القائمة الرئيسية

الصفحات


 


بلسان ليان : قمته الصباح وانا كسلانه عارف الليله حب حياتي م ح يكون لي كل شئ عشتو واتخيلتو الليله ح يضيع ربنا يصبرني لحدي م العرس دا يتم على خير وفي عز تفكيرها جاها اتصال من خالد اختارت بين ترد وما ترد في النهاية ردت الو خالد كيفك خالد :بصوت مخنوق😢 انتي عارفة كيفي بتسألي مالك
ليااان :خالد الكلام دا مافي ليهو داعي يا خالد انت هسع بقيت حق زولة تانية كلامك دا م بفيد شي
خالد:منو قال ليك لسه م عقدو أسمعي كلامي يا ليان خلينا نهرب ونعقد بالمحكمة ونختهم أمام الامر الواقع رايك شنو انا بحبك يا بت الناس والله بحبك
ليان:خالد انت مجنون نحن م لي بعض وربنا يسعدك في حياتك الجديد وياريت لو تحاول تاني م تتصل عشان انت بقيت لي زول تاني وربنا يسعدك
قفلت الخط وهي منهارة وم قادرة تتخيل كل شئ انتهي في لحظه 😭 استغفرت وفاتت استحمت عشان تمشي بيت العرس وبعد وصلت ......
وصلت بيت المناسبة وبدت تشتغل كل شئ وتخدم حتى كل الناس لاحظت ليها من نضافه وترتيب لي صواني العقد ولمن جات لحظه العقد وقالو عقدو والناس بقت تزغرت والرجال بضربوالسلاح ليان بس ساكت وم نطقت كلمه باركت مرت خالها قالت ليها مبروووك بس مرت خالها سلمت ليها بطرف يدها وم اشتغلت بيها كتير رجعت ليان لي خدمه الغدا والعدة وتعبت شديد إلا امها جات قالت ليها امشي ارتاحي حبه وفعلاً فاتت تنوم في البرندة بس بنات اهل عهود م خلوها بالمطاعنات والكلام الجارح م استحملت ورجعت البيت طوالي نامت من التعب م صحت إلا المغرب عشان تمشي الزفه بالليل .....
باليل لبست ليان فستان كبدي مع حجاب كبدي وتقمتو بي دهبي كانت انيقه شديد وجميله طلعو هي وامها بالبيت م بعيد بس العرس في الصاله عشان كدا ابوهو وصلهم الصاله طوالي العرس كان في صاله الدينار الملكية امها كانت مطقمه معاها ولمن جو خاشين كل الانظار كانت عليهم وبيسالو من المرا وبتها اللفتو انظار الجميع🤩 ليان كانت عادية لحدي م العرسان وصلو ليان من شافتهم مع بعض طوالي دمعتها نزلو وم قدرت تستحمل ومرت برا الصاله وقعدت تبكي بهناك عهود بتعمل في حركات قاصدة وبتتمايع في خالد الما طايف وشها زاتو بس مستحمل عشان خاطر امو😕 لانو عندها ضيق في الشرايين وم بقدر يرفض ليها طلب😢 اثناء م كانت ليان بتبكي جا صاحب خالد قال ليها لو سمحتي يا اخت بقدر اساعدك ليااان انتبهت لي نفسها وقالت لي لالا شكراً ليك😇 مد يدو وقال ليها انا شريف ليان بخجل :وانا لياااان 🥰 شريف وعيونو عاملين قلوب😍 اسمك حلو زيك يا سمراء 😗 ليان بكسوف: شكراّ ليك عن ازنك اشرف :اذنك معاك يا السمحه غابت عن عينو بس م عن تفكيرو 😉
والعرس خلص وكل زول رجع بيتو عن خالد في الشقه .......
