انا: توتة ارح دكان عباس نجيب كوكيز 😍
فاطمه:😳 سرو انتي واعية كدة ماشايفة النسوان البرة مشركين لينا عشان ما نطلع🤨
انا: على فكره ما لازم إلا الباب يعني 😒 عيبي لي الحيطة دي ما لها اصلا الشارع الورى فاضي😎
فاطمه: خلاص تمام لكن حتتلبي انتي ياسرو انا لو فارس قبضني حيقتلني🔪
انا: اصلا يامعولقة متين بتعرفي تنطي حيط انتي😒
خلاص طبعا أنا اصلا لبسي حق البيت ذي لبس الأولاد وكمان بطقم مع اخوي فارس😹 المهم جهزتة شعوري وطوالي طلعتة الحيطة ونطيت
فاطمه: يابنت ياخطيرة انتي كنتي شغاله حرامية ولاشنو😹
انا : فاطمه 😒 اختيني🔪
بالله ماشة في الشارع في امان الله ما لابسة طرحه لانو البجامة الابساها فيها طاقية وبقدل بمزاج😹 لقايت ماعيني شافت النور اخواتي واولاد اهلي ومعاهم محمد😳 اخوي فارس من هناك شافني وعرفني انا عملتة فيها قلبي قوي💪 وصلتة الدكان مليت كيسي ورجعة على البيت في الشارع الفاضي قبضني ليك محمد😳 بالله جاريني من الطاقية وبيعاين لي وعيونو لمن قلبت حمر😡
انا: 😰 محمد ك ك ك كيفك 😅
محمد:دا شنو يازفت انتي🤬 طلعتي كيف انتي 😡 اعمل فيك شنو انا 😡
انا: محمد 😅 أهدى شوية خلينا نحل الموضوع دا بالهداوة😅
محمد: ساااااااااااارة 🤬 انطقي طلعتي بوين انتي 🤬
انا: (مابقدر اقول ليهو نطيت الحيطة 😅 داممكن عادي
يكسرني في مكاني 😰اخير الم لساني بدل يقوم يقطعوا لي😅)
انا: خلاص يا محمد انا اسفه تاني مابطلع🥺لكن عليك الله ماتقتلني قبل ما اكل شوكلاتاتي🥺
محمد:(البنت دي صحي شافعة 😂 اقول ليها بقتلك تقول لي اكل سبحان الله). خلاص 😡 امشي البيت سريع لكن حسابك بعدين 😡
والله ما صدقتة انو فكاني والله جريت عديل كده مافحطتة الا في الحيطة 😂 ونطيت طوالي
فاطمه : مالك اتأخرتي كدة😡
انا: بالله احمدي ربك اني جيت عايشة 🤨
فاطمه : لية مالك
انا: قبضني محمد في الشارع ياخ كان شفتيهو مبالغة كان جاهز يقتلني 😤
امي جات علينا يابنات تعالوا كنتو بتعملو شنو بهنا امشو سريع اجهزو عشان تمشو الكوفير😡
انحنا: حاضر
طبعا رجعنا الغرفة طقينا بمزاج😋 وشلنا عفشنا ومشينا الكوفير وبدأ الموضوع الطويل. داك لمن جاء زمن العقد محمد اتصل على سمعني العقد 😳 كنتا مخلوعة ما اتوقعتة انو يسمعني العقد 😳 خلاص المساء جانا فارس وصلنا البيت لاقينا محمد في الباب طبعا اول مرة اعاين ليهو 😅(طويل شديد ومعضل كدة ولونو اسمر وعندو لحية 😍 يالطيف تجنن كان لابس جلابيه بيضاء مبالغة تلمع والعمة والشال شغال شغل الجن 😍 واي طلع حلو وانا ماعارفة 😂 ولا الشعر فظيع وعندو رموش اللهم الثبات 😍)
فارس : هاك امانتك بعد دا تحميها وتحافظ عليها انت عارف انها اختنا الوحيدة وبتنا كلنا❤️
محمد: عارف يااخوي والله اختا في عيوني
انا: (قال في عيوني قال😒 كذاب دا👊)
اخواني وصوهو ودخلنا جوة الزغاريد والغناء والناس تبارك وموضوع هي😳 ماوصفتة ليكم نفسي😅 طبعا أنا طولي وسط وماشاء الله يعني جسمي مقسم ذي مابقولو وشعري اسود لامع طويل بقعد فيهو عادي ولوني ابيض وعدساتي عسليه طبعا أنا بشبه حبوبتي 😅 الله يرحمها كنت لابسة توب كوبي مشغول فظيع😍 وعاملين لي تسريحه من الموت😍 الحمد لله مزة يا انا😘)
اليوم عدى وحددو العرس بعد اسبوع 😳 عشان محمد مضطر يرجع شغلو عندو شغل في الخرطوم مهم واصلا عمي عبدالرحمن و عمي عبدالعزيز ساكنين الخرطوم بس بيجونا الإجازات والاعياد في مدني 😅
فاطمه: واي ياسرو عرس بسرعه البرق 😂😂😂 على الأقل ماحنلقى زمن نغيرك فيهو😂
انا: لية تغيروني ماشاء الله علي مافني حاجة غلط ولا محتاجة تغيير😒
فاطمه: حبيبتي كلك على بعضك محتاجة تغيير 😒 ناسية استايلك حق الاولاد 😒
انا: انا مابتغير عشان زول 😒 ووين باقي البنات😡
البنات: جيناااااااااااااااااااا
انا: ياخ طرشنا فى داعي للكواريك 😡
نون: خلاص ياخ ماتتعولقي 😑
انا:مالكم ياخ اتأخرتو كدة 😤
شهد:شنو ياسرو انحنا اسفين حبيبة😘
انا: حصل خير 😤
هبة:لكن وربي مشتاقين شديد 😍
سهى: اي والله 😍 اشتقتة لي لمتنا
فاطمه: اي والله لكن احلى حاجه حمودي حيعرس😂😂😂😂😂😂
انا: حمودي في عينك👊(طبعا بيقولو لي حمودي🐸بالغو في حقي😒)
نون:خلونا من الهبل وجيبو الدلوكة دي جاي💃💃💃💃💃
وعملنا حفله دلوكة لي الصباح حتى نمنا انا صحيت اول واحده لاني متعوده اخدتة شاور وصليت وطبعا معظم ملابسي حقت اولاد ودائما بلوفرات خفيفه مع برمودات وبكف رجل البنطلون الشمال وبرفعها لي نص الساق والتاني بخليهو عادي 😅 وبغطي راسي بالطاقية حقت البلوفر واصلا الصباح بعمل لي كوباية شاي بلبن وبطلع السطوح بركب سماعاتي وبقعد في السور حق السطوح وبدلي رجولي بإتجاة الشارع الفاضي وبسمع اغانيي بمزاج😍 لمن يصحو ناس البيت بنزل تحت طبعا فاطمه عارفه مكاني لأنها جاتني فوق
