هويدا لمن فتحت الباب كانت عايزة تحضنو يعني نظام هي ليها زمن م شايفاهو بس لقت حاجة قصيرة كدا واقفة بيناتم هي ورضا بقو يعاينو لي هيام
هيام عندها الحدود حدود و م لازم يتجاوزه زول.....رفعت عيونها لي هويدا و زحتها من الباب و دخلت وقفت قدامها قالت ليها بصوت بارد و قاسي
هويدا رفعت ليها حاجب و قالت ليها
=اتفضلتي بي شنو ملابسي عاجباني انتي مالك
هيام مشت على الباب وقالت لي رضا و ورضوان و شهد الواقفين
=اتفضلو ادخلو جوا ثواني و بلحقكم...
دخلو و رضا لمح نظرة شهد لي هويدا حاجة كدا م مفهومة... وقف جنب هيام و الكانت واقفة قصاد هويدا.
هيام =كلامي م بعيدو اتحركي عشان م تشوفي مني تصرف م يعجبك...
هويدا=انتي منو و م عايزة ابدل مرتاحة كدا
هيام م بتحب تكتر كلام كان في زي حفاظة في المدخل كدا ملت الكباية موية وكانت صاقعة لمن مندية و كشحتها في هويدا..... رضا انصدم و هويدا انصدمت وانا زاتي انصدمت..... رضا اتوقع اي حاجة الا دي انو تشيل موية باردة و ترشها لا دي م مرت عليهو
هويدا اخدت ليها نفس و كانت عايزة تقول ليها انتي مجنونة بس اه وين ياخ جاتها كباية تانية خلتها تبلع كلامها هيام قالت ليها =فهمتي ولا اعيد......
وعاينت لي رضا وقالت ليهو
= ندخل....
رضا قال ليها =اتفضلي
دهلو وهويدا لسه في صدمتها و م قادرة تستوعب و مشت غرفة الضيوف تبدل ملابسها
رضا قال لي هيام=م كان تعملي كدا......
هيام عاينت ليهو وقالت بعد م رجعت تعاين قدامها
=الحدود حدود و م لازم نتجاوزه
رضا قال ليها
=طيب دي ضيفة و مفروض نحترمه شوية
هيام م عاينت ليهو و المرة دي حسى بالحزم في كلامها و م فيهو مجاملة
=لمن تحترم نفسها الناس بتحترمها......
و ادتو نظرة كدا عرف انو دي م زولة مجاملة دغري يعني دغري.....
دخلو سلمو على امو و ابوه و اخواتو طبعا ام رضا بتعاين لي شهد و ترجع تعاين لي هيام و الوضع م عاجبة...
هويدا مشت بدلت ولبست حاجة طويلة شوية بعد م كانت لابسة تلت تربع حق بيت اتخيلو بس وجات قعدت شوية رضا و رضوان استأذنو و طلعو و البنات بيعملو الجبنة و بتونسو و هيام بتشارك في الحديث مرات و مرات تسكت جات هنوية قعدت جنبها تونسها حبة
هويدا قالت لي سناء =بالله دي مرت رضا
سناء قالت ليها =أتخيلي بس بين كل البنات اختار دي حتى امي م عاجباه
هويدا بفرحة=كذابة
سناء =والله جد شوفي اختها بتهتم بنفسها كيف لكن عايني ليها هي جاية بعباية
هويدا قالت ليها =بري م خشت قلبي
سناء=هي حلوة لكن م بعرف بحس عندها توحد ولا غرور م عارفة
هويدا م ردت بس بتعاين لي هيام ام رضا كانت بتعمل الجبنة قالت لي شهد قومي وزعي
شهد قامت بتوزع جات شالت الفنجان من قدام هيام لانو عارفاها م بتشرب جبنة هيام ابتسمت على اهتمام اختها بس فجأة لمحت حاجة خلتها تكشر و عيونها يضلمو لمن هنوية لاحظت وخافت......
هيام مسكت شهد و زحت يد البرنسيسة وقالت ليها
=دا شنو....... كان في علامة في يد شهد لمن لونها مايل للأزرق
شهد جرت يدها سرعة و قالت ليها ولا شي ضربت يدي بالغلط هيام عاينت ليها في عيونها و شهد طوالي مشت و كدا هيام عرفت انو شهد بتكذب قعدت في محلها الجبنة انتهت وقاموا عشان يمشو غرفهم سناء من محلها م قامت هنوية قامت توديهم غرف رضوان و رضا بيناتهم غرفتين اول غرفة رضا و بعدين غرفتين حتن غرفة رضوان هنوية ورتهم و مشت عشان تديهم راحتهم اول م هنوية مشت طوالي هيام جرت شهد جوا عرفت رضا و مسكت يدها قالت ليها
= دا هو ضربك صح....
شهد جرت يدها سرعة وقالت ليها
= وانتي مالك.....
هيام جرت طلعت التوب و بقت تفتش جسمها لقت كم ضربة في جسمها.....
هيام شدة م قهرت لمن وشها بقا احمر وعاينت لي شهد وقالت ليها بنهرة كدا
=دا هو ضربك صح و اياك تكذبي على......
شهد اول مرة تشوف هيام معصبة للدرجة دي لمن وشها باقي كدا خافت وقالت ليها
=و انتي مالك راجل ومرتو.......
هيام ادتها نظرة معاها حميرة كدا وقالت ليها من بين سنونها
=متين لحقتو لمن وصلت للضرب يستناني الليلة..........
شهد صراحة جسمها قشعر لانو م متعودة على هيام زي دي..... و طلعت خلتها هيام بقت ماشة وجاية طلعت الطرحة وقالت
=و وصلت معاهو يمد يدو عليها لا هو متخلف ولا شنو اي شي ولا يدو تطول اختي يصبر لي
وشها شدة م بقا احمر تحس الدم كلو اتلمي هناك فكت ربطة شهرها كان م طويل تحت الكتف و كيرلي كدا و بني زي عيونها خشت الحمام لانو بقت حاسة روحها مخنوقة رضا جا لقا الطرحة مجدوعة في الأرض استغرب لانو دي م من عوايد هيام دايما بلقاها منظمة و مرتبة.......... لقى شنتطو مفتوحة عرف انو هي شالت من ملابسو قعد يرتب ملابسو في الدولاب وهو بقول مع نفسو
=بالله أسى انت راجل متزوج ي رضا و ليك اسبوعين........ غيتو م معقول كلو كلو
خلص من ترتيب ملابسو عاين لي شنطة هيام قال ارتبها تأتي قال يمكن تقول متطفل قال م حلوة اخليهم ليها.... قطع تفكير صوت الباب طلعت لقاها لابسة ملابسو التعود يشوفهم عليها ولافة شعرها بس استغرب لي وشها باقي احمر كدا عاينت ليهو و شاف عيونها حسى كانو ح يقدوهو شدة م شاف الغضب في عيونها قال ليها
=هيام انتي كويسة
هزت رأسها و فتحت شنتطها طلعت كريم الشعر و طرحة و مشت على المراية سوت شعرها و لقتو ولفت الطرحة هو مستغرب جات قالت ليهو م تصحيني الا بعد ساعتين و اتغطت بعد نصف ساعة حسي بيها نامت جا ختا يدو فوق رأسها لقاها مسخنة شديد مشى جاب مكمدات وبقا يسويهم ليها عمل ليها اول مرة تاني مرة مسكت يدو و فتحت عيونها قالت ليهو
= م تعمل لي مكمدات.....
قال ليها خليني اعملهم انتي مسخنة
رضا قال ليها
=شيلي يدك دي خليني اعمل ليك المكمدات....
قال ليها
=اتحممتي بي موية باردة صح
م ردت عليه فضل زي نص ساعة كدا يعمل ليها مكمدات لقاها رجعت نامت غطاها ومشى يرتب في ملابسها لقاهم كلهم وسيعين شكلها م بتحب الهدوم البتضايق ابتسم راب الدولاب و طلع......... تلفونو رنة لقاهو دا فريد بعد سلم عليهو فريد قال ليهو
=الليلة ح تجونا صح
رضا بتاسف كدا قال ليهو
=م ح نقدر نجي والله
فريد بسرعة
=ليه في شنو
رضا اخد نفس وقال ليهو
=هيام عيانة م بعرف لمن جينا كانت كويسة بس جيت لقيتها محمومة
فريد سألو باستجواب كدا
=وشها كان احمر و عيونها كمان
رضا بدهشة
=اي
فريد كمل وقال
=و كمان طلعت من الحمام وسوت شعرها و قالت عايزة تنوم
رضا بدهشة أكبر
=اي و انت عرفت كيف..
