تمنيته ثلاثيني

ي امي انا طااالعه يااخ اتاخرتا شديد وم بلقي مواصلات
طيب ي بتى امشي وم تنسي وانتى طالعه تقولي 《 بسم الله توكلت على الله لا حول ولا قوه إلا بالله 》 ( م تنسو تقولو كده وانتو طالعين والله انا يوم م قلتها سرقو تلفوني ) حاااااضر ي عمري بقولا وم بنسى يلا ودعتك الله يلا ي بتي ربنا يعدل طريقك ويسهل ليك ودعتك الصلاه على الرسول ( صدقوني مااف أجمل من انك تطلع علي دعوات امك وتحس انها رااضيه عليك  )
توته طلعت ومشت ركبت المواصلات ووصلت الجامعه قابلت صحباتها ودفعتها البتعرفهم وبدت يومها وهي مبسوطه
كملت محاضرات اليوم وهي راجعه البيت خلاص معاها سااره
ي توته اخبار ثلاثينك شنو
كويس م عندو عوجه
طيب حلوو يلا خلينا نرجع البيت ي زوجه الثلاثينى
ااي ااي اتمسخري سمح بس قلبي بقول لى ح تتحقق الحاجه دي ” يوما ما ”
ان شاءالله يارب
سااره عايني  شيبس مصري  ي بت دا مرض دا لغاويث بس
احلي شي اللغاويث دي تعالي نشتري
انا م معاك  احلى شي اخيرا ح ااكل لي حاجه براي من غير تشحديني طيب يلا علي المواصلات ي بخيله يلا
ركبو المواصلات وكل وحده علي بيتا …
توته بينها وبين نفسها ” ممكن كلام ساره يكون صح ي توسل وفي احتمال ربنا يكون كاتب ليك قدر تاني انتي ي زوله افضل ليك تبطلي احلام اليقظه دي عشان م تتصدمي زي م قالت سااره واتقبلي واقعك احسن ليك والبجيك يجيك وربنا كريم عليك … طيب انا قررت خلاص تاني م افكر ثلاثيني او اربعينى البتجيبو القسمه بقبل بيهو طيب من اسي نتفق انو خلاص تانى م تفكري في حاجه بس ركزى على دراستك بس لانو اساسا مجالك صعب ي انا طيب ربنا يقدرني انسا افكاري واحلامي دي وان شاء الله تاني م افكر في حاجه من الكلام ده ”
عند سااره ****
الووو
– اهلين كيفك
بخير الحمد لله انت كيف
– الحمد لله في عافيه
الحمد لله
_ اها عملتي لي شنو ي سااره
والله م عارفه اقول ليك شنو لكن م فتحت معاها الموضوع وانا من الاول قلت ليك م بقدر افتح معاها موضوع بالشكل دا ووريتك كمان انو توته م من النوع الانت بتعرفو فلو توته عاجباك افتكر بتعرف باب بيتهم بي وين خليك زول واضح م بتاع لف ودوران لانو توته م بتحب اللف والدوران ok ويااريت تانى م تتصل لي لو سمحت انت بتعرف توته امشي ليها عديلل انا م كبري فهمت ومعاك سلام
_ بس …….تيت تيت تيت ( طبعا ده التلفون قفل  عرفتوه بس ياها لمن زول يقفل فى وشك بقول ليك تيت تيت تيت)
كويس ي سااره لعبتي مع الزول الغلط انتي تقفلي في وشي انا كويس ح اوريك انا منو وصحبتك العامله فيها م بتحب الارتباط وبتقول كلام فارغ انا بعرف اجيب رااسه كيف وبوريك لمن تلعبي معاي انت وهي البحصل شنو وتوته دي اخرتها في يدي انا بس ولو حصل السبعه وذمتها م بخليها تبقى لي زول غيري توسل لي انا يعني لي انا ولو م جاات بالحسنه بالقوى بجيبها

امييييييي
مالك بتكوركي ي بت فتحتي راااسنا معاكاشتقت ليك بس ي اسومتيبطلي بكشش خليت ليك غداااحييينناااا منك ي قميله انتيبحبك حبب انابتحبيني انا ولا الاكل؟ كده م عصرتي علي ي اسومتيامشي يلا من وشي ي كلبه ولادت ااخر زمن تقول لى عصرتي علي بيني وبين الاكل يخسسسي على الرباااك لا انا كده م برضىم بترضي شنو تقولي يخسسسي على الرباكاها يخسسسي تربيع يلا اتقلعيعيب كده ي اسومااطيري من وشي ي بت
خلاص جيبي بووووسهبطلي قله ادبخلاص خلاص مااشه لكن امسكي البوسه دي برسلها ليك بالجوو اوووووووممممممااااااحمسكتها اختها وينفي جضومك السمحات ديللي بت قولي مشاء الله بتسحرينى انا بخجلاصلوو الجميل طبعو الخجلي بت م تتلمي خلاصاحيييننااا اموت في خجلك دهانتي الكلام ده بتجيبي من وين بقولو ليك ولا شنولا ي حجه م تجيبي سيرتو بخجل انابتت الكلبب كمان جابت ليها خجل ي م تستحيواااي قايمه من جمبك زاتو جعانه ومصدعه ماشه اكل وانوموتصلىااي طبعا واصليطيب يلا غووري، غووروتي بت اختيني، ختيوتتوسل احسن ليك طيري من وشيطيروتتوسلخلاص خلاص مااشه
ودخلت الغرفا
دخلت الغرفه شالت ليها غياار وطلعت اخدت ليها حمام وطلعت صلت وهجمت علي المطبخاتحشت زينتيا( زينتيا دي يعني اتحشت سمح شبعت يعني)
المهم اكلت وجاات قعدت مسكت الجوال شويه وقامت على طووول نامت لانها تعبانهواليوم كان خميس وبكره الجمعه عطلهايوي ايوي ايوي ايوي ايوي
نااامت م صحت الا الساعه عشره وهو فى الحقيقه م صحت صحوها
نرجع ثانيتين نشوف صحوها كيف
توسل قومى… ولا ردت تووووووووووسلللولا حياه لمن تنادىكويس بعرف اصحيك كيف واول شي لازم انتقمي عثمان تعاالفشنو ي تنزيلتوسل نايمهوشكلها تعبانه كمان م صحت بالساهل
احلفيوحات توسلبتفكري فى الأنا بفكر فيهوكفك ي اصلييلا انتي اتوكلي علي المطبخ وانا الحمام سريع لكن، وم تنسي جيبي معاك قشهحاااضر من عيوني( واااى الجرابيع ديل دااير يعملو شنو)
جيتى.. لالا مشيت واهاهاهاهابطلي خفه دمطيب يلا يلا على مهمتنا اول شي امي وين ؟؟ …. م عارف والله لكن تقريبا طلعت برااخلاص يلا يلا
فتحو يد توسل وكبو فيها معجون وسحبو منها المخده وسحبوها هي لى برا المرتبه شويهوتوسل زى البقره بعد ده م صحتالمهم بالقشه ديك بقو يهبشو فى اضانهاويمشوها على وشها ورقبتها وتوسل تمشي بيدها الفيها معجون وسخت وشها وشعرها ورقبتها وملابسها زااتهفى النهايه كوركو ليها الاتنين فى اضانها وقامت مخلوعه وكشحو فيها جك بتاع مويه بااارده تلججج بسوقامو جارين ( اقسم بالله حرااام عليكم عديللل )
توسل قامت عاينت ليهم وعاينت لي نفسها ودخلت الحمام استحمت وطلعت صلت ليها ركعتين وقرت سوره يوسف وقامت مبتسمه
عثمان وتنزيل قلعو عيونهم قدر الفنجاندى مالهابكون دا الهدوء الذى يسبق العاصفه انتي عاارفهاااي بكون الليله واسجمنا واسواد ليلناالليله بعملونا شيه ي تنزيلالليله ي عثمان سجم شبابنا اللسه م عشناهوالليله ي تسنيم ارح نكتب وصيتناارح خلاص اصلا م باقى لينا كتير في الدنيا ديم تخافي ي اختى كل من عليها فاان( ديل مالهم)
توسل اتفقعت ضحكم تخافو م عايزه أسألكم والله
لى ماالك عيانه ولا تعبانه ولا دايره تموتي
احترم نفسك ي ولد بس مبسوطه من الله م دايره اعكر صفااي( دا سحررر سوره يوسف واللهجربوها م بتندمو انا كل م اكون زعلانه بقراها والله طوالى الهم والضيق بروحالقرااان راااحه)
مبسوطه من شنو من الصباح؟ اسي انتي مسراع بديتي يومك عشان تكوني مبسوطه ولا زعلانه
عثمان لو سمحتتتتت يلا من وشيااي ااي ارجعي توسل الاصليه حقتك الرايقه دي م بتنفع معاناعثمان اتقلعقلعوتح اسفهك بسسمح
نضفت وبخرت وفرشت وسوت الفطور وقعدو ناس البيت كلهم يفطرو مبسوطين شديد والضحكه لي ااخر ضرسوعملو الشاى والقهوه من بعد الفطور وكانو مبسوطينقامت تنزيل الشاطره غسلت عده الفطور ونضفت المكان وكل وااحد مشا علي مشاغلو
توسل اتوجهت على تلفونهادخلت الواتس لقت فى رغم قريب مرسل ليها … ده منو ي الله ؟؟
*** المحادثه ***
– صباح الخير
صباح النور
_ كيفك
بخير الحمد الله
_ الحمد لله
منوو؟؟؟
_ م بتعرفينى لكن انا بعرفك اكتر من نفسك
الإسم
_ عاارف عنك ااى حاجه انا بتحبي شنو بتكرهي شنو ساكنه وين بتطلعي تمشي وين يعني ااي كبيره وصغيره عنك انا عارفها
اختصر وقول المفيد لو سمحت لانو كلامك ده كلو م منو فايده ولا وراني انت منو
_ مالك فاايره كده ابردى ي بيبي
ح تقول منو ولا كيف
_ مستعجله تعرفينى للدرجه دى
معاك سلام ي الاخو
_ طيب دقيقه دقيقه كنت بمزح معاك بس
برضو م عرفتك منو
_ يوسف
باقي المحادثة**
-يوسف
يوسف منو؟
-معقوله م عرفتيني ي توتي!
ح تقول منو؟
-يوسف مجنونك
خير ي يوسف ي مجنوني اتفضل عايز شنو؟
-انتى ي توسل مالو راسك دا قوي كدا؟
م شغلتك، ح تقول عايز شنو عشان انا م فاضيه ليك
– طيب رمضان كريم
الله أكرم
– ان شاءالله رمضان الجاي في بيتنا
لا انت كدا كترتها يلا طير من وشي الله لا جاب باقيك
-كل دعوه منك سمحه حبيبتى انا
ح تمشي بزوقك ولا بطريقتي؟
-انا من اول مره شفتك حبيتك ي ام احمد وشفت أولادي في عيونك السمحه دي وكل يوم م بنوم الا وانا بفكر فيك تصدقي؟
تلد البنط قول امين
-بالمناسبه انا م ثلاثيني لكن عشانك ماشي اعدل رقمي الوطني وابقا ثلاثيني
ي ود الناس احسن تختاني بالله بلا ثلاثيني معاك  يكون في علمك انت بالذات لو كنت اخر راجل فى الدنيا دي انا م ح اتزوجك دا لو كنت راجل طبعآ
– انتي بتلعبي معاي انا يحلوه طيب اسمعيها كلمه مني نهايتك ح تكون علي يدي انا وما زول غيري ووقتها قولي كلامك دا تاني
نهايتي م بتحددها انت
– ختيها حلقه فى اضانك لو م كنتي لي ي غزاله م ح تكوني لغيري
وانت ختها حلقه وزمام كمان انا لو متتت م ح اكون ليك لا دنيا لا آخره لا بالحسنه لا بالقوه عشان كدا اختصر علي نفسك الطريق وشوف ليك شغله غيري
-بس انا غيرك م داير انا بحبك
حبتك النار وأهلها
-شوفي انتي قليتي أدبك كتير وانا سمحت ليك عشان بحبك لكن مدام راسك قوي كدا نهايتك قربت اعملي حسابك ياااااا زوجه الثلاثيني
*تم حظر جهه الاتصال هذه انقر لرفع الحظر*
*عند يوسف
انتي ي ام عيون سمح لو م وريتك انا منو عشان تاني م تقلي أدبك كتير معااي انا يوسف عبد الله ماف زول بقول لي لا وماف بت رفضتني ترفضيني انتي كويس بوريك يعني شنو يوسف عبد الله عشان تاني تعملي لي حساب
***
“ياربي يوسف دا مالو معاي الله يحلني منو يااارب”
تووووته ي قلبيخير عايزه شنو ي تنزيل؟
عايزه نمشي العرس
مااااااااا ماشه
امي قالت ليك تمشي غصبا عنك حبيبتي انا
تمشي مكسره اختيني
ي بت انتي ربتك حبوبه ونحن م عارفين جنك دعاء كدا
حبه تقوم ليك فى نص وشك تحميك المشي للاعراس
ان شاءالله افرح بعرسك انتي لو وشي كلو اتملا حبوب م عندي مانع
خلاص اختيني عشان اجهز للعرس
يلا شااااو
في مكان ما*( عايزين تعرفو وينابيت م بوريكم)
___ دا شنو ي حيوان انت دا شغل ليك نحن أهل العريس ولازم كل شي يكون منظم ومرتب مفهوم
-حاضر ي استاذ كل شي ح يعجبك ان شاءالله
___ اسمع انا عايز الصاله تكون غييير فاهم ولا لا؟ والاكل كلو مرتب والكراسي والديكور والكوشه والفنان والاغاني ال ح يغنيها ودخله العرسان والعصائر والحلا والمكسرات انا م عاااايز اااي غلط فاهمني انتو؟ دا عرس اخوي عارفين يعنى شنو اخوي صح؟
-حاضر حاضر انت اطمن وخت رجليك فى مويه بارده
___طيب ماشي اشوف باقي الحاجات اجي القا كل شي يعجب سلام
-يااخ الراجل دا مالو معاط كدا وجنو أوامر دا شنو دا
-لا والله بالعكس يااخ الاستاذ دا طيب شديد م تشوفو كدا بس دا عشان عرس اخوهو وهو بحب عيلتو دي شديد لدرجه م توصف
-ياخ يحب عيلتو ولا يكرها نحن ذنبنا معاهو شنو وبعدين يصرخ كدا ويتأمر قايل نفسو منو هو؟
___انا غيث عثمان لو م بتعرفني نتعرف
-استاذ غيث
-ياخ يحب عيلتو ولا يكرها نحن ذنبنا معاهو شنو وبعدين يصرخ كدا ويتأمر قايل نفسو منو هو؟
___انا غيث عثمان لو م بتعرفني نتعرف
-استاذ غيث
اااي نعم
-انا بعتذر م قصدي
ماف داعي لإعتذارك، انا غلطان مفترض م ارفع صوتي انا البعتذر
لا يااخ معقوله انا اسف جدا بس عشان الدنيا قافله معاي
م يهمك ي خوه اخد راحتك بس انجزو لي
حاضر من عيونا انت تأمر أمر
بالجد كلامك طلع صح الزول دا كويس شديدد يااخ
-انا قلت ليك
ااي يلا ننجز ليه
يلا
*عند توته
ي بنات اطلعو ارح
جيناك ي امي
بسم الله ماشاء الله ي بت اقعدي م تمشي بسحروك لي
اسومتي انا بخجل
تعالي تعالي احصنك
بحبك ي امي
وانا كمان والله( احي انا من حب الام)
يعني ي حجه انتي م شايفه غيرها اسي عان ولدك دا طالع مزه كيف
اااي ولدي البشبهو منو عاد
وانا ي امي
وتنزيل دي حكايه تانيه
بس توسل احلي منهم طبعا طبعا
كلكم حلوين يلا خلونا نتوكل
(اوريكم توسل لابسه شنو) كانت لابسه فستان اسود اكمامو كامله من فوق شويه مختصر ومن تحت فاري فستان ساندريلا فيهو حزام بالفضي وورده بالجنبه علي الحزام سودا ولابسه اسبورت فضي اتخيلوواكسسوار كامل بالفضي وفاكه شعرها الطويل ولابسه طوق شكل تاج على رأسها بالفضي طبعااما الميكب خفيف لانها م بتحب تختو بس بتحب تعملو للناس المهم عامله حواجبها وعيونها وروج وردي خفيف كدا بس الصراحه حقيقي طلعت مززززززززه( تتذكرو فستان أوما فى روايه مجنونتي يوم عيد ميلاد إخوانها بس نفسو سمح صح)
المهم اتحركو واول م وصلو المكان فخم فخم بكل ما يحمله المعني والكوشه دي احيييا بس (سرقو فكره ناس لؤي واوما بتاعت الشلالبس سمحه الصراحه انا زاتي بعملها اصبرو بس)
كل الناس دي هااي كلاسوصلو وقاعدين توسل اتلاقت مع بنات أهلها اصلو العروس بت خالتهاكلهم كانو لابسين اسود بس واحده كاسره بالأحمر ووحده بالذهبي ووحده بالاصفر اتخيلوالمهم توتنا طلعت مزتهم
**
بسم الله تبارك الرحمناللهم باركبسحروك ي غيث والله بسحروكهوي ي عنبه يسحرو لي شنو
عنبه فعينكبس الليله عشان عرس عصوم م ح أسألك المهم تعال نحصنك
عنبتي كبرت لمن بقت تحصني
اومال عايزني افضل صغنونهتعال يبني ومتضيعش زمني مش فاضيه انا
شوف شوف كماننصيحه مني بس م تغيري لهجتك عشان عولاقه عولاقه والله
عولاق انت ي عجوز
عجوز متين عمري 34 بس لسه شباب
امشي هاك الشباب دا
امشي انتى ي شافعه الطاشرات( طبعا قصدي عمر 18..19..17 وكدا)
غيث الصراحه طالع حلو
عارف
وعطرك حلو
كمان عارف
ولحيتك حلوه
عارف الجزء التالت
والشيبات الفيها زايداها حلاوه
ي بت انتي ح تتغزلي فيني ولا شنو
اعمل شنو اخوي مكسرني
تعالي احصنك انا عشان انتي احلا مني( يحليلي انا الماعندي اخو بقول لى انتى احلا منيوكمان وقة يقولو لي بتشبهى اخوك بقول لي حظك هو قايل نفسو غيث ولا لؤي م عارفهلؤي دا بطل مجنونتي للناس المابتعرفو)
تعالو اوريكم غيث عامل كيف
اولا طويل ولونو اسمر فاتح ملتحي وعندو كم شيبه فى لحيتو زادتها جمالمهندس قرا هندسه حواسيب شغال ماشاء الله وعندو شركه حقتو براهو وشركات مشتركه مع اخوانو
بحب اهلو ديل شديد وبحب اختو الصغيره عناب أشد من الشديد عندو شعر كدا أنعم من شعري وكتير حالق تربيعه(بكتبوها بالتاء ولا بالطاء المهم تربيعه او طربيعهعرفتوها عامله كيف صح)
ونضيف نضافه م عاديه يشهد الله انضف من ضميري زاتو حواجبو عزيره عيونو كحيله ( انا انا) ورموشو بالله زي العامل ماسكره شده م سمحه والاحلا عدساتو عسليه (احيييا بس) كان لابس بدله بالاسود وساعه بالفضي والمنديل ابيض انتو اعتبرو فضيالمهم صدفه جميله مطقم مع توسلوكل اولاد اهلو السمحين ديل لابسين اسود وكدا اما العريس لابس بدله بيضاء( م تستغربو)
المهم انتهو من التحصين وطلعو على الصاله ووصلو بسلام
غيث ماشي يتكلم مكالمه برا اتصدم مع وحده هو طالع وهي داخله
اعمي انت م بتشوف
اعمي انت م بتشوف
لا عميه انتي ي استاذه
كمان بترد
ولي م ارد كمان امي ولا ابوي
واااي لسانك طويل كمان
ي شافعه هوي
شافعه منواحترم نفسك
ابيت م بحترم دايره تعملي شنو يعني
اوريك بعمل شنو؟
ااي اها ابدعي
هاكعفصتو وجرت( حركات هنود بس يلا م علينا)
اااي ااايالشافعه الشيطان ديبس لكن سماحتها م سماحه
توسل مالك جاريه استهدي باللهوااي ي علا م شفتى لقيت ليك واحد سمح سماحه لكن قليل ادب المهم علمتو درس وجيت
واااي ي مجنونه م تفضحينا
ي بت امي اطمني م بفضحك المهم مش قالو الشباين كلهم يطلعو فوق ارح
ااي ارح وااي انا بتمني اكون مع اخو العريس الاسمو غيث
ارح بلا غيث بلا مطر معاك
طلعو كلهم الشابين تبع العريس والعروس عشان يتفقو
الشباين اوريكم منو؟
غيث غني عن التعريف بتعرفو طبعا
مالك صاحب العريس
ويوسف صاحب العريس نعم نعم يوسف زاتو
وأمير ود عمو
وكريم ود خالتو
وفارس اخو يوسف الصغير عمرو بكون 21 كدا
والبنات
مزتنا توته وبنات خالتها علا وسمر وصحبات العروس تمني وتهاني واخت العريس الصغيره عناب
المهم كلهم مجتمعين فوق
كريم: مزز لكن ح نرقص مع المزز ديل نحن لكن م حظنا
يوسف: توسل!!!! دي الجابها شنو ي ربي( جابها الجابك مالك ومالها)
امير: من اسي البت دي حقتي
يوسف: العب بعيد دي مزتي انا
فارس: غايتو انا عايز الصغيره دي
مالك: صغيره زيك اصلا مناسبين بس خلي حنك سنين ي صحبي
فارس: لالا بعجبك اصبر بس
امير: وين غيث؟
جنبك انا معليش للتأخير
عند البنات*
بس واااي واااااي من سماحتهمديل حقيقين
علا اتلميابيت م بتلمي بنات من اسي غيث دا وحده تقول بترقص معاه ماف علا بس
وهيهيهي تتمني غيث وسمر بس
غيث: ” البت السمحه دي معانا احي انا“
توته: ” وااي يوسف الشيطان أعوذ بالله دا الجابو العرس دا شنو“
اها ي شباب القرعه كيف
فارس: القرعه نرمي الجنيه دا طلع صوره يختارو البنات ولو طلع كتابه يختارو الاولاد والببدا الكبير فيهم يختار بس
موافقين كلهم
” ي الله صوره ي الله عشان اختار ويوسف م يختارني”
واحد اتنين تلاته اووووووو كتابه يااا
يلا غيث ابدا
انا عايز ام عيون ناعسه دي
اسمي توسل
المهم بس
انا م عايزه ارقص معاك لكن
يوسف: خلاص تعالي معاي انا
لالا خلاص برقص مع المفتري دا
مفتري منو ي ماما
انت منو غيرك
المهم تعالي بجاي كدي الزمن
فارس وقع مع عناب طبعاكريم مع علا وأمير مع سمر ويوسف مع تهاني ومالك مع تمني
يلا شباب الرقصه رسلناها ليكم واتس ومفترض تكونو حفظتوها
كلهم بصوت واحد اااي حفظناها يلا ننزل العرسان على وصول
يلا
في الحفله كلهم وقفو قصاد بعض عند المدخل ااي زول مع شريكو والعرسان دخلو وابتدو يتمايلو علي أنغام اغنيه All Of Me بعد م خلصو العرسان ابتدو الشباب كل زول مع شريكو ويوسف يعاين لتوسل سااي ومغيوظ( موت بس توسل لقت شريكها)
انتي لي قصيره كدا
م كان تختارني
لا بجد ليه قصيره كدا
اسمع انت الطويل زياده عن اللزوم م انا القصيره
انا ضهري وجعني
وانا اعمل ليك شنو
ي بت انتى مالك مسيخه كدا
زي مساختك
بذمتك انا مسيخ
اااي ” بري مسيخه انا م انت“
احلفي
ابيت
اسمك منو؟
توسل
وانا غيث
بالله دا انت غيث!!