فاطمه:عروستنا صباح الخير
انا: صباح النور
فاطمه:ارح انزلي عندنا شغل
انا: خلاص تمام
نزلنا طبعا في مجموعة مشت السوق ومجموعة بتنظف ومجموعة بدو يحبسوني عاد اول يوم دخان عملتة ليهم جنس دراما 😅😂😂 الا امي قعدة قدامي بالمفراكة😂(نبعو دايما فاضحانا😂😂) وعدت الايام كلها بنفس الروتين بس نهائي ماشفتة محمد ولا اتصل على اه ما اشتغلتة بيهو شديد والليلة حفلةحفلة الحنة حقتي عاملنها في السطوح فوق بنات بس وممنوع التصوير طبعا كنت لابسة فستان كبدي من فوق ضيق ومن منطقة الخصر فارس شوية مكسر لي نص الساق واليدين تلت اربع والشعر كيرلي واكسسوارات بالفضي وكعب مسمار بالفضي والميكب حاجة مناسبة كدة كنت قرضة😘 عاد انحنا حتيناهو حت💃💃💃💃 ماخلينا شي 😂 رقيص تقيل والله جسمنا لمن اتكسر وانتهت الحفلة واي زول انجدع في سريرو نام تاني يوم حفلة محمد حقت الحنة ناس البيت كلهم مشو وخلو معاي فطومه عاد انا وفطومة ماصدقنا طوالي لبسنا عبايات جديده شكلها حلو ونقابات 😂
ناس البيت كلهم مشو وخلو معاي فطومه عاد انا وفطومة ماصدقنا طوالي لبسنا عبايات جديده شكلها حلو ونقابات 😂 ومشينا الحفلة عاد حتيناهو في نهاية الصيوان حت الجن😂😂😂😂 اليوم داك شوهنا سمعت المنقبات كلهم😂😂 لكن محمد ماشاء الله 😍 مع الحلاقة الجديدة واللحية المخففة والجلابية البيضاء حاجة كدة مبالغة 😍 عامل زي صباح العيد 😍
فاطمه: سرو والله محمد دا اتاريهو حلو😅
انا:حلو شنو دا قاطع مبالغة 😍 هسي دا راجلي حقي براي😅
فاطمه:😅😅😂😂😂😂😂 مؤكد حقك براك لية هو شراكة قالو ليك ولا شنو😂
#محمد
البنت دي لمن اخوها اداني ليها وقال لي تصونها بالجد لمن مسكتة يدها حسيتها بتي مابقدر أفرط فيها وحتى لمن قعدنا والمباركات انا بطبعي مابعرف اعبر بالكلام،😅 فما عرفتة اقول شنو فسكتة لكن كانت ماشاء الله حلوة بكل ماتحملة الكلمة من معنى 😍 ويوم حنتها اختي صورتها لي بالدس ورسلت لي الصور كانت حاجة كدة تجنن انا الليل كلو ماقدرتة انوم ❤️ بقيت لازم اشوفها عشان ارتاح ويوم حنتي من حكاوي اخواتي عرفتة أنها مجنونة😅 وممكن تجي الحفلة انا كنت ببسر لي الناس وعيوني بتفتش عليها لمن شفتو لي اتنين منقبات برقصو رقيص الجن😂😂😂 ظاهر أنهم مامنقبات ،😂لكن رقيصهم مضحك بالعباية والنقاب😂😂😂 انا لمن الحفلة انتهت بس كنت مركز معاهم واحلى حاجه لمن الاغنيه الاخيره انتهت طوالي رفعو عباياتهم لي ركبهم وفحطو بنمرة كلو😂😂😂😂 بالجد منظرها بيضحك 😂
#عندي
فاطمه: واي لكن تعبنا من الجري🤣
انا: اي والله 😂😂😂 املصي الملابس دي سريع مايقبضونا 🤣😂
فاطمه:اي سريع وارح ننوم
طبعا ناس البيت جو لقونا نايمين 😂 طبعا الرقيص هد حيلنا 😂😂😂 المهم تاني يوم من الصباح مشينا الكوفير انا وفطومة رسمو لينا واتجهزنا وبنات اعمامي كلهم جو 😍 طبعا اي واحده حيجي زولها يسوقها😂
الفستان حقي حق الزفاف كان استايل ملكي والشعر عملو لي تسريحه وختو فيهو التاج كنت مزة 😘 والله عجبتني نفسي شديد 😍😘 وبعد شويه البنات بكوركو العريس وصل انا خلاص حيلي مات وبقيت ماقادرة اتنفس 😂 وقربتة ادسة وراء البنات 😂(والله انا بخاف منو😂ياخ هو طويل مبالغة ومعضل كدة بالنسبة لي ضخم ياخ😂) والله جاداخل والبنات يزغرتو وكلهم طلعو جا وقف قدامي
محمد: مبروك علينا وربنا يقدرني احافظ عليك واسعدك(طبعا كلامو دا بإبتسامتو😊)
انا: اااااالله يباااااارك فييييييك(طبعا الخوف والتوتر شغال شغل الجن بقيت اتمتم😂😂😂)
محمد:🤣😂😂😂😂 لية التوتر والخوف دا😂😂😂انا عارف انك بتخافي مني بس بتمنى تحاولي ماتخافي مني لاني عمري ما ائذيك 😊
انا: إن شاء الله بحاول 😊
وعلى كدة طلعنا اتجهنا على الصاله ودخلنا بإغنية هلا بريحه هلي ومارقصنا اسلو😑 بس الحفلة كانت ظابطة ونزلوني البنات ارقص معاهم 💃 محمد اداني عين ذات مغزى 😂😂 طوالي احترمتة روحي ورقصتة بهدوء😂😂😂 اول مرة اعملها😂😂😂 الحفلة انتهت وجا زمن الجرتق ومشيت لبستة توب احمر مشغول ومحمد لابس جلابيه الجرتق
الحفلة انتهت وجا زمن الجرتق ومشيت لبستة توب احمر مشغول ومحمد لابس جلابيه الجرتق وقعدنا جرتقونا ولمن جا وقت بخ اللبن محمد قال لي ماتبخيني 😤 بس وين ياااااا 😈 والله غرقتو قرق 😂😂😂😂خليتو ينقط لبن😂😂😂 ياخ لكن شماني لانو عيونو حسيتها قلبت حمراء 😂😂😂 بقيت اتشهد وخلاص شفتة قبري بعيوني 😂 وانتهى الجرتق وجات لحظة الوداع والله بكينا بكا انا ماقدرتة ماعاوزة امشي 😭 ساعة انا ببكي في النهاية الا محمد جا مسكني