فريد مسح وشو و قال بنبرة قاسية كدا
=عملتو لي هيام شنو
رضا باستغراب
=كيف يعني
فريد بضيق كدا
=هيام م بتمرض الا لمن تقهر و تزعل و زعلها صعب و وشها ببقا احمر و طوالي تجيها حمى
رضا ردا عليهو بعدم معرفة
=والله م عارف انا خليتها زي ساعة كدا وكانت كويسة
فريد قال ليهو
=طيب هي بتبكي ولا لا
رضا قال ليهو
=ايوا بتبكي
فريد قام على حياو وبقت ماشي وجاي قال لي رضا
=معناتو حمتها تقيلة عملت ليها مكمدات
رضا
=ايوا و أيتها خافض حرارة
فريد بقلق
=شوف لغايت ساعة لو م قامت تطلع بيها على أقرب مستشفى
رضا قال ليهو
=طيب
فريد قال ليهو
=خليك جنبها لانو احيانا بتتحرك و هي م حاسة و يمكن تقع من السرير وحاول تعرف هي زعلت للدرجة دي بي شنو
رضا قال
=طيب م تخاف انا ح أكون جنبها...
فريد ودعو و قفل الخط ويقل يقول يا ربي حصل ليك شنو ي هيام........
رضا فضل جنب هيام الكانت بتتحرك كتير وكم مرة قربت تقع حسي انها موجوعة لانو م قادرة تفضل في محل واحد مرت ساعة و هيام حرارتها م نزلت و دموعها بتزيد و عيونها بقو منفخات رضا لبسها العباية و الطرحة و شالها لمن كان نازل هويدا شافتهم وجات جارية وهي م عاينت لي هيام قالت لي رضا
=يعني م عندها رجول تمشي براها
رضا قال ليها
=هويدا نتكلم بعدين زحي من طريقي
هويدا بعناد
=لا ي رضا م زاحة و خلي مرتك تسمعني انت عارف اني بحبك بس انت جيت و اتزوجت البت دي
رضا م فاضي لي نقاشات أسى خاصتا انو هيام حركتها زادت قام اتحرك و لزاها و ي دأب هويدا لاحظت انو هيام م واعية يعني م سمعت كلامها ضربت رجلها في الأرض و جرت لحقت رضا هنوية شافت رضا لبست أقرب عباية و لحقتو رضا طوالي شغل العربية و ختا هيام في الكرسي الورا و هنوية لحقتو و ركبت مع هيام اتصل على فريد وكلمو بالحاصل فريد قال ليهو طيب ح الحقك
هنوية قالت لي رضا حرارتها عالية شديد
رضا قال ليها
=بعد مشيت في زول اتكلم معاها و ضايقة
هنوية ردت بعدم معرفة
=لا لا كانت كويسة لمن خلصنا الجبنة و طلعو الاوض
رضا بفضول اكتر
=طيب م لاحظتي ليها إذا جاها تلفون ولا حصل موقف كدا ولا كدا زعلا
هنوية بتفكير كدا
=ايوا حصل شافت ضربة في يد شهد و عصبت كدا
رضا ضرب الأمور في راسو و قال بصدمة
=عملت شنو ي رضوان........
وصلو المستشفى الدكتورة كشفت عليها و ادتها الأدوية المناسبة و شوية حرارتها نزلت لكن قالو احسن تبيت في المستشفى...
رضا بقى يفكر ح يقول لي فريد شنو لمن يجي....
ام رضا لمحت ناس رضا وهم طالعين سألت هويدا حاصل شنو هويدا قالت ليها م عارفة ام رضا اتصلت على رضا و عرفت انو هيام مريضة و م كلفت نفسها تمشي ليها قالت بكرا تمشي اما شهد كانت نايمة و م سمعت بالخبر رضوان لمن عرف انو رضا طلع طوالي طلع مشي جاب من الحاجات لتعاتو ودساها......
فريد لمن وصل رضا قال ليهو
=انا م عرفت لي شنو هي اتضايقت
فريد قال ليهو
=لا لازم تعرف لانو اقسم بالله م ح يحصل خير للضايقها دا
رضا قال ليه
=لا ليه يعني
فريد مسح وشو وجا وقف قدام رضا وقال ليهو
=لانو هيام صعبة تعرف يعني شنو صعبة انا اخوها لو قامت م بقدر ليها وهي نادرا م تتضايق للدرجة دي و معناتو حصلت حاجة كبيرة لمن وصلتها للدرجة ودي و العواقب م ح تجي سليمة............
رضا قال ليهو
=ح احاول اعرف حصل شنو
فريد قال ليهو
=لا م تحاول لازم تعرف.... عارف عشان تعاقب شهد من قبل قصت ليها شعرها
رضا عاين ليهو بصدمة م كان متوقعا صعبة للدرجة دي معناتو العملتو مع هويدا دا ولا شي هنا صراحة شاف جدية الموضوع وانو العملو رضوان دا م ح يمر مرور الكرام....
فريد قال ليهو
=وين هيام أسى
رضا قال ليهو
=في الغرفة ديك نايمة ومعاها هنوية و بكرا ح نطلعها
فريد قال ليهو
= طيب انا ح أفضل هنا
رضا قال ليهو
=لا انا موجود و م تخلي عمي براهو مع البنات و كل فترة بتصل اطمنك عنها
فريد قال ليهو
=طيب بس جيب اندومي لي هيام عشان دي حاجة بتفرحها
رضا قال ليهو
=حاضر و م توصي حريص
اتخاضنو و ودعو بعض رضا عرف انو الجاي ابدا م خير ولازم يبعد هويدا عن هيام و ي ربي هيام ح تعمل شنو لي رضوان
تاني يوم لمن صحت صحصت حبة لقت هنوية قاعدة عاينت ليها وحاسة رأسها تقيل و عيونها منفوخة...... هنوية عاينت ليها وقالت
هيام غمضت وفتحت قالت ليها بصوت ضعيف كدا
=راسي واجعني
هنوية ابتسمت وقالت ليها
=سلامتك حبيبتي دقيقة انادي الدكتورة
هيام م ردت.. هنوية طلعت لاقاها رضا صبح عليها وقال
=اهاا هيام بقت كيف...
قالت ليهو
=كويسة بس رأسها واجعة
رضا هزا راسو وقال ليها
=طيب انا ماشي اجيب فطور و اجي
هنوية هزت رأسها.... في وقفتهم جو ام رضا و شهد و سناء و هويدا......
رضا قابلهم سلم عليهم و مشى و هنوية ودتهم الغرفة و مشت تنادي الدكتورة
أهل رضا حمدو ليها السلامة و قعدو... هيام م كانت قادرة تفتح عيونها لكن هي سامعاهم رضا جاب الاكل و الدكتورة جات وراهو و طلبت انو يدو هيام نفس شوية فضل رضا قاعد بعد كشفت عليها قالت ليهو
=جبت الادوية
قال ليها
=اي جبتها...
قالت ليهو
=طيب خليها تاكل و اديها ليهو
قال ليها= طيب
الدكتورة طلعت و رضا جا قعد و ختا الصينية قدام هيام و صلح ليها قعدتها و كانت صارة وشها و ي دأب عيونها ظاهرين شدة م منفخين
رضا قال ليها
=سيبي التفكير لي بعدين أسى اكلي
هيام قالت
=م عندي نفس
رضا اخد نفس وقال ليها
=هو منو الطلب رايك أسى تاكلي من سكات
بقا يأكلها غصب و شربها العصير و أداها الدوا...... تاني رجع رقدها قالت ليهو بصوت ضعيف لكن تحس الغضب طالع منو
=العملو اخوك دا م ح يعدي على خير.....
رضا قال ليها
=خلي لي انا بتصرف.......
صح هي تعبانة لكن قالت ليهو
=كلامي وقلتو
و لفتت وشها منو.... رضا اخد نفس و قعد في الكرسي بالجهة التانية من الباب هويدا كانت واقفة تتسمع و بقت تقول يا ربي رضوان عمل شنو.....
بالمسا طلعو هيام لمن رجعو البيت هي كانت نايمة في الغرفة وباقي الأسرة قاعدين تحت رضا جاب اندومي وجا لي سناء وكانت بتتكلم بالتلفون قال ليها
=انا مستعجل شوية شيلي الكيس دا ودي لي هيام و شوفي حرارتها م تكون طلعت تاني و انتي بتتكلمي مع منو....
