعدت و بتقول مع نفسها
=ليه حظي كعب كدا.... يعني أسى جايباها لي شنو الشركة ولا كمان مطقمين تطقها الكهربا..... و كمان جو ماسكين أدين بعض بس يستنو على حبة ان م خربت حياتهم م ابقى هويدا.....
جا حمادة معاهو كبايتين قهوة قعد قدام هويدا وهويدا صارة وشيها
حمادة أداها الكباية قال ليها
=الزعل م بشبهك
هويدا عاينت ليهو بي طرف عيونها وقامت خلتو وهي بتقول
=هو انا ناقصني جايني الغبي التاني دا عايز يتم الناقصة.... احسن امشي اشوف ديل مشو وين.....
رضا وهيام كانو ماشين ورضا بوريها في الشركة لمن وصلو مكتبو قال ليها
=اتفضلي
و فتح الباب كان مكتبو أنيق و مرتب عاينت ليهو
وقالت
=اريتو حال البيت
ضحك وقال ليها
=اريتو
ابتسمت جات قعدت قالت ليهو
= اها ح اعمل شنو
قال ليها
=مستعجلة على الشغل مالك
قالت ليهو
=لا بس متحمسة قال ليها طيب جاب اللابتوب و قعد جنبها و بدأ يشرح ليها و هي مركزة..... هويدا جات عليهم نظام شغل وكدا بس رضا بعمل الشغل و برجع ليها الأوراق و تطلع بعد م تحمر لي هيام
بعد ساعتين كدا قال ليها بتعب
=اها فهمتي
قالت ليهو بهزة راس
=اي فهمت
مسك وشها وقال
=مرتي الفالحة
هزت رأسها وقالت ليهو
=الصلاة لسه
قال ليها بعد عاين في التلفون
=لسه م باقي ليها كتير... جعتي
قالت ليهو
=اي شديد
قال ليها ننزل الكافي
قالت ليهو
=يلا
ابتسم وقال ليها
=اتذكري الرمضان م باقي عليه كتير خلي الاكل الكتييير دا
ابتسمت وقالت ليهو
=لا انت جادي شايفني باكل كتير.
رفع كتفو وقال
=وانا بعرف
قالت ليهو=طيب بتتكلم في حاجة م عارفها لي شنو
قال ليها
=م بعرف
هزت رأسها مشوا الكافي اكلو و رجعو للشغل....... على كدا مرت الايام و كان دا الروتين اليومي و دخل الرمضان... هيام قالت لي رضا ح تشتغل من البيت... في البداية عارض لانو ح تفضل منو بعيدة... بس بعدين وافق لأنها مصرة.. كان بيقفل عليها الباب و مرات بيديها المفتاح الاحتياطي و بحذرها تمرق الا للضرورة... من فترة للتانية بطلعها مشوار..... في مرة من المرات كان مهرجان رياضي مشو ليهو سوا كل أنواع الرياضة كانت موجود.... رضا وهيام لفو في المهرجان و كان رضا بيلعب و هيام بتشجعو لكن سألها قال ليها
=م عندك نوع رياضة بتحبي
قالت ليهو
=الملاكمة و المبارزة
قال ليها
=اصلو من يوم شفتك قلت البت دي ملاكمة
عاينت ليهو وقالت
=كيف يعني
قال ليها
= كدا بس
هزت رأسها و قالت
= تعال نشوف محل المبارزة وين
قال ليها= اتفضلي
مشو محل المبارزة و فعلا هيام كانت قوية فيها و غلبت الخصم لمن جات رضا قال ليها
=لقيتك خطيرة
ضحكت وقالت ليهو
=دا قولك
قال ليها
=من وين بتعرفي تبارزي
اخدت نفس وقالت
=وانا فريد دايما بنتبارز من سنتين كدا
هزا راسو وقال ليها
=ايوااا نرجع بعد دا
قالت ليهو
=اي خلاص
رضا قال في نفسو=قوية ولا بتلاكم و بتباز... و م معروف بتعمل شنو اكتر
رجعو البيت و نامو و على كدا مشت الايام... هويدا م لقت اي خطة مناسبة تاخد بيها رضا.... أم هيام كان شغلها حلو شديد في تصميم البيوت وكدا و المدخلات حقت الشغل كانت كويسة شديد....
على كدا كملو شهر رمضان... وكانو مقررين يعيدو في السودان...... رضوان في الشهر دا علموا كيف يصلي و حتى كيف يصوم.... كان بيتجاوب شوية شوية معاهم... حتى هو نفسو عايزة تتطلع من الدوامة دي بس هو معند مع الزمن لقا روحو بتصلي و شوية شوية بقو يخلو يطلع من الغرفة بس بعد دا م بيقدر يشرد مشددين عليه..... أحيانا كان بيقعد مع نفسو ويقول
=انا كنت وين و أسى وين..... و أحيانا يفكر انو ضيع عمرو ساااي... بقا يعاين و يتأمل الناس الحالتهم أسوأ منو و يحمد الله انو بخير و بعاين للناس الأحسن منو و يدعي يكون زيهم مع نهاية شهر رمضان رضوان بقا بصلي و بصوم و حتى طلب من بهاء يجيب ليهو مصحف و بدأ يقرأ و يسمع قراءة الشيوخ و يحفظ
اما أبوا رضوان فكل فترة و التانية يرسل رجال يلفو يمكن يلقوه بس بلا فايدة.....
شهد تجي يوم لي بيت ناس رضوان و ترجع اسبوع في بيتهم اشتاقت لي هيام اشتاقت لي شوفتا و تحذيراتها عرفت انو كانت غلطانة غلط كبير انو فرطت فيها و زي م بقولو م بتعرف قيمة الحاجة الا لمن تفقدها كانت مقررة انو اول م هيام ترجع ج تصلح علاقتة معاها.....
هيام كانت دايما على تواصل مع ناس ابوها بس مرة مرة شهد بتظهر وبتسلم عليها.... و كمان متواصلة مع بهاء ولكن عرفت حالة رضوان بدت تتحسن قررت انو يوم العيد ح يكون رضوان بين اهلو
ام رضا كل فترة و التانية تبكي و تدعي ربنا يجيب ليها رضوان بخير وسلامة صح هي زعلانة عليه بس الزعل احسن من انو تخسرو و م تلقا جنبها.......
سناء بعد قعدت هيام معاها تابت و بقت زي هندوية وخلت سناء القديمة ورا........
هويدا اليوم داك قالت عاوزة تعمل زيارة لي ناس هيام يمكن تلقى ليها ثغرة تخرب عليهم و قررت بعد الشغل تمشي ليهم.......
و لمن تمشي ح تسمع كلام ح يصدمها و يخليها تبتسم بمكر نسوان
هويدا اتانقت و لبست احلى م عندها لبست فستان احمر بيدين ربع كم تحت الركبة مع شبط اسود مفتوح و سرحت شعرها و شالت هدية في يدها و طلعت على بيت رضا..... الوقت كان بعد المغرب...... هيام عملت شاي المغرب و عملت كيك و هي و رضا كانو بيتكلمو في الشغل وكدا.... شوية و الباب دقا رضا عاين لي هيام قال ليها امشي البسي توب و تعالى... هيام ضحكت قالت ليهو
=انت م شايفني لابسة شنو
قال ليها
=لا امشي البسي شكلك كدا حلو شديد امشي ي بت
هيام عاينت ليهو و مشت لبست توب و رضا مشا فتح الباب لقاها هويدا...... عاين ليها وقال باستغراب كدا
=هويدا في حاجة
قالت ليهو
=لا مافي
قال ليها
=طيب في شغل ولا حاجة في الشغل
ابتسمت وقالت
=لا حبيت ازوركم وين هيام جيت اتونس معاها
رضا استغرب وقال ليها
= قاعدة اتفضلي
هويدا دخلت و راسمة ابتسامة هيام أمن شفتها كمان استغربت وقالت
=هويدا
هويدا قالت ليها
=ايوا هويدا... وجات حضنتها وقالت ليها
=كيف هيوم حبيبتي ليك زمن م بتجي الشغل
هيام عاينت ليها كويس وقالت
=ايوا قاعدة اشتغل من البيت اتفضلي اقعدي
هويدا قعدت وخلفت رجل على رجل و بقت تعاين للبيت كيف نضيف و مرتب و شافت كبابي الشاي و الكيك و بقت تتفحص البيت
هيام مشت جابت ليها موية و جات.... هيام قالت ليها
=ممكن اعرف سر الزيارة
هويدا بابتسامة
=حبيت أصلح علاقتي بيك طبعا انتي عارفة الغربة حارة و عايزة زول يشاركك فيها
هيام ردت ليها باستفزاز
=م محتاجة شركاء رضا قاعد
هويدا كانت ح تقوم تخنقا بس اتحملت و سكتت وتاني قالت
=لا يعني قصدي بت لي بت نطلع نتونس و كدا و نمشي السوق و يعني انتي جديدة في البلد
هيام عاينت ليها بابتسامة جانبية كدا وقالت
=الحمدلله اما ورضا بنلف و بنمشي السوق و اااااي حاجة
هويدا خلاص فاض بيها بقت تبتسم لي هيام ابتسامة شر
رضا كانت متابع النقاش قام قال لي هيام
=مش قلتي الزبادي في البيت خلص انا ماشي اجيبو ليك و اجي
هيام ابتسمت وقالت ليهو
=طيب
قال ليها
=م أوصيك
قالت ليهو
=متذكرة الوصية
كالعادة مسك وشها وقال ليها
=مرتي الفالحة
ابتسمت وقالت ليهو
=امشي الله يرضى عليك
ابتسم و طلع
فيكم تخيلو منظر هويدا و النار الشابة جواها كانت بتابع الحوار بامتعاض و م كان الا تقوم تقطع هيام و تتخلص من الحاصل دا.....