محمد: ماتزعلي حنجيهم تاني واي وقت انتي عاوزاهم انا بجيبك
انا: وعد🥺
محمد: اي وعد
خلاص اتحركنا من مكانا داك وطوالي على الخرطوم كان سائق العربية صاحب محمد اسمو عمار لكن ماشاء الله ولد مز 😍 مبالغة مع انو ملامحو عادية لكن ملامح هادئة بس اللبس والاستايل بيجزبك 😍 طبعا اول ما اتحركنا طوالي نمتة ما صحيت الا لمن وصلنة البيت صحاني محمد لقيت نفسي نائمة في كتفو 😅 لمن خجلتة 🙈
# محمد
ياخ انا يوم الحنة ماقدرتة انوم بفكر بس حياتي حتكون كيف معاها وانا بفكر كدة لمن نمتة يوم العرس لمن مشيت ليها الكوفير كانت ماشاء الله 😍😍 بالجد حلوة قهيت فيها بس بقيت ماقادر اشيل نظري منها ❤️ لكن قدرته بسرعه اني الم شتاتي واتكلمتة معاها وفعلا ظاهر عليها انها خائفة ومتوترة قلتة ليها كلام يهدئها وعلى كدة مشينا الصاله بس مارقصنا اسلو لأنها بالنسبة لي قصيره شديد 😅 لورقصنا كان الا اشيلها😅😅 ولمن صحباتها جو عشان ترقص معاهم انا عرفتة أنها مجنونة فاديتها ليك نظرة هي فهمتها طوالي 😂 وجا زمن الجرتق مشينا غيرنا والتوب فيها مبالغة حاجة كدة تجنن بس شكلها مابتعرف تلبس التوب😂 وجا زمن ابيخ عادة بخ اللبن😡 وحزرتها ماتبخني 😤 بس وين ياااااا ولا اشتغلت بي الشغلة ورشتني ليك رش دا حمام عديل😂 طبعا لا إراديا طوالي غضبتة لمن شفتها خافت وبقت تتمتم بكلمات طواليذ اخدتة وضع الهدوء حتى حسيت بيها اتنفست😂
مشينا في الغرفة المخصصة للغيار حقت العرسان اخدتة لي حمام عشان اللبن الاتبخة فيني 😂 ولحظات الوداع لمن كنا ماشين سارة دي ماخلت زول مابكت معاهو اخوانها بقو يحنسو فيها زي الشفع ويقولو ليها الشكولاتة العاوزاها بنجيبها ليك يلا ماتبكي 😂😂 اضطريت اتكلمتة معاها ووعدتها حتى مشت معاي بس اول ما اتحركنا طوالي نامت ختيت ليها رأسها في كتفي وماصحت الا صحيتها انا لأننا وصلنا بس المسافة الكانت فيهاقريبة مني اتمنيت أنها ماتنتهي لانها بالجد ملامحها وتصرفاتها بريئة ماعندها في المياعة وحركات البنات المعولقة دي
# عندي
ماشاء الله لمن نزلتة من العربية شفتة فيلا ولاقصر ماعارفة حاجة كدة فخمه 😍 شديد 😍 انا عجبني التصميم كان رهيب😍
محمد: حنقعد مع ناس امي لمن اتم التجهيزات الأخيرة في بيتنا
انا: حلو ماعندي مشكله 😍
محمد: خلاص ارح ندخل نرتاح
انا: اوكي
دخلنا البيت حاجة كدة فظيعة كلو ابيض وحواف السلم بالذهبي البيت دا بيلمع وانضف من ضميري😂 طلعنا السلالم دخلنا غرفة بالاسود والأبيض رهيبة😍 عملت لي نفسيات
محمد:دي غرفتنا ممكن تاخدي شاور مسافة اجيب اكل
انا: تمام
فتحتة الشنطه حقت الملابس لقيتها حدث ولا حرج😳 مابتتلبس عديل كده 😂 اطول حاجة في الركبة بس بقيت عاملة كدة😳😳😳😳😳😳انا البس شنو هسي
ولا كذبتة فتحته دولاب محمد عندو ملابس بيت ظابطة 😍 شديد طوالي شلتة لي لبسة كامله بالاسود وفيها خط بالرمادي كانت واقفة قنا😍 ومشيت استحميت الحلوة وين لمن لبستها 😂😂😂 البنطلون بيقع والقميص الفوق انا سابحة جواهو😂😂😂😂 بقيت ذي الابسة شوال 😂😂😂 قلتة اخير بجامتي اقتنعتة رجعته ليهو بجامتو ولبستة لي بجامة كبدية حد الركبة وعملتة شعري كعكة فوضوية بقيت مزة😘 احساس اني بنت بنت كدة 😂😂😂 لاني مابلبس الحاجات دي 😂 محمد جا داخل
محمد: استحمى بس ونجي نصلي
انا: تمام (والله خجلانة شديد لمن ماقدرة ارفع راسي من الأرض😂 احساس الخجل دا احساس جديد بالنسبة لي،😂😂) انتظرتة محمد طلع من الحمام لابس ليهو بيجامة اسود في اسود حاجة كدة وجع😍 ياخ تقول سوها ليهو بس😍
محمد: جاهزة نصلي
انا:اي جاهزة ( فرش المصالي وصلينا ياخ عندو صوت مبالغة والله يشهيك تسمع القران اليوم كلو من غير ماتتحرك بس تسمع وبعد خلصنا الصلاة دعى وبعد داك قمنا انا طوالي اتجهتة على السرير ونمتة 😂 عارفه نفسي نوامة محمد مشى يجيب العشاء ويجي)
#محمد
جبنا العشاء وجيت لقيتها نائمة وماقدرتة اصحيها لأنها كانت ذي الملاك وهي نائمة فخليتها تواصل نومها ورجعتة الاكل المطبخ وجيت نمتة جنبها وطوالي جربتها لي حضني ونمتة على كدة كنت فرحان لأنها في حضني ماعارف انا لية بفكر كدة ولا بحس كدة كيف انا بالجد بقيت ارتاح معاها تاني يوم الصباح صحت قبالي لاني صحيت مالقيتها فتشتها في الغرفة مالقيتها نزلتة المطبخ. لقيتها قاعدة في المصطبى ومربعة رجلينها وبتاكل في نوتيلا بالملعقة وملخبطة أصابعها بيها بس منظرها كان حلو شديد 😍 لكن انتبهت لي
#عندي
ياخ تاني يوم صحيت بدري نزلته المطبخ عملتة الشاي والفطور ولقيت علبة نوتيلا بديت اكلها لاني بحبها موت😍 وقاعدة فوقفي المصطبة مربعة رجولي وباكل بمزاج ❤️ اخيرا حتى انتبهتة انو محمد واقف وراي والله دخلت فيني خجلة السواد🙈