سناء شالت الكيس سرعة وقالت
=حاضر بتكلم مع صحبتي.... قالتها بتوتر كدا
رضا عشان مستعجل قال ليها طيب... سناء طلعت وهي لسه بتتكلم بالتلفون دخلت و هيام كانت مغمضة لأنها تعبانة بس سامعة صوت الباب..
سنوية كانت قايلة هيام نايمة قالت م دام كدا خليني اقعد هنا احسن م يرسلوني و يعملو لي موضوع
و ختت الكيس الفيهو الاندومي وقعدت في أقرب كرسي وهيام كانت مدياها ضهرها
هيام فتحت عيونها بصدمة لمن سمعت سنوية بتتكلم و بتقول
=بالله الفستان عجبك..... و تتضحك تاني تقول حتى انا قلت كان لازم اضيقو حبة...... طيب حبيبي البتشوفو انت.....
هيام انصدمت بس قالت م تتسرع بس الصدمة الأكبر لمن سمعت سنوية بتقول
=لا حبيبي م مختونة انا......
هنا هيام عرفت انو الزول دا بيلعب بي سناء و حسابو و حسابها هي بعدين بس أسى هي م عندها حيل لكن البتعمل فيهو سناء دا م ح يعدي
سناء كملت ونستها و طلعت يومين عدو على هيام بقت كويسة شوية وجا الوقت التتصرف فيهو مع رضوان بس كيف اليوم داك قامت من الصباح وحاسة روحها نشيطة قامت اخدت حمام دافي و كالعادة لبست هدوم رضا و لفت طرحتها و طلعت كانت الساعة خمسة صباحا طلعت لقت رضا جاي من برا صبح عليها و اطمن
هيام=جاي من وين
ابتسم وقال ليها
=من المسجد بعدها لفيت حبة وجيت
هزت رأسها و مشت عملت الشاي و ختتو و هي بتفكر تعمل لي رضوان شنو
شهد جات صبحت عليهم
رضا قال لي شهد
=وين رضوان
شهد ردت بعدم معرفة
=م عارفة صحيت لقيتو م موجود
هيام هنا عرفت انو م مشي مع رضا وبقت تقول يكون مشي وين شوية جات كل الأسرة شربو الشاي هيام طلعت قالت تشوف البيت حبة
لفت لفت لمن طلعت السطوح بقت ماشة و بتعاين للحلة من فوق و الجو بارد بس سمعت ليها صوت بقت ماشة الا تتفاجأ ب رضوان نايم في الأرض ومن شكلو شارب لمن قال بس يعني هو بقا يشرب هنا و ماف زول عارف....... هنا هيام رجعت غرفتها و بدت في الخطة منها تادب رضوان و م ح تنسى سناء كمان. و أول حاجة لازم تتصل على الزول اللي ح يساعدها و يقدم ليها كل الدعم.
كان قاعد مشغووول شديد.... ابتسم تلقائيا لمن شاف شاشة تلفونو بتضوي بي اسمها... شال التلفون و ختاه في اضانو وقال
=سامعك
=رضوان محمد
ابتسم وقال ليها
=المطلوب
قالت ليهو
=يرجع للدرب الصاح
ابتسم وقال ليها
= اي حاجة تانية...
ابتسمت وقالت
=بوسة لي تبوشة
ابتسم وقال ليها
=وصلت
و قفل الخط.... بعد قفل الخط ضغط على كم حاجة في تلفونو و ختة السماعة في اضانو... بعد الجرس التاني ردا الشخص الاتصال عليهو.... طوالي قال ليهو
=رضوان محمد تجيبوهو لي بأي شكل
الطرف التاني ردا بخضوع لتنفيذ الأمر وقفلو الخط.....
بي هناك هيام قالت م دام موضوع رضوان خلص نجي لي موضوع سناء فتحت دولاب رضا فتشت كدا لقت الحاجة العايزاها ابتسمت ومشت على غرفة سناء
دخلت و لقت الغرفة فاضية فتحت الدولاب و عاينت بابتسامة كدا للمقص الكان في يدها......
بعد يمكن نص ساعة طلعت و دخلت غرفتها و رجعت المقص محلو و رقدت حارسة النتيجة بعد نص ساعة سمعت كواريك و صريخ سنوية.. من محلها م قامت
بي هناك الأسرة كلها مشت غرفة سناء و لقوا سناء قاعدة في الأرض ماسكة ملابسها المقطعة و دموعها عشرة هنوية جرت قالت ليها
=مالك في شنو
سناء عاينت ليها وقالت
=ع... عايني.. ملا.... ملابسي
هنوية رفعتها لقيتها كلها مقطعة قالت ليها بي شهقة كدا
=العمل كدا منو
سناء زادت البكى وقالت
=م عااارفة
امها قالت
=يعني منو ح يعمل كدا
شهد سكتت و لمت خشمها لانو عرفت انو دي هيام جات بتعاين للملابس المقطعة عاينت الدولاب م لقت غير الملابس الوسيعة و هنا اتامدت انو دي هيام...
هنوية قالت ليها
=خلاص م قصة اصلا ملابسك دي كانت ضيقة و م حلوة
سناء عاينت ليها بصدمة وقالت
=دي اكيد انتي عملتي كدا صح عشان كم مرة بتقولي لي م عاجباك ملابسي انتي قصيتيهم
هنوية قالت ليها
=لو دي انا كان بقصهم من زمان اش معنى الليلة
سناء م ردت عليها بس فضلت ساكتة امها قالت ليها
=بعدين نعرف العمل كدا منو عادي تمشي تشتري غيرهم...
اليوم داك كلو وسنوية قاعدة صارة وشيها كلهم كانو موجودين لمن رضا و رضوان جو داخلين طبعا رضا بقا يمشي أمور الشغل من السودان مؤقتا ف بيمشي يشتغل في شركة ابوهو و يمشي شغلو مو هناك وبقا ياخذ رضوان معاهو يمكن يتعلم شوية هويدا كانت قاعدة و لابسة ملابس بيتية كالعادة اول م هيام سمعت صوت رضا و رضوان جدعت لي هويدا توب وقالت ليها البسي هو هويدا حمرت لي هيام بس هيام قابلتها بي نظرة باردة تحذيرية هويدا لبستو و قعدت ناس رضا جو سلمو و طوالي سنوية نطت في رضا وقالت ليهو م شفت ي رضا
رضا استغرب وقال ليها
=مالك...
سنوية بدموع
=في زول دخل غرفتي و قطع لي ملابسي كلهم
وبقت تبكي
رضا قال ليها
=منو هو
سنوية
=م عارفة
رضا عاين لي هيام الابتسمت ليهو ابتسامة خفيفة كدا و هنا عرف انو دي هيام و قال مع نفسو البت دي يومي بتفاجئ بي حاجة جديد
عاين لي سنوية وقال ليها
=طيب بكرة انزلي اشتري ملابس جديدة
سنوية بابتسامة
=تسلم حبيبى و ح امشي انا و هويدا
رضا قال
=و بالمناسبة ي هويدا لازم ترجعي فرنسا بأسرع وقت لانو الشغل و انا ح اخد فترة و ارجع كمان
هويدا عاينت ليهو بصدمة
رضا عاين ليها وقال
=يعني م ح تقعدي هنا عمرك كلو هويدا هزت رأسها من سكات لكن ح تتناقش مع رضا في الموضوع دا......
هيام قالت ليهم عن اذنكم وطلعت ام رضا بي جواها قالت البت دي اصلو م عاجباني و لوت خشمها هويدا استغلت الفرصة وقالت
=لو سمحت ممكن نتكلم حبة ي رضا
وطلعت قدامو... رضا عارف هي ح تتكلم في شنو.. بس م ح يتناقش معاها قام لحقها
رضوان لقا الوضع خالي طوالي اتزحف طلع برا و من طلعتو كانت في عربية واقفة بتراقب الباب
لحقتو طوالي و هيام كانت شايفة اي شي من السطوح
رضوان وقت وصل نهاية الحلة العربية اتفتحت وجرو رضوان جوا......
هيام تابعت المنظر من سكات و ابتسمت نزلت وقالت
=عشان تاني تمد يدك على اختي
هويدا بقت تجوط مع رضا انو هي عايزة تقعد هنا معاه و كلام كتير بس رضا صداها وطلع... هويدا زهجت و مشت غرفتها وكانت الصدمة لقت هدونها ملمومة في الشنطة و الدولاب فاضي...... م خطر في بالها حاجة غير انو البيت دا مسكون مرا ملابس سنوية و مرا ملابسها بقت تعاين في الغرفة
هيام دخلت الغرفة وقالت حسابك لسه م خلص ي سنوية....