سمعتي عني شنو
ولا شي بس البنات كانو عايزين يرقصو معاك(وااي فضحتيهم)
بجد!!
لا بكذب م تفتري بالله
ي بت ارقصي عديل
انت اسكت يلا عشان ارقص عديل
عمرك كم؟
داير بيهو شنو؟
سألتك سااي
م تسألني
داير اشوفك قصيره ولا صغيره
عمري 19
وانا 34
انت ثلاثيني
عمري 19
وانا 34
انت ثلاثيني
لا اربعه وثلاثيني
ظريف
عارف
معقوله الثلاثينين عاملين كدا!!!؟
مالهم عاملين كيف
زيك
وانا مالي
غبي وحمار
شكرا
العفو
علا: وااااي واااي ي توته حظك رقصتي مع غيث بختك ي بت امياريتنى مكانك
سمر: شوفتيهم كانو الوقت كلو يتونسو
تهاني: نحن لينا الله وقعاد المظله
اها خلصتو انبراش؟
علا: عان افترت
ي بنات هوي اختوني انا طالعه برا وجايه
يلا
مالك قاعده براك؟
وانت دخلك شنو؟
ي بت انتي راسك قوي
اسمع هنا انت م دخلك بي واحسن تطير من طريقي
انا وريتك نهايتك وين صح؟
وانا رديت ليك صح؟
بس طالعه مززه حبيبتي انايلا
امش الله لا جاب باقيك
غيث: م قصدي اتسمع عليك بس سمعت كلامك مع الاسمو يوسف دا!
اها ويعني
يااخ عليك الله خلي مساختك دي وعلاقتك شنو مع يوسف؟
م عندي بيه علاقه
بس كلامو م بقول كدا
وانا م بهمني كلامو المهم انا قلت كدا
اسلوبك عجيب لكنقاعده براك مالك وطلعتي من الحفله ليه؟
نفس السبب الخلاك تطلع
انا طلعت اشوفك انتى طلعتي تشوفيني؟
لا
انا غيث اخو العريس الثلاثيني
انا توسل بت خاله العروس التسعطاشراويه( م تركزو)
اتشرفنا
يزيد شرفك
ظريفه انتي
عارفه
لكن حقاره
كمان عارفه
المهم عايز اقول ليك ابعدي من يوسف دا لو بتسمعي نصيحتي
والله الصراحه يوسف دا قال معجب بي وانا م متطمئنه ليه واصلا بكرهو
إياك دا م زول ارتباط اوعك
عارفه هو زميلي في الجامعه وكدا
حلو يلا سلام
يلا
صباح يوم السبت:
امي الغاليه يلا انا طالعه ادعي لي .امشي الله يوفقك ويعدلها عليك وين م تمشي آمين يااارب يلا
ركبت المواصلات وفجاءه لقت روحها بتفكر في غيث
معقول يكون غيث الثلاثيني الحلم بيه بس مستحيل دا غبي سااي وحمار ولسانو طويل لكن حلو يااخلكن انا قلت م عايزه افكر فى الثلاثيني تانى يااخ
افففففف ياارب الفيهو خير سويه وبكره رمضان كمان يسلااام
بعد م اتلاقو هي وساره وحتت ليها الشمار كلو
واااي واااي ي توته اريتنى كان جيت العرسي خطيره انتي معقوله يكون دا فارس احلامكوااي حظك ي الله انا عايزه عشريني يكون بشبه غيث ي الله
ي بت انا حكيت ليك عشان تنبرشي
لكن اتخيلي يوسف الحقير كان في العرس وجا اتكلم معاي وهددني كمان
الله يستر ي توته منو الولد دا انا م برتاح ليه
الله معانا م تخافي
الله يقطعو يااخ ونرتاح منو
ياارب ورمضان كريم حبيبتي
الله أكرم ي انا
ومر اليوم عادي وأصبح رمضان شهر الخير
والكهرباء قطعت( ان شاءالله توسل السنه الجايه تصوم في السعودية وتكتب ليكم روايه من هناك قولو امين)
توسل طلعت تجيب ليها حاجات من الدكان لمحت ليك غيث لابس جلابيه باكستانية بالاخضر وهي لابسه عبايه بالاخضر بس هو م شافها وفجاه لقت قلبها بهتز عديلشالت حاجاتها ورجعت البيت فتحت دفترها وكتبت ” أول أيام الشهر الفضيل صادفت ذلك الثلاثيني الذي خطف قلبي وعقلي دون أن نتحدث سويا.
لا أعلم ما الذي يحدث لي؛ أيعقل ان اكون قد جننت؟ رباه لو جننت سيكون حبه السبب.
حين رأيته لا اعلم أنبض قلبي حينها ام توقف عن النبض؟!
يا ترى كان يرتدي اللون الأخضر ام خيل لي ذلك؟! لا أعتقد أنه خيل لي لابد من ان القدر جمعنا في مثل هذا اليوم الفضيل وكنا نرتدي نفس اللون الأخضر الجميل لحكمه يعلمها الله.
رأيته وحينها ردد قلبي ولساني وفكري اللهم اجعله من نصيبي اللهم اجعله من نصيبي
انت يا من تملك تلك البشرة السمراء التي اذابتني عشقا يا ذا اللحيه السوداء الذي علا عليها الشيب فذادها جمالا.
اخبرني أهذا حب أم عشق أم هيام؟!”
*2: رمضان : من عام 2022*
*الساعه: 1:23*
ي ربي دا شنو دا جامعه فى رمضان م هذا ي إلهيغايتو ي ساره انا من اسي تاني م جااايه الجامعه دي دا شنو يااخ سخانه م عاديه ي رب رمضان السنه الجايه برا السودان وامي تكون محتاره ترسل لى ابري ورقاق ودكوه كيف( اشبكوها آمين حلفتكم)
والله ي توته انا زيك تانى م بجي ياااخ لو ماف محاضرات كتيره
نسيت م عرفتكم علي ساره
ساره عصام صديقه توسل من الطفوله شخصيه جاده شديد لو م توسل دي حياتها ح تكون ممله خلاصعمرها 19 قدر توسل وجميله شديد كمان زيها ..نرجع
توته عايني يوسف جاااي علينا .. ياخ الحيوان دا م بتعلم مالو كدا م عندو كرامه خاالص
سلام عليكم
اهلا
مالكم مكشرين لي كدا أعوذ بالله منكم
ي ولد ياااخ انت م عندك زره كرامه مالك
الحب لا يعرف الكرامات
امش حب ليك وحده تحبك
انتي زاتك ح تحبيني
احلام العصر
سمح نشوف اصلا يوسف بس عليهو يحلم وكل احلامو محققه
كدي ي يوسف تعال نتكلم بالعقل
احكي واشكي انا سامعك العمر كلو
انت تتخيل في يوم من الايام انا ح احب لي واحد لسه عايش علي قروش ابوهو؟ مستحيل يااخ اصحي واخجل علي نفسك انا مستحيل ارتبط بواحد لسه بمد يدو لي ابوه وكمان رافع راسو بقروش م قروشو
كيف يعني القروش فى النهايه حقتي
أعوذ بالله منك تفكيرك رجعي بعدين قول حقتك بعد ابوك يموت اااي لكن انت تعبت فيها؟ ضقت مراره جيبها كيف؟ طبعا لا انت بس بتلذذ بصرفها لأنك واحد لسه شافع وما وصلته مرحله النضج
انتي ي توسل ليه بتتعاملي معاي كدا حصل شقتي مني حاجه كعبه؟
ولا عايزه اشوف منك حاجه اصلا بغض النظر سمحه ولا كعبه  سمعتك صابغاك يحلو
سمعتي؟!
اااي امشي أرخي اضانك واسمع الناس بتقول من وراك شنو واتعلم من أخطائك أمكن وقتها تلقي ليك زول يحبك او على الاقل تلقي ليك صاحب يكون بالجد صاحب يلا سلام قومي ي ساره
******
غيث ي غيث ي غيوث
مالك ي عنبه
غيث ارح معاي الجامعه عليك الله
جامعه الساعه 2؟
اااي عندي محاضره مهمه ارجوك قوم
مستحيل الدنيا رمضان انا الليله م مشيت الشغل عشان انوم تقولى لى ارح معاي
عشان خاطري
م تستغليني
يلا ماشه اجهز ألقاك جهزت بحبك يلا باااي
********
غايتو ي توسل انتي قويه شديد يوسف دا م حصل زول فكر يتناقش معاه اصلا
يوسف دا ي ساره م كعب شديد بس فرحان بالعندو فيهو حاجه كويسه وهي تأنيب الضمير وانا ح استغل النقطه دي
عايزه تعملي شنو ي خطيره انتي
استني وشوفي
منتظرا
يلا نفطر
ي بت نحن صايمين ها
واااي نسيت
توسل وااي عايني الولد دا سمح كيف واااي واااي اللهم اني صائمه
دا الجابو شنو هنا
دا منو بتعرفي الجمال دا وما وريتيني ي خاينهاللهم الثبات
دا غيث ..
دا غيث
غيث منو
ي بت غيث الحكيت ليك عنو ياااخ
وااااي يعني ح تعرسي السماحه دي لا اصلو م ممكن م بخليك والله م بخليك عايزه ابقا ضرتك انا مش صحبتك
ي بت شايفاهو أتقدم لي حيوانه دي
ح يتقدم ي صحبتي مصيرو يتقدم لكن حظك دي دعواتك الكتيره دي جابت ليك ثلاثيني الهنا والسرورارح نسلم عليهو حلفتك
مستحيل
ماف مستحيل عندنا انا سبقتك يلا الحقيني
تعالي ي مجنونه
سلا عليكم غيث؟!
عليكم السلام نعم غيث اتفضلي
شكرا بس جينا انا وتوسل نسلم عليك قالت بتعرفك
توسل!!! وينها؟
هدي اناكيفك
الرداحه كيفك يااخ
بخير عناب كيفك
بخير توسل انتى كيف
الحمد لله حبيبه
صدفه ولا انتو بتقرو هنا؟
بنقرا هنا
يسلام طيب نبقا أصحاب
طوالي
طيب مدام مجتمعين تعالو انا عازمكم ارح
شك…
طوالي اتفضل
ساره الله يفضحك دا شنو ي حقيرهارح تعالي نبذيني بعدينقاعدين كلهم ياكلو ويتصورو ويتعولقو علي حساب غيث
سلام عليكم عناب كيفك
هيفاء!!! اهلين فيك كيفك
بخير انا م ح تقولي لى اتفضلي( وااي منك لو عايزه تقول كان قالت م تفرضي نفسك ي بتي)
القعده كانت ظابطه بس البت الحشريه دي خربتها وزولكم عينو م رفعها من توسليعاين ليها ساااي المهم خلصو قعدتهم ومحاضراتهم وغيث وصلهم بيتهم ( اريتو غيثي)
توسل رجعت البيت واتونست مع اخوانها العوارض ديلك تتذكروهمالمهم قامت نامت وجا المغرب جهزت الأفطار وكلو ونضفت العليها ومسكت دفترها ” حين إلتقيتك لا أعلم أكانت صدفه ام القدر هو الذي جمعنا يحين احتل الجفاف علي قلبي أتيت كالغيث انبت المشاعر على ازقه قلبي ومنذ ذلك الوقت لا يعلم قلبي هل انت الذي كان يتمناه ويطلبه من الله ام انك قد أتيت لتغير كل احلام هذا القلب المسكين
اما عن عقلي فلم يعد يفكر فى احدا سواك وهو واحد من إثنين اما انك ذاك الثلاثيني الذي احتل قلبي قبل ان ألتقيه اما انك الثلاثيني الذي سيحتل قلبي منذ اول مره إلتقيه خياران أحلاهما مر فأخبرني ماذا ترى؟!”
قفلت دفترها وقامت صلت التروايح ورفعت إيدها لله وقالت اللهم ان كان خيرا لي اجعله من نصيبي سجدت حينها وسألت دمعه علي خدها لا تعلم هي سبب نزولها
***
ي ربي انا مالي من شفت البت توسل دي وانا م تمام الحاصل شنو ياااخ نفسي افهم( وقعت في الحب يبني)
قبيل م قدرت اشيل عيني منها ي ربي هي جميله شديد ولا انا الشايفها كدا؟!
لا هي جميله شديد والله
عنبه الجابك شنو؟
جيت اتصنت عليكوقبضتك الف مره قلت ليك م تفكر بصوت عاليكدي اتخيل زول غيري جا وسمع كلامك دا
لالا الله كريم عشان كدا جيتي انتى م زول غيرك
اوريكم عيله غيثي( اااي غيثي مالكم)
غيث الكبير وبعدو عصام العرس داك وعاليه اختو الكبيره فى البنات متزوجه وعندها ولدين وعسجد متزوجه وعندها بت وحده وعناب وامو وابوه بس نرجع..