محمد: صباح الخير 😊
انا: صباح النور 😁
محمد: كيف اصبحتي
انا: بخير والحمد لله تسلم وانت اصبحتة كيف
محمد: بخير والحمد لله
انا:سويت الشاي بتشربو ولا اعمل ليك قهوه (انا بقول في الكلام ده وانا مازلتة باكل في النوتيلا حقتي طبعا فجأة لقيت محمد ماسك يدي وشال مني علبة النوتيلا وقفله
محمد: من الصباح كدة ما صاح اكلي حاجة مفيدة حتى اكلي النوتيلا تمام😊
محمد: من الصباح كدة ما صاح اكلي حاجة مفيدة حتى اكلي النوتيلا تمام😊
انا: تمام(وهو لسة ما سك اصابعي اتخيلو مص النوتيلا من اصابعي 😳 طبعا مشاعري كلها اتلخبطت وبس بعاين ليهو بدهشة وبعدها مصمص لي يدي بموية )
محمد: انا بشرب قهوة الصباح مابشرب شاي اعمل ليك معاي
انا: خليك انا بعملها ليك (وبعلي خجلانة 🙈 الله يجازيك يامحمد. لخبطتة مشاعري من الصباح 😂)
محمد: خلاص تمام
(محمد مشى الغرفة وانا بديت اعمل القهوة لمن خلصتها بقيت انادي فيهو دخلتة الغرفة بس القاهو يادوب طالع من الحمام ولابس البشكير في نصو وبشكير صغير بجفف في شعرو كان واي بس اللهم الثبات 😍😍😍😍 طوالي قبلتة )
انا : محمدالقهوة جهزت تعال اشربها قبل تبرد
محمد: حاضر هسي بجي
(طبعا أنا طوالي فتحته الباب وفحطتة من قدامو ياخ الولد دا عندو حلاة عضلات بس اللهم الثبات 😍 واي كسار 😍 أثناء ما انا بعلق في سري القاهو قدامي)
محمد: سرحتي وين لي زمن بنادي فيك
انا: اسفة ما انتبهت😅
(قعد وشرب القهوة وبقا يتونس معاي طبعا أنا مخلوعة 😳 لانو ماحصل شوفتو بيتكلم كل البيقولهم ماتامات الخمسة جمل لكن ونسني ونسة لمن دايرة اموت من الضحك 😂)
محمد:سرو انا ماشي الشغل لكن مابتأخر تمام بتجيك جارتنا البي جاي تقعد معاك كويس
انا: تمام امشي بالتوفيق
محمد: اللهم امين جمعا
(قدمتو للباب وودعتو ولمن داير يمشي باسني في جبيني 😳 ومشى ماقدرتة اعمل شي 😂 اتخلعتة بس 😂 انحنا سنة أولى حب وكلو😂😂😂 )
بعد محمد طلع دخلتة المطبخ اعمل كيك وبسبوسة لضيوف وفعلا بعد خلصتة اخدتة لي شاور سمعته جرس الباب لبستة عباية استغبال ظابطة وعملتة شعري كعكة فوضوية بقيت مزة 😘😘 احبك ياانا 😍 فتحته الباب كانو مرة كبيرة لكن ظاهر عليها الراحة والروقة ماشاء الله ومعاها بنت كدة شكلها في عمري برضو قاطعة ماشاء الله 😍
خالتو: السلام عليكم حبيبتي مبروك الزواج وأن شاء الله بيت مال وعيال انا جارتكم جليلة ودي بنتي ندى
انا: اهلين والله شرفتو والله يبارك فيك اتفضلو
دخلتهم الاستقبال وضيفتهم وبقينا نتونس وكدة اتعرفنا على بعض خالتو عندها ندى وعمرها 18 وبتقرا طب السنة الثانية وعماد عندو شركات إيراد وتصدير ومجتبى عندو شركة أدوية وابوهم مدير مستشفي دي كل أسرتهم خالتو استئذنت ومشت خلت لي ندى تقعد معاي
ندى: انتي عارفه أنا فرحانه شديد انك بقيتي في عمري عشان انا نفسي يكون عندي اخت وانتي ماشاء الله تبارك الله عسل يؤؤخ 😍
انا: والله انتي العسل وانابرضو فرحانه اني لقيت لي اخت انا برضو بنت وحيدة وسط تلاتة اولاد😅
ندى: والله حلو
(بقينا نتونس عملتة القهوة وجبتة الكيك والبسبوسة وكلمنا خالتو جات وبقينا نتونس لمن محمد بعد جا هم استئذنو ومشو بيتهم بعد ما اتبادلنا الأرقام انا وندى ),
محمد: كيف كان اليوم
انا: كان حلو شديد والله وانت يومك كان كيف
محمد: كويس والحمد لله
انا : اخت ليك الغداء
محمد: لا بس عاوز قهوة
انا: حاضر (عملتة ليهو القهوة وختيت ليهو من الحاجات العملتها )
محمد: حلو طلبتيهم من وين
انا: عملتهم براي طبعا 😎
محمد:😳 انتي بتعرفي تعملي حاجة في المطبخ يعني 😅
انا: اكيد بعرف 😅 اها ناس عمو جايين متين
محمد: الليلة بليل بيصلو
انا: حلو شديد على الأقل البيت يكون فيهو حس
محمد: اي والله
انا: عاوز حاجه لاني تعبانة عاوزة انوم🥱
محمد: لا ياروحي نوم العوافي 🥰(بسم الله 😳 محمد دا حاسي بشنو قال لي روحي 😳💃💃💃 بسم الله الا كان عيان🤣 كدي افكر بعدين هسي انا عاوزة انوم 🥱)
#محمد
(الليلة كانت صبحيتي بس كان عندي شغل كتير مابستحمل التأجيل صحيت لقيتها قامت من النوم انا نفسي بقيت ماعارف انا بعمل شنو بقيت اقرب منها واقول ليها كلام وحركات بعملها تلقائيا وخصوصا لمن قلتة ليها روحي 🤣 بالجد اتخلعت وبقت عاملة كدة 😳 لكن عدة الموضوع عادي وبعد نامت حسيت البيت بقى فاضي على فمشيت استحميت وغيرته ونمتةجنبها واخدتها في حضني حسيت بحاجة حلوة بالجد وعلى كدة نمتا)
#عندي
صحيت من النوم لقيت نفسي في حاجه تقيلة في كتفي لمن لمستها كانت يد محمد 😳 كان حاضني ونايم لكن حضن رهيب حاولتة اقوم حسة بي. وصحى