رضوان بعد شالوه لقا نفسو في غرفة ولا مكتب هو حاجة فاخرة كدا و هو مربوط في الكرسي كان الموضوع زي كانو عايش في فلم ولا مسلسل سمع صوت الباب بتفتح وجا داخل راجل
و صراحة رضوان م اطمن ليهو كان مكفكف يدين قميصو و م شاء الله معضل كدا جا قعد قدام رضوان وقال ليهو
=معقول ي رضوان زول يعمل زي عملتك دي
الراجل جا قعد قدام رضوان وقال ليهو
=معقول ي رضوان في زول يعمل زي عملتك دي
=انا متأكد اني شايفك في محل قبل كدا عايزين مني شنو
الراجل هزا راسو وقال ليهو
=معقول تنسى الزول الوزع الحلاوة يوم عرسك.... هو اصلا راسك دا غير الشراب ضربو شنو
رضوان قال ليهو
=ايوا اتذكرتك دا انت يعني عايزين مني شنو
الراجل قال ليهو
=ايوا انا... انا دايرين منك شنو ح اعرفك على نفسي.. دكتور بهاء الدين... دكتور نفسي و متخصص في علاج المرضى النفسيين و مرضى الادمان
... وانت حاليا موجود في المستشفى يعني نحن هنا عشان نعالج... وكل م استجبت للعلاج بسرعة كل م يكون موعد طلعوك من المحل دا أسرع.... و ختم كلامو بابتسامة
رضوان قال ليهو
=انااااا م عااايز اتعالج فكوني منو القال ليكم انا عايز اتعالج ها مرقوني
بهاء قال ليهو
=انت غلطة اكبر غلط في حياتك يوم مديت يدك على شهد اخت هيام
رضوان عاين ليهو بي صدمة وقال
=يعني دي شهد الخاينة عملت كدا تصبر لي لمن ارجع...
بهاء هزا راسو وقال
=انت فهمك ضيق... شهد م هي العملت كدا
رضوان قال ليهو
=ومنو طيب
بهاء عاين ليهو بابتسامة
=كلها ايام و ح تعرف بس اول لازم نادبك حبة لانو رفعت يدك على مرا
رضوان قال ليهم
=ح تعملو شنو ابقو رجال وفكوني عشان اوريكم انا قادر اعمل شنو بكسركم واحد واحد بيدي دي
بهاء ردا بهدوء كدا
=لا لا لا لا لا نحن م بنستخدم يدينا في العقاب انت عاقبت روحك بي روحك
رضوان قال ليهو باستفهام
=قصدك شنو...
بهاء قال ليهو
=حسب معلوماتي انت بتتعاطي و بتشرب كمان و ي سيدي زمن الجرعة لمن يجي جسمك ح يفتش وين الجرعة بس للأسف م ح تلقاها و تبدأ تحس بالألم و نظرا لي نوع المخدرات الانت بتاخدة ح يكون ألم كبير م ح تتحملو لكن ح تعيش.. بس في احتمال تموت برضو لكن نحن بإذن الله م ح نخلي الاحتمال التاني يحصل...... بس برضو عشان نادبك يومين تلاتة كدا م ح نديك الأدوية البتساعد على تخفيف الألم يعني لازم تتحمل عقاب بسيط مقارنة بالحاجة العملتها.........
رضوان حسي انو فعلا الموضوع م ح يعدي على خير... بس منو منو العمل كدا..... وقال مع نفسو اكيد دي شهد م غيرا تصبر لي.... بس لازم اطلع من المكان دا
بهاء كدكتور نفسي عرف رضوان بفكر في شنو قال ليهو
=م تفكر حتى مجرد تفكير تحاول تطلع من المحل دا... نحن البدخل عندنا م بيطلع زي م كان
رضوان قال ليهو
=قايلني مقطوع من شجرة انا عندي أهل يفتشو عني و اكيد إذا م لقوني ح يبلغو الشرطة
بهاء بابتسامة عريضة
=و انت قايل شغلنا دا بنعملو كدا على الهوى ساي لا ي حبيبي كل حاجة هنا مخطط ليها بأدق التفاصيل
رضوان عاين و بدأ يفكر ح يحصل شنو... قطع تفكيرو ضربات خفيفة على الباب عاين لي بهاء
بهاء قال بهداوة
= اتفضلي ي تبيان
انفتح الباب جات بت عمر 13 سنة شايلة دبدوب ابيض جات قالت ليهو
=بابا انا جعانة
قال ليها
=طيب ي حبيبة بابا دقيقة اتصل على عمتو خلود تجيب لينا الاكل
قالت ليهو طيب بهزة رأس و عاينت لي رضوان المربوط وقالت
=بابا وهو كمان مجنون
رضوان عاين ليها وعاين لي بهاء
بهاء قال ليها
=هو م مجنون بس راسو زحة حبة من محلها
هزت رأسها وقعدت بهاء عمل تلفون جو رجال شالو رضوان....
بهاء الدين دكتور نفسي في نهاية الثلاثينات عندو بتو تبيان أو تبوشة امها متوفية... علاقتو بي هيام تعرفوها لي قدام
..............
في بيت رضا هيام مشت دقت الباب على سناء سناء قالت اتفضل هيام فتحت الباب وقالت
=تعالى ي سناء عندي معاك كلام
سناء استغربت لانو هيام نادرا م تتكلم معاها قالت ليها
=في شنو
هيام قالت ليها
=تعالي و بطلي نقاشات سرعة
سنوية قامت لحقت هيام و طلعو السطوح لقاها فارشة فرشة وخاتة مخدات و فوشار و عصير سناء الحيرة شالتها هيام قالت ليها اقعدي سناء قعدت و هيام جات ربعت قدامها و ختت المخدة في رجلها وقالت ليها
=اسمعيني كويس ي سنوية و م تقاطعيني كويس
سناء هزت راسها
هيام اخدت نفس وقالت
=انا قطعت ملابسك ي سناء...... سناء كانت عايزة تكورك هيام أشرت ليها بي عيونها وكملت...... ايوا انا و لو عايزة تتامدي اسألي شهد و م ضروري تقولي علاقة شهد بالموضوع شنو... يمكن انت تشوفيني باردة وقاسية... وفعلا انا كدا ودا طبعي و م بقدر اغيرو ولو قدرت م ح اغيرو... شوفي ي سناء انا مكالمتك مع الولد اليوم داك سمعتها كلها و م كان عندي القدرة احاسبك كان كسرت تلفونك.... عايني هنا انا عارفة وانتي عارفة انو الولد دا بيلعب بيك.. بس م بعرف انتي مدياه مجال لي شنو... لو بحبك كان بقول ليك كان تضيفي الفستان شوية... ولا يسألك مختونة ولا لا...... ولا المصيبة م هنا النصيبةانو انتي فاتحة ليهو المجال.... بكرا يمسك يدك و بعدو يلعب بعقلك و تروحي نفسك و اهلك في داهية.... شوفي هنا...... انت كبيرة و واعية و فاهمة ولي شي البخليك تصدقي كلام ولد شنو.... لو بحبك كان جا بالباب م قعد يسهر معاك و يغشك وقالو المرة غير اضانة دي حاجة بتروحها تاني ماف... يعني يقول ليك الكلام الحلو وانت ي فارة تصدقي... ايوا بقول ليك ي فارة لانو ختا لي شرك و طماطمية عاملة زي القلب وانتي صدقتي وجريتي وقلت دا الحب... م تقولي لي بس وبس انتي عارفة وانا عارفة.... تلفونك وينو
سناء مدتو ليها هيام قالت ليها
=اتصلي عليه وافتحي الاسبيكر
سناء م عارفة بس حاسة انو كلام هيام دا منطقي شديد اتصلت عليه و بعد تأتي جرس ردا
وقال ليها
=هلا حبيبي اخبارك
سناء سلمت عليه هيام جابت ورقة وقلم و كتبت ليها قولي ليهو ضيقت الفستان و أسى بقا حلو
سناء لمن قالت ليهو كدا
قال ليها
=تعرفي حبيبي ح تطلعي حلوة و بدأ يقول في كلام م ياهو.... سناء فصلت الخط في وشو و عاينت لي هيام و نزلت عيونها
هيام قالت ليها
=و طبعا دي م اول مرة يقول كلام زي دا.... سماء هزت رأسها.... هيام واصلت كلامها
=ترضى ي سنوية تنزلي رأس أهلك بالشكل دا و لو بحبك قولي ليهو ي تجي بالباب ي الباب البينا اتقفل..... هيام كملت كلامها و تلفون سناء رنة و ظهر اسمو على الشاشة
سناء عاينت لي هيام و هيام أشرت ليها بمعنى اتكلمي سناء اخدت نفس وقالت ليهو
=اسمعني هنا و م تقاطعيني انا م بقدر اكمل معاك و انت لو عايز تكمل معاي ي تجي بالباب ي مع السلامه و م عايزة منك رد الرد تردو لي ابوي
قال ليها
=كيف يعني
سناء قالت ليهو
=السمعتو
بقا يضحك وقال ليها
=عايني انا لي زمن بسايس فيك و انتي كنتي عاملة تقيلة و القروش الصرفتها عليك كتييرة عشان اجيب راسك يعني قايلة الموضوع انتهى لا لا ي حلوة عندي ليك كم صورة كدا أمكن اخوك م ح يحبهم
سناء عاينت لي هيام هيام قالت ليها ردي
سناء قالت ليهو
= م عرفتك واحد تافه للدرجة دي الله ينتقم منك
ضحك وقال ليها
=دا مهم المهم ي تجي عندي ي صورك بكرة ح يكونو مع اخوك...و طق قفل الخط
سناء عاينت لي هيام بعيون باكية هيام قالت ليها
=بتبكي مالك قايلاني م متوقعة الكلام دا م تخافي ي حببتي بكرة تلقى التلفون عندك دي خليها على...