خالد :شوفي يا بت الناس تطيري من قدامي وإلا اقسم بالله ارتكب فيك جريمه باقي الليل دا الشقه دي فيها 3غرف شوفي ليك اي واحدة اترزعي فيها مفهوم😡
عهود بخووووف :حححححاضر سمح بعد خشت غرفتها اصبر لي يا خالد انا بجيبك بجيبك انا عهود ست الشي وكل شي اصبر لي لو م طيرته البت السودا دي من راسك م اكون اسمي عهود😏
عند خالد خت راسو وهو م قادر ينوم من التفكير في لياااان 😢 وفي حالتها بعدها إستسلم للنوم وماصحى إلا بصوت عهود وهي واقفه في راسو بتنادي خالد خالد خالد قام مخلول ولقاها لابسه لبس تافه شديد وشايله شاااي في يدها ولا عاين ليها زاتو بغضب 😡 شات الشااااي كشحو وقال ليها دا شنو الابسه دا يا حيوان انا حركات البنات دي م بتنفع معاااي م تجيني تاني وم القاك بالملابس دي قدامي وااااياك ثم اياااك تخشي غرفتي بدون اذن فاهمه 😡😡 عهود بصدمه كويس ياخالد م كانت متوقعه انو بعد اتزينت واتعطرت خالد م خ يشتغل بيها خاصه إنو هي كانت مجننه الجامعه كلها وفات غرفتها وهي بتبكي وبتتوعد لي ليااان بالكتير😡😡
عند ليان امها بخوف ليان حبيبتي قومي يا روحي انتي من امس م اكلتي شي ولا بتتكلمي مع زول لي كدا يا روحي اي شي في الدنيا دي قسمه وخالد م قسمتك يا بتي أرضي بالواقع وقومي شوفي حياتك وامشي جامعتك الله يرضى عليك قلبي انا🥰🥰 ليان سمعت كلام امها وقامت صلت ركعتين وشالت التلفون اتصلت على متاب صحبتها وكتاب أسرارها ليااان بمرح :تبو كيفك يازفته
تبو:تمام والله انتي الوين ليك اسبوع م جيتي الجامعه
لياان: والله كان عندي عرس أخوي عشان كدا م جيت😁
تبو: اخوك منو ومالك يا جزمه م عزمتيني 😤
لياان:والله ج فجأة وم كنا متوقعين
تبو: اخوك منو جاوبيتي
ليان: م قادر تنطق اسم خالد بعد تعب قلت ليها خالد🥺
تبو :بصدمه خالد خالد خالد الأنا بعرفو دا 😳
ليان :بصوت غير مسموع اااي يا تبو
تبو بقلق : اقفلي اقفلي انا جاية عليك
ليان بيأس:تمام في انتظارك
متاب جاااات وقعدت تبكي مع ليان لحدي م ليان هدت شوية وراقت قالت ليها ح تفضلي كدا لي متين يا ليان عيشي حياتك كل شئ انتهى البكا م برجع غايب ولا بحل شي ولا بغير واقع 😔
ليان :عندك حق ياتبو بس حاساهو ح يرجع لي والله يا تبو انا م قنعانه 😔 بس بسمع كلامك وبحاول اتأقلم مع الوضع 😕
تبو :اااي كدا ويلا فتشي شيتاتك عشان امتحانتنا قربت وانتي عارفه السمستر دا صعب كيف
ليان بعزم :ان شاء الله ح ازاكر وانجح وربنا يوفقنا يارب 🤲🏼 امين
تبو: يلا ورح ناكل انا جعانه
ليان بضحك 😂 اصلك اشعب من عرفتك ورح.......
فاتو اكلو وكل زول رجع غرفتو خالد حياتو مع سجى كل يوم ماشه تخرب اكتر وسجى بقت اقرب الجنون 🤯بسبب تعامل خالد الكعب معاها وهي بتحاول بكل الطرق تكسبو بس كل مرة خالد بيوقفها عند حدها وكمان باليل بقوم بصرخ بإسم ليان 😢 وسجى احتارت في النهاية قررت تمام امها بالبحصل خاصه إنو امها ملاحظه لي حاله بتها بقت مبشتنه وكمان لو في مناسبه بتجي براها بدون خالد والناس كلها بتسأل فيها م بقيتو تلاته وهي بترد ليهم بثقه انو لسه بدري وخالد قال م عايز عيال هسع الكلام كتر والناس كلامها كتر وامها جات قالت ليها أحكي لي الحاصل عليك شنو عشان اقدر اساعدك طوالي سجى حكت ليها كانو كانت منتظرة زول يسالها وقالت لي امها.........