بعد رضا طلع هيام قبلت لي هويدا وقالت ليها
=قللي زيارتك حبيبة أو ممكن تحسني تمثيلك شوية لانو م مقنع
هويدا ابتسمت وقالت ليها
=م ضروري تقتنعي المهم رضا يقتنع
هيام عاينت ليها بابتسامة كدا وقالت
=اممم محاولة حلوة يلا حظ أوفر المرة الجاية
هويدا عايزة ترد بس تلفون هيام ضوا معلن عن وصول رساله
هويدا عاينت و كان مكتوب(انتي متأكدة من قرار.........) وباقي الرساله م ظاهرة هيام شالت تلفونه ختتو جنبها
هويدا الشمار أكلها و عايزة تعرف مكتوب في الرسالة شنو ودا قرار شنو.... قالت لي هيام
=لو سمحتي م عندكم حاجة تضيفوها للضيوف
هيام قالت ليها
=عندنا بس لمن يكون الضيف خفيف بنضيفو
هويدا عاينت ليها هيام قامت وقالت ليها.
=يلا على الأقل نحن نعمل الواجب
و شالت تلفونه و مشت المطبخ هويدا ضربت يدها مع الكرسي وقالت شالت التلفون...... شوية سمعت صوت هيام و هي بتتكلم قامت براحة مشت على المطبخ و سمعت هيام بتقول
=م عارفة والله ي بهاء.... م خلاص هو ح يطلع...... أي دا كان الاتفاق بيناتنا...... ايوا طيب لمن نرجع نتقابل..... أي قلت لي بقا متحسن...... طيب انت جهز الأوراق ولا شوف لي محامي......اي آخر قرار..... م متأكدة والله...... بالجد بوسها لي وقول ليها هيوم راجعة قريب..... ان شا الله..... لو في نصيب م ح نتفرق.... يلا طيب مع ناس لازم اقفل..... الله يسلمك
هويدا رجعت محلها سرعة و بقت تقول مت نفسها
= ي ربي دا منو اللي م ح تتفرق هي و هو دا...... يعني هيام بتخون رضا.... ي سلام عليك ي هويدا أسى لقيتي سبب تفرقيهم ح تزرعي الشك فوق راس رضا و تخلي يطلق هيام و اكيد ح يكون إعلان و انتي ح تراضي و تتزوجيهو.... وصفق وقالت ييييييي
هيام بوراها قالت
=البتخططي فيهو دا ولا شي م ح يحصل منو.. مع اني م عارفة هو شنو بس احساسي بقول م ح يحصل
هويدا لوت خشمها وقالت ليها بانتصار كدا وانو خلاص هدفها قرب و رضا ح يكون ليها و رقبة هيام بقت في يدها
= لا ح يحصل و رضا لكن يعرف بالحاصل ح يرميك و يجيني جاري
هيام ابتسمت وقالت ليها
=و دا الشي المستحيل يحصل في الدنيا دي.... و شكلك طولتي في القعدة دي
هويدا قامت وقالت بابتسامة
=كدا كدا ماشة عرفت الجيت عشانو و أسى اشوفك بكرة
هيام ابتسمت و قالت ليها
=صدقيني م عرفتي اي شي
هويدا ابتسمت وقالت ليها
=نشوف
هيام قالت ليها
=نشوف
و هي طالعة لاقت رضا في وشها ابتسمت ليهو و مشت و رضا بقول البت دي اكيد رأسها ما في محلو.... و دخل لقا هيام بتشرب في عصير قال ليها
=جبت الحاجات
قالت ليهو
=طيب جيب اختهم في التلاجة..... متين ح نرجع م فاضل للعيد غير أربعة يوم
قال ليها
=بعد بكرة ح نمشي
هزت رأسها و قامت رتبت الحاجات في التلاجة
جو قعدو في سكات..... رضا قلبو اكلو م عارف لي شنو
مرو الايام و رضا و هيام رجعو السودان... هويدا قالت م مشكلة لانو رضا راجع و المرة دي هيام م معاهو لانو ح تنزل مدرسة و لمن يرجع ح تزرع فكرة خيانة هيام في راسو..... كان يوم وقفة لمن ناس هيام رجعو..... هيام بالليل اتصلت على بهاء و طلبت منو يجهز رضوان....... أبو هيام و فريد و أخواتها كلهم جوا و قضوا أمسية حلوة اتونسوا و ضحكو.... و شهد كانت م بتفارق هيام م عارفة هي مشتاقة ليها شديد و م عارفة لي شنو هيام فرحت على لانو اختها اتغيرت فاضل بس تحسن علاقتها مع رضوان و كدا هي تكون ارتاحت.... بس في نفس الوقت زعلانة لي شنو م عارفة........
صباح العيد و العيلة قررت يحتفلو في مكان واحد كان بيت ناس رضا مليان بعد الرحال مشو صلاة العيد و جو راجعين و عايدو بعض و وزعو العيدية الباب دقة
رضا قال ليهم =انا بفتح اكيد ديل الشفع جو يعيدو.... هيام جهزي الشيالة......
هيام ابتسمت و قامت جابتها
رضا فتح الباب و م مصدق القدامو..... رضوان... قالها رضا متفاجئ.... رضوان كان لابسة جلابية و خاتي الطاقية و باين الهدوء في وشو... أول م شاف رضا قال ليهو
=عيد مبارك... م عايز تعايدني
رضا حضنو و قال ليهو
=علينا وعليكم...... وين انت و وين اختفيت.... و اخبارك شنو...
رضوان ابتسم وقال ليهو
=ح نفضل واقفين كتير برا
رضا قال ليهو
=ادخل ادخل....
رضوان رفع يدو لي بهاء الكان واقف بعيد في عربيتو بهاء ابتسم و دور مشى....
رضا لمن جا داخل م عارف يقول ليهم شنو هيام الوحيدة الكانت عارفة بجية رضوان....... رضوان جا قال السلام عليكم
كلهم أتلفت عليهو وقفو على حيلهم و امو دي دموعها جرو و مشت عليه حضنتو و بتسأل في نشبت وين و كلام كتير... هو كان مبتسم قال ليها
=م مهم المهم جيت راجع و الحمد لله انا كويس و احسن كمان جا سلم عليهم كلهم و كلهم مستغربين و يبكو لمن جا وقف قدام هيام ابتسم وختا يدو في صدرو و غمض عيونو و فتحهم هيام ابتسمت ليهو و عاينت لي شهد رضوان مشي وقف قدام شهد و قال ليها
=انتي ط
رضوان جا وقف قدام شهد وقال ليها
=انتي طلعتيني من الحالة الأنا كنت فيها انتي و اختك.... و باسها في رأسها وقال
شهد بقت تعاين ليهو و تعاين لي هيام معقول دا رضوان .....