اها قلت لي شنو بتفكر فيها
الصراحه اااي
واااي اخيرا اخيرا فمرت ليك في بت توسل دي عجيبه غريبه معناها
م عارف صح او غلط
لا صح انا متأكده انت قوم استخير وادعي عشان تفرحنا انا نفسي افرح بيك
قربنا ي عنبتي
ازغردت
ارح
ايويويوييي
يلا امشي نومي
تصبح عريس
منك خشمك لباب السماء يلا اتخارجي
(كلكم ادعو لوحده اسمها محاسن الله يجمعها بالبتحبو وتبقا حلالو وربنا يجمع كل المتحابين بحلالو يااارب)
غيث قام صلي ركعتين ورفع يدو للسما ودعاء ووقتها حس براحه عمرو م حصل حسا بيها وقلبو اطمئن شديد للموضوع ومن وقتها ختاهو في بالو وقال اللهم اجعلها حلالي
بعد م كل واحد من توسل وغيث اعترفوا بينهم وبين نفسهم وكل واحد فيهم دعا ربو انو التانى يكون من نصيبو ربنا استجاب لدعواتهم فى الشهر الفضيل داوغيث جااي عشان يتقدم لتوسل بعد م اتكلم معاها واتفقوا علي كل شي واعترفو لبعض باعجابهم جااي يتقدم( عشان كدا بقول ليكم حبو ثلاثيني عشان م بعرف يهظر أعجب بيك طوالي بجي يتقدم حبو ثلاثيني وريتكم انا)  ( ادعو معاكم لامنيه ربنا يتم ليها ويجعل البتتمناه حلالها)
توسليانا قلت ليك شنو م قلت ليك مصيرو يتقدم واااي حظك ياااخ
الحمد لله ي ساره ربنا كريم وعالم بحال قلوب عبادو عشان كدا جبر خاطري وحقق امنيه قلبي وجعل الثلاثيني حلاليالحمد لله دائما وابدا
الله يسعدك ي صحبتي ويهنيكم يااارب
امين
يعني ي شينه انتي ح تعرسي خلاص؟
شين انت ي عثمانح اعرس وارتاح منك
بس انا ح اشتاق ليك
وانا كمان والله
هوي خلو الكضب متين ح تشتاقو لبعض انا مستعده احلف انكم م مصدقين تتحلو زاتو
تنزيل قفلي
بهظر ياااخ انا زاتي ح اشتاق ليك
كضابه
وحاتك

الحمد لله ي بتي امي شفتك عروسم تتخيلي مبسوطه قدر شنو اناالله يسعدك ان شاءالله ويهنيك ياااارب
امي ياااخ م تبكيني
***
انا مبسوطه ي غيث اخيرا ح تتزوج ي اخوي م قادره اوريك قدر شنو انا مبسوطه بيك
عقبالك ي عنبتي
غيث انا بحبك والله
وانا بعشقك والله ي عنبه
م ح تتغير علي بعد الزواج صح
مستحي…
ماف زول بعرس م بتغير ي بتي مش كنتى عايزه تعرسي ليه وطايره اتحملي التغير
ي امي انا مستحيل اتغير مهما كان السبب لو عرست لو فضلت عزابي ح اكون غيث نفسو الحيتغير شنو يعني؟
ح يتغير انو ح تبقي عندك مسئؤليات تانيه تنسيك مسئؤلياتك القديمه
انتي قلتيها هي مسئؤليه يعني مستحيل انساها
طيب نشوف وعلي العموم الف مبروك فرحت ليك
م ظاهر كدا ي امي
هوي ي بت انا متوتره بس اكيد مبسوطه ولدي ح يستقر
ان شاءالله الفيهو خير الله يسوي ي امي
آمين يلا اطلعو اتأخرنا
يلا
**
جو اتقدمو وأهل توسل وافقو واخيرا حلمك ي توسل اتحقق مهندس ثلاثيني كل شي كان اكتر من فخم وكلمه فخم بسيطه شديد في حقو والمفاجاءه انو التعارف قلب خطوبه والعرس اتحدد بعد العيد مباشرة
يوسف فكر في كلام توسل واتغير شديد وبدأ ليهو مشروع صغير من اتعابو ويوسف الاناني داك اتغير بقا شخصيه تعجب وكل بنت تتمناه وغير دا اعتذر لكل بنت اتسبب فى يوم بأذيتها والفضل يرجع لتوسل فى التغير للأحسن دا وحتى الحلاوه وين كمان جا الخطوبه واعتذر وتوسل فرحت شديد بجيتو
م مصدقه دا نفسو يوسف ي توسل
انا قلت ليك ي ساره انو م كعب واتعمدت اكون معاهو قاسيه لانو عرفت انو م كعب وعندو تأنيب الضمير البقا معدوم فى الناس
ربنا يسعدك ياااخ وليك الأجر
آمين
توسل غيرت يوسف للأحسن بسبب ثقتها انو لسه جواهو في خير ويوسف بجهتو اتقبل كلام توسل ومشا فكر فيهو ولقا نفسو كلامها صح وهو وين منصبو كل شي حق ابوه ومن وقتها فكر يعمل مكانه لاسمو واول شي ابتدا بيهو الصلاه والاستغفار اتقرب من ربنا شديد وتاب عن أعمالو السيئه ” ان الله غفور رحيم “
م تحكمو على الناس من كلام الناس عنهم حاولو غيرو الحوليكم للأفضل لو عندكم القدره وليكم الاجر مضاعف يوسف اتغير شديد وبقا افضل وجادي واتقدم لتهاني الرقص معاها فى عرس اخو غيث وتانى برجع واقول لو شايفين انكم بتقدرو تقدمو حاجه تنفع غيركم م تبخلو( كنتو عايزين يوسف شرير مش ماف ليكم)
مر شهر رمضان بخيرو وتوسل وغيث اتعرفو علي بعض اكتر واكتر وحبو بعض واتعلقو ببعض شديد ( اصلا توسل متعلقه بيهو قبل تعرفو)
وباكر العيد وبعدو تتبدي مراسم الزواج( يااارب ثلاثيني يااارب)
-نعم
كيف يعني غيث ح يتزوج لا مستحيل غيث م ح يتزوج غيري انا بحبو من زمان مستحيل اسمح بكدا مستحيل
1شوال
الله اكبر الله اكبر
لا إله إلا الله
الله اكبر الله، اكبر، ولله الحمد
عيدك مبارك
مبارك بوجودك ي عمري
كل عام وانت معاي ومالي حياتي فرحه وهنا وسعاده
وانتي معاي ومكملاني ي رب
جاء العيد ( عيدكم مبارك من أسي اتحداكم لو في زول قالها قبلي)
يوم العيد وكل الناس تزور في بعض مبسوطين والعيلتين الفرحه م شايلاهم بيت العرس عاد ( ان شاءالله عقبال كل وحده بالبتتمناه يكون حلاله وانا ادعو لي بالثلاثيني حقي دا بس)
اليوم كان أكثر من حلو والفرحه فرحتين عقدو لي توسل وغيث بعد صلاة العيدقدام العالم كلو
وتوسل قاعده في الكوفير اتصل عليها غيث قبل العقد بس م اتكلم ساكت سااي
الووو
____
غيث؟؟ ألوو
غيث عثمان عبد الله هل تقبل بتوسل محمد طه زوجه لك
نعم اقبل
هل تقبل بتوسل زوجه لك
نعم اقبل
هل تقبل
اقبل
محمد طه وكيل توسل هل تقبل بغيث عثمان عبد الله زوج لإبنتك
نعم اقبل
هل تقبل بغيث زوج لإبنتك
نعم اقبل
هل تقبل
أقبل ( تم العقد)
( انا ابوي اتوفي قبل يكون وكيلي وقبل يفرح بي وم ح يشوفني وانا عروسولا ح يسلمني للثلاثيني ويوصيه عليادعو ليهو معاكم في الشهر الفضيل دا كلكم قولو اللهم ارحم محمد طه واجعل قبره روضه من رياض الجنه)
الف مبروك بقيتي حلالي خلاص الله يقدرني واسعدك وانا اوعدك اشيلك في عيوني م بقول ليك م ح ازعلك لانو القدر م معروف وامكن تزعلي مني بس بقول اوعدك م اخليك تنومي وانتي زعلانه مني ولا يوم من الأيام ح اخلي دموعك تنزل الا لفرح وح افضل احبك واعشقك كدا طول عمري وكل يوم انا ح اشكر ربي علي النعمه الاداني ليها وهي انتي وطول عمرك ح تفضلي شافعتي المدلعه الرداحه اللميضه واوعدك اكسر راسك القوي دا واقطع لسانك الطويل دا
تكسر شنو وتقطع شنو اسي خربت الكلام
اسكتي م تخربي المشهد خليني اكمل
اها
وح افضل احبك طول العمر لحدي م تعجزي وتجيبي لي دسته اولاد ونص دسته بنات
لي جداده انا
توسل قفلي
خلاص خلاصاها
وح ادعمك في كل حاجه انتي بتحبيها ومن يوم الليله انا انتي وانتي وانا
حميدتي يااااه
توسل لآخر مره بقول ليك اسكتي ي مدمره اللحظات الرومنسية
معليش اها كمل
وفي النهايه بقيتي مرتي

مالك سكتي انطقي
انت عارف ي غيث
م عارف والله
انا من زمان زماان بقول انا ح اعرس ثلاثيني وصحباتي وأهلي وكلهم بضحكو فيني بس انا ولا يوم حلمي م اتغير ولا أملي خاب وربنا حقق لي أمنياتي
وانا اوعدك اني ح اكون ليك الزوجه الصالحه البتتمناها واوعدك احبك اكتر واكتر وان شاءالله ربنا يقدرني اكون زي م بتتمني * تمنيته ثلاثيني ووجدته* ( ان شاءالله حالي ي يمه) اخيرا ي الثلاثيني بقيت حلالي
انا بحبك ي توسلي
وانا بحبك اكتر ي غيثي ( الجفاف الجفاف)
ربنا يسعدنا ان شاءالله
ان شاءالله يارب
طيب جااي عليك
لا م تجي انا متحركه علي البيت
طيب
واااي واااي دل كلو كلام
ايويويوييي ايويويوييي ايويويوييي ايويويوييي ايويويوييي ايويويوييي ايويويوييياخيرا اخيرا ي توته ح تعرسي ثلاثينكعقبالي ي الله
امين ي ساره ان شاءالله عرسك بعد عرسي طوالي
آمين آمين ياااخ
يلا نتحرك .
ايويويوييي ايويويوييي ايويويوييي ايويويوييي ايويويوييي
ابشر ابشر ابشر ابشر ()
الف الف مبروك
الله يبارك فيكم
تمت العزيمه بخيرها الحمد لله وجاا غيث لابس جلابيه يحردوها ليهو مع الحناء
ابشر ي عريس ابشر ابشر طاخ طاخ طرااخ( دا مسدس كويس)
اتفضل ي عريس ادخل شوف عروستك
ايويويوييي ايويويوييي ايويويوييي ايويويوييي
ايويويوييي ايويويوييي ايويويوييي ايويويوييي
دخل وقفل الباب
توسل كانت نججججججججفه بسلابسه التوب الأحمر وفاكه شعرها والميكب وعيونها
المهم غيث جاء قال ليها مبروك علينا ي حلالي
وحضنها
توسل كانت نججججججججفه بسلابسه التوب الأحمر وفاكه شعرها والميكب وعيونها
المهم غيث جاء قال ليها مبروك علينا ي حلالي
وحضنها
الف مبروك علينا ي غيثي
ارجع اقول ليك الوعود تانى ولا ماف داعي
لا مااف داعي
طيب حبيبتي وباسها في رأسها
غيث ممكن طلب
عيوني ليك
م عايزه اعمل عرس كدا كفايه
ليه ي انا
بس م عايزه
م نفسك تلبسي لي الأبيض؟
بلبسو اسي وخلاص من غير جوطه وعرس كدا كفايه
مستعجله للدرجه دي
غيث بطل
طيب حاااضر انا ح اكلم الاهل لانو وعدتك كل شي عايزاهو ح يتنفذ
انا بحبك
وانا بموت فيك
غيث كلم الاهل انو كدا خلاص العزيمه بتاعتهم خلصت وم عندهم شي تانى وح يسوق توسل بيتها بعد يومين عشان يجهز تذاكر السفر وكدا
في البدايه اهلم اعترضوا بس لم شافو غيث وتوسل مصريين وافقو بعد تحانيس عشانهم
توسل في اليومين ديل ودعت صحباتها واهلها وجهزت كل امورها وخلاص علي وشك انها تسافر
نعم
كيف يعني غيث ح يتزوج لا مستحيل غيث م ح يتزوج غيري انا بحبو من زمان مستحيل اسمح بكدا مستحيل
خلاص ي هيفاء كل شي انتها وغيث اتزوج توسل والموضوع انتها وح يسافرو كمان بدل شهر عسل واحد غيث ح يعملو ليها سنه
كمااان شهر عسل انا المفترض اكون مكانها م هي
المفترض شي والواقع شي تاني كنت عايزاك انتى تبقي مرت اخوي بس غيث اختار شريكتو وماف زول بقدر يعترض
لا حبيبتي الواقع بسير زي م انا عايزه تمام
بس غيث اتزوج
عادي ممكن يطلق المشكله وين
يطلق؟!
ايوه يطلق
م اظن مستحيل غيث بحبها
وم تنسي كان بحبني
كان ي هيفاء كان وبعدين انتى م تنسي هو م حباك براهو ولا إعجاب فيك حباك بسبب الخطه العملناها واصلا احتمال م حباك
لو م حباني ح يحبني
بعد توسل جات م اظن
لا ظني ي بيبي انا هيفاء عارفه يعنى شنو هيفاء صح؟!
وتوسل طيب
زي ما جات بتمشي!
كيف
دي خليها علي انا
ح تعملي شنو؟
كل شي في وقتو حلو ي بيبي
اوعك تغلطي فى اخوي أو تعملي حاجه تسبب ليهو الاذي
انا زاتى م بقدر اشوفو بتعذب مستحيل اسبب ليه الاذى
انا حذرتك
هيفاء م بتتهدد قلت ليك م ح اعمل ليه شي
طيب وريني
انتى وريني ح يسافرو وين؟
باريس
طيب تسلمي ي بيبي مهمتك لحد هنا وخلصت يلا باي
جا يوم السفر ودموع من الصباح على وداعهم
توسل م كنت عايزاك تسافري رغم انك ثقيله وهبله وحقاره لكن بحبك
وانا بحبك ي تنزيل وانا م ماشه للابد حبيبتي اكيد ح ارجع ليك واصلا مستحيل اخليك ترتاحي مني
ح افقدك ي اختي
وانا ح افقدك ي عثمان
وحضنو بعض وقعدو يبكو( ان شاءالله كل بت تبكي دموع الوداع دي بركه الشهر العظيم دا) ( الليله الدعوه حقت ترتيل اختي ادعو ليها كلكم انها تسعد في حياتها وترجع راجلها عشان خاطر اولادها م يتربو بعاد عن ابوهم ادعو انو تكمل باقي رمضان دا في بيتها يااارب العالمين كلكم قولو امين عشان خاطر الشفع الصغار)
ودعت امها وابوها وساره وكلهم خلاص وغيث ودع اهلو كلهم لم جا لي عناب
عنبتي
عيون عنبتك
ح اشتاق ليك ياااخ
وانا كمان ح اشتاق ليك وح افقدك من الصباحم تطول ي غيثي
حاااضر ي عيوني
ترجع بالسلامه وربنا يسعدك يااارب العالمين
حبيبتي ياااخ وحضنها قعدت تبكي
وبكدا مراسم وداع توسل وغيث كملت وسافرو علي باريس ومن هنا ابتدت قصتهم
( يرجي من السناجل ربط الأحزمة في هذا البارت وعدم البكاء وتمني الارتباط؛ كما يرجي من المرتبطين عدم المبالغه في الأحلام وتخيل هذا المشهد مع من تحبون ورحله جميله وجفاف عاطفي مميز وقراءه ممتعه)
في مدينه باريس عاصمه فرنسا في إحدى غرف أجمل الفنادق في مدينه باريس عند الساعه ال 12:34 تستيقظ جميلتنا توسل بالقرب من غيث
بعد ان رفعت يديها عاليا لتجميع الطاقه لديها حتى تستطيع النهوض ( بالمختصر كدا اتمغت)
دخلت الحمام استحمت وجات طالعه لقت غيث لسه نايم يشبه الأطفال بس وهو نائم (احيي ي يما) شعرها لسه مبلول والمزيد تنقط منو نقط نقط نقطمشت لي غيث وقعدت جنبو وجابت شعرها بالجنبه وبقت تمشيهو على وشو ( حركات هنود بس يلا م علينا)
غيث بدأ يصحا شويه شويه بالمويه توسل لم شافتو عايز يصحا بقت تهز شعرها بقوه والمويه تقع في وش غيث( استحملو الجفاف دا يلا) غيث خلاص صحا جات تقوم جاريه مسكها
تعالي هنا ماشه وين بعد صحيتيني
انت عارف الساعه كم ي غيث؟
المهم مش صحتيني اتحملي يلا
غيث خلاص بطل
ابيت
م على كيفك
طبع بوسه على خدها وقال ليها بونجور” صباح الخير ” (عاد تمام قلب فرنسي)

مالك قلعتي عيونك كدا أديك وحده تانيه عشان تتعدلي
فووو قامت جرت( كدي العايزه تعرس تقول انا)
توسل دخلت الحمام تانى الحمارهغيث ضرب ليها الباب اطلعي اطلعي
م طالعه
ح تقعدي لمتين اطلعي انا عايز استحمى
فتحت الباب وجات طالعه عامله فيها خجلانه
طوالي مشت على الدولاب وغيث غمز ليها ودخل بقت تضحك براها بعد دخل( دقيقه انتو مالكم بتتبسمو؟ عشتو الدور ولا شنوارح م علينا انا زاتي ابتسمت)
طلعت ليها فستان بيجي وطرحه بالكبدي وشبط كبدي وشنطه كبدي غيرت وجات تكوي شعرها قاعده قدام التسريحه تشوف غيث وراها طالع من الحمام لابس البنطلون بس والمويه في باقي جسمو وعضلات بطنو دي تقولو مرصوصه رص ماشاء اللهوالعجب حقات يدو جون سينا بس( دا لاعب في المصارعه للناس المابتعرفو )
توسل فتحت خشما لمن ابا يتقفل تانيوبقت سرحانه فيهو ( بختك عاد الله لينا نحن)
غيث ينشف في شعرو واللحيه مليانه مويه بس واااي
جا لي توسل وزولتكم لسه سرحانه طقطق ليها اصابعو حتى رجعت لوعيها
سرحانه وين
ااااا لالا ولاشي
اعترفي اعترفي
قلت ليك ولا شي غيث قال ليها انتى اصلا سمحه كدا ولا انا الشايفك جميله شديد
لا انا اصلا سمحه ي بيبي
سبحان من خلقك
م عرفت ترد بشنوسكتتت
غيث قعدها قدامو وبقا يسرح ليها في شعرها ( اللهم غيث) خلص من الشهر جا عشان يمكيجها (وااااي ثم واااي للابد يلا)
عمل ليها مكياج احسن من البتعملو هبه الأحفاد زاتووباسها في رأسها ومشا هو عشان يجهز توسل هنا عيونا لمعت عايزه تدمع وقالت في جواها ” اللهم لك الحمد حتي ترضي علي نعمه الثلاثيني“
غيث لبس ليهو بنطلون اسود وتشيرت بيج وجاكيت اسود
توسل جات لبستو الساعه وقالت ليه امشي اتعطر قال ليها انتي اتعطرتي قالت لا قال ليها تعالي مشا رشا العطر فيهو نص القزازه كملها وحضنهاقال ليها كدا خلاص عطرتك( عطر لكن) توسل جابت العطر ورشت منو علي خدودها وركبت في رجولو من تحت ووقفت علي اصابعها عشان تبقا طولو وبقت تعطر خدو بخدها ( العطر عندكم لكن)
لسه واقفه على اصابعها كانت عايزه تقع غيث مسكها وقال ليها طول م انتي معاي اتاكدي انك م ح تقعي
وانا واثقه فيك
وح اكون قدر ثقتك
الله يخليك لي
وما يحرمني منك ي ام عيون ناعسه
ولا منك ي الثلاثيني
م تجي نلغي المشوار
فكني يلا
خلاص خلاصعارفه ح نمشي وين؟
لا وريني انت
ح نمشي اول نفطر تحت وبعدها ح اسوقك قوس النصر
قوس النصر
نعم نعم
( قوس النصر دا طبعا واحد من المعالم السياحيه في باريس ووهو بقع في طريق من أجمل الطرق الفي باريس واسمو طريق الشانزلزيه ودا طبعا طريق جميل شديد ورومنسي مزين بالاشجار من بدايتو لي نهايتو المهم ح اوصفو ليكم اكتر لقدام ان شاءالله )
يسلام ياااخ
وعارفه بعدو المسا ح نمشي وين؟
اها وين
برج إيفل
وااااااو
مدينه باريس تسمي مدينه الحب الرومانسية فما بالكم بالليل ح تكون كيف وكمان في برج إيفل ملتقي العشاق
غيث غيث انا بحبك
وانا بعششششششششقكتعالي جيبي حضن
غيث غيث انا بحبك
وانا بعششششششششقكتعالي جيبي حضن
هاك بس ارح
يلا
طلعو مشو تحت فطرو واتصورو وقال ليها يلا بينا
يلا
طلعو مشو قوس النصر
قوس النصر هو بناء كبير جدا مبني من الحجر الجيري علشان كدا شكلو كان حلو ومميز
توسل وغيث مشو هناك وبقو يتصورو ويتعاورو قاعدين لحد م المسا جاا كانو بتفسحو
بعد المسا غيث ساق توسل عشان يتعشو ومشو مطعم Le P’tit Troquet والمطعم دا قريب جدا من برج إيفل والحاجه المميزه فيهو انو على شكل غرفتين بس صغير وجميل وفي نفس الوقت فخم جدا والحاجه البتميز بيها المطعم انو حسب التعامل الانتا عايزو تدفع بس
المهم غيث طلب افخم اسلوب يعنى الدرجه الاولى المميزه
وطلبو المقبلات اللذيذة على فطائر فوا مع صلصة التين وسمك السلمون المتبل مع الشبت والجبن وصلصة الفجل وطلبو عصير عادي
النادل : سيدي م رأيك بالنبيذ الأحمر فهو مع سمك السلمون لذيذ جدآ ( طبعا الكلام كلو بالفرنسي بس انا ح اكتبو عربي اوك وغيث عندو شهاده في اللغه الفرنسيه والاجمل انو دارس سته لغات غير العربيه)
شكرا لا أريد العصير فقط
النادل: حسنآ سيدي كما تريد
تفضل
غيث ماشاء الله بتتكلم فرنسي جميل جدا وكمان لهجتك فيهو ممتازه
اااي اتعلمتو زمان
ماشاء الله
النادل جاب الطلب والعصير وتوسل و غيث بدو يأكلو
مسافه ياكلو اوصف ليكم المطعم
الطاوله كانت عاديه جدا بس الكراسي الحوليها فخمه والارضيه كانت زي لعبه الشطرنج ابيض بي بني ومربعات كانت فى نجفه فوق كل طاوله فيها أضواء ملونه وحوليها شموع معطره
وفى الجدار في صوره فيها بعض الفرنسيين اظن انو عندهم مكانه في المجتمع من الجنراليين وكدا
وكانت في كم صوره في منحوتات ووحدات فيها رسمات لرسامين مشهورين المطعم رغم بساطو الا انو كان جميل شديد
خلصو اكل وكل شي وغيث دفع الحساب وخلاص ماشين برج إيفل
المطعم اصلا قريب جدا من برج إيفل علشان كدا توسل قالت لي غيث نمشي مشي على رجولنا وغيث وافق
أثناء م هم في الطريق شافو عدد كبير من المرتبطين في الشوارع لا عجب فمدينه باريس معروفه لدى الكل انها مدينه العشاق
وصلو برج إيفل
وكأن اقل م يقال عنو انو اكتر من روعهالانوار مغطياهو كلو كلو كان حاجه اكثر من روعه توسل غيث قعدو في المقاعد في الحديقه الجنبو وماسكين إيدين بعض وتوسل خاته رأسها على كتف غيث ويتكلمو
غيث
عيونو
انت عارف انا من زمان بتمني انى اتزوج ثلاثيني
عارف علشان كدا اتقدمت ليك من دون اخاف انك ح ترفضي علشان فرق العمر البينا
انا مبسوطه شديد ي غيث
وانا مبسوط لأنك مبسوطه
بعد م كملو قعدتهم قامو مشو جسر الفنونطبعا دا من أجمل الحاجات الفي باريسمستحيل زول يمشي باريس وما يزور جسر الفنون
يلا جسر الفنون عباره عن اقفال بس( طبل عديل الطبله الوحده دي)
كل اتنين عشاق بجيبو طبله وبقفلوها سوا في الجسر دا وبرمو المفتاح في النهر
وكدا بكونو قفلو حبهم يعنى
المهم توسل وغيث عملو كدا ومشو
وصلو الفندق
توسل خلاص نعست وتعبت من اللف الكتير
جات تركب السلم غيث رفعها بين يديه
وصلو الفندق
توسل خلاص نعست وتعبت من اللف الكتير
جات تركب السلم غيث رفعها بين يديه
غيث دا شنو نزلني
م بنزلك اسكتي
م ساكته نزلني ي زول
كمان معاك لماضه عايز اقول ليك حاجه
قول
وزنك كم؟
الف نزلني يلا
جبتي لي وجع ضهر يلا انزلي
ماف زول قال ليك شيلنى
شلتك انتهيت
غيث وتوسل قعدو يتناقرو كدا لحد م نامو او في الحقيقه نام غيث بس مع انو توسل هي الكانت نعسانه بس نام هو
توسل بتعاين ليه وهو نائم قالت انا لو قمت الليل عشان اشكر ربي علي وجودك بحس نفسي مقصره
جيتنى علي مقاس احلامي تماما ربي م يحرمني منك طول حياتي ونعيش سعداء للابد ياااارب( كلنا بنتمني ليك كدا)
غطت غيث ورقدت نامت
صباح اليوم التالي:
توسل توته توتي
نعععم
قومي كفايه
خليني انوم شويه بس تعبانه
لالا قومي خلاص شوفي عملت شنو
طيب
توسل صحت لقت غيث عامل ليها شااي ومجهز الفطور وقال ليها الليله ح نفطر هنا وح ااكلك انا بي يدي ( احي من غيث انا)
فطرو وقال ليها قومي الليله ورانا مشوار من الموووت
ح نمشي وين
قدري كدي
ح نتمشي في طريق الشانزلزيه
لا
طيب معناها ح نمشي حديقه ديزني لاند
كمان لا
طيب وين
قصر فرساي
ووين ووين
قصر فرساي زي م سمعتي
واااي ي غيثاصلو العرس سمح كدا ولا بس عشان انت غيث ( لا اصلو العرس سمح عرسو ي جماعهوامشو باريس تكونو عارفين الحاجات دي كلهاوأهم شي جسر الطبل م تنسو تزورو)
قومي قومي بطلى بكش
خشي استحمي اول عشان تجهزي
طيب
توسل دخلت الحمام وغيث طلع ليها فستان بالكحلي ومعاهو طرحه بالأبيض وشنطه بالأبيض وشبط كحلي
وطلع لي نفسو تشيرت كحلي وبنطلون ابيض
توسل طلعت عيونها بقت قلوب قلوبالمهم جهزت وغيث دخل الحمام وطلع لم جات تتعطر قال ليها لا انا بعطرك وتانى تانى رشا العطر فيهو وحضنها والمره دي سوا العطر فى خدو هو وجا عمل بخدو على خدها
غيث خلاص
ليه؟
قرصتني
قرصتك بشنو كمان
بي لحيتك دي
احلقها عشانك
اوعك كدا حلوه
جراها حضنها وطلعو علي قصر فرساي
( القصر دا درعه عديل كدا)
حاجه كدا كبيره من اربعه طوابق بتلمع كلها بس بالذهبي والقزاز القصر عباره عند عده بنايات كلها مطله على ساحه في النص فيهو حديقه من ورا مساحتها كبيره جدا جدا قطع الأثاث الفي القصر دا أقل م يقال عنها خياليه والديكور دا يوديكم عالم تانىوهو من اهم القصور الملكية في فرنسا الحديقه بتاعت القصر عباره عن نوافير بسيعني حاجه كدا جميله شديد شديد
توسل من الفرحه م صدقت عيونها غيث دخل بيها القصر وكان حاجه كدا اكتر من فخمه بالف مره عباره عن نجف بس من جوا المهم دخلو وشافو وطلعو علي الحديقه برا قعدو فيها مسافه يتونسو ويحكو لبعض مواقف من الطفوله والحاجات الغيث بعرفها والحاجات البتتميز بيها توسل وقتها توسل اعترفت ليه انو كتبت عنو كم مره في رمضان لكن أصرت م توريهو الكتبتو
وغيث طلع بعرف يرسم واعترف ليها انو رسمها لكن برضو م ح يوريها ليها عشان م ورتو كتباتها عنو وحده بوحده
خلصو من جولتهم في قصر فرساي مشو طريق الشانزلزيه المليان بالاشجار الملونه وبقو يتمشو فيهو ويتونسو ويضحكو وظاهر عليهم انهم اكتر من مبسوطين وكانو حلوين جدا مع بعضهم بس فجاءه غيث شاف …

خلصو من جولتهم في قصر فرساي مشو طريق الشانزلزيه المليان بالاشجار الملونه وبقو يتمشو فيهو ويتونسو ويضحكو وظاهر عليهم انهم اكتر من مبسوطين وكانو حلوين جدا مع بعضهم بس فجاءه غيث شاف هيفاء
هيفاء دي الجابها هنا شنو يااارب
هيفاء منو ي غيث؟
قبل غيث يرد ليها جات عليهم
هااي غيث هاي توسل
هلا هيفاء
كيفكم ي عرسان
بخير الحمد الله انتي كيفك
انا كدا مبسوطه شديد
معليش م عرفتك!