خالد يا امي من يوم عرسنا م شغال بي يا امي😢😢😢وكمان بضربني وبقول لي انا م بحبك وبحب ليان وم عايز اقرب منك الاني بقرف منك ومن عمايلك وانتي واحدة كعبه وخربتي لي حياتي انا وليان وكمان بنوم في غرفه وهو في غرفه والله يا امي خالد دا انا احترته معاهو امها طوالي فاتت بيت ناس ليان وبتكورك من الباب😡🤬اطلعو لي يا مقطعين يا خرابين البيوت اطلعو لي دا كلو وليان وامها بس مقلعين عيونهم وم فاهمين شي😳😳 والمرا بقت تجوط والجيران اتلمو وهي لسه شغاله تنبذ فيهم وم اكتفت بكدا وبس جرن ليان من شعرها وكفتتها وزمن ام ليان ادخلت لزتها وضربت راسها من الوضاية والجيران بقو يحاجزو بعد تعب حتن فكو ليان من يدها بعديها قبلو على رقية اللقوها سايحه في دمها وليان بقت تصرخ زي المجنونه 😱الجيران اتصلو بابوها وطلع من محاضرتو وبسرعه جرو بيها مستشفى يستبشرون ام سجى بقت بترجف وتقول كتلته اختى أختي ماتت بسببي راجلها شاف حالتها وقال ليها مالك يا مرا قالت ليهو رقية رقية ااااااانا رقية الدم رقية ماتت رقية انا م قاصدة كدا انا مشيت اهددهم بس وبقت تصرخ وتدق في نفسها.......
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
خالد كان في اجتماع وفجأة جاهو اتصال من رقم حافظو في قلبو قبل تلفونو قلبو دقه شديد وجاوب قال ليها لياني💜 فجأة سمع صريخ وصوت ازعاف وهي بتقول ليهو أمي يا خالد امي بتموت يا خالد 😭😭😭خالد قفل الخط وم عارف نفسو زاتو ماشي وين ولا سال المستشفى وين بس عايز يصل باي طريقه لي درجه انو فات بي عربية صحبو ونسى انو عندو عربية أصلا وصل المستشفى ولقى الناس كلها منتظرة قالو عندها ضربه قوية في الدماغ بفتش بعيونو عن ليان لقاها بتقرا في قران لي امها ودموعها م عايزة تقيف وبعد عملية دامت 6ساعات طلعوها والحمدلله قالو بقت أحسن😍ليان فرحت وبدون م تحس حضنت خالد وابوها وكل زول بتلقى قدامها وبعدها خالد قال ليهم عن اذنكم هسع برجع كلهم غايتو ليهو بخوف كانو بقولو ليهو م تسالهم بس م قدرو يتكلم عارفين خالد عصبي طلع وخلاهم وفات على بيت سجى بيجوط من الباب 😡 وينك يا حماتي يا محترمه وينك يا المعتبرك امي وين وينك خالو طلع بهدي فيهو بس خالد لسه بيتكلم ومنفعل وسجى خايفه ومدسيه. في اوضتها بعدها جات ام سجى مالك جايط كدا قال ليها وعندك نفس تسالي كمان انتي قربتي تقتلي خالتي وجاية تسالي ام سجى بقرور مصتنع هسع اتصلته بي المستشفى وقالو لي بقت زي الحسان تاني الجوطه شنو بعدين قبل م تجي تكورك امشي أعرف كيف تتعامل مع مرتك أول🤨بعدين تعال حاسبني أنا مشيت اخلص حق بتي 😡 ولا كلمه زيادة بتك طلقانه بالتلاته ويا خالي بكرة ورقتها تصلها وم عايز اشوف خلقتها كفاية مكرهاني حياتي وبقت م فاهم منها شي واقسم بالله تاني اشوفك انتي وبتك جنب خالتي ساي بالغلط م برحمها وبنسى انك زولة كبيرة 😡😡وفات وخلاهم خالد عاين بي مرتو وبتو بي حسرة قال ليهم ياخسارة تعبي معاكم أختي وفرقتوني منها م عافيه ليكم انتو الاتنين😔😔
رقية تمت شهر في المستشفى خلال الشهر دا خالد كان واقف معاهم وقفه رجال من علاج لي فحوصات وكل شي بيلزم وليان كانت بتشوف حنية خالد على انها وتعاملو الطيب وبتلوم في نفسها إنو هي سبب طلاق خالد 😓 رقية كان مراقبه خالد طول فترت قعادو معاهم وشافت فيهو الرجل المناسب لي بتها وانو خالد م زي أمو خالد حنين وبحترمها وفوق دا كلو بحب ليان شديد😍 عدا الشهر ورقية رجعته البيت وكان كل الناس في استقبالها لي طيبه قلبها وحتي اختها ام خالد جات قالت ليها اعفي لي وخالد فرح شديد بالعملتو أمو والجيران والاهل جو يكفرو ليها وعملو كرامه كبيرة والكل كان مبسوط سجى وامها م جو جا أبوهم بس قال ليها يا رقية يا اختي انا عايزك تعفي لي على العملو فيك مرتي وبتي وتسمحو لي استغل الفرصه واطلب يد سمي وود أختي خالد لي بتي ليان😍 ياريت توافقو وكدا انا بكون كفرته عن جزو من زنبي 😔أبو ليان قال ليهم انا م عندي مانع بس نشوف رأي ليان طوالي خجلت ونزلت راسها 😍دا كلو وخالد غمر من الفرحه خالتو قالت ليهو عروسه بتغمر بس عريس دي أول مرة نشوفها😂..