سناء حضنتها وقالت ليها ي ريت كل الناس زيك
هيام قالت ليها
=ي ريت لو شهد بتفهم سريع زيك
سناء زحت منها وقالت ليها حتى شهد كمان اتورطت زيي
هيام ابتسمت وقالت ليها
=لا م اتورطت شهد كانت أذكى منك شوية كدا بس انا لمن حاولت ابعدها و قعدنا نفس قعدتنا انا وانتي هي كانت عنيدة وراسها ناشف قامت خلتني فاطريت الجئ لأسلوب العقاب
سناء قالت ليها
=و اللي هو
هيام ابتسمت وقالت ليها
=قص الملابس و حرقها و قص الشعر و الضرب
سناء عاينت ليها بصدمة وقالت
=يعني انا أسى لو م سمعت كلامك كان ح تقصي شعري ولا تضريبني
هيام قالت ليها
=و عندك شك
سنوية سكتت تاني قالت
=يعني أسى شعر شهد دا انتي قصيتيهو
هيام قالت ليها
=سيبي الأسئلة الكتيرة
سناء سكتت هيام قامت اتصلت على بهاء و ادتو اسم الزول المعاهو صور سناء و رجعت
رضا كان سامع كل الحوار و نزل قبل م يصلو حتت الصور دي يعني م سمعها و عرف انو هيام دي زولة نادرة في الوجود
هنوية كانت بتفتش في سناء و اثناء م بتفتش لقت رضا قاعد و يتبسم ساااي
سنوية قالت ليهو=خير ان شاء الله قاعد تتبسم براك كدا....
هنوية قالت ليهو=أن شاء الله دايما كدا
رضا=امين جمعا يا رب
هنوية =بالمناسبة م شفت سناء
قال ليها=قاعدين في السطوح هي وهيام
هنوية باستغراب=هيام و سناء في محل واحد
رضا ضحك وقال ليها=والله هيام دي زيها ماف اتنين تمشي الحقيهم عاملين عصاير و حاجات
هنوية ضحكت وقالت ليهو
= طيب اسوق شهد و امشي م اخليها براها
ابتسم وقال ليها
=عايني أسى ح اتصل ليك خلي الخط فاتح و اسألي اي وحدة نفسها في شنو
ابتسمت وقالت
=الله يحفظك لينا
=امين وانتو معاي
هنوية مشت ساقت شهد و مشو السطوح لقو هيام و سنوية قاعدين يعاينو في الحلة
هنوية قالت ليهم بهظار =ي خاينين عاملين قعدة و نحن م معاكم
سنوية ابتسمت وقالت ليهم=معليش بس كانت قعدة خاصة
هنوية بضحكة=بالله و نحن برا يعني
هيام المرا دي ردت وقالت
=تعالو اقعدو م فاتكم شي
هنوية قالت ليها=هو لو م عزمتينا ح نقعد يلا تعالي ي شهد
شهد عاينت للمحل و عرفت ناس هيام قاعدين هنا لي شنو جات قعدت من سكات
اتكلموا حبة هنوية قالت ليهم=انتو أسى نفسكم تاكلو حاجة ولا نفسكم في حاجة
شهد قالت=نفسي اسافر لي زمن م سافرت امشي محل بعييد و اكل منقة اخخخ بحب المنقة انا
...
... سناء =انا نفسي في شبسي بطاطس بالشطة و الليمون
هيام ضحكت وقالت ليها=اححح شهيتيني
هنوية نطت وقالت=اول مرة اعرف انو عندك وجنات
شهد قالت=لانو م بتضحك طوالي
سنوية قالت =لا نحن ح نضحك كتيير عشان نشوفهم
هيام ابتسمت ليهم هنوية قالت ليها
=اها نفسك في شنو...
هيام قالت ليها=طعمية من محل عم عثمان ياااه المدرسة قفلت تاني م اكلت.... وانتي نفسك في شنو
.... وانتي نفسك في شنو=انا عايزة باسطة احححح
بقو يضحكو
رضا فصل و مشا يجيب الحاجات.... في نفس الوقت رضا بقا يفكر رضوان دا اختفى مشي وين.... ح يفتش عليه بعد يجيب الحاجات
الوقت كان عصر لمن البنات عملو القعدة.... بهاء اتصل على ناسو و شال معلومات من هيام عن الزول المعاهو صور سناء و الرجال مشو طوالي بقو يراقبون بيتو مستنين الليل يجي.....
رضا اتصل على هنوية نزلت شالت منو الحاجات و شكرتو و قال ليها تخلي الخط فاتح عايز يشوف ردت فعل البنات
اول م هنوية طلعت و ختت الحاجات و البنات مستغربين في شنو جو الأكياس لمن فتحتهم طوالي بقو يصرخوا لكن براحة
سنوية قالت وااااي شبسييي و اكتر من كيس كتتتار هيام ابتسمت وقالت امممم وين طعميتي
هنوية قلبت الكيس و طلعتها
هيام قاالت=يااااه ايااام لكن و الشطة
هنوية مدت ليها الكيس هيام قالت=دقيقة اجيب رغيف و اجيكم
كلهم هزو رأسهم هيام نزلت لقت رضا في المطبخ بيشرب عصير ابتسمت وقالت ليهو
=شكرا
رضا قال ليها=على شنو
هيام قالت ليهو=على الحاجات
رضا =و منو القال ليك انا جبتهم
ابتسمت وقالت ليهو
=انا أذكى من م تتخيل
قال ليها
=بتشكري في نفسك
شالت الرغيف وقالت
=لا بس بذكرك
وطلعت رضا في راسو بيقول البت دي يومي بتفاجئني...... طلع من المطبخ تلفون رنة إعلانا عن وصول رسالة
فتحها لقاها من رضوان..........
رضوان بي هنا دخلو الغرفة و فكوهو الغرفة كانت نضيفة و فيها سرير و حمام و اي شي بس شبابيكها زي شبابيك السجن كلها مقفلة و الأبواب تقيلة و مقفولة من برا بقا ماشي وجاي جوا الغرفة و بقول اصبري لي ي شهد أن م اوريك كيف تشتكي علي
رضا فتح الرسالة و كانت طويلة و مكتوب فيها
=(م تفتش على ي رضا انا طلعت و مشيت محل احسن و ح ارجع أن شاء الله بس ح ارجع انسان جدي متغير و جديد.... ح ارجع رضوان قبل تمنية سنين...... م تتعب نفسك و تفتش على لانو مهما عملت م ح تلقاني..... م تقول انا شردت لا بالعكس مشيت بارادتي و ح ارجع بارادتي بإذن الله.... و اعتذر لي شهد بالنيابة عني ودي اول خطوة من التغيير الح تنصدم لمن تشوفني ...... و الناس إذا سألو قول ليهم رضوان بقا راجل و مشى يامن مستقبل ليهو ولي مرتو.... ابقو عشرة على نفسكم لغايت م انا اجي ابقا عشرة عليكم....)