توسل انتي م بتعرفيني بس معقوله غيث م حكا ليك عني؟
يحكي لي شنو احكي انتي
انا كنت خطيبه غيث القديمه بس قبل اكون خطيبتو كنت صديقتوواسي نحن أصدقاء وممكن نبقا اصدقاء؟
ااااا م مشكله أصدقاء
كيف باريس معاك والأجواء هنا
حلوه شديد تسلمي
زرتي المعالم السياحيه الفيها؟
ايوه
طيب حلو غيث ح تنزل شغل متين؟!
هيفاء انا اسي عريس اخدت إجازه
اه معليش نسيت
م مشكله يلا عن إذنك
(هيفاء خطيبه غيث القديمه بس غيث اصلا محصل حباها كانت اختو ورا كل الكلام ووقعتو في صحبتها عمرها 27 وجميله شديد ومتبعه الموضه علشان كدا بتبين انها اصغر من عمرها بشرتها بيضاء وشعرها بني طويل وكمان هي طويله وقوامها اجنبي عديل متحرره في لبسها ومعظم وقتها في الشغل مع غيث في نفس الشركه وعندهم فرع هنا في باريس وعندهم مشروع علشان كدا غيث طول شهر العسل لسه طبعا من شغلها مع غيث بتكونو عرفتو انها مهندسه ومعجبه بغيث من بدايه علاقتها مع اختو ولم اشتغلو في نفس المكان اتقربت لغيث اكتر واكتر واتعلقت بيه وبنحاول دائما تقربو منها لحد م غيث خطبها بس تانى الخطوبه فركشت وغيث فضل انو يكونو أصحاب واسي بعد م غيث عرس هي حست بالفشل والغيره والحسد وعايزه ترجع غيث ليها باااي سبب من الأسباب( صعب البت وقت تحب والولد يكون رافضها ب اما انتقمت منو ي اما حاولت ترجعو ليها) المهم هيفاء جميله بكل ما يحمله المعني وم ننسي عداستها عسليه وعيونها جميله شديد زايداها جمال دي كانت هي هيفاء)
بعد م اتحركو توسل غيث من هيفاء حصل بينهم النقاش التالي
ممكن افهم هيفاء دي منو؟؟؟
خطيبتي القديمه وم حسيت انها البتقدر تشيلنى وتشيل اولادي علشان كدا م كملت معاها
وليه م حكيت لي عنها م جبت لي سيرتها اصلا للدرجه دي مستهين بي
م حسيت انها حاجه مهمه علشان احكي ليك عنها
م انت البتحكم لو كانت مهمه او لا
م تتضايقي خلاص
ليه م اتضايق انت م شفتها بتعاين ليك ولا الموضوع اصلا عاجبك علشان كدا سكت وم اتكلمت صح
توسل م تحكمي كدا
بحكم بالشايفاهو انا م بحكم ساااي
هيفاء كانت ماضي وانتها خلاص
ماضي صح بس ابدا م انتها لانو ماضيك رجع ي استاذ غيث
توسل ياااخ خلاص كفايه انا لو عايذها م غالبني اتزوجها وات…
ايوا ايوا اسي لو عايز بتقدر تمشي تتزوجا ماف شي مانعك ولا انا اصلا شي عشان اقيف قدامك
توسل فهمتيني غلط ياااخ خليني اكمل كلامي
ماف داعي تقول اااي شي م هز كل شي وااضح جات باريس معاك أو يمكن انت الاخترت باريس عشان هي هنا بتكون معاك صح
توسل دقيقه اوضح ليك
م عايزه توضيح منك كل شي واضح
توسل انا والله م عندي ليها شي
اثق كيف انك م عندك ليها شي وريني؟
قصدك م بتثقي فيني؟
هيفاء كانت وراهم وهم م منتبهين وللأسف سمعت كل النقاش الحصل بينهم وكانت مبسوطه شديد بالبيحصل ومبتسمه كمان وقالت لسه دي البدايه …
يعني قصدك انتي م بتثقي فيني؟
_____
توسل ردي بتكلم معاك انا بتثقي فيني او لا؟
ايوه بثق بس بغير اكتر
ايواااا قولي كدابتغيري اااا
غيث انا م قاعده اهظر إطلاقا ومشت منو
وصلو البيت وتوسل لسه زعلانه جات تنوم غيث جاها
انا وعدتك اني م اخليك تنومي زعلانه قومي ارح
ارح وين م ماشه ااي مكان
بتقومي ولا اشيلك؟
طيب قايمه
م بتجي الا بالعين الحمرا
وطلعو وداها المول في الليل داكوداها مول غاليري لافاييت
( مول غاليري لافاييت من افخم مراكز التسوق في باريس حاجه كده فخمه شديد شديد وحظ البمشيهو بسالمهم كل النوافذ حقت المول دا من زجاج وكل الديكور بالذهبي حاجه كدا خرافيه كبيييير شديد فيهو تسعه طوابق و98 جناحكلو من افخم واغلا وأشهر الماركات المهم زولتكم طارت من الفرحه ونست زعلتها ديك ( والله انا لو مشيت عفراء سااي بفرح خلي غاليري لافاييت)
المهم اتسوقت ولو م تعبت كانت عايزه تلف المول كلورجعت زي م هي ورجعو البيت مبسوطين شديد وتوسل الفرحه عايزه تشقها عديل
دخلت الحمام استحمت وطلعت المويه لسه فيها وشعرها تاني بقا ينقط نقط نقط نقط
غيث جا من غير اااي مقدمات مسكها وقعدها ونشف ليها شعرها ومشا شغل اغنيه باريسيه رومنسيه وبقا يرقص معاها وتاني … ( إلى أين أنتم ذاهبوناقيفو هنا م شغلتكم)
بعد عده أشهر..
مرت سبعه شهور من زواج توسل وغيث وهم لسه في باريس علاقتهم قوت واهتزت في آن واحد وهيفاء شبه صادقت توسل وبقت قريبه منهم بس لهدف معين وكلنا عارفنو غيث نزل الشغل بعد تلاته شهور من زواجو يعني ليهو اربعه شهور شغال ومع هيفاء وهيفاء كل يوم زايده حلاوه لانها مهتمه بنفسها شديد شديد ودا كلو عشان غيث وتوسل عملت صداقه مع جارتهم الجنبهم واسمها إيناس وللصدفه إيناس كانت من اب سوداني وأم فرنسيه بس شايله من امها اكتر م شايله من ابوها ومن صغيره قاعده في باريس لانو ابوها اتوفا من زمان وم عندها اخوان ولا اخوات وامها انفصلت عنها طبع الفرنسيين انو البت بعد تكبر وتصل سن الرشد بتقدر تتحكم في حياتها وتقرر كل شي براها إيناس كانت فرنسيه اكتر من سودانيه لانها محصل شافت السودان بس كانت مهتمه باللغه علشان كدا بتتقن اللغتين العربيه والفرنسيه متزوجه من واحد اسمو فرانسس ألبريت من اسره غنيه شديد نفس إيناس وضعها كان كويس شديد كانت طويله شعرها اشقر وعيونها سودا وجميله شديد شديد عيونها كانو ظاهرات من دقه بلدنا علشان كدا زادوها حلاوه وجمال كانت انيقه شديد وبتحب توسل شديد وبتكره هيفاء ودائما بتحذر توسل منها اما توسل في السبعه شهور المرو جاها خبر وفاه سااره وم قدرت تمشي والحاجه دي أثرت فيها شديد ودخلت في فتره بتاعت إكتئاب بس بفضل إيناس وغيث قدرت ترجع زي الاول بس ابتسامتها قلت شديد والحاجه الكانت مؤثره فيها اكتر انها لسه م حملت واتزوجت ليها سبعه شهور حست بانو في حاجه غلط بس غيث م حصل حسسها انو مستعجل للانجاب رغم رغبتو الكبيره الكانت فيهو
هيفاء شبه عادت إحياء صداقتها القديمه مع غيث ونجحت في أول خطوه ليها
ام اما غيث اليوم دا كان عازم زملاءه في الشغل وطبعا هيفاء منهم
إيناس جات لي توسل من الصباح وبقو يطبخو سوا اكلات سودانيه وبعضها فرنسيه وجهزو العصير وكل شي رغم ااي شي والمجتمع الكانو فيهو الا انو ثقافتهم الاسلاميه ابدا م اتغيرت وم حصل النبيذ دخل بيتهم ابدا وايناس كانت مسلمه وحبت فرانسس واسلم عشانها وعشان يتزوجا وواجهه مشاكل من عائله ألبرت لانها كانت غنيه وكدا اتخلا عنهم وجا يعيش مع إيناس في شقه براهم بس عائلتو اتقبلت الموضوع لم لقت روحها ح تخسر الوريث الشرعي لانو كان ولدهم الوحيد بس فرانسس عشان يخلي إيناس مبسوطه وم تتعرض للاهانه بسبب ديانتها فضل انو يعيش بعيد عنهم ويمشي يزورهم من فتره لفتره
توسل وايناس خلصو كل شي وجا وقت العشا ولعو الشموع المعطره الفرنسيه ورصو السفره والضيوف كانو على وصول توسل مشت تجهز وايناس مشت تنادي فرانسس وتجهز هي كمان
بعد م الضيوف وصلو واتعشو وقعدو يشربو العصير ويدردشو شويه هيفاء قالت لي توسل
توسل لسه م حملتي؟
توسل عيونها دمعت كيف تسالنى السؤال دا وكمان قدام الناس ديل كلهم
معليش م قصدي أتدخل بخصوصياتك بس علشان شايفه غيوث متحمس لانو يبقا اب لانو أمس وانا بخت الملفات شفت لبسه لبيبي فى درج مكتبو ف حبيت اسأل علشان لو حامل غيث يتفاجاء ( اسي لو حامل بتنتظرك انتي تفاجئي غيث حيوانه)
رد ليها غيث
هيفاء اعتقد م من حقك تفتشي ادراجي وتشوفي الفيها ولا من حقك تدخلي في خصوصياتنا
غيث انا اسفه م قصدي بس خفت يكون عندها مشكله وتكون عاقر اقصد م بتنجب
هيفااااء
اسفه عن إذنكم
وكل الضيوف طلعو وراها وايناس قالت لي غيث ح اخليك معاها وطلعت هي وفرانسس
توسل حبيبتي
غيث كلامها صح امكن انا عاقر
لالا م تقولي كدا بعدين يااخ نحن لسه عرسان شنو عاقر م تقولي كدا ولا بزعل منك
دي الحقيقه انا م بقدر اكون امعمري م ح اسمع كلمه ماماصح ولا انت م ح تسمع كلمه بابا انا م بقدر اقدم ليك امنيتك
توسل انا م داير دايرك انتى بس وبعدين نسيتي انك شافعتي م محتاج شافع تاني كدي النقدر عليك انتي
غيث انا م ح اكون ام لطفلك
لا ح تكوني وح تملي لي البيت دا شفع بس اصبري انتي ربنا كريم
غيث ارح الدكتور
توسل والله م بحتاج انتي ادعي واصبري
لا بس ارح واسي
طيب زي م عايزه اهم شي راحتك بس صدقيني م بحتاج
لا بس ارح عايزه اطمئن
مشو الدكتور وعملو كل الفحوصات وانتظرو النتيجه ولم طلعت دخلو الدكتور
طمنا ي دكتور ان شاءالله خير
المريضه زوجتك صح
ايوه فشنو
المدام توسل ….
طمنا ي دكتور ان شاءالله خير
المريضه زوجتك صح
ايوه فشنو؟
المدام توسل رحمها ضعيف جدا ونسبه عدم الإنجاب عندها مرتفعه ل94% بس ممكن تتعالج لكن نسبه العلاج ضعيفه شديد
انت متأكد ي دكتور؟كدي راجع الفحوصات تاني أو أو تعال اعملها من الاول بس قول حاجه غير كدا
النتيجه صحيحه ومضمونه ميه بالميه ولو مشيت لي ااي دكتور تاني ح يقول نفس الكلام
توسل بس كانت سااكته م قالت ولا حرف كلمات الدكتور وقعت عليها زي الموت والصراحه الموت أهون
اصعب شيء في الدنيا انك تتحرمي من انك تحسي بالامومه وقتها ح تحسي انو اصلا مااف فايده لوجودك في الحياه والرجال!! الرجال للاسف م كلهم بتفهمو الحاجه دي ومعظمهم بقلل من غيمه زوجاتهم بعد يكتشفو انها م بتنجب اما المجتمع ف دا قصه تانيه خااالص المجتمع للاسف الشديد م بيرحم المرا المابتنجب وبطلقو عليها ألفاظ وكلمات المرا كانت بتفضل تموت علي انها تسمعها علي عكس المفروض يحصل مفترض كل الناس تكون مع المرا المابتقدر تنجب وكلهم يكونو ليها أمل ما ألم كلمتين لهما نفس الأحرف في الأبجدية ولكن لكن منها واقع مختلف فالأمل عمرو م ح يجي بعد الألم ركزو فيهم واتأملوهم أمل وألم انت بتقدر تدي الشخص القدام الثلاثه احرف دي علي حسب ترتيب قلبك ف رجاءا كونو مع المرا الانحرمت من الامومه وم تعيبوها بالقسمو ليها الله … نرجع
بعد م الدكتور قال كلامو توسل سكتت لا نطقت لا بكت غيث م كان عايز يحسسها بس النتيجه صدمتو لما عرف انو م ح يكون اب وهو كان بتمنى كدا من اتزوجها وحتى مجهز حاجات البيبي كلها في مكتبو علشان توسل م تتأثر كان منتظر يسمع كلمه بابا بس الدكتور كسر طموحو بعد م اخد صدمتو واتكلم مع الدكتور اتذكر توسل وجا عليها لأنها اتحركت من جنبو بعد سمعت الدكتور
توسل
_____
توسل اتكلمي معاي
_______
م تخافي اكيد كل شي عندو علاج وربنا ختانا في الامتحان دا علشان واثق اننا بنقدر نجتازو فحكمه ربنا وقدرو فوق كل شي وانا م مستعجل ابدا للموضوع ربنا كريم وح يرزقنا
______
توسل م قالت ولا شي كأنو غيث م بتكلم معاها ولا اهتز ليها رمش
أو م وصلو البيت توسل مشت علي غرفتها وفتحت الدولاب طلعت منو طقم بتاع اطفال فيهو لبستين وحده بالوردي والتانيه بالازرق الطقم عباره عن جزمه بيبي ولبسه بي طاقيه وغشاشه( دي البختوها للبيبي فخشمو م متاكده من اسمها بس نقول غشاشه يلا)
غيث م كان عارف اول م شافها قال ليها توسل دا شنو وجبتي من وين توسل م ردت ليه بس طلعتو ومشت قعدت جنب الدرج بتاع السرير طلعت صوره فيها بت وولد سوا وطلعت اللبسات وحضنتهم وبقت تبكي بحرقه( حاره والله)
توسل حبيبتي خلاص م تبكي
ااااااخ ي غيث اااااخم ح اقدر اكون ام لأولادكم ح اسمع كلمه يمام ح اربي لي قطعه من قلبيم ح تكون عندي قطعه منكاااااااخ انا ي غيثليه كدا ليه يحصل معاي انا كدا ليهياااااااربييييياااااارب انا عمري م غلطت يااربعمري م عملت حاجه تزعلك ي ربيليه تعاقبني كدا ي الله ليهليه اتحرم من الاحساس بالامومه انا ليهي الله اغفر لي لو غلطت بس وجعي حاااااراااااااااااي اناااايااااااا اللهي غيث م ح اكون ام انا ي غيثي غيث م ح اجيب ولد وبت منكحرمتك من أعظم احساس بالدنيا انا ي غيثقلبي اتقطع انا ي غيث
غيث م قدر يتكلم ولا قدر يقول اااي شي ونسا انو يكون صبور ويصبرها وقعد جنب طرف السرير وقعد يبكي ببكاها
( اللهم ارزقنا الذريه الصالحه)
غيث م قدر يتكلم ولا قدر يقول اااي شي ونسا انو يكون صبور ويصبرها وقعد جنب طرف السرير وقعد يبكي ببكاها
غيث وتوسل قعدو حكايه بتاعه ساعتين كدا يبكو لحد م توسل نامت في مكانها والدموع في عيونها ( اوعكم في يوم تنومو زعلانين لانو كدا الحاجه الزعلتكم دي عمرها م ح تتنسي ليك بالساهل حافظو على نفسكم ) وغيث اصلا م كان صابر عشان يصبرها فعلا قبل يتأكد كان بصبرها بالكلام بس وقت شافها منهاره كدا انهار معاها طوالى لانو كان واقف على الهبشه المهم غيث مشا رفع توسل من الأرض وختاها في السرير وهو كمان رقد جنبها ونامو وهم مكسورين الخاطر وربنا ان شاءالله م يكسر بخاطر زول لانو كسره الخاطر صعبه ترجع تنجبر
مرت الايام وتوسل لسه في حذنها ووقتها غيث شال اجازه عشان يكون معاها إيناس وفرانسس يوم واحد م خلوهم براهم كانو الاربعه بطلعو سوا عشان ينسو توسل
بعد شهر توسل شبه اتعايشت مع الموضوع بفضل غيث وايناس وفرانسس وهيفاء كانت بتظهر مره مره بس غيث ابدا م خلا ليها فرصه تجيب الموضوع لتوسل وايناس كانت معاها كل م هيفاء تجي
هيفاء وقتها كانت راسمه خطه واول م طلعت من بيت ناس توسل وغيث اجرت مكالمه هاتفيه محتواها التالي
هلا والله بي اخت زوجي المستقبلي
-هلا هيفاء
كيفك ي حماتي
– حماتك؟؟
ايوه نعم ح تبقي حماتى
– كيف م فهمت غيث طلق توسل وانتو اتزوجتو يعنى؟
الله يسمع منك يحلوه بس لسه م طلقها
– طيب حماتك كيف؟
ي غبيه المهم خلينا في المهم
-قولي
الخطه اتغيرت
-كيف
انتى ح تقعدي تسالي كتيير كدا كوني ذكيه زي اخوك ولو لمره ياااخ
-المهم قولى فشنو؟
توسل م بتنجب
-نعم نعم كيف يعنى الكلام دا
زي م قلت ليك ي صحبتي
-انتى متاكده ي هيفاء من الكلام دا؟
زي م متاكده اني بتكلم معاك اسي
– طيب ح تعملى شنو؟
انتظري وشوفي
اوك يلا باي
اليوم داك هيفاء قالت لتوسل عايزاك في موضوع ضروري شديد موضوع حياء او موت بس بتمنى منك م تكلمي غيث انك ح تقابليني ونتلاقى في منتزه التويلريس توسل م كانت مرتاحه بتاتا لكن ك فضول وافقت انها تمشي واريتها لو م مشت
صباح اليوم التالى غيث اول م طلع الشغل بعد م باس توسل على رأسها زي م بعمل كل صباح قبل يطلع توسل قالت ليه انها ح تطلع تتمشي وغيث قال ليها تمام وطلع
بعد م جهزت كل حاجاتها واستحمت ولبست ليها عبايه لحميه وطرحه لحميه وشبط وشنطه باللون الأبيض اتصلت عليها هيفاء قالت ليها انا منتظراك علشان م اتأخر على الشغل وغيث يشك بالموضوع توسل قالت ليها اوك مسافه الطريق بس
وهي في الطريق مرت بطريق الشانزليزيه واتذكرت اول مره مشت فيهو مع غيث واول مشكله حصلت بيناتهم وغيث كيف راضاها وابتسمت وصلت المنتزه وطبعا كالعاده كان جميل اصلا كل شي في باريس الصراحه جميل
المهم وصلت طبعا م وصفت ليكم الميكب حقها كانت عامله ايلاينير بس على عيونها الناعسه وكحل خفيف وروج بالكبدي وباقي وشها من غير ميكب يجنن اما هيفاء فكانت عامله ميكب عرس بس م خلت شي كدا م ختتو في وشها بس م ننكر انها حلوه كانت لابسه بنطلون ابيض وتشيرت ابيض وجكت بتاع بدله باللحمي وشبط كعب عالى باللحمى وعامله شعرها كيرلي وشايله شنطه بالأبيض الصراحه كانت تجنن وكل الشباب في الشركه عايزنها بس هي م ختت عينها الا على راجل المرا المهم اتقابلو وسلمو على بعض وقعدو ودار بينهم الحوار التالي
صدفه ولا قصدك تقلديني؟
توسل م بتقلد زول امكن لو م كانت صدفه تكوني انتى القلدتيني
على العموم عبايتك حلوه
وكمان لبستك حلوه
انتى الاحلا بيبي
رايك شنو نخش في المهم؟ جبتيني هنا ليه؟
طيب ي بيبي انا جبتك عشان اقول ليك انو غيث …
طيب ي بيبي انا جبتك عشان اقول ليك انو غيث بحبك بس م مبسوط معاك
نعم؟؟؟؟
توسل خليني اكمل ممكن؟
لا م ممكن انتى منو اصلا عشان تحددي اذا غيث مبسوط او لا؟
انا منو؟ انا لو وريتك انا منو ح تبكي!!