رضوان طلع من جيبو اسوارة بناتية ناااعمة من الدهب و ختاها في يد شهد وقال ليها
=دي خليها في يدك دايما لانو دي ح تذكرني بالوعد القعتو ليك الليلة... و ابتسم ليها
شهد عاينت لي هيام الكانت مبتسمة ليها... و عرفت انو هيام هي السبب ورا التغيير الحصل لي رضوان دا
طوالي دموعها نزلو... رضوان قال ليها
=تعالى اغسل ليك وشك دا في وحدة يدوها هدية تبكي
مسكها ولمن جو مارين جنب هيام شهد حضنتها وقالت ليها
=شكرا
هيام زحتها و مسحت ليها دموعها و ابتسمت أيها وقالت
=امشي غسلي وشك دا و نتحاسب بعدين....
شهد ابتسمت ليها و مشت مع رضوان لمن طلعو هي بتعاين ليهو و دموعها جاريات
رضوان اخد نفس و عاين ليها بابتسامة
=ح تفضلي كدا كتير
و طلع منديل من جيبو و مسح وشها
قال ليها
=شوفي وشك بقا احمر كيف حتى نخرتك بقت حمرة... عويرة انتي ي بت
قالت ليهو
=دي هيام صح
ابتسم وقال ليها
=ايوا صح... تصدقي اختك انتقمت مني عشان دقيتك
قالت ليهو وهي بتمسح وشها
=تستاهل
ضحك وقال ليها
=المفروض تقيفي في صفي
عاينت ليهو وقالت
=ح اقيف كما ما هيام م كنت رضوان الأسى
ابتسم وقال ليها
=وان شاء الله ح اتحسن و ترفعي راسك بي
قالت ليهو
=إن شاء الله
قال ليها تعالى حضنها وقال ليها
=تاني ح نكون اسعد أسرة أن شاء الله.......
رضا قال لي هيام
= تعالى عايزك في موضوع
هيام قالت ليهو
=حتى انا مشو الغرفة هيام قعدت و هو قعد قدامها قال ليها
=انتي السبب في تغيير رضوان صح
هيام عاينت وقالت ليهو
=لا
قال ليها
=انا عارف انو انتي السبب و حبيت اشكرك بس
ابتسمت وقالت ليهو
=العفو
ابتسم ليها و طلع من جيبو خاتم و قال ليها
=هدية العيد
ابتسمت وقالت ليهو
=تسلم
تاني سكتو و رضا قطع السكوت دا وقال ليها
=انتي عايزاني في شنو
هيام رفعت رأسها وقالت ليهو
=متذكر اتفاقنا
رضا عاين ليها و م كان نفسو يرد
ابتسمت وقالت ليهو
=ي أصلح رضوان ي اطلق اختي منو.... اخدت سكتة و واصلت
=و بعديها نحن المفروض... سكتت و اخدت نفس و قالت.... ننفصل
رضا عاين ليها في عيونها كانو كايس الأمل و عايز يتأكد إذا هي عايزة تنفصل... بس اول م جات عينو في عيونها نزلت عيونها
هيام قالت وهي منزلة عيونها
=انا حاليا بفتش في محامي مناسب و........
رضا قاطعة وقال ليها
=انتي متاكدة
هيام عاينت ليهو و لقتو لسه مثبت عيونو عليها نزلت رأسها وقالت
=انا....
قال ليها
=اي انتي..... م عايزة تدي علاقتنا فرصة تانية... انا ي هيام م بهظر معاك ولا بتجرجر انا بالواضح الصريح بحبك و ادمنتك و كل تفاصيلك حتى ابتسامتك و مشيتك و رفعة حاجبك زاتها بحبها بحب كلامك البسيط و ضحكتك النادرة حتى لفة طرحتك انا بحبها و لمن تختي الدبوس و لمن نتشارك ملابسي و ناكل اندومي و طعمية... انا والله ي هيام هايم بيك
هيام بقت تعاين ليهو مسك يدينا الصغار بين يدينو وقال
=انا من اول يوم لقيتك فيهو م بعرف بس في حاجة قالت لي اتهور وقول ليها نتزوج... بحب روقتك و اي حاجة فيك و لمن تقولي لي الله يرضى عليك.... شوفي ي هيام من أسى بقولها ليك طلاق م بطلق و لا حتى تتعبي تفتشي محامي....
انتي مرتي انا مرتي الفالحة
لمن وصل للكلمة دي هيام ابتسمت لانو دايما بقول ليها كدا
قال ليها
=شايفة ابتسامتك دي بالذات يومي م بمشي بلاها
رضا جا قعد جنبها و حضنها وقال ليها
=مستحيل اخليك تعرفي يعني مستحيل يعني ألفي بالك دا زحي خالص
هيام حست بالدفا و شعور حلو و حست روحها مبسوطة
قال ليها
=أسى تعالى عايز اطلعك مشوار.... قومي البسي..... و ارجوك م عايز اي استفسارات تقومي تلبس من سكات... وانا ح تكون مستنيك تحت تمام
وقام خلاها و طلع هيام عاينت في الباب وقالت
=هيام انتي جادة في موضوع الطلاق دا
وقامت لبست و نزلت لاقت ام رضا وهي نازلة ام رضا حضنتها وقالت ليها
=تسلمي ي بتي العملتي انتي انا م قدرت اعملو
هيام قالت ليها
=وانا عملت شنو
ام رضا زحتها وقالت ليها
=رضا حكي لي اي شي
هيام ابتسمت وقالت
=رضا دا م بتتبلى في خشمو فولة
ام رضا ضحكت وقالت
=لا بتتبلى بس هو م متعود يدس مني
هيام ابتسمت وقالت ليها
=م عملت اي شي انا
ام رضا قالت ليها
=جيبي ايدك.... و لبستا اسوارتين دهب وقالت
=ديل أربعة اتنين ليك و اتنين لي شهد و يلا سرعة رضا مستنيك
هيام ابتسمت وقالت ليها
=طيب يمة تسلمي لي
ام رضا ابتسمت ليها.... هيام مشت و أم رضا قالت مع نفسها
=معقول انا كنت عايزة ادبل في مرة زي هيام دي..... و ابتسمت و طلعت اوضتة
هيام لقت رضا مستنيها
فتح أيها الباب وقال ليها اركبي طلعت قال ليها الليلة ح نلف
...... مشو المنتزه و مشو المطعم و حتى مشو مخل الايسكريم و محل عمو عثمان و آخر شي جو المحل الأول مرة اتقابلو فيهو
رضا و هيام كانو قاعدين و رضا بعاين لي هيام و بتبسم و هيام رأسها م قادرة ترفعو
رضا ضحك وقال ليها
هيام اخدت نفس وقالت ليهو
=م هو انت لو بطلت معاينة كان عاينت
ضحك وقال ليها
=اسف اسف بس حاسي كانو اول مرة اشوفك
هيام قالت ليهو
=رضاااا ياااخ
قال ليها
=عيونو لي رضا حقك دا
هيام لوت خشمها وقالت
=شكلي ح ارجع افكر في موضوع الطلاق دا
رضا مسك يدينها وقال ليها
=وانتي تقدري على العيشة بلاي
هيام عاينت ليهو و قالت
=بس لو انت تبطل معاينة ح افكر في العيشة بلاك دي
قال ليها بابتسامة
=تصدقي م قادر والله حاسي لو زحيت عيوني تاني م ح اشوفك
ابتسمت وقالت ليهو
=محسسني اول مرة تشوفني م قاعدة معاك شهرين بحالم
ضحك وقال ليها
=م دي اول مرة اعاين ليك على أساس انك حبيبتي و مرتي
هيام وشها بقا احمر وضربت يدو وقالت ليهو
=رضاااا
ضحك وقال ليها
=بالله رضا ذاتها طالعة زي السكر من خشمك
هيام قامت وقالت ليهو
=اقعد براك انا ماشة
و بقت طالعة مسكها وقال ليها
=وين اخليك هو انا متين لقيتك ارح ارح ي مرتي الفالحة نتمشي
ابتسمت غصبا عنها قال ليها
=بالله انتي اضحكي لي حبة دايما مبتسمة وكلامك حبة
رفعت رأسها عاينت ليهو وقالت ليهو
=ابتسامتي الما عاجبك دي م ح تشوفها تاني و مشت قدامو
بقا يضحك بصوت عالي قال ليها
=تعالى ي بت بهظر معاك
عاينت ليهو و هي صارة وشها.... ابتسم وقال ليها
=انا عشان ابتسامتك دي بالذات اعمل المستحيل ي مرتي الفالحة
أتلفت و ابتسمت قال ليها
=شايف جضومك ديل م تعملي لي دور الإعلانية و الخجلانة
هيام عاينت ليها وقالت
=جايي ولا امشي براي
ابتسم وقال ليها
=جاي
بقو ماشين و يلفو هيام وقفت رضا عاين ليها ب استغراب قال ليها
=وقفتي مالك
قالت ليهو
=ديك م رضوان و شهد
عاين محل بتعاين قال ليها