_______________________________________________
...... بالليل كان زول سناء نايم اصلا هو قاعد في بيت العذابة... رجال بهاء دقوا الباب وكان موجود في البيت يمكن سبعة اولاد غير زول سناء...... قام واحد من الأولاد فتح الباب و لقا رجال بهاء واقفين و كلهم م شاء الله شكلهم رجال شرطة حتى لابسين بدلات شرطة
الولد انصدم وقال
=سيادتك في اي حاجة...
رجال بهاء كان يمكن تمنية نفر مسكو الولد و دخلو جوا حاصرو زول سناء و رفايقو الرئيس بتاعهم بقا ينادي باسم زول سناء... وطبعا كل الشباب اشرو عليه واحد من الرجال مشي جاب كل أجهزة البيت من تلفون لي لابتوب لي غيرو و دخلهم كلهم في شنطة و فتشوهم كلهم و م خلو جهاز معاهم وقال ليهم
=بكرا اجهزتكم ح ترجع بس عندنا فيها شغل الأول و انت (زول سناء) عندنا معاك بكرة كلام...
و طلعو خلو كل الشباب يقومو على زول سناء و يستفسرو الحاصل شنو وهو بذات نفسو م عارف في شنو.... و باقي الليل داك م نامو.... و خاتين انو ح يتقبضو ولا حاجة.....
الناس الجو بيت الشباب هم فعلا شرطة و دكتور بهاء دا عمل حاجة ليهم بتخليهم يحترموه ويقدروه و عارفين انو م بيعمل حاجة غلط.....
الرجال اتصلو على بهاء وكلمو انو شالو اي حاجة ممكن يختو فيها صورة.... بهاء اتصل على هيام و سالها إذا عايزين الأجهزة ولا يمسحوها .... هيام كلمتو انو يمسحو اي شي وفعلا جابو مختص و مسح اي حاجة........
رضا راسو شطب و دور عربيتو مشي الشركة لي ابوه و وراه الرسالة.......
أبو رضا احتار يعمل شنو و معقول رضوان ناوي يتغير بالجد... ابوه طلب منو يرسل كم نفر يفتشو عليه يمكن يلقوه بس للأسف مافي اي حاجة....
رضا م ختا احتمال انو هيام تكون ورا الحاجة دي ابدا ولا بالغلط.....
هويدا لمن البنات كانو قاعدين يتونسوا ويضحكو هي النار شابة جواها و هي خلاص طياتها اتحددت بعد يومين و م ح تخلي رضا لي هيام و مهما كان الح تعملو عشان رضا يكون ليها........
رضا م قادر يكلم امو بالكلام دا و ح يوريها كيف بس قال احسن تعرف و فعلا لما الأسرةو كلمهم بقرار رضوان..
الكل كان منصدم الا هيام دايما هالة البرود دي بتكون محاوطاها............
شهد هدت شوية وقالت نحن المفروض نمشي لي بابا بكرة بس هو م موجود.....
هيام قالت ليها م تخافي ح نمشي كدا
ام رضا قالت ليهم
=اسمعوني كويس عايزين يقول نسوان اولاد مرت محمد مبشتنات شوفو حنتكم ونورة العرس ذاتها راحت قومو قومو أسى في باقي الليل دا نجهزكم هناء و سناء كانو مؤيدين الفكرة وهيام م عاجبها الموضوع......
المهم في ليهلم داك ادخنو و قالو تاني يوم يمشو يرسمو ليهَم......
تأتي يوم الواطة أصبحت كالعادة رضا بقوم قبل هيام قام من الكرسي البنوم فيهو لقا هيام نايمة و كان قبل أذان الفجر تلفونه ضوا و نزلت رسالة مكتوب فيها(تمت المهمة)
رضا استغرب مهمة شنو و الزولة دي بتخطط لي شنو قرأ اسم المرسل مكتوب(أبو تبوشة) قال مع نفسو
=مهمة شنو و تبوشة منو و ابوها زاتو منو....
الأفكار بقت تتطاقش في راس رضا بس قال احسن م ادخل و أوجع راسي وهي من تلقاء نفسها ح توريني مشي اتوضى و مشى الصلاة........
و كالعادة اتمشى حبة ورجع لقا هيام سوت الشاي وناس البيت قاموا....
هيام قالت ليهو =الليلة بعد م نطلع من ابوي عندي مشوار صغير عاوزة توديني ليهو
رضا قال=طيب إن شاء الله
ردت =إن شاء الله و قبلها نمر علي السوق
قال ليها=حاضر
ابتسمت وقامت دخلت اوضتها
...... الساعة تمنية طلعو مشو رسمو ليهم و رجعو الساعة اتناشر مشوا بيت ابوهم
وكان السلام حار..... طلعو آخر بتين وخلو البيت فاضي وراهم
قعدو في صفا يتونسوا و يضحكو
أبو فريد لاحظ انو رضوان م موجود فقام سأل رضا وقال ليهو
=وين رضوان ي ولدي م شايفو جا.....
رضا ردا بهدوء
=مشي عشان مستقبلو و مستقبل مرتو
صح أبو فريد م فهم حاجة بس فضل السكات
كانت الونسة حلوة واللمة احلى بس لازم يرجعو على وعد الغيبة م ح تطول.... لانو البيت قرييب و بالرجول بيمشو لي....
قبل م يطلعو فريد مسك هيام وسالها وقال ليها
=مبسوطة
هيام ابتسمت وقالت ليهو
=الحمدلله
ابتسم وقال ليها
=أن شاء الله السعادة تكون رفيفتك
قالت ليهو
=امين يارب....
و ودعتو و طلعت....
بعد طلعو وصلو شهد ومشوا السوق هيام اشترت حلاوة و دبدوب ابيض كبييييييير و قالت لي رضا
=امشي مستشفى "....."
رضا استغرب لانو دا مستشفى مرضى نفسيين فسمع الكلام و مشى اول م دخلو جوا المستشفى تقريبا المستشفى كلها بتعرف هيام من دكاترة و ممرضين لي المرضى هيام أدت حلاوة لي رضا وقالت ليهو وزع وكل الناس تسلم عليها معرفة زمااااان وصلو ممر كدا كان في راجل و ماسكة يدو بنوتة صغيرة......
اول م شافت هيام جات جاااااارية وقالت
=هيووووومةة
هيام فتحت ليها يدها وقالت
=تبوووشششة
ورضا دي اول مرة يشوف هيام بتتضحك...... لقا روحو تلقائيا بيبتسم لي ابتسامتها
البت فضلت متعلقة في هيام و م راضية تفكها قالت لي هيام
=بقيتي م بتجي
هيام قالت ليها
=كلهم تلاتة اسابيع
البت قوست خشمها بزعل كدا وقالت
=و عملتي حنة و م عملتي لي
الراجل اتحرك وجا وقال للبنوتة
=طيب حبيبة بابا بعدين نمشي عمتو خلود توديك يسو ليك
نطت بفرحة وقالت
=بالجد
ابتسم وقال ليها
=والله
حضنتو وقالت ليهو
= ي سلااااااام
هنا رضا عرف انو دي تبوشة ودا أبو تبوشة بس المهمة التمت دي شنو
هيام سلمت على بهاء و عاينت لي رضا وقالت ليهو
=شكلك م متذكرو
بهاء قال=انا كنت موجود في عرسك نسيتني بالسهولة دي
رضا حكا راسو وقال ليهو
=معليش ياخ
بهاء ابتسم و مدا ليهو يدو وقال
=بهاء الدين ولد خالة هيام و اخوها في نفس الوقت
رضا قال ليهو بتذكر كدا
=ايوا اااا انت كنت بتوزيع حلاوة على المعازيم يوم العقد
بهاء ابتسم وقال ليهو
=ايوا بالضبط
رضا سلم عليه تاني وقال ليهو
=اخبارك و صحتك
بهاء عاوز يرد بس تبوشة قالت
=بابا ارح لسه م كملنا اللفة
هيام قالت =طيب ارح نلف انا وانتي ونخلي بابا يتكلم
تبيان هزت رأسها و مسكت يد هيام هيام أشرت لي رضا و رضا هزا ليها راسو بمعنى امشي
بهاء قال=تبوشة ودي هيومة تشوف المريض الجديد
تبيان ابتسمت وهزت راسها.....
بهاء قال لي رضا
=اتفضل نشرب كباية شاي
رضا قال ليهو
=يلا....
_______________________________________________
تبيان مشت مع هيام لغرفة رضوان غير الأبواب و الشبابيك في شباك من قزاز بخلي الدكتور يتابع حالة المريض من برا و الشباك م بيتكسر هيام جات وقفت قدام الشباك و رضوان كان راقد في السرير...