بحب ابكي وريني انتى منو؟
انا البحب غيث
نعععععععم؟؟؟!!
زي م سمعتي وانا جبتك عشان اصارحك توسل انا بحب غيث جدا ي توسل م بقدر اعيش من دونوحرام عليك تحرميني منو ي توسل شوفي ي توسل انا حبيت غيث لدرجه خياليه وعملت كل شي عشان يحبني بس هو ولا نظره م اداني ليها وجا حباك انتى وكمان اتزوجك
هيفاء لو سمحتى انا م بسمح ليك تقولى كدا غيث راجلي انا فهمتى وبعدين انا عارفه كل حاجه
عارفه كل حاجه؟؟ عارفه شنو انتى ؟ عارفه انى كنت حافظه ضحكتو وبضحك بضحكتو عارفه اني كنت بشوفو في كل أحلامي عارفه انى كنت بعشقو ولسه بعشقو عارفه اني بحبو ي توسل ومستحيل اخليهو عارفه شنو انتى عارفه شنو
هيفااااااااء اسكتى ولا كلمه إذا انتى كنتي كدا طيب عارفه انا شنو عارفهعارفه انى زيك حافظه ضحكتو وبضحك بضحكتو وبحزن بحزنو عارفه انو لم يكون بعيد مني انا م بنوم من الزعل ولم يكون قريب منى م بنوم من الفرحه عارفه انى بعرفو من صوتو اذا متضايق او مبسوط؟ عارفه شنو انتى عارفه انو انا بحب غيث من قبل اعرفو عارفه انى م بنوم من غير م افكر فيه عارفه انى بموووت لو يوم زعل مني كنت عمري كلو في كل يوم وفي كل دقيقه م بقدر انوم انا من التفكير في غيث م بعرف انوم اصلا ولو نمت بحلم بيهعارفه شنو وريني عارفه انو انا حياتي كلها مرتبطه بغيث ومن غيرو ح اموتوابدا ابدا م بقبل زول يشاركني في حبو فعشان كدا بطلي تحبي غيث ي هيفاء لانو هو م ليكي افهمي يااااخ
لااااا لو م كان لي م ح يكون لغيري انا م بقدر اخليهو ي توسل م بقدر انا ادمنتو فاهمه
طيب دا الكنتي جايبانى عشان تقولى لى انك بتحبي راجلى جبتيني عشان كدا؟؟؟
لا
لا!!!
ايوه جبتك اقول ليك شي تانى غير اني بحب غيث
قولى اصلا م خليتي فيها شي
توسل انتى م بتنجبي
ماف داعي تذكريني انا عارفه
خليني اكمل … انتي م بتنجبي وغيث ي توسل عايز ولد يشيل اسمو انا معاه في الشركه كلل م ادخل عليه بشوف الحزن في عيونو بشوفو مكسور ووقتها انا بتكسر بكسرو وبحزن بحزنو
اذا خلصتي انا عايزه امشي
توسل انا عايزه اتزوج غيث عشان اجيب ليه الولد واحقق حلمو
طاااااااااااااااخ( ادتها كف ) كيف تتجرئي اصلااوعك فيوم تفكري في حاجه زي دي غيث لو عايزك كان عرسك م كان جاني انااخجلي ولمي باقي كرامتك لو باقي ليك منها شي اصلا البت البتكون بت اصول اصلا م بتجري ورا راجل فما بالك لو كان راجل متزوج
توسل انتى م بتقدري تقدمي لغيث الحاجه اللي هو اصلا عايزه واتزوجك عشانها بس انا بقدر أقدمها ليه
ينقطع لسانك قبل تقولى كلامك دا ي حقيرهختيها حلقه في اضانك غيث عمرو م ح يكون ليك عمرو م ح يعاين ليك غيث غير توسل م شايف وتوسل غير غيث م شايفه فهمتتتي
وتحركت من جنبها ودموعها في عيونا وبقت تبكي وهيفاء تصرخ ليها اتذكري انك عمرك م ح تقدمي لغيث حاجه فاهمه م بتقدري تديهو الولد البشيل اسمو واوعك تنسي انك عااااقر وما بتنجبي واتذكري ح تمر الأيام وح اتزوج غيث ي توسل وانتي ال ح تستقبليني خليك عارفه
توسل جاريه وتسمع في كلام هيفاء الذي السم على قلبها ووصلت البيت وبقت تبكي بهستريا لم بقت ترجف وشويه واتشنجت وبعدها اغمي عليها وهي واقعه في الأرض
هيفاء ماسكه خدها مكان الكف وقالت اتذكري ي توسل انو كل القلتو انا ح يحصل وانو انا ح اتزوج غيث وبرغبتك انتي كمان وح ارد ليك الصاع صاعين اتذكري كلامي دااا وصرخت باعلي حس عندها غيث لي انا خليك فاهمه وعارفه انو غيث حق هيفاء وبسسس
غيث كان في الشغل وفجاه اتوتر وقلبو وجعو شال جوالو واتصل بتوسل بس ماف رد بقا يتصل كتير ويرسل رسايل وماف رد وهنا اتوتر زياده وقام طالع على البيت سايق بسرعه خياليه لين م وصل البيت فتح الباب وشاف توسل واقعه في الأرض صرخ بأعلى حس عندو تووووسللللل
وصل البيت فتح الباب وشاف توسل واقعه في الأرض صرخ بأعلى حس عندو تووووسللللل
جرا عليها وبقا ينادي فيها توسل توسل قومي ردي علي ي توسل قومي والدموع ماليه عيونو نادا إيناس وشال توسل بين يديه ومشا المستشفي
اول م وصل شالها وايناس جاريه وراهو دخلوها جوا والدكتور دخل عليها وغيث بقا منتظر ومتوتر وايناس تصبر فيهو
اول م الدكتور طلع غيث جرا عليهو
ي دكتور طمني توسل كويسه
توسل عندها إنهيار عصبي ي استاذ ممكن تتفضل معاي المكتب
انهيار عصبي ليه من شنو ماف شي زعلها للدرجه دي
جاها انهيار حاد كمان ولو م جيت فى الوقت المناسب كان ممكن يتسبب ليها بشلل دائم ويبقي اعاقه ابديه المرا دي نفدت منو بصعوبه بس المرا الجايه م مضمون تطلع منو برضو انتو لازم تحافظو عليها وتحاولو تتجنبو اااي شي ممكن يزعجها  في حاجه اصلا مزعلاها هي؟
ايوه ي دكتور نحن متزوجين لينا تمنيه شهور ونص وتوسل لسه م أنجبت ومشينا لي دكتور وقال انها م بتنجب الكلام دا من شهر ونص تقريبا ومن يومها توسل شايله في خاطرها
م بتنجب؟!!!!
ايوه قال كدا الدكتور وقال نسبه علاجها ضعيفه كمان
بس في الفحوصات الكامله العملناها م طلع معانا مشكله او عندها اعاقه في حاجه تقريبا كيف م بتنجب!!!!!!
كيف الكلام دا ي دكتور ممكن توضح؟
طيب ممكن نعمل ليها الفحوصات من الاول اذا م عندك مانع؟
م عندي مانع طبعا اعملوها طوالي
طيب تمام
غيث اتصل بهيفاء عشان تاخد مكانو لانو ح ياخد اجازه ووراها انو توسل تعبت وجاها انهيار عصبي هيفاء بعد قفلت منو ابتسمت وقالت: دي البدايه ي توسل جابت ليك انهيار حاد في الأعصاب والمرا الجايه بتموتي ان شاءالله( دا لو في مره جايه ي حقيره)
الدكتور عمل كل الفحوصات ومنتظرين النتيجه وكتب لغيث الادويه ومشت إيناس تجيبهم وبقو منتظرين النتيجه على أحر من الجمر
في السودان**
امي خلاص م تبكي ي امي كلنا اشتقنا لتوسل واللهالبيت فقد السعاده بعد طلعت وبقا هادئ فاقد جنونها وشغبها امي عشان خاطرنا نحن تسكتي ي امي
اسماء سكتت وحضنت تنزيل وعثمان عليها وقالت ليهم انا كلكم بريدكم ومكانتكم عندي غاليه بس قلب الأم بكون مع الغائب واللهوانا حاسه بتي م كويسه وبتصل عليها م بترد( اصلو احساس الام وقلبها م بكضبو الله بحفظ امهاتنا ويرحم الأموات منهم)
اثناء قعدتهم جرس الباب ضرب مشا عثمان يفتح الباب طلعت دي عناب اخت غيث جاتهم
عنبه تااااني
اااي مالك
ياااخ م تجي تسكني معانا وترتاحي
عثمان ياااااخ احسن ليك
خلاص خلاص خشي
دخلت عليهم وسلمت عليهم وقعدو يتونسو وطبعا من عرسو توسل وغيث عناب بتجي ناس توسل وبقت قريبه ليهم شديد بتحاول تنسي فراق غيث وتنسيهم فراق توسل
في باريس**
سلام عليكم ي مدام انتي معاهم؟
ايوه انا معاهم خير ان شاءالله
وين الاستاذ غيث
لحظه اناديه ليك
وفجاه غيث جا داخل
استاذ غيث الدكتور عايزك في المكتب لانو نتيجه الفحوصات طلعت
غيث وايناس بقو متوترين ومشو للدكتور في مكتبو
سلام عليكم ي دكتور
اهلا غيث اتفضل
اها النتيجه طلعت
اااي طلعت
اها طمنا
سلام عليكم ي دكتور
اهلا غيث اتفضل
اها النتيجه طلعت
اااي طلعت
اها طمنا
اتفضل ارتاح
غيث قعد والتوتر ح يقتلو ومنتظر الدكتور يفتح خشمو دا ويقولالمهم الدكتور حس بتوتر غيث واختصر على نفسو الكلام
ي غيث المدام توسل فعلا طلع عندها اعاقه في الإنجاب
غيث خلاص فقد الأمل في الموضوع م كان عايز يسمع كدا كان عايز حاجه عكس كدا ويقول ليه توسل حامل او بتقدر تنجب الدنيا ضلمت في وشو وم انتظر الدكتور يقول حاجه طلع برا طوالى والدموع ماليه عيونو
المهم بعد كم ساعه خرجو توسل وغيث اخد إجازه عشان يقعد مع توسل
توسل اليوم كلو سرحانه وتفكر في كلام هيفاء معقوله كلامها يكون صح؟ معقوله انا حرمت غيث من احلى شي في الدنيا انا انانيه للدرجه دي ياااربي؟ كانت بتبكي وبتقول كدا غيث جا داخل لقاها تبكي ومشا عليها
توسل مالك بتبكي م تقطعي لي قلبي؟
غيث انا ممكن اطلب منك طلب؟
انتى قولى بس طلباتك أوامر ولو دايره عيوني بديك ليها
عايزاك تتزوج
نععععم اتزوج؟!! توسل انتي واعيه لنفسك؟
ايوه تتزوج
لا م ح اتزوج مستحيل م بقدر اكون مع وحده غيرك انا
غيث عشان خاطري انا لازم تتزوج لازم ي غيث انا كدا بكون شايله هم في قلبي ي غيث كدا ح اكون حاسه بتأنيب الضمير ي غيثحس فيني ي غيث حس بي انا تعبت خلاص
توسل انتى أقوى من كدا ونحن ح نعالج الموضوع
انا م عايزه علاج خلاصرضيت بالكتبو الله
طيب انا م ح اتزوج
غيث حرام عليك عشاني انا اتزوجوالا والله اطلق منك ولو م طلقتنى برفع قضيه خلع ودا اخر كلام عندي وقامت طلعت منو
غيث بقا يصرخ ويصرخ وفي النهايه طلع برا ومشا شرب سجاره وم جا راجع الا بالليل
كنت وين ي غيث؟
م يخصك مش عايزاني اتزوج تانى م عندك شغله امشي وين واجي من وين م دخلك فاهمه
لا م فاهمه وليه ريحتك كدا غيث عملت شنو؟ غيث بتكلم معاك انا ياااخ
طيب ي توسل انا موافق اتزوج بس عندي شرطتين لو رضيتي ح اتزوج او غير كدا لا
شرطتين شنو؟
الشرط الاول انا ال ح اختار اتزوج منو؟
اااي ح تتزوج هيفاء
شكلك م سمعتيتي كويس قلت ليك انا ح اختار م انتي
وانت ح تختار هيفاء صح؟
انا م ح اتزوج هيفاء
ح تتزوج منو؟
ح اتزوج اسيل
اسيل؟!!
ايوه اسيل
اسيل منو ممكن اعرف
لا م ممكن ح تتعرفي عليها وهي عروس
طيب موافقه والشرط التانى
لا بقو تلاته شروط م اتنين
غيث بطل حركاتك دي
اذا م عايزه ممكن نلغي الموضوع؟!
خلاص قول الشرطتين
الشرط التانى بعد الزواج ح اجيب اسيل تعيش هنا لانو انا مع شغلى م بقدر اتنقل مره هنا ومره هنا وانا زوج عادل فهمتى وبعدين في باريس العيشه م زي السودان عشان كدا م بقدر افتح بيتين هنا موافقه؟
طيب موافقهوقلبها كان ح يتكسر خلاص
والشرط التالت اول م اتزوج انتى تبدي جلسات العلاج واذا رفضتي شرط من الشروط انا م ح اتزوج
علاج شنو؟
انتي عارفه
غيث انا م عايزه اتعالج م تجبرني
وانا م عايز اتزوج وانتى جابراني
طيب ح ابدا علاج يوم العرس
احجزي طيب العرس بعد بكره
بالسرعه دي؟
مش انتي عايزه كدا؟
اااي
طيب انا حجزت ليك عند دكتوره شاطره غير الاتنين العملو ليك الفحوصات
تمامبس ممكن اعرف اسيل منو؟
قلت ليك ح تعرفيها وهي عروس خلاص
طيب
*** غيث ح يعمل القالتو توسل وح يتزوج بس م ح يتزوج هيفاء وكدا هيفاء خطتها ح تكون خربت تتوقعو هل ح تسكت على الموضوع دا او لا ومن هي اخت غيث القاعده تساعد هيفاء في خططها
الليله اليوم غير المنتظر بالنسبه لغيث وتوسل غيث عقد علي اسيل ولم هيفاء عرفت جات المكتب وبقت تصرخ وتكورك وقالت ليه انا بحبك بجنون وانا جبرت توسل تخليك تتزوج عشان تتزوجني انا م وحده غيري فهمت ي غيث وبقت تضرب فيهو في صدرو وتبكي وتقول ليه غيث انا بحبك م بقدر اعيش من دونك اناوقعدت على رجولها وماسكه في غيث وتبكي بس غيث ولا اهتز ليه رمش وقال ليها ح اقول ليك كلمتين م اكتر اولا انا عارف انك السبب عشان كدا م ح اتزوجكوثانيا اتعلمي م تزلي نفسك كدا قدام ولد وعشان ولد تمام يحلوه يلا قومي انفضي الغبار ولمي باقي كرامتك والله يقسم ليك ود الحلال يلا اتوكلي
هيفاء خلاص بقت قدر السمسميه قدام الناس ومشت الحمام جري طرزان بس( والله مع انو ولد يقول ليك كدا حاجه حاره شديد بس يلا تستاهل عشان تتعلم الدرس)
غيث مشا البيت ومعاهو اسيل اوصفها ليكم بنوته ظاهر عليها عسل وكيوته قصيره وشعرها طويل سودانيه اما وابا زميله غيث في الشركه كانت لابسه توب الجرتق ومحننه حنه العروس واقفه جنب غيث المهم عسل شديد
غيث رن الجرس وفتحت ليه توسل طبعا م حضرت العقد عشان اتفاقها مع غيث م تحضرو تمشي تبدأ العلاج
فتحت ليهم الباب وقلبها دا عايز يطلع من سرعه دقاتو غيث قال ليها اعرفك زوجتى الثانيه اسيل هنا توسل دمعتها نزلت بس م خلتهم يشوفوها اسيل دي زوجتي الاولى توسل
اتشرفنا ي توسل
تسلمي
اتفضلو ديك غرفتك ي اسيل
لا توسل معليش انا عريس وعايز غرفتي زاتها ممكن بعني؟ م بعرف اغير مكاني ولا م بجيني نوم ولا برتاح
المعنى؟
المعنى واضح اقعدي انتي في الغرفه التانيه وخلينا انا واسيل في الغرفه دي
يعني اطلع من غرفتي ي غيث؟؟
اااي اسبوع العرس دا بس مش انا عريس ومفروض تدلعيني
حاااضر
توسل مشت لمت شنطه ملابسها ومشت الغرفه التانيه دخلت وقفلت عليها الباب وختت رأسها على المخده وبقت تبكي بحرقه بحرقهقلبها كان ح يطلع من مكانودا غيث الكانت بتغير عليهو من روحها الليله مع مرا تانيه وهي السبب وكمان الغرفه الكانت فيها ذكرياتها كلها ولعبهم وجنونها وحنيتو ومقالبها وصبرو عليها الليله طلعت منها وقعدت فيها وحده تانيه قلب غيث الكان بنبض باسم توسل الليله دخلتو وحده تانيه البيت الكان مليان بريحتها وصوت ضحكتها الليله بقا فيهو شريكه غيث الكان حقها براها وم بتقبل مخلوق يشاركها فيهو الليله مع وحده غيرها حضن غيث وحنيت غيث كانت ملكها هي بس لكن لو الدنيا زاتها زايله في حاجه بتدوم؟
الثلاثيني الكانت بتتنفسو نفس الليله بقا معاها شريكه في حبو غيث الكان لتوسل وتوسل الكانت لغيث معقول انتهو؟
توسل قالت كل الحاجات دي وقلبها خلاص ماات من الوجع وصرخت صرخه وجع وقالت ااااااااااااااااااااخ ي اللهشيل امانتك وريحنى ي اللهاحييييي انا محتاجاك ي يما اناوبقت تبكي وتصرخ وراسها لسه على المخده عشان م يسمعوها بكت لمن نامت
توسل اول صحت من النوم بدري قامت لقت عيونها مورمه من البكا ومصدعه عشان نامت بتبكي المهم دخلت استحمت ولبست ليها بجامه طويله وطلعت برا نضفت وجهزت الفطور والشاي وعملت كيكه وخلاص حيلها اتهدا جهزت كل أنواع الأطباق اليوم كان جمعه زي الساعه عشره ونص اسيل جات طالعه من الغرفه لابسه بجامه تلتي اربع والريحه دي تسد الدرب توسل عاينت ليها وقالت ليها صباح الخير مع ابتسامه مليانه حزن اسيل ردت ليها
صباح النور حبيبه
غيث م صحى لسه ي اسيل؟
لسه تعبان خليه يرتاح
ااهاا طيب
ممكن اقعد معاك عادي ي توسل؟
ايوه تعالى طوالي اقعدي مسافه اجيب ليك الشاي
اسيل قعدت وتوسل مشت جابت الشاي وجات
لا اشربي انتى انا ح انتظر غيث يصحى بشرب معاه
اشربي عادي ي اسيل غيث م بشرب شاي عشان كدا م تتنظري اتفضلى اشربي
قعدو سوا يشاهدو في الشاشه ويشربو في الشاي
توسل ممكن سؤال؟
عارفه سؤالك ح يكون شنو بس يلا اسألي!