=اي هم زاتهم... تعالي نمشي ليهم
قالت ليهو ارح
مشو و رضوان وشهد قاعدين شهد تحكي عن حياتة لي رضوان و رضوان يحكي ليها رضوان قال لي شهد
=اختك دي صعبة و خطيرة و التعامل معاها صعب ولو ابتسمت ليك ساي تحسو إنجاز
شهد ضحكت وقالت ليهو
=بس قلبها طيب لكن وقت الجد جادة شديد شديد
ضحك وقال ليها
=الله يعين رضا
جاهو صوت هيام من وراهو
=بتقطعو فيني
شهد ورضوان الاتنين قبلو عليها و قالو
=ييييي... هيااام
هيام ربعت يدها وقالت ليهم
=اي هيام
رضا قآل ليهو
=مالك ومال مرتي
رضوان وشهد عاينو لي بعض و وقفو رضوان قال
=لا والله م قلنا اي شي غير الخير
هيام قالت ليهو
=صعبة و التعامل معاها صعب
شهد قالت ليها بابتسامة متوترة
=م ااي م سمعتي باقي الحوار
هيام قالت ببرود
=شكلكم م اتادبتو تمام
رضا قال ليها
=و انا ح اساعدك نادبهم
رضوان دخل شهد وراهو وقال ليهم
=شهد م ليها علاقة
هيام قالت ببرود
=شهد تعالى جاي
رضوان قال ليها
=قلت ليكم شهد م ليها علاقة
رضا جا مسك رضوان وقال ليهو
=بتقطع في مرتي ي رضوان م كان العشم والله
رضوان قال ليهو
=والله م بنقطع
هيام قالت ليهو
=شهد ح ترجع بيت ابوي اسبوعين م ح تشوفها
رضوان عاين ليها بصدمة
=لا متين انا لقيتها عشان تفرقينا
شهد قالت ليها
=م ماشة
هيام قالت ليها
=بعتي ابوك عشان خاطر منو البيقطع في اختك
و عاينت ليها وهزت رأسها وقالت لي رضا
=ارح ارح ي رضا البت دي م بعرفها انا... و قبلت و م قادرة تمسك الضحكة.... ي الله مسكت روحها وقالت لي رضا
=انا للاسف م كنت بعرف شهد ارح الله يرضى عليك
رضا جا جنبها وقال ليها
=قايلاك بتهظري م قايل الموضوع جد
هيام قالت ليهو
=اي هظار بالغت انا ولا شنو
رضا قال ليها
=شديد شوفي شهد دموعها نزلو
هيام عاينت لي شهد الكانت بتعاين ليها وعيونها مليانة دموع
جات عليها وقالت بابتسامة
=ي مجنونة معقول انا اتخلى عنك انتي اختي البحبها و العشانها بعمل المستحيل
شهد حضنتها وقالت ليها
=اسفة والله م كنا بنقطع فيك والله
هيام ضمتها اكتر وقالت
=عارفة بس كنت بهظر معاك وشكلي بالغت شويتين
شهد قالت ليها بضحكة
=بس هظارك مقنع شديد
هيام قالت ليها
=معليش
رضوان ي دأب اخد نفس وقال لي رضا
=مرتك قطعت قلبي وصدقتها والله
رضا قال ليهو برفعة راس
=مرتي زيها ماف اتنين
رضوان ضحك وقال ليهو
=بالله شيل مرتك و ادوني مرتي قلنا نخلي ليكم البيت جيتو ضايقتونا
رضا ابتسم وقال ليهو
=دا محلنا انتو جيتو عليهو
رضوان قال ليهو
=والله مرتك دي عظيمة الله يهنيكم
رضا ابتسم وقال
=امين جمعا يا رب
اليوم داك قضو يوم حلو و لفو و ضحكو و كان يوم سعيد و من احلى الايام عدت ايام العيد و المدرسة حقت هيام قربت باقي ليها كم يوم رضوان قرر يعتمد على روحو و اول حاجة عملها فتح دكان في السوق و وعد شهد أنو ح يطورو و ح تفتخر بيهو و ترفع رأسها وتقول دا رضوان راجلي.... شهد قالت ليهو كدا كدا رافعة راسي بيك و دايما ح اقول انت راجلي منو الكان بيتوقع انو شهد وهيام يتصلحو و يتصالحو و يبقو حلوين
هيام مدرستها فتحت و رضا قال ليها هو ح يرجع لانو الشغل محتاجو هيام لمت ليهو ملابسو و جهزت الشنط جا قعد و حضنها قال ليها
=م تنسى تتصلي على لو انا م اتصلت مع اني ح أكون معاك اربع و عشرين ساعة
قالت ليهو
=طيب
قال ليها
=صح انتي أمس كنتي صايمة لي شنو بتقضي من بدري يعني
ابتسمت وقالت ليهو
=أمس تميت ١٦سنة
قال ليها
=جد العمر الطويل أن شاء الله
ابتسمت وقالت ليهو
=امين جمعا يا رب
قال ليها
=طيب بكرة ح اقوم من بدري م تنسى من المدرسة للبيت م عايز أوصيك و م تنقطعي مني و يمكن بعد تلاتة شهور انزل م متأكد م عندي طريقة رجعة قريب و اهتمي باكلك و سيبي اكل الاندومي الكتير...
ابتسمت وقالت ليهو
=لاحظ انو انا شلتني بكامل صحتي و عافيتي
قال ليها
=برضو بوصيك
ابتسمت وقالت ليهو
=طيب انت خلي بالك على نفسك و م تهمل اكلك و م تهمل البيت
ابتسم وباس رأسها وقال ليها
=الله لا يحرمني منك....
اخدت نفس وقالت
=و لا منك يا رب
مرت الايام و رضا رجع وهيام نزلت دراسة هويدا كانت بتحاول بكل الطرق تتكلم مع رضا بس رضا قفل عليها السكة... حتى باب مكتبو قفلوو عمل فتحة صغيرة يدخلو بيها الملفات و م بفتحو الا لو اجتماع و لو زول عايزو في حاجة بالتلفون يتكلم معاهو هويدا قهرت و بقت تستناهو نهاية اليوم بس رضا دايما بكون مستعجل و م قدرت تتكلم معاهو مرا على الحال دا شهرين اليوم داك رضا قاعد في المكتب رنة تلفونو و ظهر اسم هيام المسجلة باسم اراميسي ابتسم و فتح الخط جاهو صوت امو وقالت ليهو
=ابشر ي رضا ح تبقى اب
=ابشر ي رضا ح تبقى اب.....
رضا قام من كرسيه وقعد تاني قام.. امو بهناك تزغرط.... رضا طوالي قال ليها
امو قالت ليهو
=أسى هي نايمة لكن تصحى بوريك
رضا بقا يضحك وقال
=م مصدق والله..... ماشي أوزع حلاوة للشركة كلها و أوريهم
امو قالت ليهو
=لا لالا......م توريهم أسى م ينفع
قال ليها
=لي شنو
قالت ليهو
=كدا لمن تعدي الأشهر الأوائل دي بعدين بنبلغ الناس
قال ليها بفرحة كدا
=طيب ح أوزع حلاوة بس
قالت ليهو
=وزع ي ولدي فرحتوني الله يرضا عليكم دنيا و آخرة
قال ليها
=الله يحفظكم لي... كيفكم و ان شاء الله كويسين
قالت ليهو
=الحمدلله نحن بخير انت كيفك و كيف الغربة
قال ليها
=والله الحمدلله... عرفتو كيف هي حامل
امو ضحكت وقالت
=اصلا بعد شهر من مشيت انا شكيت خصوصا انو بقت جنها اكل و جنها نوم و اليوم كلو تاكل اندومي و طعمية
رضا قال ليها
=بس ديل م بينفعو معاها صح ولا انا غلطان
قالت ليهو
=صح كلامك بس مرتك م بتسمع الكلام.. و اتخيل لمن انا شكيت حميتها اكل الاندومي عشان لو جد حامل م يأثر عليها اتصلت لي ابوها و ابوها جاب ليها كرتونة وجا و م عرفت اقول ليهو شنو زاتو.... و الليلة كانت تعبانة لمن مشيت معاها فحصنا طلعت حامل
رضا ابتسم وقال
=طيب سلمى عليها و على ناس البيت ماشي اجيب الحلاوة
ابتسمت وقالت ليهو
=الله يسلمك ي ولدي
رضا طلع من المكتب سرعة و مبسوط..... هويدا لمحتو و دي اول مرة يطلع زي الزمن دا و بقت تسأل مبسوط كدا لي شنو و لي شنو مستعجل.... ربع ساعة جا رضا و بقا يوزع حلاوة للشركة كلها و مبسوووط لمن ادا هويدا هويدا قالت ليهو
=خير ان شاءالله
رضا م عايز يعكر مزاجو معاها... قال ليها
=خير
و قال ليهم
=الليلة معزومين شاي وكيك في مطعم"......"علي حسابي
الشركة كلها تصفق و فرحانين الا هويدا م مطمنة خالص من فرحة رضا و م عاجبة الموضوع......