انا : آسفة ازعجتك
محمد: لاعادي اصلا المفروض اقوم عشان ناس ابوي بكونو قربو
طبعا لمن عاينا الساعه كانت 10 بليل😳 انحنا نمنا زمن طويل شديد محمد قام مخلوع😳
محمد: 😳 ناس البيت بيكونو وصلو من قبيل
انا: جادي 😳
محمد: والله اجهزي خلينا ننزل تحت فعلا نزلنا تحت لقينا خالتو(ام محمد) وخالة محمد (عزة ) وبنتها نادين
فعلا نزلنا تحت لقينا خالتو(ام محمد) وخالة محمد (عزة ) وبنتها نادين وعمي كلهم قاعدين يتونسو سلمنا عليهم بس بت خالة محمد سلمة على سلام معولق ذي خلقتها😒 ما اشتغلتة بيهم وبدينا نتونس معاهم وكدة لي الساعة 12 اسيا ( الشغالة) ختت لينا العشاء انا ومحمد وبعدها طلعنا ننوم لانو بكرة عاملين كرامة
فعلا تاني يوم الصباح الناس بدت تجي عشان الكرامة بدينا نتجهز عشان ننزل للكرامة لبستة فستان اسود من فوق ضيق ومن منطقة الخصر فاري شوية فيهو حزام بالبني والهاي هيلز بني والطرحة بنية بس خاتاها في شعري وسرحتة شعري ضفرتة شعرتين ومسكتهم بفيونكة وباقي الشعر خليتو فاكي ونهايتو مموجاهو بالمكوة ومحمد لبس قميص اسود وبنطلون اسود وجزمه بنية وساعة بنية
محمد: انحنا مطقمين 😳
انا: اي والله صدفة غريبة لكن 😳
محمد:بالجد اغرب صدفه
طبعا نزلنا تحت لقينا الناس لأمة
هو طلع برة للرجال وانا قعدتة مع النسوان البنات لمو كلهم وبقو يتونسو ويسئلو فيني وعملناها ضحك وموضوع بعد شويه بت خالة محمد (نادين اتزكرتوها 😒 بس هي زاتها ومعاها صحبتها بقو يرمو في الكلام ويطاعنو وحركات وانا بس بعاين ليهم وبعد شويه كلهم بقو يتكلمو بالفرنسي ويضحكو فيني المتخلفين عشان انا جاية من الولايات متخيلين ناس الولايات كلهم متخلفين ومابعرفو لدنيا شي بس وين ياااااا 😎 ناس الولايات والله فيهم ناس ماشاء الله معظمهم خطيرين )
نادين: انتي ياسارة محمد هو المرق ليك ملابسك دي صاح عشان دا مازوق ناس الولايات 😏(بتقول كلامها دا وبتضحك ضحكة شماتة واستهتار 😡 خليها تصبر لي المعصعصة 😡)
انا: ههههه دا منو القال ليك ناس الولايات ماعندهم زوق لا محمد ماهو الاختار لي بختار براي 😏انتي شكلك بيساعدوك في الاختيار 🙄
نادين: لا طبعا دا زوقي براي مافي زول بيساعدني😏
انا: اها نسيت ما انتي بايرة عشان كدة ما في زول بيساعدك😗(هنا حسيتها زعلة ولمن عيونها بقت تطلع شرار😈) عن اذنكم بنات (مشيت اتصلتة لي ندى قالت لي انها في الباب 😂انتظرتها وبقينا قاعدين نتونس ونحكي وكدة خلاص ختو الفطور قعدنا انا وندى وخالة محمد ونادين وصحبتها وكم وحدة من الجيران وأثناء ما بنفطر تاني نادين طاعنتني بالكلام وقالت
نادين: والله ما شاء الله محمد ود خالتي دا المفروض زوجتو تكون مثقفة وملمة باللغات عشان هو بسافر ولبسها يكون عصري وحديث على الموضة😏 ( اتخيلو أنهممعظم البنات الجو مالابسين طرح وملابسهم ضيقة وفاضحة والمكياج والعطور لمن تصدع بس استغفر الله العظيم)صحبتها قالت ليها اي والله المفروض تكون حاجة مهمة في المجتمع وبتدرس ما وحدة ذي دي😒(كانت بتأشر على 😳 طبعا خلاص طرف السوط هبشني 😡 طوالي رديت ليها)
انا: اها انتي قصدك شنو بمثقفة دي
نادين: يعني تعرف المصممين والفنانين ومشاهير العالم ماتكون ذي المتخلفة الجاهلة 😏
نادين: يعني تعرف المصممين والفنانين ومشاهير العالم ماتكون ذي المتخلفة الجاهلة 😏
انا: انتي عندك الثقافة كدة 😏 اولا لو على انو زوجة محمد وشخصيتها ومستواها ولبسها دا كلو مابيخصك ولو على زواجنا انتي ما محمد عشان ترضي ولا تختاري ليهو وبتتكلمي عن اللغات والكلام ده انا بجيد سبعة لغات ماتتكلمي ساي وموضوع اللبس هل انتي شايفه نفسك انك لابسة 😏 لا انتي ما لابسة لانو دا مالبس ولو على الميكب انا بعرف ليهو بس مابتجمل لي الناس ولو فك الشعر ورمي الطرحة حضارة ورقي فاعرفي ياستي انا طرحتي مابتخلى عنها وقولي الدايراهو عني متخلفة ولاغيرو مافارق معاي وعمرو ماكان معرفة الفنانين والمشاهير ثقافة الثقافة انك تعرفي الكتب ومحتوياتها وبرضو خليت ليك الحاجات دي وانا مكتفية بكتابي ديستوفسكي وجيران وغيرهم هل انتي بتعرفيهم 😏 لا طبعا لانك ماعارفة حاجة في حياتك ودا ظاهر من شكلك وتاني لو عندك كلام عاوزة تقوليهو لي ماتطاعني قولي طوالي لانو دي حركات الجبناء يلا عن اذنكم😊(طلعتة وخليتهم بعاينو لي وكل كلامي قلتو ليها بهدوء من غير انفعال خليتها تدخل في فتيل الكلبة🤣جاتني ندى فوق)
ندى:عاد عفيت منك🤣🤣🤣🤣🤣 مرمطيها🤣🤣🤣🤣خليها تخجل شوية وتلم نفسها🤣🤣
انا:ياخ هي لو ما كترتها انا ماكان سئلتها بس هي من الصباح بتعمل لي في حركات زهجتني😤