انتى ليه خليتي غيث يتزوج؟
غيث م حكا ليك؟
لا!!
طيب ي ستي انا عندى إعاقه في الإنجاب وغيث حلمو يبقا اب وخصوصا انو بحب الأطفال شديد عشان كدا خليتو يتزوج
كان تتعالجي
الأمل ضعيف ماف داعي نضيع الزمن سااي
اها طيب براحتك
ممكن تحكي لي عنك؟
اوك انا اسيل زميله غيث في الشركه من زمان شديد وكنا أصحاب شديد بس تانى حصلت ظروف وهو نزل السودان وعلاقتنا ضعفت واسي رجعنا من الاول بس
كانت في بيناتكم علاقه يعني؟
لا ابدا كنا مجرد أصدقاء م اكتر
طيب
عن اذنك ي توسل ح ادخل لغيث
اتفضلي
اسيل دخلت لغيث وبعد ربع ساعه غيث طلع توسل قالت ليه الفطور قال ليها فاطرين برا انا واسيل عاينت ليه وقالت ليه تمام طلعت اسيل لابسه بنطلون جب شورت اسود وتشيرت ابيض وجاكت جينز وشنطه سودا وطرحه بالكبدي وقالت ليها عن اذنك توسل اتأخرنا توسل ابتسمت ليهم ومشت المطبخ دموعا نزلو بس مسحتهم فجاءه حست بزول ماسكها من ورا
لو قلتي لى اسي الغي الموضوع بلغيهو انتى بس قولى
امشي ي غيث اسيل منتظراك
توسل انتى ليه بتعملى كدا
م بعمل في شي انا
انتى كدا بتعذبي في نفسك وفيني انا
غيث امشي م تخليها تنتظر اكتر
غيث فكاها بقوه وصره وشو ومشا وهو غضبان وضرب باب الشقه طاااخ توسل بعد الباب ضرب اتفقعت بالبكا بس قبل تتم بكاها جرس الباب رنا افتكرتو غيث قشت دموعا وفتحت لقتها إيناس اول م شافتها حضنتها وقعدت تبكي بحرقه إيناس م قدرت تتحمل فبقت تبكي معاها وقال ليها توسل انتى في يدك توقفي غيث قبل يروح منك ي توسل غيث لسه ليك م تخلي يمشي لغيرك اسمعي الكلام ي توسل
ي إيناس م بقدر انا م بقدرانا لم اشوفو مع وحده غيري بموت الف موته ي ايناسولو حرمتو من أغلى شي كمان بموت وبتوجع انا بين نارين ي ايناس
قعدو يبكو لحدي م توسل هدت شويه وايناس سخنت الأكل وغصبتها تاكل المهم قعدت معاها لحد الضهر وقالت ليها بعتذر ي توسل ح امشي عشان فرانسس ماشي المسجد الليله وقال ح يلبس جلابيه اتخيلي لأول مره
وااااي جااده يسلاامبس سؤال عندو جلابيه؟
لا م عندو قومي جيبي وحده من غيث قبل يغير رايو متحمسه اشوفو بالجلابيه السودانيه
انا زاتى متحمسهراجلك السمح دا احي منو بس
اسي سمح راجلى ولا راجلك
سمح غيثي طبعا
احي انا من غيثي ديكدي النجرب اقول فرانسسي
وااااي اوعا م سمحه بطلقك
قومي جيبي الجلابية خلي كلامك الكتير دا
خلاص قايمه( الأصحاب الزي إيناس دي رزق ااي زول عندو نوعيه إيناس دي يحافظ عليها عشان بقت حاجه نادره )
واتحركت على الغرفه وقفت جنب الباب قبل تفتحها اتذكرت انها بقت م غرفتها قلبها وجعها وكانت ح ترجع بس م حبت توري إيناس بموضوع الغرفه ودخلت اول م
دخلت دموعا جرو عشره عشره وشافت نفسها وغيث بلعبو في كل مكانمشت على الدولاب فتحتو لقت ملابس اسيل م ملابسها هي قلبها اتشق على اتنين مشت عشان تفتح الغرفه الصغيره طبعا غرفتهم اتنين في وحده يعني هي غرفه كبيره وجواها غرفه صغيره غيث عملها كدا عشان لم يكون عندهم ولد بيبي م يتعبو ويمشو بعيد يخلو في الغرفه دي لحد م يكبر ويدو غرفه تانيه المهم جات تفتحها إيناس كوركت ليها خلتها ومشت على الدولاب طلعت جلابيه من حقات غيث وطلعت سريع نضفت عيونها من الدموع وادتها إيناس قالت ليها ي تصوري لي ي تجونا بعدين فاهمه
حاضر يستي يلا بايي
يلا
طلعت بجاي غيث واسيل جو بي جااي سلمو على توسل وغيث قال ليها الليله ماشي المسجد مع فرانسس
ااي إيناس جات شالت جلابيه اسي من حقاتك
اهاا تمام طيب ح امشي اجهز ودخلو هو واسيل بعد شويه جا طالع ومشا لتوسل فى غرفتها
توسل
نعم
ممكن ترشي العطر فيني؟
ايوه
وجا عليها رشا العطر كلو فيها وحضنهاتوسل هنا م قدرت تمسك روحها واتفقعت بكا
غيث ولا كلمه م قالها بس فضل حاضنها عليهو شديد وهي تبكي
لحد م جات اسيل دقت الباب
وجا عليها رشا العطر كلو فيها وحضنهاتوسل هنا م قدرت تمسك روحها واتفقعت بكا
غيث ولا كلمه م قالها بس فضل حاضنها عليهو شديد وهي تبكي
لحد م جات اسيل دقت الباب غيث أشر ليها بيدو وقال ليها امشي اسيل طوالي عملت خلف دور ولفت مشت وتوسل بكت لمن فترت غيث قال ليها خلاص خلصتي؟
اااي
طيب انا مشتاق ليك
وانا اكتر والله العظيم
طيب ماش الصلاه ونجي نمشي الدكتور سوا
الليله الجمعه م عندي
بس هم شغالين!
ااي شغالين لكن انا م عندي
طيب جهزي لي غداء من يدك اشتقت لي اكلك
حاااضر
يلا م اتأخر وباسها في رأسها وطلع
كان لابس جلابيه كحليه مع لحيتو والشيب الفيها والطول والعرض والشعر اللهم وااي بس
طلع وجا راجل اتغدو كلهم سوا توسل وغيث وايناس وفرانسس واسيل
كملو غداء قالو يطلعو توسل قالت ليهم نمشي قوس النصر لو م عندكم مانع
غيث غمز ليها وقال ليها تتذكري اول طلعه
ااي عشان كدا قلت نمشي قوس النصر عشان الذكريات الفيهو
طيب ارح
طلعو كلهم وأثناء م هم هناك غيث مسك يد توسل وبعد من الناس وماشين وهم يتونسو ويضحكو ونسو همومهم كلها ومشاكلهم بس فجاءه هيفاء ظهرت ليهم
غيث انت هنت كرامتي قدام ناس الشركه كلها وصغرت بي وقللت من مكانتي وانتي ي توسل سرقتي حب عمري من وحب حياتي والسبب الكنت عايشه عشانو ولم دخلت ليك في رأسك قصه تعرسي ليه مشيتي عرستي ليه وحده تانيه ي غبيه عشان كدا انتو الاتنين انا م ح ارحكم ابدا
أعلى م في خيلك اركبيهو ح تعملي شنو يعني؟
تحب تعرف ح اعمل شنو؟
وريني ابداعاتك
طلعت سكين وحاولت تطعن غيث بس مسكها منها وجدعها بعيد وقال ليها جنيتي انتي
ايوه في حبك وطلعت سكين تانيه ومشت على توسل بس غيث سريع مسكها ولصق ليها كف وعدلها بالتاني وقال ليها كدا اتخطيتي حدودك ااي شي والا توسل اااي شي والا حبيبتي اااي شي والا بتي اااي شي والا روحي فهمتيي
يااخ بطل دراما لو حبيبتك زي م بتقول م بتتخلى منها عشان أحلامك حتى لو هي جبرتكوم كان عرست فيها
انا مع…. انتي م دخلك فاهمه اصلا انتى السبب في دا كلو ي حقيره علي العموم لسوء حظك هنا الحكم قاسي جدا وانا ح اسلمك للشرطه وح تتعاقبي
المهم هيفاء نزلت ليها دميعات كدا وتترجى في غيث م يسلمها الشرطه بس غيث ولا حياة لمن تنادي وساقها وداها مركز الشرطه وتوسل واسيل رجعو مع ناس إيناس
هيفاء ثبتت ليها كم جريمه حاولت تقتل غيث مره وتوسل مره وكمان في شارع عام سببت الرعب للمواطنين واصلا حمل سلاح او اداه حاده والتجول بها في شوارع باريس دي براها جريمه عقوبتها صعبه المهم هيفاء تم الحكم عليها اربعه سنه مع الأعمال الشاقه
ومرر اسبوع من الحادثه وتوسل كل يوم تفكر في كلام غيث وفي كلام هيفاء
يلا يوم واقفين في المطبخ اسيل وقعت توسل صرخت لغيث غيث جا رفعها وشالها بين يديه قال لى توسل جيبي ليها عبايه توسل جابت العبايه ولبست هي وحده ولبست اسيل قالت لغيث ح امشي معاكم قال ليها لالا م يحتاج وطوالي دور العربيه وخلا توسل واقفه برا
هنا تانى كلام هيفاء رجع ليها ودموعها نزلو دخلت جوا قلعت العبايه ونضفت وعملت اكل وعصير لي اسيل بعد ترجع ومشت اتوضت صلت ركعتين بقت تبكي في الصلاه وتدعي لحد م نامت وهي في المصلايه م صحت الا بجرس الباب قامت فتحت وهي بعبايه الصلاه لقتهم غيث واسيل
واسيل باين عليها الفرحه ح تقتلها م بتقولو عيانه وغيث كمان مبسوط شديد
توسل سألتهم اها ان شاء الله خير الدكتور قال شنو
الدكتور قال انا حامل
شنوو؟؟؟ حااامل ؟!!!
ايوه حامل مالك مصدومه كدا؟
ااا لالا ولا شي الف مبروك ي اسيل والف مبروك ي غيث اخيرا ربنا رزقكودموعها كانو على وشك انو ينزلو خلاص غيث اتكلم معاها توسل
ااا نعم
مالك؟
لا ولا شي ح ادخل الحمام بسرعه واطلع تمام وطوالي جرت دخلت الحمام
فتحت الدش عشان الصوت وبكت بحرقه شديده م حصل بكتها قبل كدا بقت واقفه تحت الدش وتبكي وتضرب نفسها كفوف وتقول انا السبب انا السبب غيث خلاص ضاع منيغيث ح يبقي اب لي ولد غير ولديانا السببي الله اقيف معاي ي الله م بقدر اتحمل انا بكت لمن كملت البكا وطلعت غيرت وصلت
مشت ادت اسيل العصير وجهزت الاكل ونادتهم غيث ياكل ويعاين لي توسل كان حاسي بيها وحاسي انها م كويسه ومتألمه
وتوسل كانت بتضحك رقم الوجع وكل شي وحتى لو كانت ح تموت من الغيره والوجع بس كانت مبسوطه بالحمل بث اثناء م بياكلو اسيل كانت عايزه ترجع وقامت جرت الحمام بقو قاعدين توسل وغيث براهم
توسل
نعم
مبسوطه؟
شديد
متاكده؟
ااي
م حاسي كدا ليه؟
خلينا من احساسك عايزه أسألك ممكن؟
اتفضلي
متاكد انها حامل؟
ااي طبعا ليه السؤال؟!
انا م قصدي شي بس انتو يداب متزوجين ليكم اقل من ١٥ يوم وتحمل!!؟
قصدك شنو وضحي؟
م قصدي شي مجرد سؤال
قصدك انها حامل قبل تتزوجني؟؟؟؟
انا م قصدي شي بس انتو يداب متزوجين ليكم اقل من ١٥ يوم وتحمل!!؟
قصدك شنو وضحي؟
م قصدي شي مجرد سؤال
قصدك انها حامل قبل تتزوجني؟؟؟؟
انا م قلت كدا ي غيث
بس كلامك بوضح كدا
انت لو رضيت لو ابيت ماف حمل في 15 يوم ودا كل العندي
وقامت منو دخلت غرفتها غيث طوالي مشا على اسيل
اسيل
نعم ي غيث اتفضل
اسيل كانت قاعده في الغرفه الصغيره الجوا الغرفه
كيف بقيتي؟
احسن الحمد لله
طيب اسمعي توسل شاكه فينا
كيف شاكه فينا نحن م بينا ليها شيى
قالت انو ماف حمل في ١٥ يوم
واااي كلامها صح نحن م اتنبهنا انو نحن لينا ١٥ يومطيب لمن تشوف بطني طالعه ح تطلعني فاجره عديل
بالمناسبه انتى ليك كم؟
ي شيخ انا دخلت التالت عديل
ي زوله والله ماشاء الله ربنا يتم ليك على خير
آمين يارب وعقبالكم كدا
احيييي ياخ امين امين
طيب اسمعني انا ح احاول اطلع غيره توسل باقصي ما يمكن دا لو م خليتها اتجيهت ليك سااي زي النسوان حايمه ساي لا حنه لا دخان
دي رأسها قوي هاا ولا ح تتحنن ليك ولا ح تدخن ليكم تتعبي نفسك
استنى على وشوف
ابدعينا
اسي ممكن تدخل الحمام عشان عايزه اطلع ليها بملابس تغيظها
حاااضر يستي بس لم تكونى داخله رسلى لى رساله في الواتس كالعاده
حاااضر
عاملين زي الجواسيس
كلو عشان خاطر توسل يهون
خلاص قومي ابدي انا داخل الحمام يلا
طيب
غيث دخل الحمام عشان اسيل تطلع( نعم نعم ي ساده م متزوجيندي خطه من غيث عشان توسل تتعلم وتعرف انو الضره حاره وتتعالج كمان واسيل طبعا م حامل من حرام اسيل متزوجه صديق غيث بتاع الطفوله واتفقو كلهم على كدا
وغيث طلع توسل من الغرفه م عشان حقار زي م قلتولا عشان فيها غرفتين واسيل كانت بتنوم في الغرفه الجوا والصباح بتخلى غيث يدخل الحمام حتى تتريح وتطلع لي توسل وقبل تدخل بترسل لغيث رساله هو بدخل الحمام تانىوهي بتدخل غرفتها بعدها غيث بطلع من الغرفه وهي بتمشي تستحما من ريحه الريحه شفتو غيث تعبان عشان توسل كيف وانتو تقولو كعب وكريهاللهم غيث بس)
المهم اسيل لبست ليها فستان قصير وطلعت
توته
اهلا
ممكن تعملي لي عصير
ليه م بتعرفي تعمليهو؟
انا حامل والدكتور قال لى م تتحركي
تفضلي اجي اشيلك؟
لالا م للدرجه ديتوسل انتى بتغيري؟
اغير من شنو؟
مني
لو بغير م خليتك عرستي راجليبعدين انا العرستو ليك نسيتي
م نسيت طيب ممكن تحننيني؟
ي بت انا لي روحي م اتحننت احننك انتى؟
طيب ح اكلم غيثي يوديني الكوفير عايزه اتحنن وادخن
نننننننننننن
اوعك تقولى ماشه معانا عليك الله عايزه افرح م غيثي براي شويه
انا زاتي عايزه اتحنن وادخن مالي م مرا
لا مرا ونص
علي العموم العصير في التلاجه عملتو ليك لو قدرتي تتحركي اشربيه ولو م اتحركتي عنكومشت منها
اسيل رسلت لغيث قالت ليه توسل عايزه تتحنن وتدخن
شنو شنوكضابه والله
وحات جناي
سمحه جناي ديالمهم م مصدقك ي زوله عملتيها كيف
الغيره بتعمل اكتر من كدااجهز عشان ح تودينا الكوفير وانا داخله المطبخ انت أمشى طلع العربيه وانا بدخل اجهز تمام
تمام
غيث طلع واسيل العسل دخلت جهزت روحا وجات دقت لتوسل الباب لقتها جاهزه وطلعو
طبعا ي توسل ح اقعد جنب غيث عشان حامل
وم تحملي لكن م جنب غيث قعده ليك ماف
انا مرتو لكن
وانا مرتو قبليك
بس انا الاولى في العمر اكبر منك
وانا الاولى في قلب غيث ومكانتى اكبر من عمرك كلو
خلاص اقعدي
اصلا ح اقعد
غيث الفرحه والضحكه عايزه تقتلويتبسم سااي وهو شايف توسل غيرانه وصلهم الكوفير وقال ليهم عندي شغل ارجعو بترحال وفات منهم وقبل يمشي غمز لتوسل طوالي عملت م شايفه
مر اليوم بخيرو وشرو واسيل م خلت طريقه م غاظت بيها توسل وولعت نار الغيره جواها
توسل اصلا سمحه وقوامها ماشاء الله وشعرها اسود طويل
عملت لون لي شعرها عملتو من التلت ولتحت اشقر وفوق شويه بني المهم ظبطو ليها شديد شديد وعملو ليها مكوه سيراميك وطولو زاد وبقا حاجه خرافيه ودخنوها وحننوها حنه عروس بس طبعا اسيل كانت موصيه البنات عليها
عملو ليها مساج والمهم نوروها عديل علي سماحتها زادت سماحه واسيل جبرتها تعمل ميكب خفيف يعني باختصار طلعت جننننننننننننننه
طلعو ركبو ترحال واسيل دي مبسوطه لمن ظاهر فيها وكل شويه تقول ليها غيث قال لى وغيث عمل لي المهم توسل م باقي ليها غير تموت
وصلو واسيل قالت ليها انزلي انا عندي مشوار ماشه اقيل مع صحبتي
توسل ولا اشتغلت بيها نزلت طوالى دخلت جوا نضفت وغسلت العده وبخرت البيت كالعاده ومشت استحمت وجات شافت نفسها بالجد بقت حلوه قالت كدي اجرب الفساتين العندي واتصور لبست الف حاجه واتصورت واخر حاجه لبست ليها فستان اسود قصير ووقفت قدام المرايه وقالت الله يحفظني سماحتى ماف اسي دي مرا يعرسو فيها وبقت تضحكوتغني فجاءه كدا قلبت مبسوطه( ان شاءالله حالي اتبسط من غير سبب قصدي)
فجاه كدا لفت لقت غيث واقف وراها وبعاين ليها وهو مبتسم
فجاه كدا لفت لقت غيث واقف وراها وبعاين ليها وهو مبتسم وشها بقا زي الطماطم وغيث بقا يجي عليها ولا كلمه م قالها وهي بقت تتم وتتكلم كتير وغيث بقا قصداها وتتكلم وتتم لحد م غيث سكتها( استغفر الله العظيم)
بقت تعاين ليه جوا عيونو وترجف وتانى…حصل الحصل وما تسالوني واتجاوزو بالله
توسل صحت تانى يوم لقت غيث راقد جنبها دخلت استحمت ولم جات طالعه وطبعا كالعاده المويه من شعرها شغاله نقط نقط نقط نقطاتذكرت وقت كانت بتصحي غيث بمويه شعرها المهم وهي سرحانه غيث صحا وقال ليها الجميل سرحان وين
من غير م تشعر ردت ليه في جمالك وذكرياتك
قعدها وبقا يجفف ليها في شعرها ويتونسو ويضحكو ويتذكرو في ماضيهم فجاه كدا غيث قال ليها تتذكري قبل كدا قلت ليك رسمتك؟!