رضا اليوم داك فضل جنب التلفون حارس امو تتصل عليه لحدي المغرب كدا امو اتصلت
طوالي قال ليها
=افتحي فيديو
امو بقت تتضحك و فتحتو و أدت التلفون لي هيام و طلعو خلوها
رضا بعاين ليها و هي تعاين ليهو... قال ليها
=ليه م بتسمعي الكلام مش قالو اندومي ممنوع
عاينت ليهو برفعة حاجب وقالت
=يعني انت جاي تشاكلني و لا حتى م قلت مبروك ولا ولا ولا
ابتسم وقال ليها
=خايف عليكم
قالت ليهو
=الماس بتقول مبروك وكدا
ضحك وقال ليها
=أن شاء الله يجينا بالسلامة
ابتسمت وقالت ليهو
=أن شاء الله
قعدو اتونسوا و هو يضحك فيها خصوصا بقا مزاجها م بحب النكد أقل شي بتتضايق.... يمكن ساعتين وهم يتكلمو في النهاية هيام نامت و خلت التلفون فاتح
ام رضا جات شالت التلفون وبقت المكالمة شغالة طلعت وقالت لي رضا
=م قلت ليك بقت نوامة أسى لو قاعدين نتونس تلقاها نامت
ضحك وقال ليها
=خلو بالكم منها و كلها شهر و اقدر انزل و ح أسواقها معاي
قالت ليهو
=طيب م توصي حريص
قال ليها
=فضل ليها كم و يمتحنو
قالت ليهو
=شهرين كدا و خلاص قال ليها طيب
عدو شهرين بلمح البصر و رضا قرر ينزل مع امتحانات هيام.. هيام الشهور الأولى كان التعامل معاها صعب بس شوية هدت...... أول يوم في الامتحان بعد م طلعت كانت طالعة و العربية البتوديها و بتجيبها واقفة بس المرة دي وين هناء و لا حتى سناء كانو بستنوها مع باب المدرسة طلعت وقالت يمكن مستننها جوا العربية مشت فتحت الباب لقت حتى السواق مافيش..... قالت
=ي ربي مشو وين.... حست بزول بمسكا من كتفا و حتى قبل تتلفت ابتسمت وقالت
=رضا
رضا ضحك وقال ليها
=اي رضا حقك زاتو
اتلفتت عليه و طوالي حضنا وقال
=مرتي الفالحة
ضحكت وقالت
=عيب نحن في الشارع
ضحك وقال ليها
=بس انتي مرتي
_بس برضو عيب
ضحك وقال ليها اركبي..... ركبوا و رجعو البيت و طوالي قال ليها
=انتي أسى بتتطلعي على السلم
قالت ليهو
=و بصل غرفتي كيف
عاين كدا قال ليها
= لا لا طلعة فوق تاني ماف
ضحكت وقالت ليهو
=بالله انت م صدقت جيت تنظر و تقول لي طلعة فوق ماف طيب ح ننوم وين وانا أسى فترانة و عايزة انوم
ضحك وقال ليها
=كدا كدا هي كم اسبوع و نسافر
قالت ليهو
=طيب ارح نطلع..
قال ليها
=انا ح اطلع
ضحكت وقالت ليهو
=طيب انا ح اطير
ابتسم ليها و رفع حواجبو... في ثواني شابها... بقت تتضحك قالت ليهو
=هو اصلا انا كنت فترانة عشان كدا ح اعديها ليك
ضحك وقال ليها
=بقيتي تقيلة شديد اصلا بعد الأكل الكتير بتوقع شنو
ضحكت وقالت ليهو
=ذنبي شنو انا ولدك طالع زيك اكال
ضحك وقال ليها
=هذا الشبل من ذاك الاسد
ضحكت وقالت ليهو
=بعد توديني انزل جيب عيش انا جايبة طعمية من عمو عثمان
ضحك وقال ليها
=حاضر ي اكالة
و اها وجا جاب العيش لقاها غاطسة في النوم حتى ملابسها م غيرتها قال
= صح كلام امي بقيتي نوامة
طلع الجزمة و الطرحة و رقد جنبها و فضل يعاين في بطنها الصغيرونة الجواها ولدهم و لي ملامحها الباين فيها التعب..... ابتسم و نام جنبها
يمكن تقولو خلاص كدا حياتهم بقت حلوة بس هويدا لسه موجودة و شكلها م ناوية تبعد و تخليهم يعيشو في سلام
.... مرت ايام الامتحانات بسرعة و خلاص رضا جهز حاجات السفر و قال لمن تدخل السابع ح يجيبها راجعة و دعو أهلهم كلهم و سافرو....... اليوم الوصلو فرنسا هويدا كانت عارفة انو رضا م ح يحي الشركة ف قررت تستقبلو قدام بيتو لمن رضا وهيام وصلو... هويدا انصدمت لمن شافت هيام وقالت
=دي الجايبها شنو.... م شافت بطن هيام لانو هيام لابسة عباية كبيرة نوعا ما.... سلمت عليهم وقالت لي هيام
=م اتوقعت جيتك
هيام ردت عليها
=م اتوقعت استقبالك
هويدا قالت
=كنت جاية عشان رضا و م كنت عارفة انك جاية معاهو
هيام قالت لي رضا
=رضا انا تعبانة والله و م قادرة اقيف
رضا قال لي هويدا
=الله يسلمكو طلب منها تزح من الباب
و جا فتحو و مسك يدها لي هيام بيد و التانية لفاها على كتف هيام و وداها الغرفة و قلع ليها الشبط و الطرحة و جاب ليها هدوم.... البيت كان نضيف لانو طلب ينضفو و دخلو اكل في التلاجة.... مشا جاب لي هيام شوية فواكه... بعد غيرت اكلت شوية و اخدت ادويتها و طوالي نامت... هويدا كانت مستغربة من طريقة تعامل رضا مع هيام و بتقول ي ربي في شنو بعد هيام نامت رضا قفل الباب وقال لي هويدا
=معليش بس جايين من سفر و تعبانين و إذا في شغل اجلي لي بكرة لو سمحتي..... هويدا اتحرجت وقالت. ليهو
=طيب عن اذنك.... وطلعت و في رأسها الف سؤال....... بس القصة م خلصت هنا لسه شوية.
هويدا وهي نازلة من بيت رضا بتقول مع نفسها
=ليه يعني بقت تصرفاتو كدا ولا طلع ليها الجزمة و أكلها.. لا لا ي هويدا في حاجة فاتتك ..... انا م اكتل البت دي و ارتاح.... واقفة زي العارض بيناتنا... ان شاء الله تموت و ارتاح و الجو يصفى لي انا و رضا... اخخ بس لو هي تطلع من حياتنا و من الحياة كلها....
=يلا على الحمام
ضحكت وقالت ليهو
=انا ح اتعود و كدا ح تخربني و بعدين م تلوم الا نفسك
قعد جنبها وقال
=ومالو بخربك وكل الدلال ليك ي ستي
ضحكت وقالت ليهو
=طيب... عاين رجولي وارمات صح
عاين ليهم وقال ليها
=اي وارمات....تعبتي شديد الليلة... بيوجعوك
ابتسمت وهي شايفة رضا بمسك رجلها و يسالها
قالت ليهو
=الله م يحرمني منك
رفع راسو و مسك وشها و بابتسامة قال ليها
=ولا منك إن شاء الله..... قومي اساعدك على الحمام
قامت دخلت و هو مشا جاب موية دافية و اكل و عصير لمن طلعت قعدها و ختا رجولها في الموية الدافية وقال ليها
=تاكلي الصحن دا وانا بعمل ليك شعرك...