اهل خالد م فرحانين شديد بالعرس بس الفرحه العايشها خالد هي الخلتهم بفرحو ليهو 😍 ليان اتحبست والتجهيزات وجري السوق كلها كانت مع تبو صحبتها خالد م كان مصدق كانو دا حلم وح يصحه منو أو دي كاميرا خفية م كان مستوب انو ليان ح تبقى ام عيالو طول في الفترة دي ليان اتحبست عند تبو صحبتها(الصحبات الفي شكل اخوات رزق)😍😍 وصحبات الجامعه زرق 😘 ليان م كانت بتتواصل مع خالد كتير اكتر شي تبو هي البتحكي ليهو اخبارها والناقصها وقبل العرس باسبوع ليان :تبو انا جعانه 😢 تبو :يابت جعانه شنو اجيب ليك اكل من وين انا الساعه 12 ليان:اتصرفي بس م بعرف ليك تبو خشت الواتس لقت خالد متصل ورتو وقالت ليهو ليان قالت إلا نمرق نجيب اكل قال ليها م تمرقو انا نص ساعه وبكون معاكم بس انتو اتصرفو امرقو لي الجنينة خالد لفه بعد تعب حتن لقى محل شاورما فاتح 😋 بتاع المحل قال ليهو لمن كنت ح نقفل قال ليهو معليش مرتي بتتوحم وانت براك عارف النساوين😂 كضابة يا رابحه😂 شال الأكل واتحرك عليهم تبو :ليان ورح نقعد برا ليان :تبو انتي حيوانه انا بقول ليك شنو وانتي بتقول شنو قلته ليك جعانه جعاااانه يا مخلوقه⁦😣 تبو :خلاص ورح هناك في اكل ليان :اكل شنو والجابو منو تبو : ولا كلمه ورح قدامي والبسي النقاب دا ليان :تبو انتي خاطفاني ولا شنو😂 تبو بضحك:اخطفك أعمل بيك شنو كلامك الكتير دا نزلو تحت لقو خالد واقف وفي يدو كيس سلم لي تبو طوالي شالت الكيس وفاتت قعدت تاكل خالد :م عايزة تسلمي لي يعني ليان مدت يدها خالد بصرة وش 😒في زول يسلم لي راجلو كدا مرتي السمينه 😂ليان بتكبر حيلك حيلك مرت منو يمرمروك في التراب ان شاءالله لسه م بقيت وبعدين م تقول لي سمينه 😡خالد م قدر يمسك ضحكتو اكتر وضحك في منظرها الطفولي😆 قال ليها على العموم يا ستي كلها كم يوم وبتبقي مدام خالد عشان كدا م تكتري عربي 😏ليان:هسع بقول م دايراك خالد بخوف:لا اوعه اسمعك تاني تقولي كدا فاهمه قسمتنا نكون بي بعض ليان لي خالد وخالد لي ليان فاهمه ليان بخجل حاضر خالد:أموت انا في الحاضر والغايب زاتو😂😂 تبو من بعيد لا بالله امشي معاها البيت أحسن 😂يادوب انتبهو لي تبو القاعدة واكلت الأكل كلو 🙊 ليان يلا طير خلاص شوف بسببك م ح القى اكل يلا امشي خالد حاضر وخلي بالك من نفسك وياتبو م اوصيك على امانتي دي 😘 تبو حاضر م بتتوصى خالد ركب فات وديل اكلو وخشو نامو وج عدا الاسبوع سريع وج يوم الفرحه