ااااي ليه السؤال
الليله عايز اوريك الرسمه
يسلام حماس كدي اشوفك بتعرف ترسم
غيث مشا جاب ليها الرسمه وتوسل اول ما شافتها دموعها جرو تتذكرو اول مقابله لغيث وتوسل في العرس؟
قلنا كانت لابسه اسود صح يلا تعالو شوفو غيث رسمها باددددق التفاصيل ولونها بالتفصيل يعني حرفيا كدا كانت صوره م رسمه وصوره الكاميرا حقتها كانت القلب والعدسه العين م بالكاميرا العاديه
وكان كاتب بخط جميل جميل شديد اسمو الخط الكوفي
كان كاتب رأيتك اليوم ودخلتى قلبي دون إستئذان منه صدقيني ي صغيرتي لم أر احدا ما بجمالك قط حينما تصادمنا ولمست ايادينا بعضها لم أشأ ان اتركك حينها وفقط وفي تلك اللحظه شعرت بانك ملك لي
قلبي احبك من اول نظره ي ترى م حال قلبك انتى؟
وكان كاتب التاريخ والساعه الاتقابلو فيها وراسم قلبين داخلات في بعض وكاتب لقد أحببتك هل ستكونين من نصيبي
توسل بقت تبكي وتبكي وغيث حاضنها عليه ودمعتو كمان جرت وقال ليها بحبك ي توسل بحبك شديد انا توسل قالت ليه وانا بعشقك والله العظيم
قال ليها انتى حبتيني من شفتيني زي ولا بعد اتعرفنا
انا حبيتك قبل اشوفك
كيف وريني
مشت جابت دفترها وفتحتو وادتو يقرأ المكتوب وكان العنوان كالتالي ” رمضانيات ثلاثينية“
أول أيام الشهر الفضيل
صادفت ذلك الثلاثيني الذي خطف قلبي وعقلي دون أن نتحدث سويا.
لا أعلم ما الذي يحدث لي؛ أيعقل أن أكون قد جننت؟ رباه لو جننت سيكون حبه السبب.
حين رأيته لا اعلم أنبض قلبي حينها ام توقف عن النبض؟!
يا ترى كان يرتدي اللون الأخضر ام خيل لي ذلك؟! لا أعتقد أنه خيل لي لابد من أن القدر جمعنا في مثل هذا اليوم الفضيل وكنا نرتدي نفس اللون الأخضر الجميل لحكمه يعلمها الله.
رأيته وحينها ردد قلبي وعقلي وفكري اللهم اجعله من نصيبي اللهم اجعله من نصيبي
انت يا من تملك تلك البشرة السمراء التي اذابتني عشقا يا ذا اللحيه السوداء الذي علا عليها الشيب فذادها جمالا.
اخبرني أهذا حب أم عشق أم هيام؟!
بقلم: توسل محمد طه.
الثاني من رمضان:
-ثلاثيني الجميل لم أراك اليوم، ترقبت مجيئك في ذات المكان الذي تصادفنا به بالأمس، أعلم أنك تحب الرمادي ولا تسألني كيف عرفت.
صحيح أنك لم تخبرني لكني عرفت ولا أسمح لك بنكران حبك لهذا اللون’ إرتديت الرمادي من أجلك وبت انتظرك.
حين رفعت المأذن أصواتها لم اذهب لأحلل صيامي بل رفعت يدي للمولى عز وجل وبت أردد تلك الدعوه التى اصبحت معرفة لدي لساني اللهم أجعله من نصيبي اللهم أجعله من نصيبي.
أخبرني الآن هل علمت إجابه لسؤالي بالأمس؟!
^بحق شهر رمضان والتراويح بحق السنه وإتباعها بحق القرآن وتلاوته بحق حبي غير المشروط كن من نصيبي
بقلم: توسل محمد طه.
الثالث من رمضان:
عزيزي الثلاثيني أهذه لعبه أم ماذا!؟ يوما ألتقيك ويوما لا
ليس شيئا جديدا؛ فعندما ألتقيك يتوقف قلبي عن النبض تاره، وتاره أخرى تذداد ضرباته
أخبرني ماذا عن قصة الألوان هذه!! هل تعمدت اليوم أن ترتدي لونك الذي تحب الرمادي ولوني انا الأبيض؟! عجبا حبيبي فدمجك للونين اكثر من رائع وقد حان وقت دمج قلبينا معا أليس كذلك؟
أريدك أن تخبرني ما سر تصادمنا الذي قد كثر مؤخرا وفي مثل هذا الشهر الفضيل ايضا، لا!! والأجمل من ذلك حين نلتقي ترتفع أصوات المأذن معلنة عن تحليل الصيام، وقتها يردد عقلي وقلبي تلك الدعوه اللهم اجعله من نصيبي
حينها يندهون علي لأحلل صيامي وهم لايعلمون ان رؤيتك تكفيني عجبا ي ذا العينين القاتلتين م رأيك أن تفك أسري؟!
بقلم: توسل محمد طه.
غيث دموعو نزلت وحضنها عليهو شديد شديد وقال ليها كنت لابس أخضر اااي
وقعدو يضحكو
ومرت حكايه بتاعت شهر واسيل تغيظ في توسل بالغيرة وغيث يضحك وتوسل تتقرب اكتر لغيث بسبب الغيره
لحد م جا يوم راجل اسيل ضرب الباب واسيل وغيث كانو ماف فتحت الباب توسل
سلام عليكم
عليكم السلام منو انت؟
جا يوم راجل اسيل ضرب الباب واسيل وغيث كانو ماف فتحت الباب توسل
سلام عليكم منو؟
غيث موجود؟ انا مصعب صديقو
لالا والله م موجود لكن على وصول اتفضل
وقبل يكمل كلامو غيث واسيل جو .. اسيل دي قربت تجر تحضنوبس مسكت روحها
وغيث سلم عليه بالاحضان وعرف توسل عليه ودخلو البيت قاعدين مصعب وغيث يتونسو وتوسل واسيل في المطبخ واسيل دي فرحانه لمن بتغني
اسيل
عيونها
مالك قال فرحانه كدا
من الله م افرح يعني
لا افرحي بس ممكن اعرف السبب
لا
طلعتي مشوار مع غيث؟
ايواا دا الواجعكايوه يستي الليله غيث م خلا مكان في باريس م وداني ليه مشينا مراكب نهر السين
نعععم ليه تمشو انا م مشيت ليها معاهو تمشي انتي
وانا مالي ناقصه يد ولا رجل عشان م امشي انا
م بعرف وفجاءه كدا حست بدوخه لمن مسكت في الصفره
بسم الله توسل مالك؟
لالا مافي حاجه تعب بس
متاكده؟؟؟
ايوه
اكلم غيث يوديك الدكتور؟
لالا قلت ليك م يحتاج والله
انا خايفه عليك ي بت خلينا نطمئن عليك
اسيل انتي م بتكرهيني؟
واكرهك ليه؟
عشان انا ضرتك ومشاركاك راجلك
هو راجلك انتي اول
م قاعده تحسي بالغيره؟
لا
كيف دي؟
عديل كدا
طيب ليه انا بموت بالغيرة وقت اشوفك معاهو؟ بس والله ي اسيل غيرتي نضيفه عمري م فكرت اسبب ليك أذى
ي بت انتي نمله م بتقدري تأذيها انتي لسه بريئه شديد ي توسل وانا والله عمري م كرهتك من عرفتك وحسيتك اخت صغيره بالنسبه لي اما قصه الغيره ف انتي عشان بتحبي غيث شديد بتغيري عليه فهمتي
اسيل اعفي لي
عافيه ليك انتي م عملتي شي
لا عملت شكيت فيك قدام غيث ودا طعن امانه اعفي لي ي اسيل
م قلت ليك انتي قلبك ابيض ونضيف وبعدين غيوث وراني وعافيه ليك
وراااك؟ مسراع وصل ليك القواله
غرتي صح
انتي لو م بتغيري معناه م بتحبي غيث ولو م بتحبيهو اتزوجتيه ليه ممكن اعرف اقنعك كيف؟
قبل كل دا ممكن اسالك انتي ليه كنتي مصره تزوجي غيث رغم انو كان مستعد ينتظرك العمر كلو؟!
عشان بحبو
وبتحبي تزوجيه؟! ولا تحتكريه ليك براك؟!
حبيت اسعدو
بس هو سعادتو معاك
لكن م بقدر اقدم ليه ال ح تقدمي ليه انتي اسي
توسل اقول ليك شي؟
قولي
انا وغيث م متزوجين
شنووووووكيف يعني الكلام دا وقاعدين سوا كيف وحامل كيفوبتلبسي قصير وتتريحي وتجي كيف دا شنو انا م فاهمه
لحظه افهمك … اولا م قاعدين سوا انا بنوم في الغرفه الجوا وهو في الكبيره ولمن اطلع ليك هو بدخل الحمام ولمن اكون عايزه ادخل برسل ليه رساله يدخل الحمام تاني وانا طبعا م حامل سااي انا متزوجه وحامل وزوجي مصعب القاعد برا دا وكان مسافر وجايبني يقعدني معاكم ووقتها كنتي مصره علي غيث انو يتزوج ومدام كدا كدا ح اقعد معاكم اقترح الخطه دي ومصعب وافق لانو واثق في غيث وحبنا وكان عايز يقنعك بالعلاج ووقتها خطرت ليه الفكره دي بعد مصعب وافق وقال ليك م تحضري العقد عشان اصلا ماف عقد وخلاك تتابعي مع الدكتور طول الفتره الفاتت شفتي ي توسل غيث بحبك كيف حرام عليك تفرطي في حبو حافظي علي غيث ي توسل لأنك والله م ح تلقي زيو وانا لو م معرسه وبحب راجلي والله اشلبو منك
انا انا م قادره استوعبيعني كنتو بتلعبو علي الفتره دي كلها وانا الغيره كانت ح تقتلني وكل يوم انوم ببكي واصحا ابكي وابلع في المهدئات وجاتني اعصاب والدكتور مانعني من التوتر وانا كل يوم كنت بعيشو كنت بتلعبو بي مشاعري ومستصغريني للدرجه دي لدرجه افكر راجلي معرس فيني ويطلع كذب وتمثيل وانا من وراء الحاجه دي كل يوم بتمنى الموت على اني اشوف غيث مع وحده تانيه المرض والتعب ملا جسمي وانا م كنت مهتمه لانو حياتي من غير غيث ناقصه كل يوم بستفرغ وشهيتي للأكل مسدوده ولفه راس طول الوقت وكل دا من الزعل انا كنت مهمله صحتي عشان زعلانه عشان غيث عرس نعم جبرتو بس كان نفسي يرفض ويصر على رايو م كنت ضغطت عليه بس كنت ارتحت اني ريحت ضميري حرام عليكم والله حرام تلعبو بمشاعري كدا كان من اول مره شفتوني زعلانه ومصدومه تحنو علي وتوروني ليه كدا ليه تعملو فيني كدا انا ذنبي شنو لو الله كاتب لي كداذنبي شنو احبو للدرجه دي واتعذب ذنبي شنو اتحرم من أعظم احساس بالدنيا انا ذنبي شنو
اسيل كانت بتبكي معاها وم قدرت ترد عليها بس قالت ليها غيث عمل كدا عشان بحبك ي توسل م تظلميهو الحب بعمل اكتر من كدا والله غيث م شايف غيرك وبحبك وبموت فيك عشان كدا م رضا يتزوج غيرك وفضل منتظرك وعمل التمثيليه دي عشانك ي توسل غيث بحبك والله العظيم
توسل جات تقوم تمشي لغيث اول م قامت من الكرسي طوالي وقعت اغما عليها اسيل صرخت بأعلى حس عندها مصعب وغيث جو جارين اول م شاف توسل واقعه قلبو بقا يضرب شديد وجرا عليها والدمعه في طرف عينو شالها بين يديه وطلع علي الدكتور…
مصعب وغيث جو جارين اول م شاف توسل واقعه قلبو بقا يضرب شديد وجرا عليها والدمعه في طرف عينو شالها بين يديه وطلع علي الدكتور
وصلو الدكتور دخلو بيها الغرفه غيث كان عايز يدخل معاها بس الممرضه وقفتو ي استاذ معليش م بتقدر تدخل
انتظرو مسافه طويله حتى الدكتور طلع ليهم اول م الدكتور طلع غيث جرا عليه واسيل ومصعب واقفين مشو معاهو
طمني ي دكتور توسل كيفها هي بخير وليه وقعت الحاصل معاها شنو وريني الحقيقه ي دكتور توسل مالها عندها شنو ي دكتور
غيث كان بتكلم مع الدكتور بي لهفه شديده وقلبو مقبوض والدموع منتظره إذنو عشان تنزل
اطمئن ي غيثتوسل م فيها الا العافيه ان شاءالله
توسل مالها طيب وقعت
توسل حامل الف مبروك
ت ت ت توسل حاامل؟!!انت متأكد ي دكتور من كلامك دايعني هي حامل جدجد حاملويعني انا دا ح ابقا ابهي حامل يعنييعني انا اب انا اب
الف مبروك ي غيث وان شاءالله يتربي في عزك ياارب
غيث من غير مقدمات حضن الدكتوروحضن مصعب
مصعب ح ابقي اب ي مصعب ح ابقي اب انا
الفرحه كانت ظاهره في عيونو والدكتور قال ليه ادخل لتوسل مصعب واسيل لزوه اجر بشرها
غيث دخل لتوسل لقاها واقفه عايزه تطلع وماسكه بطنها
غيث تعال وخاته يدها في بطنهاغيث انا حامل حامل ي غيث
غيث ولا هظر جرا شالها وبقا يلف بيهااصلا هو طويل وكبير وهي حتته عشان كدا شيلها ساهل م تستغربووعشان كدا قلت ليكم عرسوه ثلاثيني يشيلك زي الشافعهنرجع..