قالت ليهو
=انت بتعرف تسرح
ضحك وقال ليها
=هناء و سماء دايما انا بسرحهم زمان
ضحكت وقالت ليهو
=الله يستر
ضحك و بقا يسرح ليها شعرها وهي بتاكل....... قال ليها
=اسبوعين و تدخلي السادس صح
قالت ليهو
=ايوا اسبوعين
قال ليها
=رايك شنو ننزل نجيب حاجات للبيبي
قالت ليهو
=م تستعجل على راحتنا نفضي يوم كدا و نطلع و بالمرة نلف
قال ليها
=ايو احسن... طيب ي ستي خلصت
عاينت في المراية لقتو عامل ليها ضفيرتين ضحكت وقالت ليهو
=ظابطين لكن
رفع راسو وقال ليها
=احم احم م قلت ليك
ضحكوا سوا قال ليها
=اها رجولك بقو كيف
قالت ليهو
=كويسين الحمد لله
قال ليها
= يلا نتمشي حبة و نرجع ننوم
قالت ليهو
=الساعة كم
=تسعة
قالت ليهو
=طيب ارح
نزلو اتمشو حبة و رجعو على كدا مرت الايام و الشهور و هيام دخلت في الشهر السابع و رضا حجز عشان يرجعها و الرحلة كانت بعد اسبوع....
هويدا في الشهرين ديل م حصل شافت هيام لانو رضا عندو شغل كتير و طريقة م عندو و هويدا انضغطت معاهو.. جا يوم وفضا نفسو و قال يطلع هيام مشوار رجع البيت لقاها نايمة محمومة
اتخلع وقال ليها
=هيام حبيبي قومي مالك
هيام قامت براحة رضا قعدها وقال ليها
=مالك محمومة كدا.. دقيقة اجيب عبايتك
ومشى جابها و لبسها و لفة ليها الطرحة قال ليها
=تقدري تمشي
قالت ليهو و صوتها ي دأب ظاهر
=رجولي واجعني
قال ليهو
=وارمات شديد... عملتي شنو
قالت ليهو
=عملت اكل
قال ليها
=انا م جايب آكل يكفي و بعدين م قلت ليك سيبي الإجهاد لمن تمشي تقيفي في المطبخ
في تعبها دا ضحكت وقالت ليهو
=دا زمن شكل
عاين وقال ليها
=اي اي هظري......
ضحكت ابتسم ليها وشالها و نزل و طلعو على المستشفى....... لمن وصلو الدكتورة طمنتو انو حمى عادية.... صادف انو في نفس اليوم هويدا جات تعمل فحص طبي عام.... كل شهر بتعملو........ و أثناء م هي داخلة لمحت رضا في الاصانصير.... استغربيت و مشت شافت الاصانصير طالع ياتو طابق لقتو قسم النساء و التوليد
اول قالت
=رضا بيعمل شنو في قسم الولادة.... لا لا م معقول هيام تكون حامل....... إذا حامل رضا مستحيل يرجع لي..... انا لازم اتأكد.... و طوالي طلعت فوق... و هي بتفكر انو الجنين دا م لازم يجي.... هويدا كانت فاكرة انو هيام في الشهور الأولى....... لمن وصلت الطابق بقت تفتش في رضا.... و انصدمت لمن شافتو ماسك هيام وهيام بطنها كبيرة... الموضوع بقا ليها خيال خيال.... بقت تقول
=.. عشان كدا اليوم داك وزع حلاوة و عزم الموظفين...... بالسهولة دي اتخلى عني.... و دموعها جو نازلين..... معقولة خلاني كدا... ولد هيام دا م ح يجي م ح يجي
و شالت تلفونه اتصلت على رقم معين......
تاني يوم رضا وقت كان ماشي هيام قالت ليهو
=م عايزاك تمشي الليلة
رضا جا بأس رأسها وقال ليها
=ح اجي بدري زي بعد الضهر كدا انتي نومي و م تتعبي نفسك
قالت ليهو
=ضروري تمشي
قال ليها
=مضطر عندي اجتماع مهم و وعد م بتاخر
هزت رأسها بزعل قال ليها
=م تزعلي وعد م بتاخر
و بأس رأسها وطلع... هيام من الصباح م مرتاحة بس قالت إن شاء الله خير بعد اكلت وشربت الدوا رقدت نامت زي الساعة حداشر كدا صجت على صوت الباب بخلعة و الباب كان بضرب بطريقة تقطع القلب قامت مخلوعة و براحة مشت على عين الباب و شالت زول بس وشو م ظاهر و خافت اكتر لمن صوت الباب بقا أعلى و هي بتتحوك براحة جرت الكرسي بتعب ختتو قدام الباب و سرعة على الغرفة قفلت الباب وراها وبقت تتصل على رضا.... بس رضا كان في الاجتماع و تلفونو صامت و هويدا كان قاعدة معاهو و تتبسم سااي.... هيام كل م الصوت زايد بترجف اكتر و هي في وضها دا م بتقدر تتصرف و فضلت تتصل على رضا يمكن تلاتين مكالمة.... لمن التلفون وقع من يدها و طفى و هي م عارفة تعمل شنو...... شالت كرسي و قفت ورا الباب وهي بترجف.... و سمعت صوت الباب انفتح أو انكسر... و الخوف دخل قلبها.... قالت
=يا الله
هيام ماسكة الكرسي و واقفة ورا الباب و قلبها حاسة بيهو ح يقيف... الزول الكسر الباب مشا فتش البيت و جا وقف قدام باب الغرفة و بقا يضرب بي رجولو في الباب ومع كل ضربة هيام قلبها بضرب اكتر..... بقت ترجف و تقول يا الله يا الله لحدي م الباب انكسر و الراجل دخل..... هيام ضربتو بالكرسي و طلعت بسرعة على الباب بس للأسف الراجل لحقها و مسك شعرها و جراها رماها في الأرض....... هيام جاهدت انو بطنها م تنضرب وقعت على يدها...... الراجل م اكتفي هنا بس كمان حاول يضرب هيام في بطنها..... هيام لأول مرة من وفاة امها تبكي و دموعها ينزلو.... كانت محاوطة بطنها بيدها و كل م يحاول يضربها تمسك رجلو و بقت تزحف ترجع لي ورا..... الراجل ضربها في ضهرها بس هيام قاومت الوجع و اتحركت كان في طاولة وراها فيها مزهرية.... هيام حاولت تصل ليها بس الراجل ضربها بحاجة في رأسها.... م فقدت الوعي بس رأسها بقا ينزف...... عافرت عشان طفلها الأول يعيش....... الراجل مسك شعر هيام و وقفها على حيلة و عاين لي بطنها و طلع سكين هيام فتحت عيونها بي صدمة طوالي ضربتو في رجلو بس السكين ضربتها في يدها بس م اهتمت و شالت المزهرية ضربتو في راسو و قاومت الوجع و طلعت من الشقة..........
رضا في الاجتماع شال تلفونو عشان فيهو رقم عايز يدي للعميل و انصدم لمن لقا المكالمات الكتيرة من هيام وقلبو وقع و بقا يحاول يتصل فيها بس التلفون مطفي رضا طلع جاري و هويدا بتحاول توقفو و تقول ليهو الاجتماع الاجتماع...... بس رضا كان كل تفكير مع هيام دور العربية و المسافة بين الشقة و الشركة زي ربع ساعة كدا بالعربية رضا كان طاير بالعربية طيران و قلبو قابضو و قطع إشارة المرور..........
الراجل بعد هيام ضربتو بقا دايخ المزهرية كانت قزاز و تقيلة هيام نزلت السلم و هي م حاسة بالدم البنزل من رأسها و يدها و بطنها بقت واجعاها م قادرة في مساحة تحت السلم هيام قعدت فيها.... الراجل حاول يقوم بس م قدر....... رضا وصل في سبعة دقيقة لانو كان طاير بالعربية و طلع على الشقة و هو طالع شاف الدم على السلم و قلبو وقف طلع سرعة لقا البيت مقلوب و الراجل فاقد الوعي بقا يفتش ويقول هيام و يكورك بس ماف رد....... طلع نازل علي السلم و هو مباري نقط الدم لمن حصل مكان هيام و جسمو بنقط عرق و قلبو ح يقيف لقاها بين واعية و م واعية و ماسكة بطنها وباين الوجع في ملامح وشها.... رضا قلبو وقع وجا قعد قدامها وبقول ليها هيام اصحى بس هي م قادرة... م عارف يعمل شنو بس شالها و بقا جاري...... ركبها و كان سايق بسرعة.... وكل مرة يقول هيام بس هي تفتح و تغمض وصل المستشفى و فتح الباب شالها و دخل.......... كان خايف عليها وهي خلاص شبه فقدت الوعي........ الممرضين وقت شافو جابو النقالة وشالوها منو على قسم الولادة وطلبو منو يحاسب طوالي مشي دفع .... رضا بقا يعاين للدم في قميصو و يعاين محل ودو هيام..... كان بقول انا السبب.. و بتذكر لمن قالت ليهو م عايزاك تمشي بس هو عند و مشى.... كان لافي و راسو شاطب و م عارف يعمل شنو.... يتصل على اهلو لا لا ولا يرجع يشوف المجرم لا حياة هيام أسى أهم عندو..... هيام موعد ولادتها لسه باقي ليها شهرين....... ح يحصل شنو......