ندى: لكن ماقصرتي 🤣
انا:انسينا منها اها اخبارك شنو
ندى: كلو تمام التمام
##تحت طبعا نادين بقت تبكي محمد شافها سئلهم مالها امو قالت ليهو بعدين نتفاهم طبعا الكرامة انتهت والناس مشت حتى ندى مشت وانا قلتة تحت تاني ما نازلة خليها تشبع بيهو الحربوية دي😒 ولمن قعدو كلهم تحت كانت نادين لسة بتبكي وزعلانه سئلوها مالك
نادين: انا يامحمد زوجتك تسمعني كلام ذي السم والناس كلها موجوده 😭 انا يعملو فيني كدة😭 انا التقول على حركاتي حركات جبانين😭 وبقت تبكي زيادة
محمد: خلاص حقك علي ماتزعلي وثانيا انتي كبيرة وعاقلة وهي مازالت طفله ماتزعلي منها
خالة محمد: كيف يعني 😡 لازم مرتك تعتذر لي بتي 😡 بتي نهائي ماغلطانة وبقت تكورك عمي ومرتة هدئوها ومحمد جاني فوق غضبان
محمد: انتي يازفت 😡 عملتي لي نادين شنو 😡 البت من قبيل بتبكي تعالى اعتزري منها (سوف حتى ماسئلني الحصل شنو طوالي حكم لي صالحها😥💔)
انا: اها تمام انتظرني اللبس فعلا لبستة عباية سودا وطرحه ونزلتة تحت لقيتهم كلهم قاعدين خالتو من ما شافتني بقت تكورك وتقول الاتضربني (,المرة المعفنة تقول ماكانت حاضرة الموضوع 😳خليها تصبر لي 😈)
عمي عبد الرحمن: سارة انتي عملتي شنو للبت دي ولية قلتي ليها الكلام ده
خالة محمد: كمان راجين منها تفسير 😡 دي لازم تعتزر لي بنتي
انا: طبعا عاينته ليهم كلهم قلته ليها انا مابعتزر من زول وعلى فكره يا نادين امسحي دموعك الموضوع مابيستاهل بس انتي مكبراهو
محمد: خلاص احكي لينا الحصل شنو
محمد: خلاص احكي لينا الحصل شنو
انا : حاضر وحكيت ليهم عن أي كلمه قالتها لي أو تصرف هي عملتو وبي كلامي القلتو وبس دا كل الموضوع وانا شايفة اني ماغلطانة عشان اعتزر ليها
عمي عبد الرحمن: كلامك صاح انتي نهائي ماغلطانة
محمد: انتي يا نادين غلطانه لازم تعتزري ليها وعلى فكره انا برضو من الولايات ماتفتري في الناس ساي
انا: حصل خير مايحتاج انك تعتزري كلنا بنغلط😊(اصبري لي والله تاني تكرريها ما اخليك 😈 ما انا البيلعبو معاها😈)
نادين:😒😒😒😒
وعلى كدة اي ناس مشو غرفهم (هي نسيت نادين وامها كانو في السعوديه وجو يقعدو هنا فترة 😅)
#عندنا
محمد: عجبني تصرفك اثبتي لي انك زولة واعية 😊
انا: واعية ولا نائمة ههههه
محمد: غلطان والله 😒 عمرك ماحتبقي عاقلة صحي بتعرفي لغات تانية
انا: اي بعرف سبعة 😎
محمد: ماشاء الله اها شنو وشنو
انا:امم بعرف تركي وفرنسي وانجليزي والماني وروسي وكوري وياباني
محمد: حلو شديد بس ماكنت متخيل انك بتعرفي اللغات دي كلها
انا: اي عندي هواية تعلم اللغات وبمشي كنت مع خالد يتعلم الألماني فاتعلمتة معاهو وتاني واصلتة باقي اللغات
محمد: ماشاء الله هواية حلوة
انا: احم انا مابعرف عنك شي غير اسمك 😂
محمد: جادة يعني ما حكيت ليك 😅 انا مهندس معمار وعندي شركات يديرها زايد شركة العيلة وهوايتي السفر
انا: ماشاء الله حلو لقيت زول يشرح لي 😅
محمد: مصلحجية لكن🤣🤣 كدي هسي تعبانين عاوزين ننوم وعلى كدة نمنا
## عند ناس نادين
نادين:شفتي كيف طلعت شافعة ماهينة 😡 والله ما اخليها
خالة محمد (عزة): عاوزة تعملي شنو انا زاتي ماردتها
نادين: خليها على والله اجننها😈
## عند ناس نادين
نادين:شفتي كيف طلعت شافعة ماهينة 😡 والله ما اخليها
خالة محمد (عزة): عاوزة تعملي شنو انا زاتي ماردتها
نادين: خليها على والله اجننها😈
تاني يوم من الصباح محمد مشى شغلو وانا طبعا كملتة نومي ونزلتة صبحتة على خالتو وعمي ولقيت معاهم نادين 😒 وامها وقعدنا نتونس (طبعا ما تقولو لية مابشتغل وبساعدهم 😅 هم بيتهم ملان خدم مابيعملو اي شي )
ام محمد: اها حبيبتي حتنزلي الجامعة متين لانو الناس دي من زمان نزلت
انا: والله ياخالتو ماعارفة بشوف محمد لو ماسجل لي اشوف لي حل
نادين: يعني انتي لسة بتقري😒
انا: اي لسة😏
عمي: طبعا خلاص حددنا العرس حق احمد وأمجد
انا: والله 😍 داحلى خبر ربنا يتم ليهم على خير اها متين
عمي : بعد شهر أن شاء الله
انا : إن شاء الله
وعلى كدة فطرنا واي زول دخل غرفتو انا ومحمد عايشين ذي الإخوان ولا أصحاب خلطه في النص بينهم نهائي ماقرب مني أو عمل حاجة ماعجبتني وبيحاول يخليني اتعامل معاه عادي وأبطل خوف بس قلبي قابضني من بنت خالتو دي والله خائفة من الحتعملو 😥بس اه ماعلينا منها لكن لو جنت فيني بوريها ليهو💪 مرة الايام وخلاص اتعودتة على محمد وخلاص فاضل للعرس اسبوعين وانحنا بدينا نجهز حاجاتنا مسافرين وانا لسة مانزلتة الجامعة ومحمد كل مرة بيقول لي لسة 🙄 الليلة على غير العادة نادين اتونست معاي وانا أعجبكم طوالي اتونستة معاها (انا عرفتة أنها بتفكر في حاجة بس شنو🤔)