لانو قبل ساعتين كان بفرفر في الأرض من الألم لانو م اخد المخدر...
حسي بجية زول رفع عيونو لقا هيام و تبيان واقفين و يعاينو ليهو نطا من السرير و جا وقف قدام الشباك...
هيام رفعت يدها و عملت ليهو كدا
وقالت ليهو
وقالت ليهو=اخبارك
رضوان عاين ليها بصدمة وقال
=دي انتي صح انتي الجبتيني هنا
هيام ميلت رأسها و ختت يدها في خدها كأنها بتفكر وقالت
=و متوقع منو يعني
رضوان ضرب القزاز بي يدو وقال ليها
=لي انا عملت ليك شنو بس خليني اطلع
هيام ابتسمت وقالت
=مديت يدك على اختي.... ولو على الطلعة تنساها خالص
رضوان ضرب الشباك تأني وقال
=دي اكيد هي ورتك وجات بكت ليك عشان تنتقمي مني مش.....
هيام مطت شفايفة وقالت
= انا م بنتقم انا بأدب بس م اكتر
رضوان بقا يكورك وقال
=و تطلعي منو انتي اصبرو لي اطلع
=هيام ضربت القزاز وقالت ليهو
=خشمك اقفلو و صوتك وطى و انت المرة دي عاقبتك على الخفيف لكن التانية م تتوقع مني اعديها ليك زي دي
رضوان م اتوقع منها تصرف زي دا ابدا.... هيام طلعت تلفون رضوان من شنتطها و فتحت الرسالة و ختت التلفون جنب الشباك وقالت ليهو
=دا بالضبط الح يحصل و لمن يحصل انت ح تطلع بس لو م حصل..... سكتت و مطت شفايفة بتكفير وقالت... م اتوقع ح تكون طلعتك قريبة
رضوان قرأ الرسالة مرة مرتين تلاتة هو زاتو م عارف بقا يعاين للرسالة و يعاين لي هيام.....
هيام قالت ليهو
=مع السلامه ي راجل اختي اشوفك بعد راسك يرجع محلو...
كان في ستارة بي برا نزلتة و مشت
رضوان رجع السرير وقال
=دا شنو الانت فيهو ي رضوان......
________________________________________________
ب هناك مع بهاء و رضا
رضا قال
=هيام علاقتة بالمستشفى شنو و شايف كل الناس بتعرفه
بهاء ختا كباية الشاي وقال
=قبل سنتين جاتنا هيام كمريضة... بعد وفاة امها بقا كلامها قليل و حالتة زي م انت شايفها أسى.... ابوها لمن شاف انو وضعها ماشي للأسوأ اتصل على وكلمني بحالتها وقررنا نعمل ليها جلسات ......
بس في كل جلسة م كنا بنتحصل على أي نتيجة كان الحال في حالو... بس هيام كانت زي الدكتورة لانو المرضى التانيين كانو بيتجاوبو معاها و طول الفترة الجات هنا مرضى كتاار بقو كويسين وطلعو..... إلا هي فضلت هيام الباردة القاسية....
و م شاء الله ذكية و واعية و عارفة حاجات نحن م بنعرفها يمكن..... و رأسها خفيف م شاء الله...
و عندها حاجة صعبة فيها أي حاجة و لا تلمس واحد من اخواتة... لمن كان عمرها 13 سنة اختها القبل فريد جات من بيت راجلها زعلانة و راجلة مزعلة لسبب و شكلهم اتشاكلو لانو كان في إثر أصابع في وشها..... م تتخيل هيام زعلت قدر شنو اول جاتها حمى أربعة يوم نايمة في السرير لمن بقت كويسة ب يومين جا راجل اختها ندمان وكدا تصدق ضربتو بالطوة حقت البيض كف.... وقالت قدامهم كلهم اي شي ولا اختي...
ابوها رجعها المصحة تاني بس زي الاول م في نتيجة بس بقت تتحكم في تصرفاتها اكتر يعني بتخطط كويس بعدين بتنفذ... بعد م طلعت من هنا بقت تجي كل أسبوعين هنا و المرضى بريدوها شديد...... خصوصا تبيان بتي دي متعلقة فيها كانو امها.......
رضا كان بسمع وقال مع نفسو =هل هيام ليها علاقة بطلعة رضوان من البيت
رضا قال ليهو=ايوا صح كلامك ولاحظت لي تصرفاتها...
بهاء قال ليهو=لكن طيبة وقلبها ابيض و م في زيها اتنين بس عندها حدود م لازم الواحد يعديهم
رضا ابتسم وقال ليهو =ايوا صح كلامك......
بهاء ضحك وقال=تصدق راجل اختها بقا يحسب الف حساب قبل م يتشاكل مع مرتو..... كان موقف غيتو ام الراجل قالت الا يطلقو اخت هيام و جررة كتيرة بس الحمدلله الراجل كان متمسك بي اختها ولا كان أسى تكون قاعدة في البيت
رضا ابتسم وقال =كانت متهورة قدر دا...
بهاء قال ليهو =اي والله أسى بقت راكزة و تعرف تتصرف صح كانت الزمن داك لسه صغيرة
رضا قال=و لي أسى هي صغيرة
بهاء قال=لي اليوم في علامة في وش راجل اختها و هو يضحك كل م يتذكر الموقف....
رضا اكتفي بانو يبتسم وقال مع نفسو =عجية وقوية ي هيام......
رفع راسو شاف هيام و تبيان جايين و بتونسو و بضحكو ابتسم وقام على حيلو.... هيام جات ودعتهم و ان شاء الله ح ترجع قريب.... أدت الدبدوب لي تبيان و ودعتها و طلعو......
في البيت هويدا بما انو طيارتها بكرة قررت تستخدم اسلوب الإغراء مع رضا ولازم تنجح بأي شكل مشت حضرت عشا راقي في غرفتها و فستان اسود و اخدت حمام طويييل و اتمكيجت و اتظبطت و حارسة رضا يجي...
رضا وهيام كانو في الطريق لمن هويدا اتصلت على رضا و بما انو رضا سايق قال لي هيام افتحي الخط و افتحي الاسبيكر.....
هيام فتحتو وجا صوت هويدا برقة و انوثة قالت
=الو رضا انت وين
رضا عاين لي هيام وهيام كانت بتفكر انو هويدا دي بتخطط لي حاجة عاينت لي رضا الكان بعاين ليها و أشرت ليهو على التلفون يعني رد
رضا قال لي هويدا
=في الطريق انا في اي حاجة
هويدا ضحكت ضحكة خفيفة كدا وقالت
=في شوية حاجات بتخص الشغل لازم نتناقش فيها قبل م اسافر لمن تجي ح أكون موجودة فى غرفتي........ هيام سمعت صوت خطوات هويدا من التلفون ومن الصوت شكلها لابسة كعب..... هنا هيام ابتسمت و عرفت البتخطط ليهو هويدا
رضا قال ليها
=تمام.. وشال التلفون فصل الخط
هيام قالت لي رضا.
هيام قالت لي رضا
=لو ممكن اطلب منك طلب....
=اتفضلي.....
هيام قالت ليهو..
=عايزة طعمية من محل عمو عثمان و نفسي في باسطة ممكن....
ابتسم وقال
= طيب...
قالت ليهو
=نزلني البيت وانت امشي جيبهم
قال ليها
=طيب
ابتسمت و بقت تعاين في الشارع..... هيام م كانت عايزة اي حاجة بس هي حابة تخلي رضا برا البيت لي مدة كويسة
نزلها و مشى يشتري الحاجات.......
هيام دخلت و ابتسمت مشت على غرفة هويدا و دقت الباب وفتحتو و دخلت الغرفة كانت مضلمة اول م دخلت هيام الريش جا واقع فوقها و الاضواء انفتحت طبعا هيام واقفة و مربعة يدها...... هويدا لمن شافت هيام ملامحة اتغيرت..... قالت لي هيام بي عصبية
=انتي الجابك شنو
هيام ابتسمت وقالت
=امممم جيت اشوف المفاجأة العاملنها لي
و مشت قعدت في طاولة العشا وبدت تاكل و شربت العصير هويدا قالت ليها
=بتعملي شنو انتي مجنونة
و مسكت يدها لي هيام....... هيام رفعت عيونها وقالت ليها
=امممم فستانك حلو بس عايز شوية تعديل
و قامت جرت يدو و قطعتها و شالت العصير في الكباية التانية و شتو فيها هويدا شهقت وقالت ليها
=ي مجنونة انتي
و كانت جاية على هيام هيام قعدت في الكرسي وقالت ليها
=م تحاولي حبيبة تقربي على أو تلمسيني حتى
هويدا بقت تعاين ليها وقالت ليها
=رضا دا انا حبيتو قبلك و هو لي انا
هيام عاينت ليها برفعة حاجب وقالت
=و يعني لو بتحبي تعملي كدا
و أشرت على هويدا و الغرفة و الأكل
هويدا قالت ليها بكواريك كدا
=و بعمل شنو يعني انا قدام عيونو لي ستة سنين بس في الاخر تجي بت م بعرف من وين تخطفو اسمعيني هنا رضا بالحسنة أو بغيرها ح يكون لي سواء عجبك ولا م عجبك....