هويدا كملت الاجتماع سرعة و طلعت بس على شقة رضا مشت لقت الدم و ابتسمت وقالت عقبال م اسمع خبر موتها هي و الولد........ دخلت لقت الزول غايب عن الوعي في نص الشقة لوت خشمها وقالت
=اصلو م بيعرف يعمل شغل صاح أسى كان رضا جا لقاهو اففف.... و مشت جابت موية باردة و كشحتا فيهو اخد ليهو دقيقتين عشان يستوعب الحاصل
هويدا قالت ليهو
=م قدرت عليها ي غبي كلها بت قدر شنو
الراجل طلع لئيم وقال ليها
=م دام هي بت قدر دي انتي م قدرتي عليها لي شنو
هويدا لوت خشمها
قال ليها
=ضربتها في رأسها و في ضهرها و يمكن الجنين يموت... م بعرف... بس هي كمان قوية ضربتني في راسي... و مسك راسو
هويدا قالت ليهو
=اطلع م يجو يلقونا هنا
قال ليها
=و الحساب
قالت ليهو
=لمن اسمع خبر موتهم
طلعو من الشقة سرعة و مشو.... رضا بي هناك كان قلبو ح يقيف من الساعة اتناشر دخلو و أسى الساعة يمكن أربعة هو م عارف فقد الاحساس بالزمن... بس قاعد يدعي و يدعي...... شوية و الدكتورة طلعت ورضا جاها ملهوف وقلبو واقف..... الدكتورة كلمتو انو احتمال الحصل لي هيام دا يكون محاولة اعتد.اء و م معروف و الولادة كان صعبة و الطفل حالتو كمان صعبة ودو الحاضنة.. و هيام م كانت حالتة احسن لانو نزفت كتير... بس الحمدلله.....
رضا رجع الشقة و لقا الراجل م موجود ولاحظ لجك الموية اللي م كان موجود سابقا.... اتحمم و غير و رجع المستشفى... و قرر يتصل على أهل هيام و اهلو..... اتصل وكلمهم و حلفو يجو فرنسا و رضا م عارض يمكن دي حاجة تحسن حالة هيام.... كلهم حجزو في أقرب طيارة و كانت بعد يومين.. رضا بلغ الشرطة و مشو الشقة عشان يعملو تحقيق.... الكاميرات كان معطلة و المجرم كان لابس جونتات و كمامة في وشو عشان كدا م لقو بصماتو بس هويدا م كانت لابسة جونتات و شالو بصماتة من الجك حق الموية.... رضا فضل يجيب الأدوية للطفل و لي هيام وقال م ح يعرف هيام جابت بت ولا ولد الا لمن هيام تصحى بس كان بشوفو من بعيد في الحاضنة.... وهو م في يدو غير يصلي و يدعي...
مرت الايام ودا اليوم التالت على الحادثة وهيام م صحت و المفروض الليلة ناس أبو هيام و أبو رضا يجو رضا أجر ليهم في نفس العمارة شقق لغايت م يرجعو....... لمن وصلو طوالي طلعو على المستشفى جو شهد و واحدة من اخوات هيام و رضوان و امو و ابوهو و هناء و سناء و حتى فريد و أبو هيام جو....... بقو يسالو بس رضا قال ليهم هي لسه م صحت وسالو من البيبي قال ليهم في الحاضنة و م ح يعرفوهو بت ولا ولد الا لمن هيام تصحى و م معروف الطفل زاتو صحتو تتحسن متين....... أهل هيام فضلو مقلقين متين هيام تقوم..... مرو يومين ورضا كان بيبيت في المستشفى... و الهم مسيطر عليه.. صباح اليوم التاني الدكتورة جات عشان تعمل الفحوصات اليومية و لقت هيام اتحسنت وشبه صاحية لمن كلمت رضا رضا قرب يطير وقال ممكن ادخل الدكتورة قالت ليهو ممكن كانو أهل هيام لسه م جو..... حتى هم كانو بصلو ويدعو هيام تقوم بالسلامة... الفترة دي الشرطة قابلت رضا كم مرا وسالو إذا عندو عداوة مع زول ولا مشاكل بس رضا م جات على بالو هويدا ابدا ابدا الشرطة كلمتو انو لقت آثار بصمات بت و عايزين يطابقوها مع بصمات هيام يمكن تكون بصماتة عشان لو بصماتها يفتشو دليل تاني مع انهم م لقو اي حاجة ولا حتى شعراية و المزهرية الانضرب بيها الراجل م فيها دم ولا غيرو...... و كملو البحث و التحقيق
شهد كانت قاعدة في الغرفة مهمومة رضوان قال ليها م تخافي ح تقوم بالسلامة
شهد قالت ليهو
=والله خايفة عليها.. ح يكون منو قاصدها ولا في فرنسا
رضوان قال ليها
=الله موجود و م ح يخلي حقها
شهد قالت ليهو
=ونعم بالله
قال ليها
=طيب قومي اعملي مع امي اكل بتحبو هيام م معروف يمكن تصحى
ابتسمت وقالت ليهو
=اكل هيام المفضل هنا م بتعمل
قال ليها
=كيف
قالت ليهو
=هيام بتحب الطعمية حقت عمو عثمان وللأسف عمو عثمان في السودان
ابتسم وقال ليها
=قومي حاولي اعمليها وانا بجيب المكونات
قالت ليهو
=طيب بحاول.....
طبطب على يدها وقال ليها حاولي أن شاء الله تنجحي........
هويدا كان الشمار حارقة عايزة تعرف حصل لي هيام شنو خصوصا انو رضا م كلم زول و هي م بتقدر تمشي ساي يمكن يشك فيها عشان كدا لازم تصبر
رضا اول م دخل الغرفة هيام بقت تبكي.... جا حضنها و هي م قادرة توقف بكى رضا قعد يهدي فيها قال ليها
زحت منو وقالت ليهو وهي بتمسح في دموعها
=كان ح يكتلني انا..و و و و عاينت لبطنها وقالت ليهو
=ولدي حصل ليهو شنو
حضنها تاني وقال ليها
=كويس الحمدلله و أسى في الحاضنة و م تخافي الشرطة بدت تحقق و انا م ح اخلي حقك يروح كدا.....
هيام رفعت رأسها وقالت ليهو
=يعني ولد
عاين ليها ومسح دموعها وقال
=والله م عارف قلت م ح اعرف الا لمن تصحى انتي
قالت ليهو
=عايزة اشوفو
قال ليها
= طيب اشوف الدكتورة... م تقومي من محلك
رضا طلع و مشا سأل الدكتورة إذا تقدر هيام تشوف الطفل
الدكتورة قالت ليهو
=ايوا ممكن بس كل فترة جيبو عشان نتأكد من صحتو
...الدكتورة مشت جابتو من الحاضنة كان صغيروني شديد... الدكتورة قالت ليهو بابتسامة
=اوريك بت ولا ولد
ابتسم و شالو منها براااحة و بقا يعاين ليهو كانت يدو كبيرة بالنسبة لي حجمو... بقا يضحك و يعاين للدكتورة و يرجع يعاين ليهو.....
قال ليها
=لا هيام ح تعرف اول
مشو الغرفة و هيام قاعدة على أعصابها... لمن جا داخل فضلت تعاين ليهو و تعاين للبيبي و دموعها نزلو مدت يدها و اداهو ليها
بقت تبوسو و مسكت ايدو الصغيرة
الدكتورة قالت ليها=الف مبروك جاتكم بنوتة...