#محمد
انا بالجد بقيت ماعارف انا مالي حاسي كدة مع انو انحنا مالينا زمن طويل لسة ماتمينا الشهرين بس انا بقيت الوقت كلو محتاجها تكون معاي بس مايشوفها اي زول واكتر حاجه بحبها فيها طريقتها في التعامل نهائي ماعاقلة 🤣 واكتر حاجه بتعجبني أنها بتلبس ملابسي 🤣 مع انها كبيرة شديد عليها 😂 ياخ ولا المقالب البتعملها فيني 😂 حلوة شخصيتها يا الله بالجد شكلي حبيتها ❤️ حبيتها شنو انا ادمنتها بقت مزاجي ومابقدر ابدونها بقت المهديء حقي صاح انا متزوجها لينا زمن بس مابتخيل حياتي بدونها 😥 💔 انا بتمنى أنها تحبني ذي ما انا بحبها وانا عارف بت خالتي ماناوية على خير بس انا عارف انها لمن تلاقي عز حترجع لي طبيعتها( عز دا صاحب محمد من الطفوله وكان هو ونادين بيحبو بعض وبسبب سوء تفاهم انفصلو مع انو كل واحد منهم بيحب التاني وهو أصلا مقيم في دبي فحينزل العرس عشان خاطر محمد وهم ليهم سنة هوونادين ما شافو بعض ومحمد عارف نادين عاوزة تخرب عليهو لية لأنها متخيلة انو هو وعز لعبو بيها 💔 لانها بالجد بعد عز انهارت شديد ورفضت تتكلم معاه وخلت كل شي في حياتها واتغيرت بقت حاجه تانيه ونفس الشي حصل مع عز بقى عصبي وماعندو اخلاق ومابيشتغل بزول خلاص اي شي طار ليهو بس لانو اتكسر 💔 وبرجعتو دي قرر انو يرجع ليها ) انا موضوع الجامعة حق سارة ماناسيهو بس عاوزها تحبني الاول😓 لاني عارف بما انها مابتحبني ممكن تحب اي واحد تاني وبما انو خلاص الليلة انحنا مسافرين مدني وجهزتة ورجيت سارة لقيتها لابسة بنطلون
الليلة انحنا مسافرين مدني وجهزتة ورجيت سارة لقيتها لابسة بنطلون اسود
وبلوفر اسود رهيب مع طرحه كبدية وروج كبدي خفيف كانت حلوة بالجد شكلها بتحب اللون الاسود شديد لانو معظم ملابسها سوداء بس استايلها حلو ومحترم على كدة اتحركنا
# عندي
الليلة طبعا انحنا مسافرين مدني وجهزتة وخفتة محمد يشاكلني لاني لابسة بنطلون بس الغريبة انو عاين لي وابتسم ( طبعا واي عندو ابتسامه كسارة 😍 اللهم الثبات 😍) لكن كان ماشاء الله لابس بنطلون كحلي وقميص اسود وعلى كدة اتحركنا وطول الطريق كنا بنتونس انا وعمو ومرت عمو طبعا خالة محمد جاية بالعربيه الثانية وانا ومرت عمي قاعدين ورا ومحمد وعمو قاعدين قدام ومحمد سائق والونسة كانت حلوة شديد لمن وصلنا وطبعا الترحيب والدموع بس الحمد لله 🤣 كان جنس عولاق وحلفتة وما امشي من بيتنا طبعا اي عن عندو بيت يعني ناس محمد بي بيتهم لمن لقاني مصرة خلاني اقعد لكن الزعل كان ظاهر عليهو 😂 وطبعا انا وفطومة طوالي عسكرنة في غرفتي وماخلينا شمارة ماقلناها 🤣 وحكيت ليها اي شي عن نادين 😒 ونبزناها ماخلينا ليها جنبة تنوم عليها 😂 وأثناء ما انحنا بنتونس تلفوني ضرب عاينت ليهو لقيتو محمد استغربتة😳
محمد: السلام عليكم
انا : وعليكم السلام كيفك
محمد: ماتمام 😓
انا: لية مالك الحاصل شنو 😳(ماعارفة بس انو يقول لي انو ماتمام الصراحة خفتة عليهو شديد حسيت قلبي بيئلمني بس لية انا بحس كدة)
محمد: عشان انتي ماجنبي 😓
انا: انت جادي 😂 هسي دا سبب 🤣 سيب الهبل ونوم نوم ينفعك 🤣
محمد: انتي شايفه انو الموضوع دا بيضحك صاح انتي لو كنتي عارفه انا بحس بشنو ماكان قلتة كدة
انا: مالك يامحمد في شنو انت الليلة ماطبيعي
محمد: انتي عاوزاني ابقى طبيعي كيف وانتي ما معاي انتي كل حاجه بالنسبة لي أنا ادمنتك واتعودتة عليك وخلاص مابقدر اعيش من دونيك وانتي بتضحكي علي لو كنتي عارفه انتي بالنسبة لي شنو ولا مكانتك في قلبي شنو ماكنتي حتصري انك تكوني بعيدة مني سارة انا ما عارف كيف ولا متين حبيتك انا اتخطيت المرحلة دي زمان انتي بالنسبة لي الأكسجين البتنفسو بتمنى تفكري في مشاعرك اتجاهي شنو وبقول ليك تصبحي على خير وتعرفي اني بحبك شديد
انا:😳😳😳😳😳😳😳😳😳😳😳😳😳 (طبعا قفل الخط قبل ما ارد جاتني صدمة عاد يا يمة الوجيه دا يعترف لي 💃💃💃💃 فطومه سمعت كل المكالمة
فطومة: وب عليلكن 😍 محمد طلع بيحبك 💃💃
انا: واي تصدقي انوبيحبني صحي 🥺
فاطمه: لا بيلعب بيك😒 يابنت انتي هبله دا راجلك على فكره لو هو ماحباك بصدق البيحبك منو يعني 😒
انا: بصراحه هو عسل وتعاملو حلو شديد 😍 بس انا لسة محتارة في مشاعري 😓
فاطمه: قدامكم العمر كلو ذي ما هو حباك انتي برضو حتحبيهو خليها للايام
انا: خلاص تمام 😓