هيام قالت ليها
=دي شنو حركات المسلسلات دي ريش و زينة و م عارفة.... شوفي هنا رضا و عرستو في حاجة تانية...... و الأسلوب البتستخدمي فيهو دا م بيمشي لا معي لا معاك... يعني ي تتادبي ي اادبك انا...... و أسى المي الغرفة دي م ألقاها كدا
هويدا عصبت كيف يقولو ليها كدا جات على هيام و خنقتها.... المتوقع انو هيام تفرفر أو تصرخ لكن لا هيام ابتسمت ليها لمن هويدا خافت و فكتها و رجعت ورا هيام قالت ليها
=لا بالله كان تكتليني رجعتي مالك
هويدا بقت تعاين لي هيام هيام وقفت على حيلة وشالت الصحن التاني وبقت تأكل وقالت
=شوفي ي عسل انتي انا م بينفع مع اللف الكتير والله والله خمسة دقايق اجي القى الغرفة دي زي دا م بيحصل خير.......... و ضربتها كف وقالت
=ودي عشان حاولتي مجرد محاولة تغري رضا... مع اني عارفة انو رضا ح يوقفك عند حدك... بس المواجهة اخلي لمن تكون بت لي بت و مشت فتحت الباب و ابتسمت ليها وقالت
=بالمناسبة الاكل حلو و اتذكري خمسة... خمسة دقايق... ختمت كلامها بابتسامة و قفلت الباب هويدا وقفت تعاين للباب و مسكت وشها بصدمة وقالت
=قايلاني ح اسمع كلامها متخلفة هي ولا شنو
وقعدت في السرير و بقت تعاين للغرفة تاني قالت
=اقوم المها
تاني قالت وانا مالي و دخلت الحمام....
هيام لمن طلعت مشت الصالون قعدت شويتين ورضا جاب الحاجات وجا.... هيام ابتسمت ليهو وهو بي دورو ابتسم ليها جا ختا الحاجات وقال ليها
=ناكل
ابتسمت وقالت ليهو
=دقيقة انادي ناس البيت
قال ليها
=تعالى هنا سناء وهناء مشو السوق و شهد و امي طلعو الجيران و أبوي في الشغل
هيام عاينت وقالت ليهو
=وانت عرفت كيف
ابتسم وقال ليها
=انا أذكى من م تتصوري
هيام ابتسمت لانو بقلدها وقالت ليهو
=طيب الطعمية لي و الباسطة ليك
عاين ليها بطرف عيونو وقال
=بالله انا ذاتي عم عثمان دا باكل منو مستحيل افوت الطعمية حقتو
هيام شالت الكيس وقالت
=بجامل في اي شي الا طعمية عم عثمان....
رضا خطف الكيس منها وقال
=م دام انا جبتها ح اديك ربع و الباقي ح اشيلو
هيام قالت ليهو بصدمة
=ربع ي طماع
رضا أشر على نفسو بصدمة مزيفة وقال
=انااا طماع لاحظي اني انا الجبتها
لاحظي اني انا الجبتهاهيام قامت من الكرسي و جات قعدت جنبو وهو حاضن الكيس و عاينت ليهو بزعلة كدا وقالت
=تعرف ي رضا انا زعلانة
رضا شوية أداها انتباه وقال ليها
=لي شنو...
هيام نزلت رأسها زي بتبكي و مسكت يدو وقالت ليهو
=طعمية عم عثمان دي كانت بالنسبة لي بندول بتخفف على الوجع......
رضا ختا الكيس وقال ليها
=انا اسف م كنت عارف
هيام عاينت ليهو بابتسامة و حرمت حواجبة هو استغرب أشرت ليهو على الكيس ب عيونها رضا عاين بصدمة وقال ليها
=ي محتالة
هيام ضحكت وجرت منو و رضا وراها طلعت فوق طربيزة المطبخ وقالت ليهو
=اسفة بس م بقدر اشاركك اشتري لي روحك و ضحكت
رضا سرح في ضحكتها وقال ليها
=تعرفي وجناتك سمحات
هيام عاينت ليهو و نزلت و رجعت هيام القديمة.... قالت ليهو
=اسفة جيب صحنين عشان ناكل
رضا ابتسم على الأقل قدر يضحكها قال ليها
=طيب ي ستي ثواني
هيام ابتسمت وطلعت قعدت اتذكرت هويدا قالت لي رضا
=أسى جاية تمام
قال ليها
=تمام...
هيام مشت غرفت هويدا لقاها زي م مشت و سمعت صوت الموية عرفت انو هويدا دخلت الحمام لوت خشمها بعدم اهتمام و قالت
=حذرتها و م سمعت يلا تاخد عقابة..... و قعدت في السرير... هويدا طلعت من الحمام بي مزاج.... لقت هيام في وشها.... هيام ابتسمت وقالت ليها
=شكلو الكف م ادا مفعولو
هويدا قالت ليها
=اطلعي لو سمحتي برا
هيام قامت وطلعت المقص من ورا ضهرا وقالت ليها
=عارفة دا شنو و بيعمل شنو
هويدا رجعت ورا وقالت ليها
=عاوزة تعملي شنو
هيام ابتسمت وقالت ليها
=دا بقصو بيهو الشعر و الملابس..... ورفعت عيونها عاينت لي هويدا
هويدا قالت بخوفة كدا بعد م مسكت شعرها
=انتي اكيد وحدة مجنونة زحي مني
هيام قالت ليها
=انا حلفت غيتو ولازم انفذ حليفتي هويدا اتلصقت مع الحيطة وقالت ليها
=اس اصرخ اجيب رضا
هيام ابتسمت وقالت ليها
=للأسف م ح يسمعك غرفتك فوق و اصلا الأصوات م بتطلع من الغرفة
هويدا عاينت ليها و أشرت بيدها و هي بترجف وقالت
=زحي مني.... زحي مني ي مجنونة
هيام قالت ليها
=لو قعدتي عاقلة القصة ح تتطلع ظابطة اما لو فرفرتي م اضمن انو القصة ح تتطلع سمحة..... ولو عايزاني م أضرك تعالى اقص ليك بس الأطراف
هويدا بقت تعاين ليها
هيام قالت ليها
=والله دا احسن من اعاقبك بالقوة
هويدا جات براحة أداها طرف شعرها
هيام قالت ليها
=فالحة
و قصت ليها أطراف شعرها بس وقالت ليها
=يلا ي جميل م دام خلصنا الغرفة تنضف خمسة دقيقة و ارجع ليك تمام
هويدا اكتفت بالمعاينة لمن طلعت هيام هويدا قامت وقالت
=انتي فاكرة اني سكت ليك لا م حذرتي حبيبتي انا مش قلت م بخلي ليك م بخلي
وقامت تنضف.... هويدا خافت وشافت الخل الاسلم انها تستسلم و م عندها خيار عشان كدا استسلمت..... صح هي بكرة ماشة بس رضا ح تجيبو لو كانت هنا أو كانت في فرنسا
هيام نزلت و اكلت مع رضا و اتكلم شوية و رضا كان اكتر من مبسوط انو هيام بقت تتكلم معاهو و صراحة للحظة هو نسي فكرة انو الزواج دا مؤقت
تاني يوم من الصباح هويدا كان لازم تطلع بدري جات ودعتهم و كانت مغيوظة ام رضا قالت ليها أن شاء الله تزورينا قريب
هويدا قالت ليها
=أن شاء الله خالتو
و عاينت لي هيام الكانت واقفة جنب رضا تاني عاينت لي رضا وقالت ليهو
=متين ح تجي لانو م ح تستقر و تعيش هنا
رضا قال ليها
=اسبوعين كدا وبرجع بس ح أفضل انزل السودان كل فترة
هويدا ابتسمت لي هيام يعني ح يخليها بس هيام بادلتها ابتسامة هويدا م عرفت المغزي منها.... وعلى كدا هويدا طلعت و رجعت فرنسا