غيث خلاص خلاصنزلها وحضنها عليه شديد توسل حست بدموعو في كتفها وهي زاتها بكت بعديهو( اللهم فرحه زي فرحه توسل وغيث بمولودهم)
ولا كلمه م قدرو يقولها
( وفي الحقيقه انا الماقادره اعبر واوصل ليكم فرحتهماقسم بالله حسيت كأني انا توسل مرت غيث وكانو الحاجه دي حاصله معاي بكتب ودموعي في طرف عيني لكن لو م نزلت م ح اوقف دراما)
بقو ساكتين وحاضنين بعض مسافه طويله شديد لحد م قعدو الاتنين في الأرض وغيث ختا يدو في بطن توسل وسبحان الله حسا بنبض رغم صغر الجنين بس ربنا عايز يثبت ليه فرحتو
اول م حسا بالنبض قال ليها توسل عايني ولدنا حسيت بيهوعايني بتكلم معاي قال لى باباوالله والله حسيت بيهووبقا يبكي زي الطفل الضاع من امو ولقاها بعد فقد الأمل يبكي دموع فرح
توسل ياااخ انا بحلم ولا دي حقيقيه م قادر استوعب الفرحه دي
غيث خلاص
م خلاص ولا شي من يوم الليله ماش استقيل من الشغل واحرسك بس
لا وولدك بعد يجي ياكلني اناخلي استقيل
لا ولدي باكلو الشهد
قعدو يتناقرو كدا ويتشاكلو في الاسم من اسي وانو ولد ولا بنت
ي زوله بنت وتكون بتشبهك بس
لا ولد وبشبهك انت
ي زوله مش حقي انا البختار
حقك شايلو انتحقي انا وولد يعني ولد
بنت يعني بنت ودا اخر كلام عندي وبس ولو فتحتي خشمك الكبير دا بكسرو ليك
تكسر شنو ي بيبي انا تانى ولدي سندي في ضهري
قلنا بنت
لا ولد
اسيل ومصعب اتفقعو بالضحكيخوانا البجيبو الله سمح المهم الخلقه التامه
وصلو البيت وايناس كانت منتظراهم تستقبلهم
عاشو اليوم داك بكل تفاصيلو السمحه وغيث وتوسل الفرحه دي م باقي ليها الا تقتلهم
***
كسره
توسل صبرت ونالت والحمد لله ربنا رزقا بالذريه بعد صبر وربنا أداها الراجل البجد اسمو راجل وسند ليها سندها وكان واقف معاها لحد اخر لحظه م فكر يخونها ويخون مشاعرو ليها ويتزوج لانو كان بحبها بجد وبحبها بحق وحقيقه عشان كدا حبو رجال ي جماعه حبو رجال م تحبو شفع
نصيحه ليك ي اختي م تحبي البقول ليك اتصوري ورسلي لي حبي البقول ليك صلي وادعي لي
اعرفي فرقي بين الراجل والولد
وطبعا م معنى كلامي دا الرجوله بالعمر لا الرجوله في القلب والرجولة م رفع صوت لانو لو كانت بالصوت العالي كان يكون الكلب سيد الرجال الرجوله حنيه واحترام وإلتزام الرجوله كلمه ايوه كلمه لانو الراجل بمسكو من كلمتو والراجل الصح كلمتو تكون سيف الرجوله م رفع صوت والرجولة م عمر ممكن شافع يكون ارجل من واحد بشنبو وخلاصه الكلام برضو عرسيهو ثلاثيني
***
مرت الايام وغيث زي م وعد توسل اخد إجازه لكن م استقالالتلاته شهور الاوئل مرت بخيرها وشرها نعم شرها توسل الله يطراها بالخير اتوحمت في غيثبقت تكره حاجه اسمها غيث اتخيلو بتكره حتى ريحتو بقت تشوفو عشره عشرهوتجبره يستحم تلاته مرات في اليوم عشان يدخل الغرفه وتقول ريحتو عفنه والله يعلم غيث دا انضف من ضميري وضميركمومرات تطردو برا الغرفه وعادي انصاص الليالي تقول جيعانه وعايزه بطيخه وعايزه دا وعايزه داوغيث كان مبسوط بالحاجة دي وكان مستحملها ولا يوم م مل منها او زهج بالعكس اااي شي تقولو بنفذو عادي يكون طالع من الحمام وتجي تقول ليه عيد حمامك يرجع يعيدو بصدر رحبومرات لم يقرب منها تزحو منها وتصرخ فيهو وهو م اتضايق بالعكس كان متفهمها وبعد دا كلو منفذ طلباتها وشايلها علي كفوف الراحه( عارفين غيث بعمل كدا ليه؟ عشان هو ثلاثينيارجع اقول عرسيهو ثلاثيني وما بتندميوادعو لي معاكم اعرسو ثلاثيني)
اخر شكله ليهم توسل اتوحمت في دكوه وآبري( عاد بالغتي ي توسل)
قالت ليه م بعرفك بس تجيب لي دكوه اسي وتعمل لي سلطه دكوه وملاح روب وعصيده وعصير ابري( اصلا م شبهك باريس ي البتتوحمي في العصيده والابري)
غيث قال ليها توسل دي صعبه علي اجيب ديل من وين وايناس م بتعرف تعمل عصيده وروب ولا اسيل ولا في مطاعم بتقدمها ولا في محلات في دكوه زاتو دا وحم ليك اسي كدي غمضي وفتحي وغيري وحمك جيبي الطلب البعد الدكوه والابري
غيث دايره آبري ودايره عصيده ودكوه اسيييي بس
غيث قعد على ركبو ومسك بطنها الطالعه حبيبت بابا انتي آبري عرفتي وين ودكوه ضقتيها وين وبعدين انا زاتي م عايز اخليك تاكلي عصيده تاكليها قبل تمرقيعايزه بابا يزعل منك كدي غيري طلبك حبيبي انا
غيث غيرهم م دايره وغيرهم م ح اكل وبس( تاكلي السم يااخ مالك مع غيثيتبري الناس دي م تقتلنياللهم السنه الجايه اكون مع الثلاثيني واتوحم في الدكوه وما ألقاها كمانقولو امين.. من اسي هميت لي ولاده الغربه)
غيث يحليلو طلع م خلا مكان في باريس والدول المجاوره للدكوه والابري وما لقاهم
في النهايه اشترى حاجات الملاح كلها عدا الدكوه واشترى دقيق وااي شيوبعد فقد الأمل دخل اخر محل وهو واثق انو م ح يلقاها
سلام ( طبعا اللغه فرنسيه م تنسو)
مرحبا ( طبعا ااي زول مسلم بتقول ليه سلام عليكم لكن لو ااي ديانه تانيه غير الاسلام بتقول سلام بس )
عندكم دكوه؟
نعم؟؟
دكوه د ك و ه عندكم؟ ؟( يحليلو تعبان)
معليش بس دكوه دي شنو؟
طيب عندكم زبده الفول السوداني؟
ايوه في
متاااكداخيرا ياااخ
شالها ومشا وهو فرحان بس م لقى الابريلقى زبده الفول السوداني قصدي الدكوه
إيناس واسيل قالو ليه والله ولا بنكذب ولا بنحاول نعمل ليك عصيده انت حر مع مرتك
يحليلو غيثي دخل المطبخ براهو سخن المويه وعجن العجين وعمل احلا عصيده في التاريخ الفرنسيودخل اليوتيوب جاب طريقه صنع ملاح الروب السودانيم استفاد منهم شي في النهايه ضرب لي اموبقت تضحك فيهو وتقول ليه اعمل كدا واعمل كدا واعمل كدا لحد م خلص منو وظبط ليك احلا شطه في التاريخ الفرنسي والسوداني والعالم العربي زاتووعمل عصير منقه ووداهو ليها ( م قلت ليكم غيث غيث الهنا والمنا ياهو ود السرور زاتو)
مشا وداهو ليها الأخت اكلت لقمتين بس( طبعا م قدرت اكتب ليكم غضمتين كلكم بتعرفو اللقمه يلا)
اكلي
شبعت
بس م اكلتي
نفسي طلعت( تطلع روحك جدجد المره دي بعد تعبو دا)
لا يعني كدا خلاص
ايوه مالك
بعد تعبي وم خليت سوبر ماركت لافي وجيت طبختو تشيلى بطرف اصبعك؟؟
اااي مالك مستغرب وينو الابري
ابري في عينك ماف ابري قايلانا في السودان ااي محل تلقي فيهو ابري كلبه عفنه اشربي المنقه دي سريع ولو مرا م تكمليها
توسل ولا كلمه م قالتها سكتت تتتتممم وشربت العصير كلو( اصلا توسل م بتجي الا بالعين الحمراء)
المهم جو مصعب واسيل وفرانسس وايناس ضربو صحن العصيده كلو
ومرت الشهور وتوسل دخلت الشهر الثامن والمفاجاه حامل بتؤاموخلاص جهزوا شنطهم نازلين السودان عايزه تولد هناك( وحات النبي انا م اجي اولد هنا بعد اسافر)
ودعت اسيل ومصعب وايناس وفرانسس بالدموعوركبوا الطياره توسل وغيث ومتوجهين على مطار للخرطوم تراب الوطن( رغم كل شي ريحه بلدك وترابها بعد الغربه سمح ان شاءالله اضوق الشوق لتراب الوطن)
الطياره نزلت في المطار وتوسل نزلت هي وغيث وماسكين بيدين بعض اول م دخلو شالو نفس عميق كدا وقالو ريحه بلدنا
الطياره نزلت في المطار وتوسل نزلت هي وغيث وماسكين بيدين بعض اول م دخلو شالو نفس عميق كدا وقالو ريحه بلدنا
اشتقتي ليها؟
شديددد
حقيقي مهما كنت مبسوط ومبسوط لم تجي بلدك وارضك بتحس بي دفئ كدا حاله كدا غريبه عجيبه
ارح ارح
طلعو ولقو كل الاهل بانتظارهم ومشو علي بيت ناس توسل وح يعملو الكرامه هناك ( من عادتنا السودانيه انو البجي من برا بعملو ليه كرامه) محمد طه ابو توسل حلف اهل غيث م يجيبو حاجه وكل الخرفان تكون عليهو هو اصلا طبعو الكرم وبحب الكرامات( طبعا دا ابوي بالضبط كدا بحب يعمل كرامه دائما ومعروف بالكرم والحاجه الحلوه لمن يتذكرو بقولو كان كريم الله يرحموادعوه ليه معاكم بالرحمه والمغفره والجنه**ودعوه خاصه كم شخص طلبوها مني ادعو معاكم كل المتحابين ربنا يجمعهم بالحلال والعيد يبقا ليهم عيدين** وانا م تنسو تدعو لي اعرس الثلاثيني)
عملو الكرامه وكانت حاجه كدا وااو بس لمه اهل ونسه وضحك توسل قامت تشرب مويه من جوا لحقتها عسجد اخت غيث …. توسل
ي هلا
عايزاك في موضوع
اتفضلي طوالي
اعفي لي ي توسل عشان انا الدخلت هيفاء في حياتك وحكت ليها القصه كلها من البدايه وتوسل سامحتها اكيد (طبعا دي اخت غيث الكانت بتساعد هيفاء تتذكروها)
مرت الايام وكل الناس مشغوله بي تجهيزات الولاده لحد م يوم توسل بتتكلم مع غيث بالتلفون طبعا هي في بيتهم وهو في بيتهمكانو بضحكو وبهظرو لحد م قالت ليه غيث انا ح اولد
ااي عارفك
غيث م قاعده اهظر ح اولد اسي
اسي اسي ولدوت طيب
اااااااااااااي اااااااااه يمااااا الحقيني( دا وجع الولاده مالكم)
توسل يعني انتى جادهيعني خلاص أولادي ح ينورو الدنيا يعني خلاص ح اشيلهم
غيث يشيلك السيل انا ح اموت ي زفت وانت في اولادكااااي يما واااااااي وااااااي وااااي( والله بصراحه م قادره اوصل ليكم صرخات الولاده ووجعها عشان كدا اتخيلوها براكم) غيث يدااب استوعب انو توسل بتولد جدجدوقام جاري عليها اتصل عليهو ابوها قال ليه م تجي البيت تعال مستشفى *…..* غيث غير إتجاهو ومشا عليهم ولا انتظر زول من ناس بيتهم ديلك لحقو طوالي دخلو توسل العمليات وقالت الا غيث يدخل معاهاحلات م تفك يدو بعد اصرار ومحاولات الدكتور سمح لغيث يدخل في البدايه معاها ولم البنج يمشي فيها يطلعو برا غيث بقا ماسك يد توسل وشغال ليها اتنفسي اتنفسي والدموع في عيونو والضحكه في خشمو دا شعور شنو الملخبط دا بس شعور سمحتوسل وقت الوجع يزيد عليها بتعضيهو وتصرخ وهو يصرخوقت تقول وااااي هو بقول معاها اااايوالممرضات م قدرو يركزو زاتو من الضحكتانى شغال ليها اعمل ليك تنفس اصطناعي
غيث انا م بغرق فاهم وطاخ ادتو ضربه وصرخت غيثنا طوالي صرخ معاها
انت بتصرخ لشنو
انا م داير اخليك تتوجعي براك فهمتي
يعني لمن تصرخ بتتوجع غيث اسكت وتاني جاتها وجعه مسكت يدو عضتهاهنا اتوجع جدجد
المهم لحد م بقت جاهزه خلاص بس غيث دا اتكفت واتخربش واتعضعض واتشلت زاتوطبعا كان ادا ممرضه كاميرا قال ليها تصورهم من دخلو والممرضه صورت الدراما دي كلهاوالدكاتره اتفقعو بالضحك معاهم بعد العمليه بدت الدكاتره طلعو غيث برا وهنا بدأ التوتر غيث كان يمشي ويجي واصلو م فاهم شي م قادر يبكي وماقادر يسكت لانو اصلا توسل رحمها ضعيف وكان خايف عليها انها تحصل ليها حاجه او واحد من اولادو يتأذو مرت الساعات وغيث في توتر عجيب لحد م اللمبه الحمراء ولعت معلنه انتهاء العمليه الدكتور طلع وكلهم جرو عليه بي لهفه وغيث دا قلبو كان قابضو
اها ي دكتور طمن قلبي
الف مبروك عليك جابت ليك بت وولد
البنات ديل بقو يزغردتو في المستشفى
دكتور سؤال ضروري ممكن؟
اتفضل ي غيث
اول طلعتو الولد ولا البت عشان نحن متشارطين
الدكتور قعد يضحك وناس البيت ديل اتفقعو بالضحكالدكتور قال ليه طلعت البت اول وبعدها بدقيقتين طلع الولدغيث دا طاااار فووق وجا م بتقولو ثلاثيني قال ليهم ييسسس ربحت انا وح اسمي الاولاد انا
ي دكتور بقدر ادخل ليها؟
ايوه طوالى بس ننقلها غرفتها
نقلوها وغيث دخل عليها واول م دخل وشاف اولادو دموعو جرت وتوسل وقت شافت دموعو هي زاتها بكت( اللهم ارزقنا هذه الفرحه) جا شالهم وأذن ليهم في اضانهم وقال للبت في اضانها “شذى” وقال للولد “فهد”
ح نسميهم شذى وفهد
لا ح نسميهم زين وزينه
ي استاذه انا الربحت والبت اكبر من الولد بدقيقتين وتتذكري انا قلت ح تجي بت وانتى قلتي ولد واهو انا ربحتانتي سمي الجاي
توسل صرت وشها وقعدتومرت تلاته يوم في المستشفى غيث دا فاقع مراره الدكاتره بالضحكيوم جو عشان يطلعوها الممرضه كانت معاها بتساعدها تغير ملابسها وقالت ليها
انتي محظوظه شديد ي توسل انو عندك زوج زي غيث ان شاءالله ربنا يحفظكم من العين يااارب
اللهم آمين يارب تسلمي
غيث جا ساق توسل وطالع وشايل اولادو الاتنين الفرحان
الدكتور قال ليهم تانى م تجوني الا بعد خمسه سنه عشان ي توسل اولا رحمك ضعيف وثانيا عذبتوني بالضحك وعذبتي غيث دا بالضرب والعضوغيث قلب المستشفى مهرجان بسالمهم ضحكو معاه وعمل ليهم فحوصات وعملو إجراءات الخروج وخلاص طلعو
اول م وصلو توسل لقت اسيل ومصعب وفرانسس وايناس في بيتهم من الفرحه قربت تفتح العمليه بس الله شافهاعملو السمايه وكانت افخم واحلا سمايه اتعملت بعد السمايه بأسبوع ناس إيناس واسيل ورجالهم سافرو رجعو باريس
توسل مبسوطه شديد مع أهلها ومتعذبه مع الشفع وغيث
غيث م كان عندو حاجه لي زول الغرفه تكون مليانه ضيوف يجي داخل يبوس توسل في راسها ويقعد يشيل اولادو ويلعب بي رجولهم الصغيره وشي صور وعوارهالناس بتخجل بتطلع تخلي ليهم الغرفه اول م طلعو غيث باس توسل على خدها وقال ليها “يخليك لي ي فرحه عمري وعشق قلبي واجمل م رأت عيناي يحفظك الخالق ي الغاليه ام الغالين وباسها على راسها” توسل ولا هظرت رجعت ليه البوسه على راسو وقالت ليه” تمنيته ثلاثيني ووجدتك” (عقبال توسل الحقيقي توجدو برضو)
فجاءه الشفع بقو يضحكو وغيث وتوسل ضحكو معاهم من غير مقدمات
مرت الايام بخيرها وفرحها وتوسل تمت الخمسه شهور وراجعين فرنسا خلاص هي واولادها يوم واقفه في المطبخ فجاه وقعت غيث شالها وجرا بيها على الدكتور وكان خايف تكون حصلت ليها حاجه بسبب الولاده وكدا
وصلو الدكتور وعملو التحاليل وكل شي ومشو للدكتور عشان يشوفو النتيجه
الدكتور لمن شاف اسمها قال ليها توسل مرت الثلاثيني ام التيمانوغيث المجنون
سلمو عليه لانو دا الدكتور العمل ليهم عمليه الولاده
اها ي دكتور مالها توسل
انا ي توسل مش قلت ليك م تجيني الا بعد خمسه سنه تقومي تجيني بعد خمسه شهورتوسل حامل ي ابو شذى وفهد
حاااامل
ولا كذب شالها لفا بيها والدكتور دا يضحك بس وقال ليهم ربنا يحفظكم لبعض ان شاءالله
تسلم ي دكتور
غيث من اسي دا زين
لا م زين ديل زين وزينه
لالا م دايره تيمان م بقدر انا تعبت من اسي
غيث يضحك وقال ليها وين بعد دا سيك سيك معلق فيك
الدكتور قال ليها م اظن تيمان اطمنيح تجيبي زين واحد بس
المهم اتونسو مع الدكتور ورجعو البيت كلمو الاهل وقعدو يضحكو عليهم وتوسل تبكي تربي تلاته سوا كيفغيث شغال ليها انا معاك م تخافي امها قالت ليه غيث خلي توسل تقعد لمن تلد وسافرو
اميييييييين ابيييت عدييل كدا المره دي تلد في بيتها بنجيبك انتى وامي م بنجيكم تاني أبينا بالواضح كدا مرتي دايرين تقلعوها مني
الناس دي سكتتت وفجاءه كدا ضحكت بصوت عالي سواغيث حكا راسو وتانى ضحك معاهم
مرت الايام وجا يوم السفر ودعو أهلهم بالدموع والأحزان وركبو طيارتهم ووصلو على باريس وح يستقرو هناك دخلو شقتهم وكانو عايشين سعداء شديد لحد م يوم رن جرس الباب توسل فتحت لقتها هيفاء
هيفاءانتي هنا كيف
توسل ممكن اتكلم معاك شويه بس
لا ماف بينا كلام ومشكوره على جيتك وكانت عايزه تقفل الباب بس هيفاء فتحتو وبكت ليها وتوسل اضطرت انها تسمعها قالت ليها جبت لي محامي واتعرفت عليه وهو قال بطلعني بكفاله وكدا وبعد تعب قدر ينجح واتعرفت على المحامي دا وحبينا بعض واسي ح نتزوج بس قبل ابدا حياتي الجديدة عايزاك تعفي لى ي توسل م بقدر انا الوقت كلو شايله ذنبك خليتك تبكي وتتوجعي وحاولت أذيك توسل اعفي لي وبقت تبكي وتوسل زي م عارفين قلبها ابيض وسامحتها على طول وهيفاء عزمتهم عرسها بس اكيد م مشو
مرت الايام بخيرها وشرها وحلوها ومرها
فهد ي فهد
اااي ماما
زين اخوك وين؟
ما االفو ماما ( ما عارفو ماما)
طيب اختك
تمان ما الفها ماما( كمان م عارفها ماما)
وابوك خلاص؟
بلدو م اافو ماما( برضو م عارفو ماما)
طيب عارف شنو انت ااي شي م عارفو
االف ماما
انت ليه ي ولد م بتتكلم الا تقول ماما ماما في نهايه ااي كلام ليه؟
اتان بهب ماما زي بابا بهبا( عشان بحب ماما زي م بابا بحبها)
القال ليك منو بابا بحب ماما
إلفت بلاي( عرفت براي)
وعرفت كيف؟
اتان بتلم أليت تل يوم تبل م يطلع وبتول ليك بهبك دائما واتان بتول لي هب ماما زي م انا بهبها( عشان بسلم عليك كل يوم قبل م يكلع وبقول ليك بحبك دائما وعشان بقول لي حب ماما زي م انا بحبها)
توسل ضحكت وشالتو وطلعت برا لقت غيث وزين العمرو سنتين ونص يلعب بالطيب وشذي تسقي في الورود مع ابوها عاينت ليهم بابتسامه ودخلت جوا جابت الشاي والكيك والحلويات العملتها للشفع وجات قعدت تعاين ليهم وهي مبسوطه شديد وبتحمد ربنا على وجود غيث في حياتي وشالت دفترها كانت كاتبه تمنيته ثلاثيني كتبت تحتها عشقته ثلاثيني
غيث جا عليها من ورا وقعد جنبها وبقو يتكلمو وعاينو لاطفالهم وهم مبسوطين شديد
غيث
عيون غيث
احببتك قبل ان اراك وعشقتك عندما رايتك
وانا من النظره الاولى وقعت بشباك حبك وبحر عشقك
توسل
عيونها
تحبينني مثلما أحبك؟
وأكثر مما تحبني كنت لي ثلاثيني امنياتي وبطل قصتي وفارس احلامي عشقتك وانت ثلاثيني وتمنيتك ثلاثيني فرزقني الله حبك
اتمنى ان تكوني من نصيبي في الدار الأخرى ومسك راسها وباسها علي جبينها
*النهــــــــــــــــــــــــاية*
كسره**
توسل وغيث كانو ابطال قصتنا عشنا معاهم فرحنا بفرحهم وحزنا بحزنهم اتمني البعض منكم يكونو ركزو علي تفاصيل الروايه واتمنى تكون نالت إعجابكم
توسل اتمنت الثلاثيني وصبرت ودعت وكل دعواتها كانت ليه وربنا بحب العبد اللحوح فاستجاب لها
عانت في حياتها وواجهتها اكبر مشكله ممكن تواجه المره وهس عدم الإنجاب اقسي شعور في الدنيا ومجتمعنا للأسف بعير المرا بالحاجه دي ويطلق عليها اسم”عاقر” ياااخي م كفايه الوجع الفيها لم دوما تذكرها بوجعها بدل م تطبطب عليها بتعيرها بالحاجه الكتبها ليها الله؟ هي لو كان في يدها كان بقت احسن زول م كان اختارت كدا بس دا قدر ربنا اختار ليها كدا وانتو م بتقدرو تغيروه عشان كدا غيرو نظرتكم للمرا المابتقدر تنجب وعوضها ظلم الدنيا لينا وابقو ليها انتو اولاد
الصبر*
توسل في الأول جزعت واستسلمت بس في النهايه صبرت ونالت
الاختيار الصح*
اختاري صح ي اختى ي اختاري صح عشره مرات
نرجع للمجتمع تاني… في مجتمعنا المرا المابتلد غير انو بعيروها بالحاجه دي زوجها بعرس فيها بحجه انو عايز ولد وهو م ننكر من حقو يعمل كدا بس م من حقو يذلها ويهنها ولو ربنا كتب للوحده زوج زي غيث وما اتزوج السنه الناس م بتريح عشان كدا ي جماعه كل زول يكون مسؤول عن نفسو وحاولو م تدخلو في شؤون الآخرين
الزوج الزي غيث رزق وكل بنت بتتمنى نوعيه غيث يكون هو شريك حياتها وبتدعي كدا والناس البتقول بالغت والكلام دا انا ابدا م بالغت لانو لسه الدنيا بي خيرها ونوعية غيث موجوده وربنا يرزقني وإياكم الزوج الصالح والذرية الصالحه
وكمان قصه انهم اكلو في رمضان فى واحد من الأجزاء الاولى الغلط وارد يجماعه كنت جيعانه وانا بكتب م تركزو شديد
ونصيحه لكل بنت عرسي البحبك ما البتحبيهو وم تتزلى لولد طول عمرك لانو حتى لو بقا ليك ح يجي يوم ويذكرك بزله نفسك ليه ي بنات انتو تستاهلو البحبك والبقدرك ليه تنزلي لولد ليه؟
وارجع اقول خلو حبكم ربنا يكون شاهد عليه حب نضيف وطاهر وادعو الله يكون من نصيبكم البتحبوهم وحبي راااااااااجل لانو الراجل عمرو م بخون ولا بلعب بعرض الناس بجيك عديل وبجي لي ابوك عشان كدا حبو رجال
واخر شي الثقه في ربنا*
لازم كل واحد فينا يكون واثق من ربنا وواثق انو ربنا ح يديهو ويجازي صبرو ويحقق احلامو كونو واثقين انو ربنا ح يستجيب ليكم
زي م انا اسي واثقه اني ح اتزوج الثلاثيني البحلم بيه والكان سبب وإلهام في اني اكتب الروايه دي اللهم ثلاثيني يحن علي قلبي ويخاف الله فيني اللهم ثلاثيني ملتزما
خلوقا لا يخالط ولا يخون يأخذ بيدي للجنة ويكون لي في عطفه والدا وأينما حلت به المشاعر يقول قد رزقت حبها واقول انا تمنيته ثلاثيني ووجدته
#كل الحب لكل الناس الدعمتني ووقفت جنبي في اني اكمل الروايه دي وكل الحب لكل المتابعين ونتلاقى في روايه أخرى ان شاءالله بعد العيد
تفضلو الروايه الجايه تكون شنو؟
رومنسيه- اكشن- كوميديا- حزينه.
ارجو الاجابه ورايكم في الروايه والنهايه يهمني
ابقو عافيه
*النهــــــــــــــــــــــــاية*
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*