الصباح صحينا ومحمد اتصل صبح علي وعرفتة انو صحبو حيجي الليلة وبكرة طوالي عاملين رحلة شارع النيل طبعا اليوم خلص عادي بس حركات محمد كانت فاضحاهو كل مرة بيجي ساي من غير سبب ويتصل لي الاقيهو جنب الباب 😂 لمن امي حلفت تاني ماتخليني انزل ليهو🤣 وبليل جهزنا ملابسنا ونمنا تاني يوم من الصباح طلعنا على شارع النيل طلع موديننا الجناين الجنب النيل والمكان كان حلو وطبعا نادين بتعمل في حركات والحيرني عز صاحب محمد كان بعاين ليها وهو زعلان 😡 بعد شوية جا مسكها من يدها ومشى بيها كانت رافضة تمشي معاهو بس هو جراها جر بصراحه في فرق كبير الولد بالنسبة ليها عملاق 🤣
# نادين وعز
نادين: فكني انت بتعمل في شنو 😡 ياخ فكني😡
عز: احسن ليك ما اسمع حسك الا بعد مزح منهم شديد لمن ألقى مكان فاضي 😡(كان بيتكلم وعروقو كلها ظاهرة ونادين عارفاهو لمن يكون قضبان وعاندتيهو مابيحصل خير فسكتت خلتو وبعد وصلو مكان شوية بعيد وقف وبقى بعاين ليها وعيونو كانت جمر بس😡)
عز: كيف تسمحي لي نفسك انك تبقي كدة🤬
نادين: انت مالك ابقى زي ما انا عاوزة انت ماتدخل مابيخصك🤬
عز: لا بيخصني اي شي بيتعلق بيك بيخصني اي شي انتي بتعمليهو بيخصني كفاية الانحنا بنعمل فيهو انا خلاص اكتفيت انا ماعاوز اعيش من غيرك تاني وعاوز ارجع عز الزمان الأنا بعرفو وانتي ترجعي لي نفسك نادين البنت العسل المحترمة مالازم تكوني كدة
نادين: يعني بعد كسرتني عاوزني اسامحك انت خليتني فجأة من غير اسباب 😢😭 انا بكرهك ولا بتهمني😡
عز: كدي عايني في عيوني وقولي لي انا بكرهك ياعز
نادين: انت عاوز شنو مش اكتفيت من انك تأذيني ما اكتفيت إلى الان داير تكمل علي انا ما عاوزاك(نادين بتتكلم ودموعها عشرة عشرة ولمن وشها حمر وبقت ما قادرة تتنفس وبتشهق عز طوالي حضنها عليهو وهي بعد انتبهت لزتو وضربتو كف مؤلم عز بس بقى بعاين ليها)
نادين: ما عندك حق انك تعمل كدة انت شنو ياخ انا ماعاوزة اشوفك ياخ 🤬 مابرجع ليك عشان تلعب بي
عز: انا مالعبتة بيك 😥
نادين: كيف ما لعبتة بي بعد الانت عملتو عاوز تكذب 🤬
انا تاني ما عاوزة اشوف وشك(نادين طوالي اتحركت مشت من جنبو لكن عز ناداها بس ما التفتت)
عز: انتي عارفه أنا كنت بموت عشان كدة خليتك (نادين وقفت وبقت تسمع كلامو وهي مصدومه )
نادين: كيف يعني
عز: كان عندي ورم في الدماغ وكان في خطورة على حياتي وممكن ما ارجعطبيعي عشان كدة خليت كل حاجه وسافرتة اتعالج وفعلا بعد العملية جاني شلل يادوب رجعته امشي من اسبوع بس (نادين من غير ما تشعر حضنت عز وبقت تبكي بكل ما اوتيت من قوة وتبكي قدرتة وتضربو في صدرو وتلومو لية ما كلمها لية عمل كدة وهو بس بقى يعتزر منها وبعد تعب حتى هدئت ليهو واتصالحو وجونا راجعين)
طبعا شفتة نادين جاية مع صاحب محمد وظاهر أنها مبسوطه شديد لدرجة ماقادرة توقف ضحك والله انا فرحتة ليها مع اني ما كنت بحبها وكملنا اليوم ونسة ورجعنا البيت بس اكان اشوف ليك صاحب محمد جايب اهلو واتقدم لي نادين ولانو مسافر وهو اجازتو واحدة في السنة قررو العرس مع اخوان محمد والله كانو فرحانين وجاتني نادين واعتزرت لي وبدينا صفحه جديده ومرت الايام وخلاص العرس انتهى وعز ساق نادين وسافرو دبي وانحنا رجعنا الخرطوم واكتشف انو محمد عاوز يحول شغلو عشان انا ما احس بالضياع واتكلمتة معاهو واقتنع وفعلا قررنا أننا نسافر ونستقر في دبي ودعنا الاهل كلهم وطبعا الفترة الفاتت كلها كنت بتونس مع نادين وبالجد طلعت انسانه كويسة وبقينا صحبات وطبعا ندى (اتذكرتوها بت جيران ناس محمد) طبعا علاقتنا ما زالت مستمرة وبقينا بالجد اخوات ولمن كما في الطياره اعترفتة لي محمد اني بحبو🙈 وهو ماصدق وعمل عمايل في الطياره 🤣 فضحنا والله 🤣 وصلنا دبي ولقينا ناس عز راجيننا ومحمد حالف مايفك يدي وسكنة في شقه فاتحه في شقة ناس نادين اصلا طابق كامل بس فيهو الشقتين ديل و احلى الاوقات كانت معاهم وقضينا الوقت كلو انا ونادين مع بعض لحدي هي حملت وبقيت معتنية بيها ونزلت السودان للولادة ويوم السماية انا ومحمد سافرنا حضرنا السماية جابت بنوته وسمتها وجن وبعد تمت الاربعين جات دبي وبقا عندنا موضوع يشغلنا ومحمد طول الوقت معلق على انو عاوز طفل اليوم كلو ينق وبالفعل حملتة وكنت بكرة حاجة اسمها محمد🤣 طيرتها ليهو من راسو تاني لو قالو ليهو طفل يقول حمانا الله 🤣 وبرضو جبتة بنوته وسميتها وتين وملت علينا حياتنا وفطومة جابت ليها ولد وسمتو وائل وحالفة انو بعد يكبر تعرس ليهو بنتي🤣🤣🤣 وكلنا عشنا حياة حلوة بس مابتخلى من الزعل والخلافات بس بنرجع نحلها وبالفعل عسى أن تكرهو شيئاً وهو خير لكم مافي زول بيشوفنا انا ومحمد ويقول الاتنين ديل كانو بيكرهو بعض وماعاوزين الزواج دا والى الان محمد بيقول لي انتي مازلتي طفلتي وماحتكوني غير طفلتي
# النهاية ❤️