الدكتورة طلعت و رضا هيام قاعدين مع البنوتة بعد ساعة كدا ناس شهد جوا و كانو فرحانين شديد بالذات شهد بكت بكا هيام قالت ليها
=والله اخلي رضوان يرجعك م تبكي لي أسى تصحى بتي من النوم
شهد قالت ليها
=خلاص بعتيني م بديك من الطعمية العملتها
هيام قالت ليها
=والله كان م الفتر و التعب كان اتشاكلت معاك عايزة انوم
و طعميتي بشيلها لمن اطلع مع انو م ح تكون زي حقت عمو عثمان بس ح اجاملك
شهد ضحكت وقالت ليها
=يلا بالناقص اصلا ح أكلها لي و لي ولدي
هيام عاينت ليها باستغراب
شهد ضحكت تاني وقالت ليها
=لي زي م بقيت خالتو انتي كمان ح تبقي
كلهم كان متفاجئين بالخبر و باركو ليها بالذات رضوان لمن عرف حاسس الدنيا م شايله و حمد ربنا على النعمة دي
ام رضا قالت ليهم
=ي بنات اطلعو خلوها ترتاح
بعد طلعو هيام فضلت ماسكة يد البنوتة و بتفكر.. جا رضا داخل قال ليها
=البت و امها بيعملو في شنو
هيام قالت ليهو
=شوف ي رضا الزول الضربني دا اظن واحد من عمال الشركة بتاعتك
رضا باستغراب
= كيف يعني
قالت ليهو
=كان في بطاقة في رقبتو شفت شعار الشركة لكن م شفت اسمو
رضا جا قعد قدامها وقال ليها
=و غيرو شفتي شنو
رفعت اكتافها بعدم معرفة..... رضا هزا راسو وقال ليها
=م اظن انو عندي عداوة مع زول.... و م اظن يكون زول عندو عداوة معاك
هيام قالت ليهو
=م عارفة فترانة انا عايزة انوم
ابتسم وقال ليها ح تسميها منو
قالت ليهو
=عنود
ابتسم وقال ليها
=عنيدة زيك كدا
ضحكت وقالت ليهو
=بالضبط
قام بأس رأسها وطلع..... وهيام نامت... رضا قال هو ح يمشي الشركة و يكلمهم انو هيام ولدت و بخير و ح يشوف الح ينزعج منو من الخبر..... في نفس اليوم وصلو انو البصمات م بصمات هيام يعني لازم يعرفو دي بصمات منو...
فعلا رضا مشا اشتري حلاوة و دخل الشركة و نادا الموظفين و ودع ليهم حلاوة و لمن كلامهم بالخبر كلهم فرحو الا هويدا كان الانزعاج باين في وشها و م قدرت تخفيهو..... هنا رضا شك فيها و لمن ضربها في راسو عرف انو هويدا ر هيام م متفقين ولا كمان في كم موقف لي هويدا و هيام لتبين الحتة دي بس هو لازم يتأكد م يشك ساي
طوالي قال لي هويدا
=الليلة مطلعين هيام اتفضلي عندنا
هويدا في البداية رفضت بس تأني قالت مع نفسها تلقى طريقة يمكن و تكتل هيام و البنوتة.....
فعلا مشت بالمسا....... مشت لقت صلحو أبواب البيت و نضفو و حتى غيرو الألوان و الاثاثات لقت هيام نايمة و البنوتة جنبها لو في يدها كان ح تكتلهم بس البيت مليان و مافي طريقة
شهد جات ضيفتها أداها عصير هويدا شربت و م قادرة تقعد طوالي طلعت شهد جات عشان تشيل الحاجات بس رضا منعها و مسك الكباية ب منديل و أداها للشرطة عشان يشوفو البصمات.. و النتيجة بعد يومين
قررو يعملو السماية في ١٥ و ح يعملو دعوة هناك في السودان لمن يرجعو بعد اسبوعين.......
بعد يومين النتيجة ظهرت و طلع تطابق و رضا م قادر يصدق.... بس الضرب هيام راجل م مرة... معناتة هي الرسلت الراجل دا.... رضا لمن عرف النتيجة قرب يمشي يكتل هويدا لو م الشرطة وقفتو و مشوا قبضو على هويدا
هويدا كانت بتحمر لي رضا و تقول ليهو لو م معاي م ح تعيش معاها.. و تتوعد ليهو
بس رضا لازم يعرف الراجل من شركتو بيكون منو و طلب من الشرطة تحقق في دي كمان.....
رضا م حبة يكلم هيام لانو عارفها ح تعصب و هي اصلا مريضة م عايزها تمرض زيادة عشان كدا قال ليها كان حرامي.... هي م صدقتوا بس مشت الموضوع و ح تعرف بطريقته.......
جا اليوم ال١٥ عملو سماية بسيطة جو فيها موظفين الشركة هيام ودوها شقة ام رضا عشان الرجال يقعدو في شقة رضا.... بعد م فطرو حمادة قام دخل الحمام وجا راجع... رضا استغرب كيف حمادة عرف محل الحمام و دي اول مرة يجي البيت دا و لمن سألو حمادة التوتر بس قال ليهو كل الشقق زي دا.... رضا شك فيهو بس مشا الموضوع عادي مرا اسبوع و أهل رضا رجعو الا هنوية فضلت مع هيام... في نفس اليوم الشرطة أكدت على رضا انو الزول المشترك مع هويدا اسمو حمادة و م كدا وبس الكلام دا اكدتو كاميرات المراقبة ألفي الشارع... رضا انصدم لانو حمادة علاقتو شنو بي هويدا..... لمن قبضو حمادة قال ليهو انو هو بحب هويدا دي من زمن بس هي م شايفة غير رضا و عشان يرضيها قرر ينفذ طلباتها و قال يمكن بعد م هيام و الولد يموتو انت ح تنفر من الناس دي كلها ولمن تحس انو انت م مهتمي بيها ح ترجع لي بس شكلي كنت غلطان رضا ضربو الا الشرطة فارقتهم و قال ليهو عشان مديت يدك على مرتي و بتي... وقال ليهو هل معقول الغيرة تصل للحد دا حمادة قال ليهو انا عرفت انو دي م غيرة قبل كم يوم للأسف هويدا دي مريضة نفسية فقدت حنان الأم و اتعودت اي حاجة عايزاها بتشيلها بالحسنة أو بالسيئة....... و للأسف انا كنت أعمى رضا م عرف يقول شنو و طلع وهو بفكر في الفرق بين هويدا ر هيام مع انو الاتنين فقدو أمهاتهم بس هيام ابوها حاول يعوضها بالحنان اما أبو هويدا عوضها بالقروش و هدى النتيجة...... هويدا و حمادة حكموهم تلاتة سنين بس هويدا حالتة النفسية بدت تسوء عشان كدا نقلوها مستشفى نفسي.......
بعد مرور سنة
رضوان م شاء الله شغلو اتطور و كبر الدكان شوية بس لسه دي مجرد البداية رضا و هيام نزلو تلاتة مرات لعرس فريد مرة و لسماية بت شهد و لخطوبة هناء اما سنوية فقسمتها لسه مرت فريد اسمها جنات مرة تتختي في الجرح يبرا زوجت السرور ي يمة
هيام كانت قاعدة في المطبخ هي ورضا بيطبخو و عنود قاعدة نايمة رضا قال لي هيام شفتي تلفوني عايز احجز التذاكر على السودان قالت ليهو تلفوني في الاوضة اتصل و شوف مشي اتصل شافت التلفون في الصالون جات قرت الاسم لقتو اراميسي
رضا جا قال ايوا هدا
هيام قالت ليهو اراميسي يعني شنو
ابتسم و قال ليها
=اراميسي يعني
الأنثى الجميلة في أنوثتها
قوية في تصرفاتها
و التعرف تبارز بالسيف
الأنثى الجميلة في أنوثتها قوية في تصرفاتها و التعرف تبارز بالسيفضحكت وقالت ليهو
=لا شايفني كدا
ضحك وقال ليها
=انتي أعظم بكتير من كدا.... ابتسمت ليهو وقالت ربي يحفظكم لي ضماها وقال ولا يحرمني منكم
بعد اسبوعين رجعو السودان و المرة دي ح يطولو الزيارة لانو كانو م بيقدرو يجو و يقعدو و عنود عندها مقابلة كل شهر مع الدكتورة يطمنو عليها.... اليوم داك كان قاعد في مكتبو لمن شاف اسمها بظهر على الشاشة ابتسم و ختة التلفون في اضانو وقال ليها
=اامري
ابتسمت وقالت ليهو
=هويدا جلال
ابتسم وقال ليها
=اممممم تمام
____________________________________النهاية