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تبو:قومي يا بقرا قومي ياخروف انتي في زول بنوم يوم عرسو قومي يا زفته دا كلو وليان م شغاله بيها زاتو فاتت جابت جك موية باردة وكشحتو فيها ليان بخلعه منو ياتو بتين انا لالا والله دا كلو وتبو ميته ضحك😂😂 ليان والله م بخليك يازفته وجارية وراها بالموية لقت ابوها في الممر أبو ليان :بتي الوحيد السمحه كبرت وبقت عروس بس لسه هبله🥺🥺 خ تخلي لي البيت شين تاني الحيدلعني منو البكوي لي شال الصلاة منو 🥺ليان بدموع والله يا بابا كل يوم ح اجيكم لمن تكرهوني وح اكوي ليك شالك زي كل مرة أبو ليان قبل م دموعو تفضحو خلاص أمشي م تتاخري وراك شغل كتير ليان:حاضر امها جات بعد ليان دخلت غرفتها مالك يا عجوز بتبكي😂 أبو ليان عجوز منو انتي مخرفه ولا شنو 😂 هوي مخرفه شنو والله انا شابه منك اجي كمان نسيت الكبير فينا منو ضحكت وقالت ليهو مش قلته ليك عجوز😆ليان مرقت على الكوفير والضيوف بقت تجي نسبه الانو العرس في الصاله معظم الناس ح تمشي بهناك ليان وتبو في الكوافير اتصل ليهم خالد بس م كان برد بعد شوية سمعو بارك الله لكما الف مبروك يا عريس وصوت الرصاص ولزغاريد💃💃 دا كلو وليان دموعها م عايزة تقيف وخالد م اقل منها شال التلفون وقال ليها لياني 💜 التي احب الف مبروووك لينا يا عمري 😍ربنا قسم لي تكوني مرت ولو بعد زمن يمهل ولا يهمل😍 ربنا يقدرني وأسعد ليان بصوت متقطع امين يارب المساء جو أصحاب خالد عاملين سيرة بالعربات و صفافير خلت كل الفي الكوفير يطلعو يشوفو الحاصل😂وخالد بغني باعلى صوت 😂 ليان لبست فستان ملكي كأنها ملاك كانت حلوة شديد خالد ج وكانت مغطية وشها بالطرحه خالد شال الطرحه وبقى متنح شغال ليها تبيان تبو تعال اقرصيتي تبو عليك الله قول انا م بحلم تبو قرصو لمن نطا م كدا يا جزمه 😂😂باسها في راسها وقال ليها حصنتك من كل عين 😍 ربي يقدرني واسعدك 😘طلعو الصاله رقصو اسلو اثناء الرقيص ليان : انتي عارفه انا ربنا بحبني انتي عارفه انتي رزق وانا صبرته علي الرزق 😍 والله م مصدق انا من الفرحه ساي ممكن اطلقك😂😂 ليان بضحك: خالد خلاص خالد احيييي انا كدي تاني قول خالد 😂ياااخ والله اسمي دا سمح عديل كان كدا ليان بخجل: بطل ياااخ خالد:ابطل شنو انتي لسه شفتي حاجه التقيل جاي وغمز ليها😉 ليان:خالد ياتافه خالد:هسع انا قلته حاجه😂 عملو الجرتك وسافرو قضو أحلى شهر عسل 😍 تمو شهر في دبي وليان رجعت حامل 😘وجابت احلي تبيان وللان خالد بقول ليها قول للحب كن فكان ليان 😍
زولة انت م عايزها م تتزوجها. وتشيل زنبها
الربنا كاتبو ليك بجيك حتى لو بعد الف سنه
*القسمه م معروفه وين عشان كدا نرضى بيها وين م يكون 🙂*
*طول ما في زول مقنع بالقسمه والنصيب م بتحصل مشاكل والمكتوبة ليك بتجيك والما بجيك م قسمتك🙂*
*النهـــــــــــــــــــ💜ـــــاية*
*كـــــــــــــــــــــــــــــل الـــــــــــــــــــــــــــــود*


التنقل السريع